મઞ્જુશ્રીમૂલકલ્પ · અધ્યાય 6

બોધિસત્ત્વપિટકાવતંસક્રાન્મહાયાનવૈપુલ્યસૂત્રાદ્ આર્યમઞ્જુશ્રિયમૂલકલ્પાત્ પઞ્ચમઃ
પટલવિસરઃ । દ્વિતીયઃ પટવિધાનવિસરઃ સમાપ્તઃ ॥
ષષ્ઠઃ પટલવિસરઃ ।
અથ ખલુ ભગવાં શાક્યમુનિઃ પુનરપિ મઞ્જુશ્રિયં કુમારભૂતમામન્ત્રયતે સ્મ । અસ્તિ મઞ્જુશ્રીઃ અપરમપિ પટવિધાનરહસ્યં તૃતીયં કન્યસં નામ । યઃ સર્વસત્ત્વાનામયત્નેનૈવ સિદ્ધિં ગચ્છેયુઃ । પૂર્વનિર્દિષ્ટેનૈવ વિધિના શિલ્પિભિઃ સુગતવિતસ્તિપ્રમાણં તિર્યક્ તથૈવ સમં ચતુરસ્રં પૂર્વવત્ પટશ્ચિત્રાપયિતવ્યઃ પૂર્વનિર્દિષ્ટૈરઙ્ગૈઃ ॥
આદૌ તાવદાર્યમઞ્જુશ્રીઃ સિંહાસનોપનિષણ્ણઃ બાલદારકરૂપી પૂર્વવત્ ધર્મં દેશયમાનઃ સમન્તપ્રભા અર્ચિષો નિર્ગચ્છમાનશ્ચારુરૂપી ચિત્રાપયિતવ્યઃ । વામપાર્શ્વે આર્યસમન્તભદઃ રત્નોપલસ્થિતઃ ચમરવ્યગ્રહસ્તઃ ચિન્તામણિવામવિન્યસ્તકરઃ પ્રિયઙ્ગુશ્યામવર્ણઃ પૂર્વવચ્ચિત્રાપયિતવ્યઃ । દક્ષિણપાર્શ્વે આર્યમઞ્જુશ્રિયસ્ય રત્નોપલસ્થિતઃ આર્યાવલોકિતેશ્વરઃ પૂર્વવત્ । ચમરવ્યગ્રહસ્તઃ વામહસ્તારવિન્દવિન્યસ્તઃ સમન્તદ્યોતિતમૂર્તિરભિલેખ્યઃ । અધશ્ચ સિંહાસનાત્ કનકવર્ણઃ પર્વતો યાવત્ પટાન્તે ચિત્રાપયિતવ્યઃ । પટાન્તકોણસ્ય આર્યમઞ્જુશ્રિયસ્ય સિંહાસનસ્યાધસ્તાદ્ દક્ષિણપાર્શ્વે યમાન્તકઃ ક્રોધરાજા પૂર્વવચ્ચિત્રાપયિતવ્યઃ । ધૂપકટચ્છુકવ્યગ્રહસ્તઃ યથાપૂર્વં તથૈવ સાધકઃ । ઉપરિષ્ટાદાર્યમઞ્જુશ્રિયસ્ય સઙ્કુસુમિતરાજેન્દ્રસ્તથાગતચિઅત્રાપયિતવ્યઃ ષોડશાઙ્ગુલપ્રમાણઃ રત્નપર્વતગુહાલીનઃ । કૂટાગારસદૃશાઃ પ્રાગ્ભારપર્વતા દશ ચિત્રાપયિતવ્યાઃ । સમન્તાચ્ચ તત્પટં પર્વતાકારવેષ્ટિતં લિખેત્ । ઉપરિષ્ટાચ્ચ પટકોણાવસ્થિતૌ પર્વતપ્રાગ્ભારસંશ્લિષ્ટૌ ઉત્પતમાનવિમાનપુષ્પૌઘમુત્સૃજમાનૌ શુદ્ધાવાસકાયિકૌ દેવપુત્રૌ શુદ્ધશ્ચ નામ વિશુદ્ધશ્ચ નામ પૂર્વવચ્ચિત્રાપયિતવ્યૌ । નાનાપુષ્પાભિકીર્ણં ચ તત્ પટમભિલિખાપયિતવ્યમિતિ ॥
એતત્ કથિતં સર્વં ત્રિવિધં પટલક્ષણમ્ ।
કન્યસં નામતો હ્યેતત્ પટઃ શ્રેયો ક્ષુદ્રકર્મસુ

યત્ કૃતં કારિતં ચાપિ પાપં કર્મ સુદારુણમ્ ।
કલ્પકોટિસહસ્રાણિ દર્શનાત્ પટમુચ્યતે

પટં તુ દૃષ્ટમાત્રં વૈ તત્ક્ષણાદેવ મુચ્યતે ।
બુદ્ધકોટીસહસ્રાણિ સત્કુર્યાદ્ યો હિ બુદ્ધિમાં ।
કન્યસં તુ પટં દૃષ્ટ્વા કલા નાયાતિ ષોડશીમ્

યત્ પુણ્યં સર્વબુદ્ધાનાં પૂજા કૃત્વા તુ તાપિનામ્ ।
તત્ પુણ્યં પ્રાપ્નુયાદ્ વિદ્વાં કન્યસે પટદર્શને ।
શોભનાનિ ચ કર્માણિ ભોગહેતોઃ ઇહાચરેત્

યાવન્તિ કેચન મન્ત્રા બ્રહ્મેન્દ્રઋષિભાષિતાઃ ।
વૈનતેયેન તુ પ્રોક્તાઃ વરુણાદિત્યકુબેરયોઃ

ધનાદ્યૈઃ રાક્ષસૈઃ સર્વૈર્દાનવેન્દ્રૈર્મહોરગૈઃ ।
સોમવાયૂઅમાદ્યૈશ્ચ ભાષિતા હરિહરાદિભિઃ ।
સર્વે મન્ત્રા ઇહાનીતાઃ સિધ્યન્તે પટમગ્રતઃ

શાન્તિકાનિ સદા કુર્યાત્ પૌષ્ટિકાનિ તથા ઇહ ।
દારુણાનિ ચ વર્જીત ગર્હિતા જિનવરૈસ્ત્વિહેતિ