મોક્ષોપાય · અધ્યાય 6.145

ખાત્માનસ્ સકલાસ્ સર્ગાસ્ સર્ગાત્મ સકલં ચ ખમ્ ।
ન નભસ્સર્ગયોર્ ભેદḫ પવનસ્પન્દયોર્ ઇવ ॥

પૂરિતાનન્તગગનાḫ પ્રભા વ્યોમ્નિ ગમાગમમ્ ।
ન યથા રોધયન્ત્ય્ એતાસ્ તથા સર્ગાḫ પરસ્પરમ્ ॥

મિલન્તિ ન મિલન્ત્ય્ અન્તર્ યથૈતે પરમાણવઃ ।
ખે સૂક્ષ્મત્વાદ્ અલક્ષ્યત્વાત્ તથા સર્ગાḫ પરસ્પરમ્ ॥

મનાગ્ અપિ ન ભેદો ઽસ્તિ મિલિતાનાં યથામ્ભસામ્ ।
તથા ચિદ્ઘનરૂપાણામ્ સર્ગાણાં શ્લિષ્યતામ્ અપિ ॥

નીહારાણાં વિમિશ્રાણાં લક્ષ્યન્તે નાણવો યથા ।
પૃથગ્ જીવૈર્ ન સર્ગાણાં લક્ષ્યન્તે જન્તવસ્ તથા ॥

યથા યાતિ સરિત્ય્ અમ્બુ મજ્જનોન્મજ્જનાબિલમ્ ।
તથા સ્ફુરતિ સર્ગૌઘḫ પૃથઙ્ મિશ્રશ્ ચ ચિદ્ધૃદિ ॥

અવાયવો યથામોદા મિશ્રીભૂતાḫ પરસ્પરમ્ ।
ન રોધકા ન પશ્યન્તિ તથા સર્ગાẖ ખરૂપિણઃ ॥

આવર્તાḫ પરિવર્તન્તે યથા રજસિ રાજસાઃ ।
અસ્પષ્ટોગ્રાનિલે સ્ફારે તથા સર્ગાḫ પરસ્પરમ્ ॥

સઙ્કલ્પાત્મતયાન્યોઽન્યં ન દ્રષ્ટારો ન રોધકાઃ ।
નભસીવ નભોભાગાસ્ સ્વપ્રભાસ્વ્ ઇવ ચ પ્રભાઃ ॥

કેચિન્ મિથઃ સમ્મિલિતા એકતામ્ ઉપયાન્ત્ય્ અલમ્ ।
નીહારેષ્વ્ ઇવ નીહારાસ્ સ્વપ્રભાસ્વ્ ઇવ ચ પ્રભાઃ ॥

કેચિન્ મિથસ્ સમ્મિલિતા અપિ ભાન્તિ વિલક્ષણાઃ ।
ઘૃતોદા ઇવ દુગ્ધાબ્ધૌ રત્નદીપ્તાવ્ ઇવાર્કભાઃ ॥

સવિકાસા યથા સ્વપ્ને મેરુમન્દરકોટયઃ ।
સંવિત્તત્ત્વે તથા સર્ગા દૃષદાદ્યન્તરેષ્વ્ અપિ ॥

સંવિત્ સર્વગતા શાન્તા સત્તાસામાન્યરૂપિણી ।
સર્ગશબ્દાર્થરહિતાસ્ સર્ગાસ્ તસ્યાẖ કિલોદરમ્ ॥

સ્થલં જલં નભશ્ શૈલં પૂર્વમ્ અદ્યાધુનાખિલમ્ ।
સર્વં સર્વગતં શાન્તં સર્વગત્વાન્ મહાચિતેઃ ॥

સંવિન્મયત્વાદ્ વાર્યન્તર્ અપિ સન્ત્ય્ એવ સૃષ્ટયઃ ।
ચિત્તાકાશાત્મિકા નોઢાḫ પ્રતિબિમ્બાન્વિતા ઇવ ॥

ભૂતપઞ્ચકસત્તાસુ સબાહ્યાભ્યાન્તરં સદા ।
સન્તિ સર્ગસહસ્રાણિ ન ચ સન્તિ કદાચન ॥

સર્વત્ર સર્વદા સર્વં સાર્વં સર્વેણ સર્વથા ।
ન તદ્ અસ્તિ ન યત્ સત્યં ન તદ્ અસ્તિ ન યન્ મૃષા ॥

ન ચ કિઞ્ચિન્ મૃષા નૈવ સત્યં કિઞ્ચિન્ ન મધ્યમમ્ ।
બૃહદ્ બ્રહ્માયતે બ્રહ્મ શાન્તમ્ અન્તવિવર્જિતમ્ ॥

સર્વભાવોપમર્દેન ભાવḫ ફલતિ પીવરઃ ।
તેનાતિભાવો જયતિ શ્લિષ્ટયોર્ અપિ સર્ગયોઃ ॥

જીવḫ પરસ્પરાપ્રાપ્તાવ્ ઊનભાવેન સિધ્યતિ ।
સંસારસ્ સમભાવસ્ તુ સમતાં ગચ્છતિ દ્વયોઃ ॥

વિલક્ષણા બૃહદ્ભાવાસ્ સમત્વાન્ મિલિતા મિથઃ ।
વૈલક્ષણ્યેન તિષ્ઠન્તિ નાનાવર્ણા ઇવ ત્વિષઃ ॥

નિરર્ગલા સર્ગપરમ્પરેતિ વિજૃમ્ભતે ઽન્તḫ પરમાણુધાતોઃ ।
અપ્ય્ અન્તર્ અદ્રીન્દ્રશિલાન્તરે ચ વહ્નૌ જલે વાખિલવસ્તુજાતે ॥

સઙ્કલ્પરૂપાદ્રિનદીદિનેશદિક્કાલકલ્પસ્ફુરણાકુલાપિ ।
જગન્મહામણ્ડલપિણ્ડપીઠી વ્યોમોદરં ચિદ્ઘનશૂન્યધાતૌ ॥

નભશ્ ચ વાસ્યા ઉદરે ઽપ્ય્ અપારં સચન્દ્રતારાદ્રિદિવાકરાદિ ।
મિથસ્ ત્વ્ અદૃષ્ટશ્રુતશબ્દસારા કાચિન્ મિથોલબ્ધશરીરિકાપિ ॥