નાગાનન્દ · અધ્યાય 2

ઇતિ પ્રથમો ઽઙ્કઃ ।
દ્વિતીયો ઽઙ્કઃ
કુણસિ ઘણચન્દણલદાપલ્લવસંસગ્ગસીઅલં પિ ઇમં ।
ણીસાસેહિં તુમં એવ્વ કઅલીદલમારુઅં ઉણ્હં

વ્યાવૃત્યૈવ સિતાસિતેક્ષણરુચા તાનાઅશ્રમે શાખિનઃ
કુર્વત્યા વિટપાવસક્તવિલસત્કૃષ્ણાજિનૌધાનિવ ।
યદ્ દૃષ્ટોસ્મિ તયા મુનેરપિ પુરસ્તેનૈવ મય્યાહતે
પુષ્પેષો ! ભવતા મુધૈવ કિમિતિ ક્ષિપ્યન્ત એતે શરાઃ?

નીતાઃ કિં ન નિશાઃ શશાઙ્કધવલા નાઘ્રાતમિન્દીવરં?
કિં નોન્મીલિતમાલતીસુરભયઃ સોઢાઃ પ્રદોષાનિલાઃ?
ઝઙ્કારઃ કમલાકરે મધુલિહાં કિં વા મયા ન શ્રુતો?
નિર્વ્યાજં વિધુરેષ્વધીર ઇતિ માં યેનાભિધત્તે ભવાન્?

સ્ત્રીહૃદયેન ન સોઢાઃ ક્ષિપ્તાઃ કુસુમેષવો ઽપ્યનઙ્ગેન ।
યેનાદ્યૈવ પુરસ્તવ વદામિ ધીર ઇતિ સ કથમહમ્?

ચન્દનલતાગૃહમિદં સચન્દ્રમણિશિલમપિ પ્રિયં ન મમ ।
ચન્દ્રાનનયા રહિતં ચન્દ્રિકયા મુખમિવ નિશાયાઃ

શશિમણિશિલા સેયં યસ્યાં વિપાણ્ડુરમાનનં
કરકિસલયે કૃત્વા વામે ઘનશ્વસિતોદ્ગમા ।
ચિરયતિ મયિ વ્યક્તાકૂતા મનાક્ સ્ફુરિતૈર્ભ્રુવો-
ર્વિરમિતમનોમન્યુર્દૃષ્ટા મયા રુદતી પ્રિયા

નિષ્યન્દત ઇવાનેન મુખચન્દ્રોદયેન તે ।
એતદ્ વાષ્પામ્બુના સિક્તં ચન્દ્રકાન્તશિલાતલમ્

અક્લિષ્ટબિમ્બશોભાધરસ્ય નયનોત્સવસ્ય શશિન ઇવ ।
દયિતામુખસ્ય સુખયતિ રેખાપિ પ્રથમદૃષ્ટયેમ્

પ્રિયા સન્નિહિતૈવેયં સઙ્કલ્પસ્થાપિતા પુરઃ ।
દૃષ્ટ્વા દૃષ્ટ્વા લિખામ્યેનાં યદિ તત્ કો ઽત્ર વિસ્મયઃ !

યદ્ધિદ્યાધરરાજવંશતિલકઃ પ્રાજ્ઞઃ સતાં સમ્ભતો
રૂપેણાપ્રતિમઃ પરાક્રમધનો વિદ્ધાન્ વિનીતો યુવ ।
યચ્ચસૂનપિ સન્ત્યજેત્ કરુણયા સત્ત્વાર્થમભ્યુદ્યત-
સ્તેનાસ્મૈ દદતઃ સ્વસારમતુલાં તુષ્ટિર્વિષાદશ્ચ મે

ન ખલુ ન ખલુ મુગ્ધે ! સાહસં કાર્યમીદૃક્
વ્યપનય કરમેતં પલ્લવાભં લતાયાઃ ।
કુસુમમપિ વિચેતું યો ન મન્યે સમર્થઃ
કલયતિ સ કથં તે પાશમુદ્બન્ધનાય?

કણ્ઠે હારલતાયોગ્યે યેન પાશસ્ત્વયાર્પિતઃ ।
ગૃહીતઃ સાપરાધો ઽયં કથં તે મુચ્યતે કરઃ?

વૃષ્ટયા પિષ્ટાતકસ્ય દ્યુતિમિહ મલયે મેયુતુલ્યાં દધાનઃ
સદ્યઃ સિન્દૂરદૂરીકૃતદિવસસમારમ્ભસન્ધ્યાતપશ્રીઃ ।
ઉદૂગિતૈરઙ્ગનાનાં ચલચરણરણન્નૂપુરહ્રાદહૃદ્યૈ-
રૂદ્વાહસ્નાનવેલાં કથયતિ ભવતઃ સિદ્ધયે સિદ્ધલોકઃ

અન્યોન્યદર્શનકૃતઃ સમાનરૂપાનુરાગકુલવયસામ્ ।
કેષાઞ્ચિદેવ મન્યે સમાગમો ભવતિ પુણ્યવતામ્