મત્સ્ય પુરાણ · અધ્યાય 65

અથાન્યામપિ વક્ષ્યામિ તૃતીયાં સર્વકામદામ્
યસ્યાં દત્તં હુતં જપ્તં સર્વં ભવતિ ચાક્ષયમ્ ॥

વૈશાખશુક્લપક્ષે તુ તૃતીયા યૈરુપોષિતા
અક્ષયં ફલમાપ્નોતિ સર્વસ્ય સુકૃતસ્ય ચ ॥

સા તથા કૃત્તિકોપેતા વિશેષેણ સુપૂજિતા
તત્ર દત્તં હુતં જપ્તં સર્વમક્ષયમુચ્યતે ॥

અક્ષયા સંતતિસ્તસ્યાસ્ તસ્યાં સુકૃતમક્ષયમ્
અક્ષતૈઃ પૂજ્યતે વિષ્ણુસ્ તેન સાપ્યક્ષયા સ્મૃતા
અક્ષતૈસ્તુ નરાઃ સ્નાતા વિષ્ણોર્દત્ત્વા તથાક્ષતાન્ ॥

વિપ્રેષુ દત્ત્વા તાનેવ તથા સક્તૂન્ સુસંકૃતાન્
યથાન્નભુઙ્મહાભાગઃ ફલમક્ષય્યમશ્નુતે ॥

એકામપ્યુક્તવત્કૃત્વા તૃતીયાં વિધિવન્નરઃ
એતાસામપિ સર્વાસાં તૃતીયાનાં ફલં ભવેત્ ॥

તૃતીયાયાં સમભ્યર્ચ્ય સોપવાસો જનાર્દનમ્
રાજસૂયફલં પ્રાપ્ય ગતિમગ્ર્યાં ચ વિન્દતિ ॥