મઞ્જુશ્રીમૂલકલ્પ · અધ્યાય 43

- બોધિતત્ત્વલિપ્સુરિતિ ॥
બોધિસત્ત્વપિટકાવતંસકાત્ મહાયાનવૈપુલ્યસૂત્રાત્ આર્યમઞ્જુશ્રિયમૂલકલ્પાત્ ચત્વારિંશતિમઃ મહાકલ્પરાજવિસરાત્ સર્વકર્મસાધનોપયિકઃ પરિસમાપ્ત ઇતિ ।
અથ ત્રિચત્વારિંશઃ પટલવિસરઃ ।
અથ ભગવાં શાક્યમુનિઃ પુનરપિ શુદ્ધાવાસભવનમવલોક્ય, મઞ્જુશ્રિયં કુમારભૂતમામન્ત્રયતે સ્મ । અસ્તિ મઞ્જુશ્રીઃ ત્વદીયે મણ્ડલવિધાને સર્વકર્મેષુ સર્વતન્ત્રમન્ત્રેષુ આહ્વાનન વિસર્જન જપ નિયમ હોમ સાધન રક્ષાવિધાનાદિષુ સર્વકર્મેષુ મહામુદ્રં એક એવ મહાવીરમસઙ્ખ્યેયેષુ સબુદ્ધકોટિભાષિતં ચાભ્યનુમોદિતં ચ કતમં ચ તત્ ॥
શૃણુસ્વ મઞ્જુરવ શ્રીમાં ગમ્ભીરાર્થસુતત્વધીઃ ।
યં બધ્વા જાપિનઃ સર્વે .........

મહામુદ્રાં મહાપુણ્યાં મહામઙ્ગલસમ્મતમ્ ।
મહાબ્રહ્મસમં પુણ્યં પવિત્રં પાપનાશનમ્

મહાક્ષેમઙ્ગમં શ્રેષ્ઠં નિર્વાણપદમચ્યુતમ્ ।
શિવં શાન્તં તથા જ્યેષ્ઠં શીતીભૂતં પરાયણમ્

સર્વમુદ્રેશ્વરં ખ્યાતં સર્વમુદ્રેષુ મૂર્ધજમ્ ।
સર્વતન્ત્રેશ્વરં નાથં ખ્યાતં ત્રિભવાલયે

ઊર્જિતં ચ ત્રિધા દિવ્યં ભૌમદિવ્યા યેષ્વપિ ।
સાક્ષાદ્ બુદ્ધમિવ ચિહ્નં સર્વસત્ત્વાશ્રયં વિભુમ્

પ્રપુષ્ટત્રિભવે નિત્યં સર્વમુદ્રૈસ્તુ મુદ્રરાટ્ ।
રક્ષાર્થં જાપિનાં નિત્યં સર્વકર્મેષુ મન્ત્રિણામ્

રક્ષોઘ્નમગદં ખ્યાતં મઙ્ગલ્યમઘનાશનમ્ ।
ઉત્કૃષ્ટં સર્વકર્મેષુ દુષ્ટસત્ત્વનિવારણમ્

દુર્દાન્તદમકો લોકે મહામુદ્રો ઽયં પ્રગીયતે ।
સર્વમત્રેષુ યુક્તો વૈ ત્રિજન્મગતમન્ત્રિણામ્

હન્યુર્વિઘ્નાન્ સ સર્વત્ર સર્વકર્મેષુ મન્ત્રિણામ્ ।
ત્રિધા યોનિગતાં મન્ત્રામાવાહયતિ તત્ક્ષણાત્

પુનર્નયતિ તાં લોકં પુનર્નાશયતે હિ તામ્ ।
પાતયત્યેવ સર્વત્ર કૃત્સ્નાં ચૈવ મહીતલે

પુનઃ કીલયતે મુદ્રાં બન્ધનોરુન્ધનાદિભિઃ ક્રિયૈઃ ।
પીડનોત્સાદનો મુદ્રઃ શોષણો વિધ્વંસનસ્તથા ।
પુનર્જીવાદનઃ ખ્યાતો મન્ત્રિણાં ત્રિભુવનાલયે

શાન્તિકેષુ ચ કર્મેષુ મહામુદ્રો ઽયં પ્રયુજ્યતે ।
શુભો ઽથ સર્વમન્ત્રાણાં શુદ્ધો નિર્મલપાપહા ।
સર્વાર્થસાધનો લોકે પ્રસિદ્ધઃ સર્વમગ્રતઃ

લૌકિકાનાં ચ મન્ત્રાણામગ્ર્યા લોકોત્તરાસ્તથા ।
શ્રેષ્ઠાઃ સર્વકર્માર્થે તથા શાન્તિકપૌષ્ટિકે

નિત્યં ક્ષેમઙ્ગમો મુદ્રઃ પ્રયુક્તઃ સર્વમન્ત્રિભિઃ ।
નિત્યો ઽયમપરાજિતો હ્યુક્તઃ ગ્રઃ સર્વમન્ત્રૈસ્તુ યોજિતઃ

પરમ્પરાસ્થો ભૂતકોટિસ્થઃ ધર્મધાત્વેશ્વરો નિજૌ ।
અનક્ષરો ઽભિલાપ્યશ્ચ અક્ષરો નિત્યમક્ષરો

ધર્મનૈરાત્મભૂતસ્થઃ અભૂતો ભૂતમુદ્ભવઃ ।
વિરજસ્કો નેઞ્જ્યશ્ચ નિષ્ઠો શૂન્યઃ સ્વભાવતઃ

અકનિષ્ઠસ્તથા જ્યેષ્ઠઃ શુભો નિર્વાણગામિનઃ ।
પન્થાનો ઽનુત્તરાં બોધો પ્રત્યેકાર્હ સમ્ભવો

ધર્મમેઘસ્તથા શાન્તઃ નિઃસૃતા સૈન્યવારિજઃ ।
તત્ત્વાર્થપરમાર્થજ્ઞ ઉભયાર્થાર્થપૂરકઃ

મહામુદ્રો મહૌજસ્કઃ સર્વબુદ્ધૈઃ સમુદ્રિતો ।
મહાર્થો મહાવીર્ય એકવીરો મહર્દ્ધિકઃ

+ + + + + + + + + સર્વકર્માર્થસાધકઃ ।
અનેકાકારવરોપેત અનેકાકારસમ્ભવમ્

સર્વંજ્ઞપદવિદં જ્ઞેયમશેષો શેષનૈષ્ઠિકમ્ ।
જ્ઞાનં જ્ઞેયં મહોચ્છેયં વિઘુષ્ટં મુનિવરાજિતમ્

સર્વભૂતસુરાભ્યર્ચ્ય પ્રત્યેકાર્હથ પૂજિતમ્ ।
મહામુદ્રોત્તમં ધર્મં અચ્યુતં પદમુત્તમમ્

આદૌ તાવચ્છુચૌ દેશે એકવૃક્ષે મહાનગે ।
મહોદધિતટે રમ્યે મેધ્યસ્થણ્ડિલ્યમાશ્રિતે

સરિત્ કૂપે પુલિને વા દેવમન્દિરશોભને ।
મારારેર્ભવને ચાપિ વિહારાવસથ મન્દિરે

વિજને સિક્તસંસૃષ્ટે પુષ્પપ્રકરભૂષિતે ।
સુગન્ધગન્ધોદકાસિક્તે સુધૂપે ધૂપધૂપિતે

પ્રાઙ્મુખઃ ઉદઙ્મુખો વાપિ શાન્તિકપૌષ્ટિકયોશ્ચાપિ ।
દક્ષિણે રૌદ્રકર્માર્થે તં જિનૈર્વર્જિતં સદા

શ્રીસૌભાગ્યવશ્યાર્થમાજશ્ચાહેતુતઃ સદા ।
પશ્ચાન્મુખં તુ બધ્નીયાન્મહામુદ્રબરં પરમ્

ઉચ્ચદૃષ્ટિ યદા બુદ્ધે ઉત્તિષ્ઠં દેહસિદ્ધયે ।
અધઃ પાતાલં ગચ્છેદસુરેશ્વરતાં વ્રતી

શુચિદેહસમાચારઃ શુચિમન્ત્રસમન્ત્રવિત્ ।
તદા મુદ્રવરં યુઞ્જ્ય સ્નાતોપસ્પૃશ્ય જપ્તધીઃ

ઉભૌ ચ હસ્તૌ પ્રક્ષાલ્યૌ મૃદ્ગોમયસુગન્ધિનમ્ ।
શુચિતોય સદા શુદ્ધે કૃમિજન્તુવિવર્જિતે

નવારિસ્રુતે શુચે શૌચે ઉભે હસ્તે ઽથ પૂજિતે ।
સયોજ્યેથ મુષ્ટિસ્થૌ સમ્પુટાકારચેષ્ટિતૌ

ઈષિચ્છુષિરૌ સમન્તાત્ ષડઙ્ગુલૌ ઉચ્છ્રિતૌ ।
ઉભયાઙ્ગુષ્ઠમધ્યસ્થૌ કન્યષ્ઠાઙ્લિનામિતૌ

કૃત્વાથ હૃદયોદ્દેશે શુક્લવસ્ત્રાવગુણ્ઠિતે ।
દર્શયેત્ સર્વકર્મેષું સાધને + + + + +

સર્વભૂતે વૈ ક્ષિપ્રં કૃષ્ટમાત્રેણ ઈપ્સિતમ્ ।
એષ મઞ્જુરવો મુદ્રઃ સર્વકર્માર્થસાધક ઇતિ