મોક્ષોપાય · અધ્યાય 6.235

વાતવર્ષહિમોત્પાતઘાતભગ્ને ધરાતલે ।
જલવેગો ઽગમદ્ વૃદ્ધિં કલાવ્ ઇવ મહીપતિઃ ॥

ગઙ્ગાપ્રવાહપ્રતિમધારાપાતવિવર્ધિતૈઃ ।
સરિત્સહસ્રૈસ્ સહસા મેરુમન્દરસુન્દરૈઃ ॥

આદિત્યપથસમ્પ્રાપ્તકન્દરો જડમન્થરઃ ।
એકાર્ણવસ્ સમુચ્છૂન આસીન્ મૂર્ખ ઇવેશ્વરઃ ॥

વિપુલાવર્તવૃત્ત્યાન્તર્ વિવૃતાદ્રિતરત્તૃણઃ ।
સ્ફુરત્તુઙ્ગતરઙ્ગાગ્રનિગીર્ણાદિત્યમણ્ડલઃ ॥

મેરુમન્દરકૈલાસવિન્ધ્યસહ્યજલેચરઃ ।
ચલિતાવનિપઙ્કાન્તર્લીનવ્યાલમૃણાલકઃ ॥

અર્ધદગ્ધદ્રુમવનવ્યૂહાવલનસઙ્કટઃ ।
ત્રૈલોક્યભસ્મસમ્મૃષ્ટિમષીકર્દમકુત્સિતઃ ॥

નભસ્સ્તમ્ભબૃહદ્ધારાનાલભાસ્કરપુષ્કરઃ ।
ધારાજલમહામ્ભોદવિલીનનલિનીદલઃ ॥

દિણ્ડીરપર્વતપ્રાન્તપ્રાપ્તવૃત્તાન્તવારિદઃ ।
ભ્રમદિન્દ્રાનલાર્કેન્દુપુરપત્તનપૂરનૌઃ ॥

કાષ્ઠવત્પ્રોહ્યમાનોગ્રસુરાસુરનરોત્કરઃ ।
શનૈẖક્રમોચ્છૂનતયા લિહન્ન્ આદિત્યમણ્ડલમ્ ॥

તરત્તારતરારાવધારાસારસમુદ્ભવૈઃ ।
બુદ્બુદૈḫ પરિસન્દિગ્ધપ્રોહ્યમાનમહાચલઃ ॥

ભ્રમદ્બુદ્બુદવિશ્રાન્તભ્રાન્તકલ્પાન્તવારિદઃ ।
ઉત્તારકૈસ્ તૈર્ નયનૈḫ પશ્યન્ન્ અપરવારિદમ્ ॥

મહાપ્રલયવાર્યોઘઘોષઘુઙ્ઘુમિતાન્તરઃ ।
એકપ્રવાહાપહૃતસર્વોર્વીકુલપર્વતઃ ॥

ચણ્ડવાતકૃતાપૂર્વજલૌઘકુલપર્વતઃ ।
મહાઘુરુઘુરારાવઘર્ઘરોગ્રપયોરયઃ ॥

બ્રહ્માણ્ડકુડ્યસઙ્ઘટ્ટપરાવૃત્તિભિર્ ઉદ્ધતઃ ।
કુર્વન્ યોજનલક્ષાણિ વિનતાન્ય્ ઉન્નતાનિ ચ ॥

તૃણૈર્ ઇવ તરઙ્ગેષુ દોલાન્દોલનમ્ અદ્રિભિઃ ।
કુર્વદ્ભિર્ ઉપલાઘાતભગ્નભાસ્કરમણ્ડલઃ ॥

શૂન્યબ્રહ્માણ્ડવિપુલજલઘાતકુલાયકે ।
લીનાન્ અચલકાકોલાન્ ગૃહ્ણન્ સલિલજાલકૈઃ ॥

મૃતામૃતબૃહદ્ભૂતમજ્જનોન્મજ્જનાકુલાન્ ।
તરઙ્ગમકુરાન્ કર્ષન્ પ્રતિબિમ્બાન્વિતાન્ ઇવ ॥

મૃતશિષ્ટાન્ પુરભ્રષ્ટાન્ ફેનાદ્રિતટકોટિષુ ।
દધજ્ જલબલશ્રાન્તાંસ્ ત્રિદશાન્ મષકાન્ ઇવ ॥

વિમલાદ્યતનાકાશવિપુલાન્ અમ્બુબુદ્બુદાન્ ।
સહસ્રસઙ્ખ્યાન્ વલયંલ્ લોચનાનીવ વાસવઃ ॥

શરદ્વ્યોમસમાભોગૈર્ વલદ્ભિર્ બુદ્બુદેક્ષણૈઃ ।
પશ્યન્ન્ ઇવ નદીધારાન્ મેઘાન્ આત્મપ્રપૂરકાન્ ॥

પુષ્કરાવર્તકાભ્રાણાં બાહુભિર્ વીચિમણ્ડલૈઃ ।
કુર્વન્ન્ આલિઙ્ગનાનીવ સપક્ષાદ્રિવદ્ ઉત્થિતૈઃ ॥

ત્રિજગદ્ગ્રાસસન્તૃપ્તḫ પ્રગાયન્ન્ ઇવ ઘર્ઘરૈઃ ।
રવૈર્ નૃત્યન્ન્ ઇવોગ્રાદ્રિકટકૈર્ વીચિદોર્દ્રુમૈઃ ॥

નદીધારાધરૈર્ ઊર્ધ્વે મધ્યે દગ્ધૈર્ ધરાધરૈઃ ।
અધો ધરાધરૈર્ નાગૈર્ અધરઃ પઙ્કગૈર્ વૃતઃ ॥

ધારાત્રિપથગાપૂરૈર્ નિપતદ્ભિર્ નિરન્તરમ્ ।
મગ્નોન્મગ્નોહ્યમાનાદ્રિશૃઙ્ગદિણ્ડીરબુદ્બુદઃ ॥

ઉહ્યમાનગલત્સ્વર્ગખણ્ડક્રન્દન્નભશ્ચરઃ ।
વહદ્વિદ્યાધરીવૃન્દપદ્મિનીસુન્દરાન્તરઃ ॥

એકાર્ણવપયḫપૂરે ઘર્ઘરારાવરંહસિ ।
ત્રૈલોક્યખણ્ડસમ્ભારે પ્રોહ્યમાને મહામ્ભસિ ॥

નાસીત્ કશ્ચિત્ પરિત્રાતા દાતા વા વચસો ઽપિ ચ ।
શક્નોતિ કḫ પરિત્રાતું કાલેન કવલીકૃતમ્ ॥

નાકાશમ્ આસીન્ ન દિગન્તમ્ આસીદ્ અધો ઽપિ નાસીન્ ન તદોર્ધ્વમ્ આસીત્ ।
ભૂતં ન ચાસીન્ ન ચ સર્ગ આસીદ્ આસીત્ પરં કેવલમ્ એવ વારિ ॥