માર્કંડેય પુરાણ · અધ્યાય 60

ઇતિ શ્રીમાર્કણ્ડેયપુરાણેઠૌત્તરકુરુકથનંઽ નામૈકોનષષ્ટિતમો ઽધ્યાયઃ
ષષ્ટિતમો ઽધ્યાયઃ- 60
માર્કણ્ડેય ઉવાચ
યત્તુ કિમ્પુરુષં વર્ષં તત્ પ્રવક્ષ્યામ્યહં દ્વિજ ।
યત્રાયુર્દશસાહસ્ત્રં પુરુષાણાં વપુષ્મતામ્

અનામયા હ્યશોકાશ્ચ નરા યત્ર તથા સ્ત્રિયઃ ।
પ્લક્ષઃ ષણ્ડશ્ચ તત્રોક્તઃ સુમહાન્નન્દનોપમઃ

તસ્ય તે વૈ ફલરસં પિબન્તઃ પુરુષાઃ સદા ।
સ્થિરયૌવનનિષ્પન્નાઃ સ્ત્રિયશ્ચોત્પલગન્ધિકાઃ

અતઃ પરં કિંપુરુષાદ્ધરિવર્ષં પ્રચક્ષ્યતે ।
મહારજતસઙ્કાશા જાયન્તે તત્ર માનવાઃ

દેવલોકચ્યુતાઃ સર્વે દેવરૂપાશ્ચ સર્વશઃ ।
હરિવર્ષે નરાઃ સર્વે પિબન્તીક્ષુરસં શુભમ્

ન જરા બાધતે તત્ર ન જીર્યન્તે ચ કર્હિચિત્ ।
તાવન્તમેવ તે કાલં જીવન્ત્યથ નિરામયાઃ

મેરુવર્ષં મયા પ્રોક્તં મધ્યમં યદિલાવૃતમ્ ।
ન તત્ર સૂર્યસ્તપતિ ન તે જીર્યન્તિ માનવાઃ

લભન્તે નાત્મલાભઞ્ચ રશ્મયશ્ચન્દ્રસૂર્યયોઃ ।
નક્ષત્રાણાં ગ્રહાણાઞ્ચ મેરોસ્તત્ર પરા દ્યુતિઃ

પદ્મપ્રભાઃ પદ્મગન્ધા જમ્બૂફલરસાશિનઃ ।
પદ્મપત્રાયતાક્ષાસ્તુ જાયન્તે તત્ર માનવાઃ

વર્ષાણાન્તુ સહસ્રાણિ તત્રાપ્યાયુસ્ત્રયોદશ ।
સરાવાકારસંસ્તારો મેરુમધ્યે ઇલાવૃતે

મેરુસ્તત્ર મહાશૈલસ્તદાખ્યાતમિલાવૃતમ્ ।
રમ્યકં વર્ષમસ્માચ્ચ કથયિષ્યે નિબોધ તત્

વૃક્ષસ્તત્રાપિ ચોત્તુઙ્ગો ન્યગ્રોધો હરિતચ્છદઃ ।
તસ્યાપિ તે ફલરસં પિબન્તો વર્તયન્તિ વૈ

વર્ષાયુતાયુષસ્તત્ર નરાસ્તત્ફલભોગિનઃ ।
રતિપ્રધાનવિમલા જરાદૌર્ગન્ધ્યવર્જિતાઃ

તસ્માદથોત્તરં વર્ષં નામ્ના ખ્યાતં હિરણ્મયમ્ ।
હિરણ્વતી નદી યત્ર પ્રભૂતકમલોજ્જ્વલા

મહાબલાઃ સતેજસ્કા જાયન્તે તત્ર માનવાઃ ।
મહાકાયા મહાસત્ત્વા ધનિનઃ પ્રિયદર્શનાઃ