માર્કંડેય પુરાણ · અધ્યાય 79

ઇતિ શ્રીમાર્કણ્ડેયપુરાણે સાવર્ણિકે મન્વન્તરે વૈવસ્વતોત્પત્તિર્નામાષ્ટસપ્તતિતમો ઽધ્યાયઃ
ઊનાશીતિતમો ઽધ્યાયઃ- 79
માર્કણ્ડેય ઉવાચ
આદિત્યા વસવો રુદ્રાઃ સાધ્યા વિશ્વે મરુદ્ગણાઃ ।
ભૃગવો ઽઙ્ગિરસશ્ચાષ્ટૌ યત્ર દેવગણાઃ સ્મૃતાઃ

આદિત્યા વસવો રુદ્રા વિજ્ઞેયાઃ કશ્યપાત્મજાઃ ।
સાધ્યાશ્ચ મરુતો વિશ્વે ધર્મપુત્રગણાસ્ત્રયઃ

ભૃગોસ્તુ ભૃગવો દેવાઃ પુત્રા હ્યઙ્ગિરસઃ સુતાઃ ।
એષ સર્ગશ્ચ મારીચો વિજ્ઞેયઃ સામ્પ્રતાધિપઃ

ઊર્જસ્વી નામ ચૈવેન્દ્રો મહાત્મા યજ્ઞભાગભુક્ ।
અતીતાનાગતા યે ચ વર્તન્તે સામ્પ્રતઞ્ચ યે

સર્વે તે ત્રિદશેન્દ્રાસ્તુ વિજ્ઞેયાસ્તુલ્યલક્ષણાઃ ।
સહસ્રાક્ષાઃ કુલિશિનઃ સર્વ એવ પુરન્દરાઃ

મઘવન્તો વૃષાઃ સર્વે શૃઙ્ગિણો ગજગામિનઃ ।
તે શતક્રતવઃ સર્વે ભૂતાભિભવતેજસઃ

ધર્માદ્યૈઃ કારણૈઃ સુદ્ધૈરાધિપત્યગુણાન્વિતાઃ ।
ભૂતભવ્યભવન્નાથાઃ શૃણુ ચૈતત્ ત્રયં દ્વિજ

ભૂર્લોકો ઽયં સ્મૃતા ભૂમિરન્તરિક્ષં દિવઃ સ્મૃતમ્ ।
દિવ્યાખ્યાશ્ચ તથા સ્વર્ગસ્ત્રૈલોક્યમિતિ ગદ્યતે

અત્રિશ્ચૈવ વસિષ્ઠશ્ચ કાશ્યપશ્ચ મહાનૃષિઃ ।
ગૌતમશ્ચ ભરદ્વાજૌ વિશ્વામિત્રો ઽથ કૌશિકઃ

તથૈવ પુત્રો ભગવાનૃચીકસ્ય મહાત્મનઃ ।
જમદગ્નિસ્તુ સપ્તૈતે મુનયો ઽત્ર નથાન્તરે

ઇક્ષ્વાકુર્નાભગશ્ચૈવ ધૃષ્ટઃ શર્યાતિરેવ ચ ।
નરિષ્યન્તશ્ચ વિખ્યાતો નાભાગારિષ્ટ એવ ચ

કરૂષશ્ચ પૃષધ્રશ્ચ વસુમાન્ લોકવિશ્રુતઃ ।
મનોર્વૈવસ્વતસ્યૈતે નવ પુત્રાઃ પ્રકીર્તિતાઃ

વૈવસ્વતમિદં બ્રહ્મન્ ! કથિતન્તે મયાન્તરમ્ ।
અસ્મિન્ શ્રુતે નરઃ સદ્યઃ પઠિતે ચૈવ સત્તમ ।
મુચ્યતે પાતકૈઃ સર્વૈઃ પુણ્યઞ્ચ મહદશ્નતે