મઞ્જુશ્રીમૂલકલ્પ · અધ્યાય 5

બોધિસત્ત્વપિટકાવતંસકાન્મહાયાનસૂત્રાન્મઞ્જુશ્રીમૂલકલ્પાચ્ચતુર્થઃ ।
પ્રથમપટવિધાનવિસરઃ પરિસમાપ્તઃ ॥
પઞ્ચમઃ પટલવિસરઃ ।
અથ ખલુ ભગવાન્ શાક્યમુનિઃ સર્વં તત્પર્ષન્મણ્ડલમવલોક્ય મઞ્જુશ્રિયં કુમારભૂતમામન્ત્રયેત સ્મ । અસ્તિ મઞ્જુશ્રીઃ અપરમપિ ત્વદીયં મધ્યમં પટવિધાનમ્ । તદ્ ભાષિષ્યે ઽહમ્ । શૃણુ, સાધુ ચ સુષ્ઠુ ચ મનસિ કુરુ ॥
આદૌ તાવત્ પૂર્વનિર્દિષ્ટેનૈવ સૂત્રકેણ પૂર્વોક્તેનૈવ વિધિના પૂર્વપરિકલ્પિતૈઃ શિલ્પિભિઃ પૂર્વપ્રમાણૈવ મધ્યમપટઃ સુશોભનેન શુક્લેન સુવ્રતેન સદશેન અશ્લેષકૌરઙ્ગૈરપગતકેશસઙ્કારાદિભિર્યથૈવ પ્રથમં તથૈવ તત્ કુર્યાત્ વર્જયિત્વા તુ પ્રમાણરૂપકાત્ તત્પટં પશ્ચાદભિલિખાપયિતવ્યમ્ ॥
આદૌ તાવદ્ શુદ્ધાવાસભવનં સમન્તશોભનાકારં સ્ફુટિતરત્નમયાકારં સિતમુક્તાહારભૂષિતં તસ્મિં મધ્યે ભગવાંશ્છાક્યમુનિઃ ચિત્રાપયિતવ્યઃ રત્નસિંહાસનોપનિષણ્ણઃ ધર્મં દેશયમાનઃ સર્વાકારવરોપેતઃ, દક્ષિણપાર્શ્વે આર્યમઞ્જુશ્રીઃ પદ્મકિઞ્જલ્કાભઃ કુઙ્કુમાદિત્યવર્ણો વા વામસ્કન્ધપ્રદેશે નીલોત્પલાવસક્તઃ કૃતાઞ્જલિપુટઃ ભગવન્તં શાક્યમુનિં નિરીક્ષમાણઃ ઈષત્પ્રહસિતવદનઃ કુમારરૂપી પઞ્ચચીરકોપશોભિતશિરસ્કઃ બાલદારકાલઙ્કારભૂષિતઃ દક્ષિણજાનુમણ્ડલાવનતશિરઃ ભગવતશ્ચ શાક્યમુનેર્વામપાર્શ્વે આર્યાવલોકિતેશ્વરઃ શરત્કાણ્ડગૌરો યથૈવ પૂર્વં તથૈવમભિલેખ્યમ્ । કિન્તુ ભગવતશ્વામરમુદ્ધૂયમાનં તસ્ય પાર્શ્વે આર્યમૈત્રેયં સમન્તભદ્રઃ વજ્રપાણિર્મહામતિઃ શાન્તમતિ ગગનગઞ્જઃ સર્વનીવરણવિષ્કમ્ભિનશ્ચેતિ । એતે ઽનુપૂર્વતો ઽભિલેખ્યાઃ । યથૈવ પ્રથમં તથૈવ સર્વાલઙ્કારભૂષિતાઃ ચિઅત્રાપયિતવ્યાઃ ॥
તેષાં ચોપરિષ્ટા અષ્ટૌ બુદ્ધા ભગવન્તશ્ચિત્રાપયિવ્યાઃ સ્થિતકા અભયપ્રદાનદક્ષિણકરાઃ પીતચીવરોત્તરાસઙ્ગીકૃતદેહાઃ વામહસ્તેન ચીવરકર્ણકાવસક્તા ઈષદ્રક્તાવભાસકાષાયસુનિવસ્તાઃ સમન્તપ્રભાઃ સર્વાકારવરોપેતાઃ । તદ્યથા - સઙ્કુસુમિતરાજેન્દ્રસ્તથાગતઃ રત્નશિખિઃ શિખિઃ વિશ્વભુક્ ક્રકુચ્છન્દકઃ બકગ્રીવિઃ કાશ્યપઃ સુનેત્રશ્ચેતિ । ઇત્યેતે બુદ્ધા ભગવન્તશ્ચિત્રાપયિતવ્યાઃ ॥
દક્ષિણે પાર્શ્વે ભગવત આર્યમઞ્જુશ્રિયસ્ય સમીપે મહાપર્ષન્મણ્ડલં ચિઅત્રાપયિતવ્યમ્ । અષ્ટૌ મહાશ્રાવકાઃ અષ્ટૌ પ્રત્યેકબુદ્ધાઃ યથૈવ પૂર્વં તથૈવ તે ચિઅત્રાપયિતવ્યાઃ । કિન્તુ આર્યમહામૌદ્ગલ્યાયનશારિપુત્રૌ ભગવતઃ શાક્યમુને ચામરમુદ્ધૂયમાનૌ સ્થિતકાયમભિલેખ્યૌ । એવં શુદ્ધાવાસકાયિકા દેવપુત્રા અભિલેખ્યાઃ । શક્રશ્ચ દેવાનામિન્દ્રઃ સયામશ્ચ સન્તુષિતશ્ચ સુનિર્મિતશ્ચ શુદ્ધશ્ચ વિમલશ્ચ સુદૃશશ્ચ અતપશ્ચ આભાસ્વરશ્ચ બ્રહ્મા ચ સહામ્પતિઃ અકનિષ્ઠશ્ચ એવમાદયો દેવપુત્રા રૂપાવચરાઃ કામાવચરાશ્ચાનુપૂર્વતો ઽભિલેખ્યાઃ આર્યમઞ્જુશ્રિયસમીપસ્થાઃ પર્ષન્મણ્ડલોપરિચિતવિન્યસ્તાઃ સ્વરૂપવેષધારિણો ચિઅત્રાપયિતસ્યાઃ । ભગવતઃ સિંહાસનસ્તાધસ્તાત્સમન્તાન્મહાપર્વતઃ મહાસમુદ્રાભ્યુદ્ગતં યાવત્ પટાન્તે ચિત્રાપયિતવ્યઃ । એકસ્મિન્ પટાન્તકોણે સાધકો યથાવેષસંસ્થાનાકારઃ અવનતજાનુકૌર્પરશિરઃ ધૂપકટચ્છુકવ્યગ્રહસ્તઃ ચિત્રાપયિતવ્યઃ । ( વૈદ્ય 49 ) તસ્મિંશ્ચ રત્નપર્વતે આર્યમઞ્જુશ્રિયસ્યાધસ્તાત્ યમાન્તકક્રોધરાજા યથાપૂર્વનિર્દિષ્ટમભિલેખ્યમ્ । વામપાર્શ્વે ભગવતઃ સિંહાસનસ્યાધસ્તાદ્ આર્યાવલોકિતેશ્વરપાદમૂલસમીપે તસ્મિંશ્ચ રત્નપર્વતોપનિષણ્ણા તારાદેવી અભિલેખ્યાઃ । યથા પૂર્વનિર્દિષ્ટા તથા ચિત્રાપયિતવ્યાઃ । સમન્તાશ્ચ તત્પટં મુક્તપુષ્પાવકીર્ણં ચમ્પકનીલોત્પલસૌગન્ધિકમાલતીવર્ષિકધાનુષ્કારીકપુન્નાગકેસરાદિભિઃ પુષ્પૈરભ્યવકીર્ણં સમન્તાત્ પટમ્ । ઉપરિષ્ટાચ્ચ પટાન્તકોણે ઉભયાન્તે દ્વૌ દેવપુત્રૌ મહાપુષ્પૌઘમુત્સૃજમાનૌ વિચિત્રરૂપધારિણૌ અન્તરીક્ષસ્થિતૌ વારિમેઘાન્તર્ગતનિલીનૌ ઉત્પતમાનૌ સિતવર્ણૌ અભિલેખ્યાવિતિ ॥
એતન્મધ્યમકં પ્રોક્તં પટઃ શ્રેયાર્થમુદ્ભવમ્ ।
મધ્યસિદ્ધિસ્તદાયત્તા મનુજાનાં તુ ભૂતલે

યત્કિઞ્ચિત્ કૃતં પાપં સંસારે સંસરતો પુરા ।
નશ્યતે તત્ક્ષણાદેવ પટં દર્શનાદિહ

મૂઢસત્ત્વા ન જાનન્તિ ભ્રમન્તા ગતિઞ્ચકે ।
પટસ્યા દર્શના યે તુ મઞ્જુઘોષસ્ય મધ્યમે

અપિ કિલ્વિષકારી સ્યાત્ પઞ્ચાનન્તર્યકારિણઃ ।
દુઃશીલસ્યાપિ સિધ્યેયુર્મન્ત્રા વિવિધભાષિતાઃ

અપિ ક્ષિપ્રતરં સિદ્ધિ પ્રાપ્નુયાત્ કૃતજાપિનઃ ।
રોગી મુચ્યતે રોગાદ્ દરિદ્રો લભતે ધનમ્ ।
અપુત્રો લભતે પુત્રં મધ્યમે પટદર્શને

દૃષ્ટમાત્રં તદા પુણ્યં પ્રાપ્નુયાદ્ વિપુલં મહત્ ।
નિયતં દેવમનુષ્યાણં સૌખ્યભાગી ભવેન્નરઃ ।
બુદ્ધત્વં નિયતં તસ્ય જન્માન્તે ચ ભવિષ્યતિ

લિખના વાચનાચ્ચૈવ પૂજજલેખના તથા ।
દર્શના સ્પર્શનાચ્ચૈવ મુચ્યતે સર્વકિલ્વિષાત્

પ્રાર્થનાધ્યેષણા હ્યેવં અટસ્યાસ્ય મહાદ્યુતેઃ ।
લભતે સફલં જન્માં ક્ષિપ્રં ચાનુમોદના

ન શક્યં વાચયા વક્તુમપિ કલ્પાગ્રકોટિભિઃ ।
યત્ પુણ્યં પ્રાપ્નુયા જન્તુ સફલં પટદર્શનાદિતિ