માર્કંડેય પુરાણ · અધ્યાય 36

ઇતિ શ્રીમાર્કણ્ડેયપુરાણે ઽલર્કાનુશાસને વર્જ્યાવર્જ્યનામા પઞ્ચત્રિંશો ઽધ્યાયઃ
ષટ્ત્રિંશો ઽધ્યાયઃ
જડ ઉવાચ
સ એવમનુશિષ્ટઃ સન્ માત્રા સંપ્રાપ્ય યૌવનમ્ ।
ઋતધ્વજસુતશ્ચક્રે સમ્યગ્દારપરિગ્રહમ્

પુત્રાંશ્ચોત્પાદયામાસ યજ્ઞૈશ્ચાપ્યયજદ્વિભુઃ ।
પિતુશ્ચ સર્વકાલેષુ ચકારાજ્ઞાનુપાલનમ્

તતઃ કાલેન મહતા સંપ્રાપ્ય ચરમં વયઃ ।
ચક્રે ઽભિષેકં પુત્રસ્ય તસ્ય રજ્યે ઋતધ્વજઃ

ભાર્યયા સહ ધર્માત્મા યિયાસુસ્તપસે વનમ્ ।
અવતીર્ણો મહારક્ષો મહાભાગો મહીપતિઃ

મદાલસા ચ તનયં પ્રાહેદં પશ્ચિમં વચ ।
કામોપભોગસંસર્ગપ્રહાણાય સુતસ્ય વૈ

મદાલસોવાચ
યદા દુઃ ખમસહ્યં તે પ્રિયબન્ધુવિયોગજમ્ ।
શત્રુબાધોદ્ભવં વાપિ વિત્તનાશાત્મસમ્ભવમ્

ભવેત્તત્ કુર્વતો રાજ્યં ગૃહધર્માવલમ્બિનઃ ।
દુઃ ખાયતનભૂતો હિ મમત્વાલમ્બનો ગૃહી

તદાસ્માત્ પુત્ર ! નિષ્કૃષ્ય મદ્દત્તાદઙ્ગુલીયકાત્ ।
વાચ્યં તે શાસનં પટ્ટે સૂક્ષ્માક્ષરનિવેશિતમ્

જડ ઉવાચ
ઇત્યુક્ત્વા પ્રદદૌ તસ્મૈ સૌવર્ણં સાઙ્ગુલીયકમ્ ।
આશિષશ્ચાપિ યા યોગ્યાઃ પરુષસ્ય ગૃહે સતઃ

તતઃ કુબલયાશ્વો ઽસૌ સા ચ દેવી મદાલસા ।
પુત્રાય દત્ત્વા તદ્રાજ્યં તપસે કાનનં ગતૌ