મોક્ષોપાય · અધ્યાય 6.165

વિદ્યાધર ધરાધાર ગિરિકન્દરમન્દિર ।
દિગન્તરામ્બરાચાર ચારસઞ્ચારચઞ્ચુર ॥

ઈદૃશો યો જગદ્વૃક્ષો જાયતે ઽહન્ત્વબીજતઃ ।
બીજે જ્ઞાનાગ્નિના દગ્ધે નૈવ કિઞ્ચન જાયતે ॥

પ્રેક્ષ્યમાણં ચ તન્ નાસ્તિ કિલાહન્ત્વં કદાચન ।
એતાવદ્ એવ તજ્જ્ઞાનમ્ અનેનૈવ પ્રદહ્યતે ॥

અહન્ત્વભાવાચ્ ચાહન્ત્વમ્ અસ્તિ સંસારબીજકમ્ ।
નાહન્ત્વભાવાન્ નાહન્ત્વમ્ અસ્તીતિ જ્ઞાનમ્ ઉત્તમમ્ ॥

સર્ગાદાવ્ એવ સર્ગસ્ય કિલાસ્યાભાવયોગતઃ ।
કુતો ઽહન્ત્વં કુતસ્ ત્વન્ત્વં કુતો દ્વૈતૈક્યવિભ્રમઃ ॥

સમાકર્ણ્ય ગુરોર્ વાક્યં યતન્તે યે પ્રયત્નતઃ ।
સઙ્કલ્પત્યાગમ્ આમૂલં પદપ્રાપ્તૌ જયન્તિ તે ॥

રન્ધનાજ્ જયમ્ આપ્નોતિ સ્વશાસ્ત્રે સૂપકૃચ્ છ્રુતે ।
વિવેકી સ્વવિવેકે ચ યતનાદ્ એવ નાન્યથા ॥

ચિચ્ચમત્કારમાત્રાત્મ જગદ્ વિદ્ધીહ નેતરત્ ।
નાશાસુ ન બહિર્ નાન્તર્ એતત્ ક્વચન વિદ્યતે ॥

સઙ્કલ્પોન્મેષમાત્રેણ જગચ્ચિત્રં વિલોક્યતે ।
તદનુન્મેષવિલયિ ચિત્રકૃચ્ચિત્તચિત્રવત્ ॥

મણ્ડપો ઽસ્તિ મહાસ્તમ્ભો મુક્તામણિવિનિર્મિતઃ ।
બહુયોજનલક્ષાણિ કાન્તકાઞ્ચનચિત્રિતઃ ॥

મણિસ્તમ્ભસહસ્રેણ વૃતો ઽઙ્ગ પ્રોતમેરુણા ।
ઇન્દ્રાયુધસહસ્રાઢ્યકલ્પસન્ધ્યાભ્રસુન્દરઃ ॥

સ્ત્રીબાલપુરુષાદીનાં વાસ્તવ્યાનામ્ ઇતસ્ તતઃ ।
ક્રીડાર્થં સ્થાપિતા યત્ર નાનારચનયાન્તરે ॥

ભૂતબીજપરાપૂર્ણતમોઽરિષુ સઘુઙ્ઘુમાઃ ।
તમḫપ્રકાશચિત્રાઢ્યા લોકાન્તરસમુદ્ગકાઃ ॥

આમોદસુભગા લોલજલદાવલિપલ્લવાઃ ।
લીલાપદ્માẖ કરે સ્ત્રીણાં વિલોલાẖ કલ્પપાદપાઃ ॥

બાલનિશ્શ્વાસચલિતાẖ કન્દુકાનિ કુલાચલાઃ ।
સન્ધ્યામ્બુદાẖ કર્ણપૂરાશ્ ચામરાશ્ શરદમ્બુદાઃ ॥

કલ્પાન્તકાલજલદાસ્ તાલવૃન્તપદં ગતાઃ ।
ભૂતલં દ્યૂતફલકં વિતાનં તારકામ્બરમ્ ॥

ભૂતસારપરાવર્તે દ્યૂતે ઽક્ષાશ્ શશિભાનવઃ ।
વ્યોમાજિરે જગદ્ગ્રામપણે ગૃહનિવાસિનામ્ ॥

તથૈવાયં જગદ્રૂપસ્ સઙ્કલ્પસ્ સન્ સમુત્થિતઃ ।
ચિચ્ચમત્કારમાત્રાત્મા ચિત્રકૃચ્ચિત્તચિત્રવત્ ॥

અસત્યમ્ એવ સ્ફુરતિ તથા સત્યં વિલીયતે ।
વિલીયતે ન સ્ફુરતિ સર્વમ્ અસ્તિ ન ચાસ્તિ ચ ॥

અસમુત્થિત એવાયં કુતો ઽપીવ સમુત્થિતઃ ।
હેમ્નીવ કટકાદિત્વં સંસારોદારકોટરઃ ॥

ચિચ્ચમત્કાર એવાયમ્ અચિત્કચનસઙ્ક્ષયઃ ।
અત્યન્તમ્ એવ સ્વાયત્તો યથેચ્છસિ તથા કુરુ ॥

યદાન્નપાનદાનાદાવ્ અનાદરમ્ ઉપેયિવાન્ ।
તસ્યેદં પશ્ચિમં જન્મ ન સ કર્મસુ મજ્જતિ ॥

પ્રાપ્તો વિવેકપદવીમ્ અસિ પાવનાત્મન્ પુણ્યાં પવિત્રિતજગત્ત્રિતયાં દ્વિતીયામ્ ।
નાધḫ પતિષ્યસિ પુનર્ મનસામુનેતિ જાનામિ મૈતદ્ અમલં પદમ્ ઉત્સૃજ ત્વમ્ ॥