મઞ્જુશ્રીમૂલકલ્પ · અધ્યાય 46

આર્યમઞ્જુશ્રીમૂલકલ્પાત્ બોધિસત્ત્વપિટકાવતંસકાન્મહાયાનવૈપુલ્યસૂત્રાત્ સર્વતથાગતાચિન્ત્યધર્મધાતુમુદ્રામુદ્રિતા ત્રિચત્વારિંશતિમઃ સ્વચતુર્થો મુદ્રાપટલવિસરઃ ।
અથ ષટ્ચત્વારિંશઃ પટલવિસરઃ ।
અથખલુ ભગવાં શાક્યમુનિઃ પુનરપિ શુદ્ધાવાસભવનમવલોક્ય મઞ્જુશ્રિયં કુમારભૂતમામન્ત્રયતે સ્મ । શૃણુ ત્વં મઞ્જુશ્રીઃ પઞ્ચમમુદ્રાપટલવિસરં ત્વદીયં સર્વતથાગતધર્મકોશાનુપ્રવિષ્ટં પરમગુહ્યતમં ધર્મધાત્વસંખ્યેયાચિન્ત્યમુદ્રામુદ્રિતં સર્વમન્ત્રચર્યાનુપ્રવિષ્ટં પરમરહસ્યતમં સર્વલોકોત્તરોત્કૃષ્ટતમં સર્વલૌકિકાનુચરિતાં મોદ્યતમં કતમં ચ તદ્ ભાષિષ્યે ઽહમ્ । પૂર્વં તથાગતૈઃ ભાષિતવન્તઃ ॥
અથ મઞ્જુશ્રીઃ કુમારભૂતો બોધિસત્ત્વો મહાસત્ત્વઃ પુનરપિ ઉત્થાયાસનાદ્ ભગવતઃ ચરણયોર્નિપત્ય ભગવન્તમેતદવોચત્ । તત્ સાધુ ભગવાં દેશયતુ સર્વમન્ત્રચર્યાનુપ્રવિષ્ટાં સર્વસત્ત્વાનામર્થાય અસ્માકં ચાનુકમ્પામુપાદાય મહાપ્રણિધાનમહાનિર્હારમહાબોધિમણ્ડોપસઙ્ક્રમણચર્યાપરિપૂરણતાય પઞ્ચમં મહામુદ્રાપટલવિસરં સંક્ષેપતઃ પઞ્ચ ચૈવ મહામુદ્રાઃ । અપર્યન્તા ચ સ્થિતમુદ્રાં આહ્વાનનવિસર્જનસર્વકર્માર્થસર્વમનોરથમાશાપારિપૂરણતાયૈ સર્વમન્ત્રતન્ત્રમહામુદ્રાનુપ્રવેશનતાયૈ સર્વસત્ત્વસન્તોષણમહાસમયસર્વમુદ્રાનુપ્રવેશનતાયૈ યસ્યેદાનીં કાલં મન્યશ્ચેતિ ॥
એવમુક્તસ્તુ ભગવતો શાક્યસિંહ નરોત્તમ ।
મઞ્જુપ્રતિભો ધીમાં તૂષ્ણીં તસ્થૌ તદાન્તરે

ઇયં વસુમતી કૃત્સ્ના ષડ્વિકારં પ્રકમ્પિરે ।
સર્વભૂતગણા ત્રસ્તા ક્ષુભિતં ચાપિ ઋષાલયાઃ

તૃધાતુગતયઃ સત્ત્વાસ્તત્ક્ષણાદેવ માગતાઃ ।
દૃષ્ટ્વા આગતાં સત્ત્વા વવ્રે વાણી ઋષિસત્તમઃ

શાક્યકુલજો દક્ષઃ મુદ્રાં દેશે તુ તત્ક્ષણાત્ ।
યં બદ્ધ્વા પુરુષા પ્રાજ્ઞા નિયતં બોધિપરાયણાઃ

સર્વમન્ત્રાશ્ચ સિદ્ધેયુ સૌગતા યે ચ લૌકિકા ।
પઞ્ચ ચૈવ મહામુદ્રા બદ્ધા મુનિવરૈઃ પુરા

અધુના શાક્યમુદ્દેક્ષ્યઃ બદ્ધ્વૈતા તૃભવાલયે ।
સ્વયમેવ ભગવાં શાસ્તુ હસ્તોત્તાનતાં કૃથા

વેણિકાકારમાવેષ્ટ્ય મધ્યમાઙ્ગુલિ નામયેત્ ।
કન્યસૌ સંસ્પર્શયેદ્ ધીમાં ઉભા અઙ્ગુષ્ઠ ઉચ્છ્રયે

અઙ્કુઞ્ચ્યમઞ્જલ્યાકારં દર્શયેન્મઞ્જુરવેહિતામ્ ।
એષા મુદ્રા મહામુદ્રા સર્વબુદ્ધાનુવર્ણિની ।
સર્વથા સાધિતા દેવી પૂર્ણેતિ ચ ગીયતે

તદેવ હસ્તૌ ભ્રામયિત્વા તુ નાભિદેશે તુ સંન્યસેત્ ।
આશાસમ્પાદિની ક્ષિપ્રં મહાપુણ્યા હિતા હિ સા ।
મનોરથેતિ સમાખ્યાતા દુર્દાન્તદમની સદા

તદેવ હસ્તૌ સંન્યસ્ય મુષ્ટિયોગેન વેષ્ટયેત્ ।
ઉરઃ સ્થાને સદા ન્યસ્યા તૃતીયા ભવતિ સુનિર્મલા

ચતુર્થી તુ ભવેત્ સા તુ શિરઃસ્થાને સુમુદ્રયા ।
પઞ્ચમી તુ ભવે જ્યેષ્ઠા મુક્તા સર્વગતાં નુ ગુણાન્

લોકધાત્રી તુ સા જ્ઞેયા પ્રસિદ્ધા સર્વકર્મસુ ।
એષ એવ સદાયોગઃ પ્રયોક્તવ્યઃ સર્વકર્મસુ

આકૃષ્ટાવઙ્ગુલિતર્જન્યૌ આકૃષ્ય વશ્યતા હિતા ।
વિક્ષિપ્તૈર્વિસર્જનં કુર્યાત્ મનસા મોક્ષ એવ તુ ।
સર્વે દર્શયેત્ ક્ષિપ્રં સર્વકર્માર્થસાધયોદિતિ