મત્સ્ય પુરાણ · અધ્યાય 77

શર્કરાસપ્તમીં વક્ષ્યે તદ્વત્કલ્મષનાશિનીમ્
આયુરારોગ્યમૈશ્વર્યં યયાનન્તં પ્રજાયતે ॥

માધવસ્ય સિતે પક્ષે સપ્તમ્યાં નિયતવ્રતઃ
પ્રાતઃ સ્નાત્વા તિલૈઃ શુક્લૈઃ શુક્લમાલ્યાનુલેપનઃ ॥

સ્થણ્ડિલે પદ્મમાલિખ્ય કુઙ્કુમેન સકર્ણિકમ્
તસ્મિન્નમઃ સવિત્રે તુ ગન્ધધૂપૌ નિવેદયેત્ ॥

સ્થાપયેદુદકુમ્ભં ચ શર્કરાપાત્રસંયુતમ્
શુક્લવસ્ત્રૈરલંકૃત્ય શુક્લમાલ્યાનુલેપનૈઃ
સુવર્ણેન સમાયુક્તં મન્ત્રેણાનેન પૂજયેત્ ॥

વિશ્વવેદમયો યસ્માદ્ વેદવાદીતિ પઠ્યસે
સર્વસ્યામૃતમેવ ત્વમ્ અતઃ શાન્તિં પ્રયચ્છ મે ॥

પઞ્ચગવ્યં તતઃ પીત્વા સ્વપેત્તત્પાર્શ્વતઃ ક્ષિતૌ
સૌરસૂક્તં સ્મરન્નાસ્તે પુરાણશ્રવણેન ચ ॥

અહોરાત્રે ગતે પશ્ચાદ્ અષ્ટમ્યાં કૃતનૈત્યકઃ
તત્સર્વં વિદુષે તદ્વદ્ બ્રાહ્મણાય નિવેદયેત્ ॥

ભોજયેચ્છક્તિતો વિપ્રાઞ્ છર્કરાઘૃતપાયસૈઃ
ભુઞ્જીતાતૈલલવણં સ્વયમપ્યથ વાગ્યતઃ ॥

અનેન વિધિના સર્વં માસિ માસિ સમાચરેત્
સંવત્સરાન્તે શયનં શર્કરાકલશાન્વિતમ્ ॥

સર્વોપસ્કરસંયુક્તં તથૈકાં ગાં પયસ્વિનીમ્
ગૃહં ચ શક્તિમાન્દદ્યાત્ સમસ્તોપસ્કરાન્વિતમ્ ॥

સહસ્રેણાથ નિષ્કાણાં કૃત્વા દદ્યાચ્છતેન વા
દશભિર્વાથ નિષ્કેણ તદર્ધેનાપિ શક્તિતઃ ॥

સુવર્ણાશ્વઃ પ્રદાતવ્યઃ પૂર્વવન્મન્ત્રવાદનમ્
ન વિત્તશાઠ્યં કુર્વીત કુર્વન્દોષં સમશ્નુતે ॥

અમૃતં પિબતો વક્ત્રાત્ સૂર્યસ્યામૃતબિન્દવઃ
નિપેતુર્યે ધરણ્યાં તુ શાલિમુદ્ગેક્ષવઃ સ્મૃતાઃ ॥

શર્કરા તુ પરા તસ્માદ્ ઇક્ષુસારો ઽમૃતાત્મવાન્
ઇષ્ટા રવેરતઃ પુણ્યા શર્કરા હવ્યકવ્યયોઃ ॥

શર્કરાસપ્તમી ચેયં વાજિમેધફલપ્રદા
સર્વદુષ્ટપ્રશમની પુત્રપૌત્રપ્રવર્ધિની ॥

યઃ કુર્યાત્પરયા ભક્ત્યા સ વૈ સદ્ગતિમાપ્નુયાત્
કલ્પમેકં વસેત્સ્વર્ગે તતો યાતિ પરં પદમ્ ॥

ઇદમનઘં શૃણોતિ યઃ સ્મરેદ્વા પરિપઠતીહ દિવાકરસ્ય લોકે
મતિમપિ ચ દદાતિ સો ઽપિ દેવૈર્ અમરવધૂજનમાલયાભિપૂજ્યઃ ॥