મત્સ્ય પુરાણ · અધ્યાય 88

અથાતઃ સમ્પ્રવક્ષ્યામિ કાર્પાસાચલમુત્તમમ્
યત્પ્રદાનાન્નરો નિત્યમ્ આપ્નોતિ પરમં પદમ્ ॥

કાર્પાસપર્વતસ્ તદ્વદ્ વિંશદ્ભારૈર્ ઇહોત્તમઃ
દશભિર્મધ્યમઃ પ્રોક્તઃ પઞ્ચભિસ્ત્વધમઃ સ્મૃતઃ
ભારેણાલ્પધનો દદ્યાદ્ વિત્તશાઠ્યવિવર્જિતઃ ॥

ધાન્યપર્વતવત્સર્વમ્ આસાદ્ય મુનિપુંગવ
પ્રભાતાયાં તુ શર્વર્યાં દદ્યાદિદમુદીરયેત્ ॥

ત્વમેવાવરણં યસ્માલ્ લોકાનામિહ સર્વદા
કાર્પાસાદ્રે નમસ્તુભ્યમ્ અઘૌઘધ્વંસનો ભવ ॥

ઇતિ કાર્પાસશૈલેન્દ્રં યો દદ્યાચ્છર્વસંનિધૌ
રુદ્રલોકે વસેત્કલ્પં તતો રાજા ભવેદિહ ॥