મોક્ષોપાય · અધ્યાય 6.17

અથ રામ ભુસુણ્ડો ઽસૌ ન પ્રહૃષ્ટો ન જિહ્મધીઃ ।
સર્વાઙ્ગસુન્દરશ્ શ્યામઃ પ્રાવૃષીવ પયોધરઃ ॥

સ્નિગ્ધગમ્ભીરવચનસ્ સ્મિતપૂર્વાભિભાષણઃ ।
કરસ્થપાલીવતવત્પ્રતોલિતજગત્ત્રયઃ ॥

તૃણવદ્દૃષ્ટસકલઃ પ્રમેયીકૃતસંસૃતિઃ ।
લોકાજવઞ્જવીભાવે દૃષ્ટે જ્ઞાતપરાવરઃ ॥

ધીરસ્ સ્થિરસમાકારો વિશ્રાન્ત ઇવ મન્દરઃ ।
પરિપૂર્ણસ્ સમશ્ શુદ્ધઃ પૂર્ણાર્ણવ ઇવાહતઃ ॥

પદવિશ્રાન્તધીશ્ શાન્તઃ પરમાનન્દઘૂર્ણિતઃ ।
આવિર્ભાવતિરોભાવતજ્જ્ઞસ્ સંસારજન્મિનામ્ ॥

સરભસવચનાભિરામરૂપઃ પ્રિયમધુરોચિતચારુહૃદ્યવાક્યઃ ।
સ્વયમ્ ઇવ નવમ્ આસ્થિતશ્ શરીરં સકલભયાપહરઃ પરઃ પ્રકર્ષઃ ॥

ઇદમ્ અમલગિરાહ હાસશુદ્ધં મૃદુપદમ્ ઉજ્ઝિતસમ્ભ્રમં ક્રમેણ ।
કથયિતુમ્ અખિલં નિજં સ્વરૂપં મધુર ઇવ સ્તનિતેન મુગ્ધમેઘઃ ॥