મોક્ષોપાય · અધ્યાય 6.245

ભૂપીઠેન સતા તત્ર મયા તદનુ માનદ ।
અનુભૂતં નદનદીનાદિનેદં દિને દિને ॥

ક્વચિન્ મરણસાક્રન્દનારીકરુણવેદનમ્ ।
ક્વચિદ્ ઉત્તાણ્ડવસ્ત્રૈણમહોત્સવમહાસુખમ્ ॥

ક્વચિદ્ દુર્વારદુર્ભિક્ષદુરાક્રન્દદુરીહિતમ્ ।
ક્વચિત્ સકલસસ્યૌઘસમ્પન્નઘનસૌહૃદમ્ ॥

ક્વચિદ્ અગ્નિમહાદાહદગ્ધદેશોગ્રરોદનમ્ ।
ક્વચિજ્ જલપ્લવાલૂનપુરપત્તનખણ્ડકમ્ ॥

ક્વચિચ્ ચપલસામન્તકૃતલુણ્ઠનમણ્ડલમ્ ।
ક્વચિદ્ ઉદ્દામદૌરાત્મ્યરક્ષḫપૈશાચમણ્ડલમ્ ॥

ક્વચિજ્ જલાશયોલ્લાસવેલ્લનોત્પુલકાઙ્ગકમ્ ।
કન્દરોદરનિષ્ક્રાન્તવાતવેલ્લિતવારિદમ્ ॥

સંવિદ્બોધોન્નમત્સ્વાઙ્ગકોશોત્થાઙ્કુરલોમકમ્ ।
વારિવારણવિક્ષોભનતોન્નતલસત્તલમ્ ॥

સશૃઙ્ગભૈરવશ્વભ્રપુરાદ્રિવનઝમ્પનમ્ ।
સન્ધિમણ્ડલસઞ્ચાલલેખાઙ્કમૃદુકમ્પનમ્ ॥

ક્વચિત્ સામન્તસઙ્ક્ષુબ્ધસૈન્યસંહરણં રણે ।
ક્વચિત્ સોમ્યસુખાસીનસર્વસામન્તમણ્ડલમ્ ॥

અરણ્યં ક્વચિદ્ આશૂન્યમ્ ઉલ્લસદ્વાતભાઙ્કૃતિ ।
જઙ્ગલં ક્વચિદ્ આલૂનવ્યુપ્તસમ્પન્નસસ્યકમ્ ॥

હંસકારણ્ડવાકીર્ણસરḫ ફુલ્લામ્બુજં ક્વચિત્ ।
ક્વચિન્ મરુસ્થલં સ્થૂલસ્તમ્ભાભાર્જુનમારુતમ્ ॥

ક્વચિદ્ ધ્રદનદીવાહહેલાનિકષઘર્ઘરમ્ ।
ક્વચિદ્ અઙ્કુરકાર્યઙ્ગસિક્તબીજાસ્યજૃમ્ભણમ્ ॥

ક્વચિદ્ અન્તસ્સ્થકીટાસ્યમૃદુસ્પન્દનવેદનમ્ ।
માં ત્વમ્ એવાશુ બુદ્ધ્વેહ ત્રાયસ્વેતીવ બોધનમ્ ॥

શાખાપરિકરાભોગમૃદ્ભાગાઙ્ગનિપીડનૈઃ ।
મૂલજાલમ્ અવષ્ટભ્ય ક્વચિદ્ વિટપિધારણમ્ ॥

અન્યોઽન્યમ્ અલમ્ આક્રમ્ય દિક્તટાઙ્ગનિપીડનૈઃ ।
ક્વચિદ્ અદ્ર્યસ્થિનિબિડૈર્ અર્ણવોલ્લાસવેલ્લિતમ્ ॥

શુષ્કપલ્લવસઙ્કોચનિબિડાઙ્ગનિપીડનમ્ ।
અમર્ષણૈẖ કરૈર્ આર્કૈસ્ સ્વરસાકર્ષણં ક્વચિત્ ॥

શૃઙ્ગમન્દિરમાતઙ્ગપ્રહારાશનિભૂરુહામ્ ।
નિબિડાઙ્ગોત્કટસ્થૈર્યપરુષં પતનં ક્વચિત્ ॥

નિમીલિતેક્ષણામન્દતનૂન્નામસમક્રમમ્ ।
ક્વચિત્ સૂક્ષ્મરસોલ્લેખમ્ અઙ્કુરોલ્લસનં નવમ્ ॥

મક્ષિકાયૌકમષકનિકાષસદૃશં ક્વચિત્ ।
કુદ્દાલશઙ્કુતુઙ્ગારિહલહેલાનિકર્ષણમ્ ॥

શીતં શીતવિશીર્ણાઙ્ગજર્જરત્વગ્વિકીર્ણમૃત્ ।
પાષાણીભૂતસલિલં ક્વચિત્ પરુષમારુતમ્ ॥

ઉદ્ગાલીભૂતમૃદ્વઙ્ગમજ્જદન્તẖક્રિમિવ્રજમ્ ।
ક્વચિદ્ ઉદ્ભવદબ્જાદિમૂલં જલનિમજ્જનમ્ ॥

શનૈર્ અન્તર્નિલીનામ્બુકૃતાહ્લાદં બહિẖખરમ્ ।
સોન્નામાઙ્કુરરોમૌઘં ક્વચિદ્ ધર્ષવિજૃમ્ભિતમ્ ॥

તનુતરપવનવિકમ્પિતકોમલનલિનીદલાસ્તરણૈઃ ।
વિરહિણ ઇવ મે વિહિતં સરોભિર્ અઙ્ગેષુ નિર્વાણમ્ ॥