મોક્ષોપાય · અધ્યાય 6.181

મમેત્ય્ ઉક્તવતો મઙ્કિર્ વિનિપત્ય સ પાદયોઃ ।
ઉવાચાનન્દપૂર્ણાક્ષમ્ ઇદં માર્ગે વહન્ વચઃ ॥

ભગવન્ ભૂરિશો ભ્રાન્તા દિશો દશ દશાવતા ।
મયા ન તુ પુનસ્ સાધુર્ લબ્ધસ્ સંશયનાશકૃત્ ॥

સમસ્તદેહવારાણાં સારસ્યાદ્ય ફલં મયા ।
પ્રાપ્તં યદ્ અસ્મિ ત્વત્પાદપદ્મે ભ્રમરતાં ગતઃ ॥

ખિન્નો ઽસ્મિ ભગવન્ પશ્યન્ દશાસ્ સંસારદોષદાઃ ।
પુનર્ જાતં પુનર્ નષ્ટં સુખદુẖખભ્રમસ્ સદા ॥

અવશ્યમ્ભાવિપર્યન્તદુẖખત્વાત્ સકલાન્ય્ અપિ ।
સુખાન્ય્ એવાતિદુẖખાનિ વરં દુẖખાન્ય્ અતો મુને ॥

દૃઢદુẖખવદ્ અન્તત્વાદ્ દુẖખયન્તિ સુખાનિ મામ્ ।
તથા નામ યથા દુẖખમ્ એવ મે સુખતાં ગતમ્ ॥

વયો દશનલોમાઙ્ગૈસ્ સહ જર્જરતાં ગતમ્ ।
ઉચ્ચૈḫપદે પાતપરા બુદ્ધિર્ નાધ્યવસાયિની ॥

પ્રસુવાનં કુસઙ્કલ્પાન્ ગહનં ન પ્રકાશતે ।
મનḫ પિપ્પલપદ્મૂલૈર્ ઇવ કુગ્રામકોટરમ્ ॥

વાસનાગર્ધવૃદ્ધ્યૈતિ શ્વશ્ શ્વḫ પાપીયસીં સ્થિતિમ્ ।
કણ્ટકદ્રુમવલ્લીવ કરાલકુટિલા મતિઃ ॥

આયુર્ આયાસશાલિન્યા યામિન્યેવ તમોઽન્ધયા ।
અક્ષીવાનાગતાલોકં ક્ષીણં સન્તતચિન્તયા ॥

ન કઞ્ચિદ્ રસમ્ આદત્તે નષ્ટૈવાપિ ન નશ્યતિ ।
ન પુષ્પિતા ન ફલિતા તૃષ્ણા શુષ્કલતેવ નઃ ॥

કર્મ મર્મણિ નિર્મગ્નં વાસનાખ્યમ્ અશર્મણે ।
જીવિતં જન્મને જીર્ણં નૈવોત્તીર્ણો ભવાર્ણવઃ ॥

દિનાનુદિનમ્ ઉચ્છૂના ભોગાશા ભયદાયિની ।
પૂર્ણાપૂર્ણાત્મનિ ક્ષીણા શ્વભ્રકણ્ટકવૃક્ષવત્ ॥

ચિન્તાજ્વરવિકારિણ્યા લક્ષ્મ્યાẖ ખલુ મહાપદઃ ।
સમ્પન્ નામ કૃતં સાપિ વિપ્રલમ્ભેન જૃમ્ભતે ॥

અન્તસ્સ્ફુરિતરત્નેહં ભાસુરં ચાન્ધકોટરમ્ ।
કલ્લોલકલિલં શૂન્યં ચેતશ્ શુષ્કાબ્ધિદુર્ભગમ્ ॥

મામ્ ઇન્દ્રિયાર્થૈકપરં ન સ્પૃશન્તિ વિવેકિનઃ ।
સકણ્ટકમ્ અમેધ્યસ્થં શ્લેષ્માતકમ્ ઇવ દ્રુમમ્ ॥

અસદ્ એવ મહારમ્ભં વલ્ગદર્જુનવાતવત્ ।
મનો રમણમ્ અપ્રાપ્તં શૂન્યં દુẖખાય વલ્ગતિ ॥

શાસ્ત્રસજ્જનસમ્પર્કચન્દ્રતારકધારિણી ।
અહમ્ભાવોલ્લસદ્યક્ષા ક્ષીણા નાજ્ઞાનયામિની ॥

અજ્ઞાનધ્વાન્તમત્તેભસિંહẖ કર્મતૃણાનલઃ ।
ઉદિતો ન વિવેકાર્કો વાસનારજનીક્ષયઃ ॥

અવસ્તુ વસ્તુવદ્ બુદ્ધં મત્તશ્ ચિત્તમતઙ્ગજઃ ।
ઇન્દ્રિયાણિ નિકૃન્તન્તિ ન જાને કિં ભવિષ્યતિ ॥

શાસ્ત્રદૃષ્ટિર્ અપિ પ્રાજ્ઞૈર્ આશ્રિતા તરણાય યા ।
સાપ્ય્ અદૃષ્ટિર્ ઇવાન્ધ્યાય વાસનાવેશકારિણી ॥

તદ્ એવમ્ અતિસમ્મોહે યત્ કાર્યમ્ ઇહ દારુણે ।
ઉદર્કશ્રેયસે તાત તન્ મે કથય પૃચ્છતે ॥

શામ્યન્તિ મોહમિહિકાશ્ શરદીવ સાધૌ પ્રાપ્તે ભવન્તિ વિમલાશ્ ચ તથાખિલાશાઃ ।
સત્યેતિ વાગ્ ભવતુ સાધુજનોપગીતા મદ્બોધનેન ભવતા ભવશાન્તિદેન ॥