મઞ્જુશ્રીમૂલકલ્પ · અધ્યાય 36

ઇતિ ॥
આર્યમઞ્જુશ્રિયમૂલકલ્પાદ્ બોધિસત્ત્વપિટકાવતંસકાદ્ મહાયાનવૈપુલ્યસૂત્રાત્ ત્રયઃ ત્રિંશતિમઃ મુદ્રાવિધિપટલવિસરઃ પરિસમાપ્તમિતિ ॥
અથ ષટ્ત્રિંશઃ પટલવિસરઃ ।
અથ ખલુ ભગવાં શાક્યમુનિઃ પુનરપિ શુદ્ધાવાસભવનમવલોક્ય મઞ્જુશ્રિયં કુમારભૂતમામન્ત્રયતે સ્મ । અસ્તિ મઞ્જુશ્રીઃ પરમગુહ્યતમં ત્વદીયં મૂલમુદ્રાસમેત સપરિવારં મુદ્રાલક્ષણં સર્વકર્મેષુ ચોપ યોજ્યં સર્વસમ્પત્તિદાયકં સફલં સર્વમન્ત્રાનુવર્ત્તનં સર્વકર્માર્ત્થસાધકમ્ । સંક્ષેપતઃ શૃણુ મઞ્જુશ્રીઃ ॥
આદૌ તાવત્ પ્રસૃતાઞ્જલિઃ, તર્જન્યાનામિકામધ્યપર્વતાનુપ્રવિષ્ટા પૃથક્ પૃથક્ । સા એષા મઞ્જુશ્રીસ્ત્યદીયા મૂલમુદ્રા વિખ્યાતા સર્વકર્મિકા ભવતિ । તથૈવ હસ્તૌ સંયમ્ય, અનામિકાસંહતા તર્જની મધ્યમાસ્તથા કનિષ્ઠિકયા ઊર્ધ્વરેખાસ્થિતાઙ્ગુષ્ઠશીર્ષે । અયમપરા મઞ્જુશ્રીસ્ત્વદીયા વક્ત્રમુદ્રા ઉદાહૃતા । અન્યોન્યસક્તાઙ્ગુલિમુષ્ટિં કૃત્વા, મધ્યંમાઙ્ગુલિ વિમુચ્ય, સૂચીકૃત્વા, તસ્ય પાર્શ્વયોર્વલિતતર્જનીયુગલમન્તે ન્યસે એષા મઞ્જુશ્રીઃ ત્વદીયમુદ્રેયં દંષ્ટ્રા ભવતિ । મુદ્રાયા અઙ્ગુષ્ઠયુગલં પાર્શ્વયોર્ન્યસેત્ । એષા મુદ્રા સાક્ષાત્ ત્વં મઞ્જુશ્રીઃ તસ્મિં સ્થાને તસ્મિં કરપુટે સાન્નિધ્યં સમયેનાધિતિષ્ઠસે । અન્યોન્યસક્તાઙ્ગુલિમુષ્ટયોઃ પ્રદેશિનીં મુક્ત્વા, અઙ્ગુષ્ઠયુગલં મધ્યતઃ । એષા સા મઞ્જુશ્રીઃ ત્વદીયા અપરા ચીરકમુદ્રા । પ્રસૃતાઞ્જલિપર્વણી કૃત્વા, અનામિકે તર્જનીં મધ્યમાન્તરસ્થિતાગ્રે । ઇયમપરા મઞ્જુશ્રીઃ સાક્ષાદેવ ત્વં મૂલમૂદ્રા ઉદાહૃતા । અસ્યૈવ મુદ્રાયાઃ પ્રસૃતાં તર્જનીં કૃત્વા । એષા સા મઞ્જુશ્રીસ્ત્વદીયનેત્રમુદ્રા ભવતિ । કન્યસાનામિકાવેણીકૃતકરપુટમધ્યસ્થિતા મધ્યમૌ બહિઃ તઃ તર્જન્યુપરિ કુઞ્ચિતાગ્રે અઙ્ગુષ્ઠાગ્રસંશ્લિષ્ટાગ્રાસુ । અયમપરા ત્વદીયા ત્વદીયા મઞ્જુશ્રીઃ વક્ત્રમુદ્રા ભવતિ સર્વકર્મિકા ॥
એવમનેન ક્રમેણૈકૈકાઙ્ગુલિમથ મુંચ ઉભૌ અઙ્ગુષ્ઠસહિતા સર્વે અઙ્ગુલિયોગેન એકૈકં પ્રસારયે ઉચ્ચીકૃતદક્ષિણાઙ્ગુષ્ઠં ત્વદીયં મઞ્જુશ્રી એષા ઉષ્ણીષમુદ્રા । દક્ષિણં સઙ્કોચ્ય વામમુચ્છ્રિતં લલાટમુદ્રા ભવતિ ત્વદીયા મઞ્જુશ્રીઃ । યા દૃષ્ટ્વા સર્વે દુષ્ટગ્રહાઃ પ્રપલાયન્તે ॥
એવં શ્રવણો ગ્રીવા ભુજૌ હૃદયં કરૌ કણ્ઠ કટિં નાભિઃ ઊરૂ જઙ્ઘાં ચરણૌ નેત્રૌ વક્ત્રં જિહ્વા ચેતિ, એવં દશભિરઙ્ગુલીભિરનુપૂર્વમુચ્છ્રિતૌ અનુપૂર્વમુદ્રાલક્ષણં ભવતિ । અનુપૂર્વં ચ કર્મ કરોતિ । વક્ત્રમુદ્રયા મુખાબન્ધં, દંષ્ટ્રમુદ્રયા દુષ્ટગ્રહમોચનં, જિહ્વામુદ્રયા દુષ્ટવચનનિવારણં, હૃદયમુદ્રયા નૃપતિકોપનાશનં, અન્યં વા સત્ત્વં દેવાસુરં માનુષામાનુષાદ્યાં વિવિધાં વા ગતિનિશ્રિતાં રુપિતાનાં ક્રોધનાશનં ભવતિ ॥
એવમનુપૂર્વ્યા સર્વતઃ સર્વકર્માણિ કરોતિ । એવમસઙ્ખ્યેયાનિ અનેન ક્રમેણ મુદ્રાણિ ભવન્તિ । અસઙ્ખ્યેયાનિ ચ કર્માણિ કરોષિ ત્વં મઞ્જુશ્રીઃ સર્વથા સર્વમુદ્રેષ્વેવ સર્વકર્માણિ ભવન્તિ ॥
બદ્ધા તા યૈઃ મહાવીરૈઃ સઙ્ખ્યાતીતૈઃ તથાગતૈઃ ।
મહામુદ્રા મહાવીરૈર્મહાભૂમિગતૈરપિ

યત્ર નિમ્બરકોદ્યાનિ ષટ્ત્રિંશાશીતિનવપઞ્ચકૈઃ ।
ષષ્ટિર્નયુતસઙ્ખ્યાદ્યૈઃ સર્વલોકોત્તરોત્તરૈઃ

સર્વમુદ્રાન્તર્ગતાઃ સર્વે યે ચાન્યા લૌકિકા ક્રિયા ।
એભિરન્યતમૈર્મુદ્રૈઃ કુર્યાત્ સર્વાર્થસાધનમ્

હસ્તદ્વયેનાવબદ્ધા વૈ સાધનકાલે ચ મણ્ડલે ।
પૂર્વસેવાભિયુક્તેન હોમજાપેષુ વા પુનઃ ।
નિષણ્ણઃ સ્થિતકો વાપિ યાવાદિચ્છં જપેદ્ વ્રતી

મહારક્ષાવિધાનેન આત્મનસ્ય પરસ્ય વા ।
કુર્યાત્ સર્વાણિ કર્માણિ સર્વમુદ્રેષુ સર્વદા