મઞ્જુશ્રીનામસંગીતિ (અન્ય આવૃત્તિ) · શ્લોક 141-160

પઞ્ચસ્કન્ધાર્થસ્ ત્રિષ્કાલઃ સર્વક્ષણવિભાવકઃ
એકક્ષણાભિસંબુદ્ધઃ સર્વબુદ્ધસ્વભાવધૃક્ ॥

અનઙ્ગકાયઃ કાયાગ્ર્યઃ કાયકોટિવિભાવકઃ
અશેષરૂપસંદર્શી રત્નકેતુર્ મહામણિઃ ॥

સર્વસંબુદ્ધબોદ્ધવ્યો બુદ્ધબોધિર્ અનુત્તરઃ
અનક્ષરો મન્ત્રયોનિર્ મહામન્ત્રકુલત્રયઃ ॥

સર્વમન્ત્રાર્થજનકો મહાબિન્દુર્ અનક્ષરઃ
પઞ્ચાક્ષરો મહાશૂન્યો બિન્દુશૂન્યઃ શતાક્ષરઃ ॥

સર્વાકારો નિરાકારઃ ષોડશાર્ધાર્ધબિન્દુધૃક્
અકલઃ કલનાતીતશ્ ચતુર્થધ્યાનકોટિધૃક્ ॥

સર્વધ્યાનકલાભિજ્ઞઃ સમાધિકુલગોત્રવિત્
સમાધિકાયો કાયાગ્ર્યઃ સર્વસંભોગકાયરાટ્ ॥

નિર્માણકાયો કાયાગ્ર્યો બુદ્ધનિર્માણવંશધૃક્
દશદિગ્વિશ્વનિર્માણો યથાવજ્જગદર્થકૃત્ ॥

દેવાતિદેવો દેવેન્દ્રઃ સુરેન્દ્રો દાનવાધિપઃ
અમરેન્દ્રઃ સુરગુરુઃ પ્રમથઃ પ્રમથેશ્વરઃ ॥

ઉત્તીર્ણભવકાન્તાર એકઃ શાસ્તા જગદ્ગુરુઃ
પ્રખ્યાતો દશદિગ્લોક ધર્મદાનપતિર્ મહાન્ ॥

મૈત્રીસંનાહસંનદ્ધઃ કરુણાવર્મવર્મિતઃ
પ્રજ્ઞાખડ્ગધનુર્બાણઃ ક્લેશાજ્ઞાનરણંજહઃ ॥

મારારિર્ મારજિદ્ વીરશ્ ચતુર્મારભયાન્તકૃત્
સર્વમારચમૂજેતા સંબુદ્ધો લોકનાયકઃ ॥

વન્દ્યઃ પૂજ્યો ઽભિવાદ્યશ્ ચ માનનીયશ્ ચ નિત્યશઃ
અર્ચનીયતમો માન્યો નમસ્યઃ પરમો ગુરુઃ ॥

ત્રૈલોક્યૈકક્રમગતિર્ વ્યોમપર્યન્તવિક્રમઃ
ત્રૈવિદ્યઃ શ્રોત્રિયઃ પૂતઃ ષડભિજ્ઞઃ ષડનુસ્મ્ર્તિઃ ॥

બોધિસત્વો મહાસત્વો લોકાતીતો મહર્દ્ધિકઃ
પ્રજ્ઞાપારમિતાનિષ્ઠઃ પ્રજ્ઞાતત્ત્વત્વમ્ આગતઃ ॥

આત્મવિત્ પરવિત્ સર્વઃ સર્વીયો હ્ય્ અગ્રપુદ્ગલઃ
સર્વોપમામ્ અતિક્રાન્તો જ્ઞેયો જ્ઞાનાધિપઃ પરઃ ॥

ધર્મદાનપતિઃ શ્રેષ્ઠશ્ ચતુર્મુદ્રાર્થદેશકઃ
પર્યુપાસ્યતમો જગતાં નિર્યાણત્રયયાયિનામ્ ॥

પરમાર્થવિશુદ્ધશ્રીશ્ ત્રૈલોક્યસુભગો મહાન્
સર્વસંપત્કરઃ શ્રીમાન્ મઞ્જુશ્રીઃ શ્રીમતાં વરઃ ॥

નમસ્ તે વરદ વજ્રાગ્ર્ય ભૂતકોટિ નમો ઽસ્તુ તે
નમસ્ તે શૂન્યતાગર્ભ બુદ્ધબોધિ નમો ઽસ્તુ તે ॥

બુદ્ધરાગ નમસ્ તે ઽસ્તુ બુદ્ધકામ નમો નમઃ
બુદ્ધપ્રીતિ નમસ્ તુભ્યં બુદ્ધમોદ નમો નમઃ ॥

બુદ્ધસ્મિત નમસ્ તુભ્યં બુદ્ધહાસ નમો નમઃ
બુદ્ધવાચ નમસ્ તે ઽસ્તુ બુદ્ધભાવ નમો નમઃ ॥