મૂલમધ્યમકકારિકા · અધ્યાય 19

પ્રત્યુત્પન્નો ઽનાગતશ્ ચ યદ્ય્ અતીતમ્ અપેક્ષ્ય હિ ।
પ્રત્યુત્પન્નો ઽનાગતશ્ ચ કાલે ઽતીતે ભવિષ્યતઃ

પ્રત્યુત્પન્નો ઽનાગતશ્ ચ ન સ્તસ્ તત્ર પુનર્ યદિ ।
પ્રત્યુત્પન્નો ઽનાગતશ્ ચ સ્યાતાં કથમ્ અપેક્ષ્ય તમ્

અનપેક્ષ્ય પુનઃ સિદ્ધિર્ નાતીતં વિદ્યતે તયોઃ ।
પ્રત્યુત્પન્નો ઽનાગતશ્ ચ તસ્માત્ કાલો ન વિદ્યતે

એતેનૈવાવશિષ્ટૌ દ્વૌ ક્રમેણ પરિવર્તકૌ ।
ઉત્તમાધમમધ્યાદીન્ એકત્વાદીંશ્ ચ લક્ષયેત્

નાસ્થિતો ગૃહ્યતે કાલઃ સ્થિતઃ કાલો ન વિદ્યતે ।
યો ગૃહ્યેતાગૃહીતશ્ ચ કાલઃ પ્રજ્ઞપ્યતે કથમ્

ભાવં પ્રતીત્ય કાલશ્ ચેત્ કાલો ભાવાદ્ ઋતે કુતઃ ।
ન ચ કશ્ ચન ભાવો ઽસ્તિ કુતઃ કાલો ભવિષ્યતિ