મૂલમધ્યમકકારિકા · અધ્યાય 14

દ્રષ્ટવ્યં દર્શનં દ્રષ્ટા ત્રીણ્ય્ એતાનિ દ્વિશો દ્વિશઃ ।
સર્વશશ્ ચ ન સંસર્ગમ્ અન્યોન્યેન વ્રજન્ત્ય્ ઉત

એવં રાગશ્ ચ રક્તશ્ ચ રઞ્જનીયં ચ દૃશ્યતામ્ ।
ત્રૈધેન શેષાઃ ક્લેશાશ્ ચ શેષાણ્ય્ આયતનાનિ ચ

અન્યેનાન્યસ્ય સંસર્ગસ્ તચ્ ચાન્યત્વં ન વિદ્યતે ।
દ્રષ્ટવ્યપ્રભૃતીનાં યન્ ન સંસર્ગં વ્રજન્ત્ય્ અતઃ

ન ચ કેવલમ્ અન્યત્વં દ્રષ્ટવ્યાદેર્ ન વિદ્યતે ।
કસ્યચિત્ કેનચિત્ સાર્ધં નાન્યત્વમ્ ઉપપદ્યતે

અન્યદ્ અન્યત્ પ્રતીત્યાન્યન્ નાન્યદ્ અન્યદ્ ઋતે ઽન્યતઃ ।
યત્ પ્રતીત્ય ચ યત્ તસ્માત્ તદ્ અન્યન્ નોપપદ્યતે

યદ્ય્ અન્યદ્ અન્યદ્ અન્યસ્માદ્ અન્યસ્માદ્ અપ્ય્ ઋતે ભવેત્ ।
તદ્ અન્યદ્ અન્યદ્ અન્યસ્માદ્ ઋતે નાસ્તિ ચ નાસ્ત્ય્ અતઃ

નાન્યસ્મિન્ વિદ્યતે ઽન્યત્વમ્ અનન્યસ્મિન્ ન વિદ્યતે ।
અવિદ્યમાને ચાન્યત્વે નાસ્ત્ય્ અન્યદ્ વા તદ્ એવ વા

ન તેન તસ્ય સંસર્ગો નાન્યેનાન્યસ્ય યુજ્યતે ।
સંસૃજ્યમાનં સંસૃષ્ટં સંસ્રષ્ટા ચ ન વિદ્યતે