મોક્ષોપાય · અધ્યાય 6.138

મદુક્તમ્ એતદ્ આકર્ણ્ય નિર્ણીય શુભમ્ ઇત્ય્ અલમ્ ।
હૃદયે ચાખિલં કૃત્વા તિષ્ઠેત્થં શૃણુ રાઘવ ॥

સર્વમ્ એવ પરિત્યજ્ય કાષ્ઠમૌની ભવાનઘ ।
નિર્વાસનો નિર્મનનẖ ક્ષીણચિત્તḫ પ્રશાન્તધીઃ ॥

અપશ્યન્ન્ અપ્ય્ અગ્રગતાન્ અશૃણ્વન્ પટહાન્ અપિ ।
અસ્પૃશન્ન્ અમ્બરમ્ અપિ ન જિઘ્રઞ્ શ્વસનાદ્ય્ અપિ ॥

પ્રભુઞ્જાનો ઽપ્ય્ અભુઞ્જાનો વ્યોમવદ્ વિમલાન્તરઃ ।
સંવિદૈવેદૃશસ્ તિષ્ઠ નિષ્ઠામ્ આધ્યાત્મિકીં ગતઃ ॥

આત્મન્ય્ એવાસ્સ્વ શાન્તાત્મા મૂકાન્ધબધિરોપમઃ ।
પુસ્તાચ્ છૈલાદ્ ઇવ કૃતશ્ ચિત્રભિત્તાવ્ ઇવાર્પિતઃ ॥

ઇતિ બુદ્ધીન્દ્રિયૈર્ એવ સ્થિત્વા મેરુર્ ઇવ સ્થિરઃ ।
અપુનર્ભવનાયૈષિ સમાધાનમહાશયઃ ॥

કુરુ કર્મેન્દ્રિયૈẖ કાર્યં યન્ત્રવત્ સ્પન્દચઞ્ચલૈઃ ।
અર્ધસુપ્તપ્રબુદ્ધાભૈસ્ સ્વકર્માભ્યાસચઞ્ચલૈઃ ॥

અફલેચ્છાનુસન્ધાનૈર્ બાલૈર્ ઉન્મત્તકૈર્ ઇવ ।
અવાસનૈર્ અમનનૈશ્ ચલૈર્ વૃક્ષદલૈર્ ઇવ ॥

નિત્યમ્ અન્તર્મુખો ભૂત્વા સ્વાત્મારામḫ પ્રપૂર્ણધીઃ ।
જાગ્રત્ય્ એવ સુષુપ્તસ્થẖ કુરુ કર્માણ્ય્ અનિદ્રવત્ ॥

યથા મૌની યન્ત્રપુમાન્ કરોત્ય્ એવં કુરુ ક્રિયામ્ ।
વાતસ્વભાવાત્ સ્પન્દીનિ ચલન્ત્વ્ અઙ્ગાનિ કિં તવ ॥

અન્તસ્ સર્વપરિત્યાગી બહિẖ કુર્વન્ન્ અપિ સ્થિરમ્ ।
ન કર્તાસિ ન ભોક્તાસિ ન ચાયમ્ અસિ નેતરઃ ॥

યસ્ય નાહઙ્કૃતો ભાવશ્ ચેતો યસ્ય ન લિપ્યતે ।
જગન્ નિઘ્નન્ પ્રકુર્વન્ વા ન હન્તિ ન કરોતિ સઃ ॥

યસ્ય સર્વે સમારમ્ભાẖ કામસઙ્કલ્પવર્જિતાઃ ।
જ્ઞાનાગ્નિદગ્ધકર્માણં મુક્તમ્ આહુસ્ તમ્ ઉત્તમાઃ ॥

એવં સમાધાનમયો મહાત્મન્ ભૂયો ન ચિન્તામ્ ઉપયાતિ કશ્ચિત્ ।
મહાસમાધાનમ્ અનન્તમ્ એતદ્ આશ્રિત્ય તિષ્ઠામૃતતામ્ ઉપૈષિ ॥