મઞ્જુશ્રીમૂલકલ્પ · અધ્યાય 47

આર્યમઞ્જુશ્રિયમૂલકલ્પાત્ બોધિસત્ત્વપિટકાવતંસકાત્ મહાયાનવૈપુલ્યસૂત્રાત્ ચતુઃચત્વારિંશતિમઃ મહામુદ્રાપટલવિસરઃ પરિસમાપ્ત ઇતિ ॥
અથ સપ્તચત્વારિંશઃ પટલવિસરઃ ।
અથખલુ ભગવાં શાક્યમુનિઃ પુનરપિ શુદ્ધાવાસભવનમવલોક્ય તં ચ મહાપર્ષન્મણ્ડલં અનન્તવ્યૂહાલઙ્કારસર્વજ્યોતિપ્રભાસ્વરવિકુર્વાણાનન્તગુહ્યતમં સર્વગુહ્યતમં સર્વમન્ત્રાનુચરિતં નામ સમાધિં સમાપદ્યતે । સમનન્તરસમાપન્નસ્ય ભગવતઃ ઊર્ણાકોશાદ્ રશ્મયો નિશ્ચરન્તિ સ્મ । સર્વતશ્ચ સમન્તા દશસુ દિક્ષુ રિત્યૂર્ધ્વમધસ્તિર્યક્ મહતાવભાસેનાવભાસ્ય સર્વમન્ત્રાં સઞ્ચોદ્ય પુનરપિ ભગવતઃ ઊર્ણાકોશાન્તર્હિતા । સમનન્તરાન્તર્હિતે રશ્મિભિઃ ચતુર્દિક્ષુ ચ આધશ્ચોર્ધ્વં ચત્વારઃ કુમાર્યો ભ્રાતૃસહિતા તસ્મિન્નેવ મહાપર્ષન્મણ્ડલે અધઃ સુમેરુપર્વતરાજસમીપે બુદ્ધાધિષ્ઠાનેનાધિષ્ઠિતો ઽભૂત્ । સન્નિપતિતા સન્નિષણ્ણા મહાબોધિસત્ત્વકુમારભૂતં રિદ્ધ્યા વિક્રીડનસન્દશર્નાર્થં મહામન્ત્રચર્યાનિર્હારાર્થં સર્વલોકોત્તરલૌકિકમન્ત્રચર્યાક્રીડાસમનુપ્રવેશવશમાકર્ષસમાશ્વાસનચર્યાસમનુપ્રવેશનાર્થમ્ ॥
અથ ખલુ ભગવાં શાક્યમુનિર્વજ્રપાણિં બોધિસત્ત્વં મહાસત્ત્વં તસ્મિન્નેવ પર્ષદિ સન્નિપતિતમ્ ઈષિન્નિરીક્ષ્ય સર્વં ચ બોધિસત્ત્વગણમ્ ॥
અથ સા સર્વાવતી પર્ષદિહ મહાપૃથિવી ચ દેવતાગણપરિવૃતા મહાભૂતૈકમન્ત્રાલયં ઓષધ્યો મહાજ્યોતીંષિ નગાં સઞ્ચાલ્ય પ્રચલિતા રણિતા પ્રરણિતા ક્ષુભિતા સમ્પ્રક્ષુભિતા દક્ષિણા દિગુન્નમતિ, ઉત્તરા દિગવન્નમતિ, પશ્ચિમદિગુન્નમતિ પૂર્વા દિગવનમતિ, અન્તાદવનમતિ, મધ્યાદુન્નમતી, અન્તાદુન્નમતિ, મહતસ્ય ચાવભાસસ્ય લોકે પ્રાદુર્ભાવો ઽભૂત્ । અન્યાનિ ચાપ્રમેયાનિ અસઙ્ખ્યેયાનિશ્ચર્યાદ્ભુતાનિ પ્રાતિહાર્યાણિ સન્દૃશ્યન્તે સ્મ । તાશ્ચ દેવસઙ્ઘા નિઃપ્રપઞ્ચમહતાલમ્બનજ્ઞાનશાન્તિપદં નામ સમાધિં સમાપદ્યતે સ્મ । યન્ન શક્યં સર્વપ્રત્યેકબુદ્ધાર્હત્ત્વમહાબોધિસત્ત્વૈરપિ જ્ઞાતુમ્ । કઃ પુનર્વાદઃ સમાપદ્યેતું અન્યેષાં સર્વલૌકિકલોકોત્તરાણાં તીર્થાયતનાનાં અભિભવનાર્થં સર્વમન્ત્રતન્ત્રાનુપ્રવેશનાર્થં સર્વવિમોક્ષધર્મપરિપૂરણાર્થં સર્વસત્ત્વાનાં ચ શાન્તિપદમનુપ્રાપણાર્થં સર્વભૂતમનુકમ્પાભૂતકોટિતથતાચિન્ત્યબોધિમણ્ડવજ્રાસનમાક્રમણતિષ્ઠપદમનુપ્રાપણાર્થં ચ ભગવાં શાક્યમુનિઃ ધ્યાયન્તઃ સ્થિતો ઽભૂત્ ॥
અથ ખલુ મઞ્જુશ્રીઃ કુમારભૂતો બોધિસત્ત્વો વજ્રપાણિં બોધિસત્ત્વં મહાયક્ષસેનાપતિ આમન્ત્રયતે સ્મ - ભાષ ભાષ ત્વં ભો જિનપુત્ર સર્વમન્ત્રચર્યાનુપ્રવેશં સર્વલૌકિકમન્ત્રાણાં સારભૂતં તમં પરમરહસ્યં સર્વભૂતસત્ત્વાનાં સમયાનુપ્રવેશં યથાશયમનોરથસર્વપારિપૂરકં અનુજ્ઞાતસ્ત્વં ભો જિનપુત્ર સર્વબુદ્ધૈર્ભગવદ્ભિઃ અતીતાનાગતપ્રત્યુત્પન્નૈસ્તથાગતમન્ત્રકોશસર્વજ્ઞતાપરિપૂરણાર્થં ઇહ કલ્પરાજપટલવિસરે સર્વવિક્રીડાલીલાચિન્ત્યાશ્ચર્યાદ્ભુતવિકુર્વણસન્દર્શનાર્થં સર્વજ્ઞજ્ઞાનમુદ્ભાવનાર્થમ્ ॥
અથ ખલુ વજ્રપાણિઃ બોધિસત્ત્વો મહાસત્ત્વઃ મઞ્જુશ્રિયં કુમારભૂતમામન્ત્રયતે સ્મ । શૃણ્વન્તુ ભો ધર્મધર સર્વતથાગતાનાં સમતાનુરક્ષણદક્ષકથાયાસ્યહં ચતુઃકુમારીણાં ભ્રાતૃસહિતાનાં સરહસ્યં પટવિધાનહોમજાપકાલક્રિયાનિયમઃ પ્રતિમાવિધાનમણ્ડલસમય આહ્વાનનવિસર્જનાપૂજનાર્ઘદીપગન્ધધૂપમાલ્યવિલેપનચૂર્ણવસ્ત્રનિવેદનધ્વજપતાકઘણ્ટામાલપ્રદીપસ્રગ્વિધિસાધનસાધ્યોપાયનિયમક્રમઃ ( વૈદ્ય 403 ) શાન્તિકપૌષ્ટિકાભિચારુક અન્તર્દ્ધાનાકાશગમનપાદપ્રચારિકવશીકરણાવેશનવિદ્વેષણોત્સાદનશોષણમોહનસ્તમ્ભનમારણ વિવિધસત્ત્વાકારકરણપીડનતર્જનભર્ત્સનબહુપદાપદકરણક્રિયો માર્ગસન્દર્શનયથેષ્ટકર્મફલઃ બન્ધનરોહણાવન્ધ્યકરણસર્વકર્મમન્ત્રતન્ત્રસાધનોપયિકેષુ સ્થાનેષુ નિયોજનઃ સિદ્ધિપરિપૂરણા । તછ્રૂયતાં ભો જિનપુત્ર ॥
અથ વજ્રપાણિઃ શ્રીમાં પ્રણિપત્ય સુગતં વિભુમ્ ।
ઉવાચ મધુરાં વાણિં શબ્દાર્થભૂષિતામ્

અનર્થાં કર્ણસુખાં ચૈવ મધુરાર્થસુકૂજિતામ્ ।
બહ્વાર્થકરીમિષ્ટાં સર્વમન્ત્રાસ્પદકરી બ્રહ્મસ્વરનિનાદિનીમ્

કલવિઙ્કરુતાઘોષા સ્પષ્ટગમ્ભીરસંયમી ।
+ + + + સૂક્ષ્માર્થતત્ત્વાવચોદનીમ્

સર્વમન્ત્રેશ્વરીં શ્ચૈવ વાચં ભાષે ઽથ વજ્રધૃક્ ।
શૃણોથ ભૂતગણાઃ સર્વે દેવસઙ્ઘા મહર્દ્ધિકા

વક્ષ્યમાણાં તથા કલ્પં સવિસ્તરં સર્વકર્મિકમ્ ।
ચતુર્મૂર્તિર્મહૌજસ્ક ચતુર્દિક્ષુ સમાગમમ્ ।
ચતુર્વર્ણસમાયુક્તં ચતુરક્ષરભૂષિતમ્

ચતુર્મન્ત્રસમોપેતં સ પુમાં પઞ્ચમાશૃતામ્ ।
ચતુર્થગતિમાહાત્મ્યં ચતુર્ભૂતસમાગમમ્

સભ્રાતૃપઞ્ચમં જ્યેષ્ઠં મહાભૂતાકાશમુદ્ભવમ્ ।
સર્વત્રાપ્રતિહતં શ્રેષ્ઠં સર્વમન્ત્રાર્થસાધનમ્

સર્વકર્મકરં પૂજ્યં જ્યેષ્ઠં મઙ્ગલ્યમઘનાશનમ્ ।
પ્રવૃત્તં સર્વભૂતાનાં મન્ત્રરૂપેણ શ્રેયસામ્

ચતુઃકુમાર્યેતિ વિખ્યાતા કુમારા પઞ્ચમાત્મકા ।
વાય્વમ્બુજ્યોતિષિં પૃથિવીં ખપઞ્ચમાત્મકામ્

તેષાં મન્ત્રરૂપિણ્યાં વિપાકો ભવતિ દેહિનામ્ ।
પઞ્ચમો શ્રેયસો મુખ્યો ભ્રાતૃરૂપેણ મન્ત્રરાટ્ ।
તેષાં મન્ત્રાં પ્રવક્ષ્યામિ અપરાખ્ય શૃણોથ મે

અથ તે સર્વભૂતા વૈ પ્રહૃષ્ટમનસા અભૂત્ ।
નિષણ્ણા ધર્મતાં જ્ઞાત્વા સૌમ્યચિત્તા સમાહિતા ।
શ્રોતુકામા હિ વૈ સર્વો નિશ્ચલાયતલોચના

અથ મઞ્જુવરઃ શ્રીમાં ઊર્ધ્વક્ષ્ય સુગતાત્મજમ્ ।
વજ્રપાણિં મહાયક્ષં સર્વમન્ત્રેશ્વરાલયમ્

કૃપાવકૃષ્ટહૃદયો અપરો ઽભૂત્ તદન્તરે ।
.... સર્વબુદ્ધા વૈ પ્રત્યેકાર્હશ્રાવકા

બોધિસત્ત્વા મહાસત્ત્વા દશભૂમિસમાશૃતા ।
સર્વસત્ત્વા તથા લોકે મુખ્યા અગ્રતમાશ્ચ યે

નિષણ્ણા સર્વતઃ સર્વ ગતિપઞ્ચસુયોજિતાઃ ।
જન્મિનો વરમુખ્યાશ્ચ પરાઃ પરપૂજિતા

ભવાગ્રા હ્યાવીચિપર્યન્તાં અનન્તાં ધાતુમાશૃતામ્ ।
ત્રિજન્માધ્યક્ષપર્યન્તા દશભૂમાધિપા પરા ।
શ્રોતુકામા હિ વૈ સર્વે નિપેતુસ્તં સમાગમમ્

અથ વજ્રધરાધ્યક્ષો વિદિત્વા સર્વમાગતામ્ ।
સત્ત્વાં બોધિસત્ત્વાંશ્ચ સર્વમન્ત્રેશ્વરાલયામ્ ।
સુરજ્યેષ્ઠાં તથા દેવાં દશભૂમ્યેશ્વરામ્

સર્વસત્ત્વાં વિદિત્ત્વૈનાં પ્રસન્નાં બુદ્ધશાસને ।
મન્ત્રં પ્રત્યાહરેદ્ધીમાં મન્ત્રનાથેશ્વરસ્તદા

નમઃ સર્વબુદ્ધાનામપ્રતિહતશાસનાનામ્ અચિન્ત્યાદ્ભુતરૂપિણામ્ । ઓમ્ તુરુ તુરુ હુલુ હુલુ મા વિલમ્બ સમયમનુસ્મર મમ કાર્યં સાધય હૂં હૂં ફટ્ ફટ્ સ્વાહા ॥ સર્વકર્મિકો ઽયં મન્ત્રઃ । હૃદયો ઽયં સર્વબુદ્ધબોધિસત્ત્વાનાં સર્વલૌકિકલોકોત્તરાણાં સર્વવ્યાધિરાજાધિપતીનાં ચ મૂલમન્ત્રો ઽયમ્ અનેન સર્વકર્માણિ કારયેત્ ॥
સર્વદ્રવ્યાણિ સાધયેત્ સર્વકર્મકરો વિભુઃ ।
અનેન તુ સદા કર્મ કુર્યાત્ ક્ષિપ્રાર્થસાધને ।
તત્ર મન્ત્રં પ્રવક્ષ્યામિ દેવસઙ્ઘા શૃણોથ મે

ઓમ્ દેવ સ્વાહા । સાર્ત્થવાહાયસ્તુમ્બુરેર્મન્ત્રઃ । ઓમ્ જયે સ્વાહા । ઓમ્ અજિતે સ્વાહા । ઓમ્ પરાજિતે સ્વાહા । એતે મૂલમન્ત્રા સભ્રાતૃસહિતાનાં ચતુર્ભગિનીનાં લોકપૂજિતાનાં હૃદયાનિ ભવન્તિ । તાસામ્ ઓમ્ રૂપિણી ઓમ્ વિરૂપિણી વિશ્વાત્મને । એતે હૃદયોદ્ભવા મન્ત્રાસ્તુમ્બુરેર્હૃદયે મન્ત્રા ભવન્તિ । ઓમ્ દેવેશાય સ્વાહા । ઉપહૃદયાનિ ભવન્તિ । ઓમ્ વામનિ પિશાચિ ઓમ્ મહારાક્ષસિ સ્વાહા । ઓમ્ વિકૃતરૂપિણિ સ્વાહા । ઓમ્ પ્રકીર્ણકેશી કૃતાન્તરૂપિણિ સ્વાહા । ઓમ્ વજ્રરૂપિણિ કૃતાન્તરાત્રિ ભયાનકિ સ્વાહા । તુમ્બુરેઃ સાર્થવાહસ્યોપહૃદયં ભવતિ । ઓમ્ ચતુર્વક્ત્રવિભૂષિતમૂર્તિ ત્રિનેત્રા લમ્બોદર બહુરૂપિ સ્વાહા । ઓમ્ ધુ ધુ જ્વલય સર્વદિશાં સ્વાહા । સર્વેષાં ભગિનીનાં ભ્રાતૃસહિતાનાં દિવ્યસ્તુ મન્ત્રો ઽયમ્ । ઓમ્ હૂં સર્વેષાં શિખા । ઓમ્ હ્રીઃ જઃ સર્વેષાં શિરઃ । ઓમ્ ધ્યાયિનિ સ્વાહા । સર્વેષાં મન્ત્રઃ । ઓમ્ દૃક્ સર્વેષાં નેત્રઃ । ઓમ્ ભગિનીનાં ભ્રાતૃસહિતાનાં ચન્દનકુઙ્કુમાનુલિપ્તાનાં સમયા ચ રક્ષિતાનાં હિમવન્તસસાગરચારિણાં દૃઢવ્રતાનાં બુદ્ધધર્મસઙ્ઘાનુજ્ઞાતાનાં શ્રીઃ । હ્રીઃ । રીમ્ । વ્રીઃ । ભુજઃ । એષ સર્વભગિનીનાં ( વૈદ્ય 405 ) સર્વભ્રાતૃસહિતાનાં ગાત્રે મહામન્ત્રઃ । સર્વકર્મિકઃ પ્રસિદ્ધઃ સર્વકર્મસુ । પરમગુહ્યતમઃ । ઓમ્ આયાહિ મહાદેવ વિશ્વરૂપિણે સ્વાહા । ઓમ્ તુમ્બુરે સાર્થવાહસ્યાહ્વાનનમન્ત્રા । ઓમ્ ગચ્છગચ્છ મહાદેવ વિશ્વાત્મને સ્વાહા । તમ્બુરેઃ સાર્થવાહસ્ય વિસર્જનમન્ત્રા । ઓમ્ આયાહિ દેવિ કુમારિકે કિં ચિરાયસિસમયમનુસ્મર । મમ કાર્યં સમ્પાદય સ્વાહા । જયાયાહ્વાનનમન્ત્રા । ઓમ્ આયાહિ મહાભોગિનિ કાર્યં મે સાધય સમયમનુસ્મર સ્વાહા । ઓમ્ મહાયોગાન્ધરિ વિસ્તીર્ણધનપ્રિયે સ્વાહા । અજિતાયા આહ્વાનનમન્ત્રા । ઓમ્ શ્મશાનવાસિનિ રૂપપરિવર્તિનિ દેહાનુચરે સ્વાહા । અપરાજિતાયા આહ્વાનનમન્ત્રા પુનરેવ સર્વમણ્ડલાં લૌકિકલોકોત્તરામાલિખેત્ । સર્વકર્મેષુ ચ યોજયેત્ । પરકલ્પવિધાનેનાપિ ઈપ્સિતમર્થં સાધયેત્ । અસ્મિન્નેવ કલ્પવિસરે મૂલકલ્પરાજપટલસમતાસમ્મતશ્ચતુઃકુમારિણાં કુમારસહિતાનામાદિમાખ્યાયતે મન્ત્રો ઽયં બુદ્ધાત્મજો યમિચ્છતિ ।
સર્વકર્મિકમિત્યાહુઃ બુદ્ધપૂત્રા મહર્દ્ધિકા ।
કુલાગ્રા મન્ત્રમુખ્યાશ્ચ સર્વમન્ત્રેશ્વરો વિભુઃ

કરોતિ વિવિધાં કર્માં વિચિત્રાં સાધુવર્ણિતામ્ ।
પ્રસહ્યં ચાપિ ભૂતાનાં ચિત્તં હરતિ તૃજન્મિનામ્

ગત્યર્થવશ્યતાહેતુનાપત્યાર્થસમુદ્ભવમ્ ।
પ્રસહ્યં કુરુતે કર્મ ગતિયોનિવિનિર્ગતઃ

ચતુર્ભગિન્યેતિ વિખ્યાતા ............ ।
સભ્રાતૃસહિતા નિત્યં મહોદધિનિવાસિનઃ

નૌયાનસમારૂઢા સભ્રાતૃસહપઞ્ચમા ।
કર્ણધારો ઽથ ચિત્તાસાં તુમ્બુરુર્નામ સંજ્ઞિતઃ

વિચરન્તિ મહીં કૃત્સ્નાં સત્ત્વાનુગ્રહતત્પરામ્ ।
વિચિત્રરૂપધારિણ્યો વિચિત્રાભરણભૂષિતાઃ

વિચિત્રૈવ ફલં તાસાં વિચિત્રોપકરણપૂજિતામ્ ।
પર્યટન્તિ મહીં સર્વાં સશૈલસહસાગરામ્

તાસાં મન્ત્રો મહાજ્યેષ્ઠઃ તુમ્બુરુર્નામ ઇષ્યતે ।
સાર્થવાહસ્ય મન્ત્રો વૈ ત્ર્યમ્બકસ્ય જનાધિપે ।
ચતુરક્ષરસંયોગા ઓઙ્કારસપઞ્જકઃ

પ્રથમઃ સર્વમન્ત્રાણાં ચાર્ચનં કુર્યાત્ ગન્ધધૂપદીપમાલ્યોપહારવિશેષૈઃ બલિવિધાનં દત્વા જપં કુર્યાત્ । અનાકુલપદાક્ષરૈઃ । ગુહ્યપ્રદેશે એષામન્યતમં શ્રેષ્ઠં મન્ત્રં ગૃહીત્વા ત્રિઃકાલમષ્ટસહસ્રં જપેત્ । આગતાયા અર્ઘં દત્વા સર્વકર્માણિ કારયેત્ । અર્ઘમન્ત્રં ચાત્ર ભવતિ । ઓમ્ પ્રવિગૃહ્ણતુ ભગિન્યઃ સભ્રાતૃસહિતા ચાર્ઘમયમધિતિષ્ઠન્તુ સ્વાહા । અર્ઘમન્ત્રા સર્વેષાં ભ્રાતૃસહિતાનાં સર્વોપચારમન્ત્રાણિ ભવન્તિ । ઓમ્ જ્વલ જ્વલ મહાહુતાશાર્ચિ મહાદ્યુતીનાં ( વૈદ્ય 406 ) સ્વાહા । સર્વેષાં પ્રદીપમન્ત્રા । ઓમ્ ધૂં ધૂં । અરિતવાસિનિ ધૂપશિખે સુરભિગન્ધમનોહરે પ્રતિગૃહ્ણતુ દેવ્યઃ ભ્રાતુસહિતાઃ ધ્યાયન્તાં સ્વાહા । ધૂપમન્ત્રઃ સર્વેષામ્ । ઓમ્ કુસુમવાસિનિ કુસુમાઢ્યે સુરભિમાલે સુગન્ધિમનોહરે વને કુસુમા જાતાઃ સુકુમારાઃ સુગન્ધિનઃ । તાં નિવેદિતો ભક્ત્યા પ્રતિગૃહ્ણધ્વં મનોજવા સ્વાહા । પુષ્પમન્ત્રા । અનેન પૂજાં કુર્વીત । ઓમ્ ગન્ધગન્ધાધિવાસે સ્વાહા । ગન્ધમન્ત્રા । ઓમ્ બલિતે બલિનિ સ્વાહા । બલિમન્ત્રા । ઓમ્ લાલાવતિ સ્વાહા । નિવેદ્યમન્ત્રા । ઓમ્ સૂ । વસ્ત્રમન્ત્રા । ઓમ્ ફટ્ । ઘણ્ટામન્ત્રા । ઓમ્ સ્વરવ્યઞ્જનમન્ત્રા । ઓમ્ છાદય છત્રમન્ત્રા । ઓમ્ દોધૂયતે ધૂયતે સ્વાહા । ચમરમન્ત્રા । ઓમ્ કેલિમહોકલિહૃદયઙ્ગમે સ્વાહા । સર્વદ્રવ્યોપકરણાઞ્જનરોચનાદર્શપ્રસાધનમન્ત્રા । ઓમ્ સમસ્તવ્યાપિનિ સ્વાહા । સર્વદિગ્બન્ધવજ્રપ્રાકારમન્ત્રા । ઓમ્ મણ્ડલિને સ્વાહા । ઇત્યૂર્ધ્વમધઃ બન્ધમન્ત્રા । સર્વતશ્ચ સમન્તાશેષબન્ધં ભવતિ । ઓમ્ નમઃ સર્વબુદ્ધાનામપ્રતિહતશાસનાનામ્ । ઓમ્ હૂં હઃ । સર્વકર્મિકો ઽયં મહાવિદ્યારાજા શાસનો નામ । વશિતા સર્વભૂતાનાં ચતુઃકુમારીણાં સભ્રાતૃસહિતાનાં પીડનો શોષણો રોધનો બન્ધનઃ વશયિતા નિગ્રહાનુગ્રહે રતઃ સર્વભૂતગ્રહમાતર સર્વકર્મેષુ અપ્રતિહતશાસનઃ ગુહ્યે પ્રદેશે અવવરકે વા જપ્યમાનશ્ચતુર્ભગિનીનાં સભ્રાતૃસહિતાનાં યં રોચતે તં કારયતિ । યાચ્યમાનસ્તુ યં બરં રોચતે તં વરં યાચયિતવ્યા શીઘ્રં વરમનુપ્રયચ્છતિ । એવં બન્ધનતાડનતર્જનતર્જનમારણાદીનિ કર્માણિ કુર્વન્તિ । અનેનૈવ વિદ્યારાજેનોપતપ્યમાના સહ જપ્યમાના સર્વકર્માણિ કુર્વન્તિ । આસાં મન્ત્રાણિ ભવન્તિ । વિસર્જનાધ્યેષણાદીનિ કાર્યાણિ કુર્વન્તિ ॥ ઓમ્ રૂપિણી ગચ્છ ગચ્છ સમયમનુસ્મર સ્વાહા । જયાયા વિસર્જનમન્ત્રા । ઓમ્ વામને પિશાચિ પ્રકીર્ણકેશિ વિશ્વરૂપિણિ ગચ્છ ગચ્છ મમ કાર્યં સાધય સ્વાહા । વિજયાયા વિસર્જનમન્ત્રઃ । ઓમ્ લહુ લહુ રૂપિણિ ગચ્છ ગચ્છ સમયમનુસ્મર મમ કાર્યં સમાદાય સ્વાહા । અજિતાયા વિસર્જનમન્ત્રા । ઓમ્ વિશ્વરૂપિણિ વિકૃતે વિકૃતાનને સર્વદુષ્ટનિવારણિ ગચ્છ ગચ્છ મમાર્થં સાધય સ્વાહા । અપરાજિતાયા । વિસર્જનમન્ત્રા એતે વિસર્જનાધ્યેષણમન્ત્રા । યન્મનીષિતં કાર્યં । વિચિત્રકુસુમૈરઞ્જલિં પૂરયિત્વા યાચયિત્વા પ્રસાદ્ય ચ દેવીનામગ્રતઃ સભ્રાતૃસહિતાનાં ક્ષેપ્તવ્યાઃ । તતસ્તા મુક્તા ભવન્તિ । સભ્રાતૃસહિતા સાન્નિધ્યં ચ કલ્પયન્તે । યથેષ્ટં ચ વરમનુપ્રયચ્છન્તિ વિચરન્તિ યથાસુખમિતિ । વાચા વક્તવ્યા પ્રતિદિનં ચ કર્તવ્યમેવમુપરુધ્યમાના મોક્ષણાચ્ચ સાન્નિધ્યં ન પરિત્યજન્તિ । સતતક્રિયા અન્યથા ઉપરુધ્યમાના નાવતિષ્ઠન્તે કર્તવ્યમ્ ॥
અથ તે ભગિન્યઃ સભ્રાતૃસહિતાઃ થરથરાયમાનાઃ પીડ્યમાનાશ્ચ વેપથુરુપજાતશઙ્કા બોધિસત્ત્વાનુભાવેન ચતુર્દિક્ષુ રાગત્ય એવં વાચમુદીરયન્તે - પરિત્રાયસ્વ ભગવં વજ્રપાણિ પરિત્રાયસ્વ । પીડિતાઃ સ્મ ભગવં સુપીડિતાઃ સ્મ । ગતિરન્યા ન વિદ્યતે । ત્વમેવ ભગવં શરણમ્ । ત્વમેવ ત્રાણમિતિ ॥
અત્રાન્તરે વિદ્યારાજેન શાસને સુશાસિતા સર્વદેવનાગયક્ષગન્ધર્વાસુરગરુડકિન્નરમહોરગમનુષ્યામનુષ્યા સર્વસત્ત્વાશ્ચ સર્વગતિસઙ્ગૃહીતાશ્ચ સુવિનીતાશ્ચ સુશાસિતા મહાવિદ્યારાજેન ( વૈદ્ય 407 ) વજ્રાધિપતિનાનુભાવેન તાઃ ભગિન્યઃ ભ્રાતૃસહિતાઃ ભીતાઃ સુવિનીતા આર્તસ્વરં ક્રન્દમાનાઃ અવતિષ્ઠન્તે । અથ ખલુ મઞ્જુશ્રીઃ બોધિસત્ત્વો મહાસત્ત્વઃ તાં દેવતાં ભ્રાતૃસહિતાનામન્ત્રયતે સ્મ । મા ભૈષ્ટત ભગિન્યઃ મા ભૈષ્ટથ । બુદ્ધં શરણં ગચ્છધ્વમ્ । દ્વિપદાનામગ્રં ધર્મં શરણં ગચ્છધ્વમ્ । વિરાગાણામગ્રં સઙ્ઘં શરણં ગચ્છધ્વમ્ । ગણાનામગ્ર્યમ્ ॥
અથ તા ભગિન્યઃ સભ્રાતૃપઞ્ચમાઃ બુદ્ધં શરણં ગચ્છન્તિ । એવં શરણં ગચ્છન્તિ । સઙ્ઘં શરણં ગચ્છન્તિ સ્મ । તતસ્તાઃ સુખસૌમનસ્યાઃ પરમેણ સુખસૌમનસ્યેન સમન્વાગતા અભૂવન્ । મુક્તગાઢબન્ધનાત્માનં સઞ્જાનતે સ્મ । પ્રીતીસુખસમર્પિતાઃ લબ્ધપ્રસાદપરમસઞ્જાતહૃષ્ટરોમકૂપાઃ ઇદમુદાનમુદાનયન્તિ સ્મ -
અહો આશ્ચર્યમિદં પ્રાપ્તો રત્નત્રયોદ્ભવે ।
સુખિતાઃ સ્મ ક્ષણાલ્લબ્ધાત્ સર્વદુર્ગતિઘહિતાઃ ।
સુગતૌ સ્વર્ગમોક્ષો ચ સદા બુદ્ધિનિવેશિતા

તતસ્તાં તુષ્ટમનસો મઞ્જુઘોષં નિરીક્ષ ચ ।
પ્રણિપત્ય ચરણૌ મૂર્ધ્ના ઇદં વાચમુદીરયમ્ ।
ત્રાતસ્ત્વં સર્વદુઃખેભ્યઃ ગતિસ્ત્વં ભો મહાદ્યુતેઃ

યસ્ત્વં સર્વધર્માણાં ગભીરપદમક્ષરા ।
ત્વં દેશયસે નાથ બન્ધુભૂત નમો ઽસ્તુ તે

આજ્ઞાપય મહાવીર મન્ત્રનાથં જિનાત્મજમ્ ।
કિમાનીતાઃ સ્મ દેવેન આજ્ઞાં કિં કરવાનિ હ

એવમુક્તાસ્તુ વીરો વૈ સર્વબુદ્ધાત્મજો વિભુઃ ।
ઉવાચ મધુરાં વાણીં દેવતાભિઃ સ ચોદિતઃ

ગચ્છ ત્વં શરણં ભૂયઃ વજ્રપાણિજિનાત્મજે ।
અવૈવર્તિકસઙ્ઘો વૈ બોધિસત્ત્વાગ્રજોદ્ભવેત્

તૃરત્નમાદૌ કૃત્વા વૈ વંશજં જિનવરાત્મજમ્ ।
ચિત્તં ચ બોધો ઈરધ્વં મૈત્રચિત્તા ભવોત્સુકા ।
તતો વા સર્વતઃ કૃત્વા જઘ્નુઃ સ્વસ્થતાસ્પદમ્

તતસ્તા દેવતાઃ સર્વે પ્રણિપત્ય જિનાત્મજમ્ ।
આજ્ઞાં સમ્પાદ્ય સર્વં વૈ યેન વજ્રી તદોન્મુખા

નમસ્કૃત્વા તુ તાં ક્ષિપ્રં વજ્રપાણિં મહાદ્યુતિમ્ ।
અભિષ્ટુત્ય તતઃ સર્વે સ્થિતાઃ તન્મુખોદ્ભવાઃ

પ્રસમીક્ષ્ય તદા કન્યા સભ્રાતૃસહપઞ્ચમા ।
વજ્રપાણિં ચ યક્ષેશં નિરીક્ષમાણાઃ સ્થિતાઃ ।
અભૂવં નિત્યાર્થમાસ્પદા દેવ્યઃ અનિત્યાર્થાર્થભૂષિતાઃ

પ્રણેમમધુરાં વાચામાત્મમન્ત્રાર્ત્થશોભનામ્ ।
નમસ્તે સર્વબુદ્ધાનાં બોધિસત્ત્વાં મહર્દ્ધિકામ્

પ્રત્યેકાર્હસઙ્ઘં ચ અસતાંશ્ચૈવ યોગિનામ્ ।
આત્મમન્ત્રાર્થવિસ્તારં કથયામો મહાદ્યુતે

યથાતત્ત્વાવબોધાર્ત્થં જનાનાં તુ મહીતલે ।
સરહસ્યં ગુહ્યમન્ત્રાણાં ત્વદ્વક્ષાન્નિસૃતાત્મનામ્ ।
અનુરક્ષાર્થમન્ત્રાણાં આસ્પદાર્થાર્ત્થભૂષણામ્

એવમુક્તે તુ મન્ત્રેશઃ વજ્રપાણિર્મહાદ્યુતિઃ ।
ઈષિસ્મિતમુખો ભૂત્વા વિલોક્ય વિકસન્મુખઃ

પૂજાયામાસ તાં કન્યાં સભ્રાતૃસખીજનામ્ ।
અનુજ્ઞાતં મયા યૂયં નિર્વિશઙ્ક ભવિષ્યથ

સંશ્રાવ્ય કલ્પવિસ્તારં સરહસ્યં સમણ્ડલમ્ ।
જન્તુભિઃ પૂજિતાઃ નિત્યં વરં વો દાસ્યથ સર્વદા

ઋષિભિઃ પૂજિતા યૂયં યક્ષરાક્ષસકિન્નરૈઃ ।
ગરુડૈર્દેવગન્ધર્વૈઃ અસુરૈશ્ચાપિ મહર્દ્ધિકૈઃ

કૂષ્માણ્ડૈઃ માતરૈશ્ચાપિ સમગ્રૈઃ સોમભાસ્કરૈઃ ।
લોકપાલૈઃ ધનાધ્યક્ષૈઃ પતદ્ભિઃ વસવૈસ્તથા

તૈરિવેયં સુરાધ્યક્ષૈઃ પિશાચોરગમાનુષૈઃ ।
ભૂતાધ્યક્ષૈઃ નિશાધ્યક્ષૈઃ પિશિતાશનવ્યન્તરૈઃ ।
રાક્ષસાધિપમુખ્યૈશ્ચ રૌદ્રચિત્તૈર્વિહેઠકૈઃ

દૈત્યદાનવસઙ્ઘૈશ્ચ યમૈઃ પ્રેતમહર્દ્ધિકૈઃ ।
માનુષામાનુષૈશ્ચાપિ બ્રહ્મવિષ્ણૂમહેશ્વરૈઃ

સુરમુખ્યૈર્મહાજ્યેષ્ઠૈઃ સિદ્ધચારણપૂતનૈઃ ।
યોગિભિર્જિનપુત્રૈશ્ચ પૂજિતા વો ભવિષ્યથ

+ + + + ન સન્દેહો પ્રભાવા વરક્રમા ।
જયાયા મન્ત્રમિત્યાહુઃ કલ્પવિસ્તારવિસ્તરા

નવ કોટ્યસ્તુ મન્ત્રાણાં તન્ત્રકલ્પસવિસ્તરા ।
વિજયા ચૈવ મન્ત્રાણાં ષષ્ટિર્લબ્ધા પ્રકીર્તિતા

અજિતાયા તુ ભવેન્માત્ર લક્ષષોડશકોદ્ભવા ।
અપરાજિતાયા તુ કન્યાયા ચતુઃકોટ્યઃ ઉદાહૃતાઃ

તુમ્બુરેઃ સાર્થવાહસ્ય નવકોટ્યો ઽથ ગાયતઃ ।
તત્પ્રમાણા ભવેત્ કલ્પા નૃસુરાસુરપૂજિતાઃ

સર્વં શૈવમિતિ ખ્યાતં સર્વૈર્ભૂતલવાસિભિઃ ।
મયૈવ નિગદિતં પૂર્વં કલ્પે મસ્મિં સવિસ્તરે

પશ્ચાદન્યો જનઃ પ્રાહુઃ કલ્પમન્ત્રાં પૃથક્ પૃથક્ ।
તુમ્બુરુઃ સાર્થવાહસ્ય ત્ર્યમ્બકસ્ય તુ ધીમતેઃ

અનન્તા કલ્પવિસ્તારા શર્વસ્યાસ્ય કપર્દિને ।
યત્પ્રભાવાર્ત્થં મન્ત્રાણાં સિદ્ધિં યાસ્યન્તિ ભૂતલે

અનુજ્ઞાતાથ વૈ યૂયં કલરાજે ઽથ વૈ સદા ।
ભાષધ્વં મન્ત્રતન્ત્રાણાં સરહસ્યં સવિસ્તરમ્ ।
સગુહ્યં ગુહ્યતમં ચાપિ સર્વસત્ત્વસુખોદયમ્

ઇત્યુક્ત્વા વજ્રધૃક્ શ્રીમાં વજ્રમાશૃત્ય લીલયા ।
તૂષ્ણીમ્ભૂત તદા તસ્થૌ રત્નપઙ્કજમુચ્છૃતે

અથ તાઃ કન્યકાઃ ક્ષિપ્રં સભ્રાતૃમથપઞ્ચમાઃ ।
પ્રણિપત્ય મન્ત્રનાથં વૈ યક્ષેશં જિનવરાત્મજમ્

વજ્રપાણિં મહાવીરં મન્ત્રનાથેશ્વરં વિભુમ્ ।
ઉવાચ મધુરાં વાચાં એકૈકામનુપૂર્વતઃ

મણ્ડલં તુ સમાસેન વક્ષ્યે ઽહં ભુજયોદયમ્ ।
જ્યેષ્ઠમણ્ડલમિત્યાહુઃ જયા જ્યેષ્ઠમગાયત

વિજને રહસિ સમ્પાતે વિગતે ચૈવ મહાજને ।
પ્રચ્છન્ને ઽગ્રપ્રસમ્બાધે સરિત્તીરે શિલોચ્ચયે

વિવિક્તે કાનને રમ્યે બુદ્ધાધ્યુષિતમન્દિરે ।
શૂન્યે દેવકુલે ચાપિ શૂન્યે વેશ્મમુ શોધિતે

એકવૃક્ષે શુભે રમ્યે મહોદધિસમાશ્રયે ।
એકલિઙ્ગે શ્મશાને ચ વિગતે ધૂમપાંસુભિઃ ।
વજ્રાસનમહાપુણ્યે ધર્મચક્રે સુશોભને

યત્ર શાન્તિં ગતો બુદ્ધઃ યત્ર જાતો મહામુનિઃ ।
એતે સ્થાના ભવેન્મુખ્યા મણ્ડલાલિખને શુભા ।
ગઙ્ગાતીરે ઽથ સર્વત્ર સદ્વીપપુલિનાશ્રયે

સરિદ્વરાશ્ચ મુખ્યા યે કીર્ત્તિતા લોકવિશ્રુતા ।
તેષુ તીરેષુ સર્વત્ર નિત્યં મણ્ડલમાલિખેત્

સમન્તાત્ સર્વતોયાન્તા મહોદધિસમપ્લવા ।
હિમવન્તવિન્ધ્યા તોયાન્તા પ્રસ્થિતા નિમ્નગામ્બુધેઃ ।
સરિદ્વરિષ્ઠેષુ તીરેષુ યુક્તો મણ્ડલમાલિખેત્

અન્યે વા રહસિ ભૂભાગે ઉડયે વા સુશોભિતે ।
દેવાયતનરમ્યેષુ સ્તૂપે ચાપિ મહોચ્છ્રિતે ।
ધાતુગર્ભે તથા ચૈત્યે વાપીકૂપાસુ વીથિકૈઃ

તેષુ તીરેષુ સર્વત્ર મધ્યે ચાપિ સુશોભિતૈ ।
ગોષ્ઠે પદ્મસરત્સર્વાં ક્વચિત્ તોયાશ્રયોદ્ભવૈઃ ।
અન્યૈર્વા સ્થાનાગ્રૈર્નિત્યં વિહારારામભૂપિતૈઃ

યથિષ્ટમનસો તુષ્ટિઃ મુનિજુષ્ટે મહીતલે ।
પર્વતાગ્રૈર્ગ્રહૈશ્ચાપિ કન્દરૈઃ સાનુચિહ્નિતઃ

શાન્તૈરાવસથૈર્દિવ્યૈઃ ગ્રહૈશ્ચાપિ વિજન્તુભિઃ ।
ધ્યાનાનુકૂલૈઃ પ્રશસ્તૈશ્ચ ઋષિમુખ્યૈર્નિષેવિતૈઃ

યત્ર વા મનસો તુષ્ટિઃ તત્ર મણ્ડલમાલિખેત્ ।
એષુ સ્થાનેષુ વૈ નિત્યં યથોદિષ્ટૈઃ સુપૂજિતૈઃ

નિપેતુર્દેવતાઃ ક્ષિપ્રં સાન્નિધ્યં ચાપિ કલ્પયેત્ ।
તત્ર સ્થાને તદા નિત્યં જપહોમક્રમો વિધિઃ

યે સાધ્યા મન્ત્રમુખ્યાશ્ચ ઉત્તમાધમમધ્યમાઃ ।
સિદ્ધ્યન્તિ મન્ત્રાઃ સર્વે વૈ સિદ્ધક્ષેત્રેષ્વિહોદિતે

સિદ્ધ્યન્તિ સર્વમન્ત્રા સર્વે વૈ જ્યેષ્ઠમધ્યમકન્યસા ।
વિવિધા હિ ભવે સિદ્ધિઃ ત્રિવિધૈવ ક્રિયાવિધિઃ

ત્રિપ્રકારસ્તુ મન્ત્રાણાં ત્રિધા કાલપ્રભેદતઃ ।
ત્રિસન્ધ્યં સર્વમન્ત્રાણાં ત્રિધા કર્મફલોન્મુખાઃ

શાન્તિકં કર્મ નિર્દિષ્ટં જયાખ્યે મણ્ડલે શુભે ।
વિજયાખ્યે તુ પૌષ્ટ્યર્થં અજિતાખ્યે ચાભિચારુકમ્

અપરાજિતાખ્યે તથા નિત્યં નિર્દિષ્ટં ક્ષુદ્રકર્મસુ ।
સર્વકર્મસુ મન્ત્રજ્ઞઃ તુમ્બુરાખ્યં સમાલિખેત્

પઞ્ચૈવ મણ્ડલા જ્ઞેયા અમ્ભોધે તુ નિવાસિનામ્ ।
સમન્તાચ્ચતુરસ્રં વૈ ઉક્તિમાત્રં ખનેદ્ ભુવિ

ચતુર્હસ્તાષ્ટહસ્તં વા સંશોધ્ય પાણિના પુનઃ ।
કઠણ્ણઃ શર્કરાઙ્ગારઃ તુષકેશમવસ્કરામ્

કપાલાસ્થિશકૃદુષ્ટાં સંશોધ્ય પાણિના તતઃ ।
સ્વયં ચાપિ પરૈસ્તત્ર સર્વાવસ્કરતાં જપેત્

કૃમિજન્તુસમાકીર્ણાઃ સંશોધ્યઃ યત્નતો વ્રતી ।
આપૂર્યારન્યમૃત્તિકૈઃ શુચિભિશ્ચ સુગન્ધિભિઃ

નદીકૂલોદ્ભવૈર્મેધ્યૈસ્તથા વલ્મીકાગ્રસમ્ભવૈઃ ।
ગોષ્ઠભૂતલયોર્મધ્યે તદન્યૈર્વા પાર્થિવોદ્ભવૈઃ

સિકતાભિઃ સમન્તાદ્ વૈ સઞ્છાદ્ય પ્રસન્નધીઃ ।
અથવા ગોમયમિશ્રૈર્વા મૃત્તિકાભિઃ સમન્તતઃ

સમન્તમાલેપયેત્ ક્ષિપ્રં પઞ્ચગવ્યસમાસૃતૈઃ ।
કુઙ્કુમાક્તૈસ્તથા સ્નિગ્ધૈઃ વિવિધૈઃ ગન્ધમિશ્રિતૈઃ

મૃત્તિકાભિઃ સમન્તાદ્ વૈ મણ્ડલં તુ સમન્તતઃ ।
આલેપ્ય ભુવિ યત્ના વૈ મન્ત્રવિન્મન્ત્રતન્ત્રવિત્

પઞ્ચાઙ્ગિકચૂર્ણૈસ્તુ વિવિધૈઃ ધૂપવાસિતૈઃ ।
આલિખેન્મણ્ડલં દિવ્યં સમન્તા ચતુર્હસ્તકમ્

અષ્ટહસ્તપ્રમાણં વા જ્યેષ્ઠં મણ્ડલમુચ્યતે ।
ચતુર્હસ્તો ઽથ કનિષ્ઠં મધ્યમં પરિકીર્ત્યતે

પઞ્ચહસ્તો ઽથ વિખ્યાતઃ ષટ્ હસ્તો ઽથ મુક્તવામ્ ।
સર્વેષાં તુ દેવીનાં સભ્રાતૃસહિતાત્મનામ્ ।
મણ્ડલપ્રમાણમિત્યુક્તઃ સમન્તા ચ્ચતુરશ્રિતમ્

ચતુર્દ્વારં ચતુઃકોણં ચતુસ્તોરણભૂષિતમ્ ।
આલિખેન્મણ્ડલં દિવ્યં પ્રશસ્તં ચારુરૂપિણમ્

મધ્યે કુમારમાલિખ્ય બાલરૂપસુભૂષણમ્ ।
કુઙ્કુમાકારવર્ણાભં વામમધ્યે ઽથ સંસ્થિતમ્ ।
નીલોત્પલં સમન્તાદ્યકરલગ્નોપશોભિતમ્

દક્ષિણે કરવિન્યસ્તં શ્રીમાલં ફલમાયતમ્ ।
કિઞ્ચિદ્વરદં દેવં મઞ્જુઘોષં મહાપ્રભુમ્

કિંચિદુન્મીલિતાક્ષં તુ ઈષિત્પ્રેક્ષણદેવતામ્ ।
દક્ષિણેન સમન્તાદ્ વૈ મહોદધિ સમાલિખેત્

તત્રસ્થા નાવારૂઢં દેવ્યાં ભ્રાતૃપઞ્ચમામ્ ।
આલિખેન્મન્ત્રવિદ્યાનાં સુવેષાં ચારુરૂપિણામ્

વિચિત્રાભરણવિન્યસ્તાં વિચિત્રપ્રહરણોદ્યતામ્ ।
કુમાર્યાકારચેષ્ટાનાં સભ્રાતૃકુમારવિક્રમામ્

નૌયાનસમારૂઢાં સભ્રાતૃસહપઞ્ચમામ્ ।
કર્ણધારસમોપેતાં તુમ્બુરુઃ સાર્થવાહિકામ્

મહોદધિ સમન્તાદ્ વૈ મણ્ડલાભ્યન્તરં સ્થિતમ્ ।
ઋષાદ્યૈ પ્રાણિભિર્યુક્તં સ્ફોટકં વારિપૂજિતમ્

આલિખેન્મણ્ડલં ધીમાં ગુપ્તે રહસિ સર્વતઃ ।
યથા હિ વિધિનિર્દિષ્ટં તત્ત્વં ચાપિ કીર્ત્તિતમ્

તત્ સર્વં કારયેત્ ક્ષિપ્રં લૌકિકેષ્વેવ યોજયેત્ ।
યાવન્તિ શૈવતન્ત્રે ઽસ્મિં યે તન્ત્રે ચાપિ ગારુડે

બ્રહ્માદ્યૈરૃષિમુખ્યૈશ્ચ ભૃગ્વાઙ્ગિરસકાશ્યપૈઃ ।
માર્કણ્ડમુનિવરૈશ્ચાપિ પુલસ્ત્યાગસ્તિસમ્ભવૈઃ

વાસવૈઃ શક્રદેવૈશ્ચ રુદ્રેન્દ્રસભાસ્કરૈઃ ।
વિવિધૈઃ સત્ત્વમુખ્યૈશ્ચ યમાદ્યૈઃ પ્રેતમહર્દ્ધિકૈઃ

ગ્રહમાતરકૂષ્માણ્ડૈઃ યક્ષરાક્ષસપૂજિતૈઃ ।
માનુષામાનુષે લોકે ચિત્તનાથૈર્મહર્દ્ધિકૈઃ

પૂજિતા કલ્પવિસ્તારા વિષ્ણુરુદ્રસવાસવૈઃ ।
કથિતા કલ્પમહાત્મ્યં નિખિલાશ્ચૈવ ભૂતલે

તસ્મિં મણ્ડલે યોજ્યા સિદ્ધ્યન્તીહ ન સંશયઃ ।
વિવિધા યોનિમુખ્યૈસ્તુ વિવિધાકારચેષ્ટિતૈઃ

કથિતા કથયિષ્યન્તિ દેવીનાં કલ્પવિસ્તરામ્ ।
તસ્મિં સમયે નિયોક્તવ્યા જયાખ્યે મણ્ડલે ભુવિરિતિ