મઞ્જુશ્રીમૂલકલ્પ · અધ્યાય 35
આર્યમઞ્જુશ્રિયમૂલકલ્પાત્ બોધિસત્ત્વપિટકાવતંસકાન્મહાયાનવૈપુલ્યસૂત્રાત્ દ્વાત્રિંશતિમઃ મુદ્રાચોદનવિધિમઞ્જુશ્રીપરિપૃચ્છનિર્દેશપરિવર્તઃ પટલવિસરઃ પરિસમાપ્તઃ ॥
અથ પઞ્ચત્રિંશઃ પટલવિસરઃ ।
અથ ખલુ ભગવાં શાક્યમુનિઃ પુનરપિ શુદ્ધાવાસભવનમવલોક્ય તથાગતમહામુદ્રાકોશસઞ્ચોદની નામ સમાધિં સમાપદ્યતે સ્મ । સમનન્તરસમાપન્નસ્ય ભગવતઃ શાક્યમુને ઊર્ણાકોશાન્મહારશ્મિર્નિશ્ચચાર । અનેકરશ્મિકોટીનયુતશતસહસ્રસઙ્ખ્યેયપરિવારાઃ સા રશ્મિજાલા અનેકાં બુદ્ધક્ષેત્રાનવભાસયિત્વા સર્વબુદ્ધાં સઞ્ચોદ્ય પુનરપિ ભગવતઃ શાક્યમુનેઃ ઊર્ણાકોશે ઽન્તર્હિતા । સમનન્તરસઞ્ચોદિતાશ્ચ સર્વે બુદ્ધા ભગવન્તઃ ગગનસ્વભાવાં સમાધિં સમાપદ્ય શુદ્ધાવાસોપરિ ગગનતલે પ્રત્યષ્ઠાત્ । અથ ભગવાં શાક્યમુનિઃ સર્વબુદ્ધાનભ્યર્ચ્ય મઞ્જુશ્રિયં કુમારભૂતમામન્ત્રયતે સ્મ । શૃણુ મઞ્જુશ્રી મુદ્રાકોશપટલવિધાનં ભવિષ્યસર્વબુદ્ધૈરધિષ્ઠિતમ્ ॥
અથ મઞ્જુશ્રીઃ કુમારભૂતો ભગવતશ્ચરણયોર્નિપત્ય સર્વબુદ્ધાં પ્રણમ્ય ભગવન્તં શાક્યમુનિં તથાગતમેતદવોચત્ । તત્ સાધુ ભગવાં નિર્દિશતુ સર્વતથાગતમુદ્રાકોશપટલં પરમગુહ્યતમં યસ્યેદાનીં કાલં મન્યસે તદ્ ભવિષ્યતિ । બહુજનહિતાય બહુજનસુખાય લોકાનુકમ્પાયૈ મહતો જનકાયસ્યાર્ત્થાય હિતાય સુખાય દેવાનાં ચ મનુષ્યાણાં ચ સર્વસત્ત્વાનાં સુખોદયં ભવિષ્યતિ સુખવિપાકમ્ ॥
અથ ભગવાં શાક્યમુનિઃ અધ્યેષતો ભગવતા મઞ્જુશ્રિયા કુમારભૂતેન સર્વબુદ્ધાનવલોક્ય સર્વસત્ત્વાં સમન્વાહૃત્ય સર્વબોધિસત્ત્વાં સમ્પ્રહૃષ્ય સર્વપ્રત્યેકબુદ્ધાર્યશ્રાવકાં સમ્પ્રસાન્ત્ય સર્વમન્ત્રમન્ત્રાર્ત્થોદ્યુક્તમાનસાં સમુદ્યુજ્ય સર્વદુષ્ટાં નિવાર્ય સર્વભીતાં સમાશ્વાસ્ય સર્વવ્યસનસ્થાં ક્ષેમે શિવે નિર્વાણે પ્રતિષ્ઠાપ્ય સર્વદુઃખિતાનાં સુખાર્ત્થાય મુદ્રાપટલવિધાનં ભાષતે સ્મ -
શૃણુ કુમાર મઞ્જુશ્રી વક્ષ્યે ઽહં પટલમુદ્રિતામ્ ।
આદૌ પઞ્ચશિખા ભવતિ મહામુદ્રા તુ સા મતા
ત્રિશિખં દ્વિતીયં વિન્દ્યા તૃતીયં એકચીરકમ્ ।
ચતુર્થં ઉત્પલમિત્યાહુઃ સમ્બુદ્ધાઃ દ્વિપદોત્તમાઃ
પઞ્ચમઃ સ્વસ્તિકો દૃષ્ટઃ ષષ્ઠો ધ્વજ ઉચ્યતે ।
સપ્તમં પૂર્ણમિત્યાહુઃ મન્ત્રજ્ઞાનસુશોભનાઃ
અષ્ટમં યષ્ટિનિર્દિષ્ટા લોકનાથૈર્જિતારિભિઃ ।
નવમં છત્રનિર્દિષ્ટં દશમં શક્તિરુચ્યતે
એકાદશં તુ સમ્બુદ્ધા સમ્પુટં તુ સમાદિશેત્ ।
દ્વાદશં ફરમિત્યુક્તો ત્રયોદશં તુ ગદસ્તથા
ચતુર્દશં ખડ્ગનિર્દિષ્ટા ઘટા પઞ્ચાદશસ્તથા ।
ષોડશઃ પાશમિત્યુક્તઃ અઙ્કુશઃ સપ્તદશઃ સ્મૃતઃ
અષ્ટાદશં ભદ્રપીઠં તુ ઊનવિંશતિપીઠકમ્ ।
વિંશન્મયૂરાસનઃ પ્રોક્તો એકવિંશસ્તુ પટ્ટિશમ્
એકલિઙ્ગ દ્વિવિંશં તુ દ્વિલિઙ્ગો વિંશસત્રિકમ્ ।
ચતુર્વિંશસ્તથા માલા પઞ્ચવિંશ ધનુસ્તથા
વિંશત્ષષ્ટાધિકં પ્રોક્તં નારાચે તુ પ્રકલ્પિતા ।
સપ્તાવિંશતિમિત્યાહુઃ સમલિઙ્ગે પ્રવર્ત્તિતા
અષ્ટાવિંશસ્તથા શૂલઃ ઊનત્રિંશશ્ચ મુદ્ગરઃ ।
તોમરં ત્રિંશમિત્યાહુઃ એકત્રિંશં તુ દક્ષિણમ્
દ્વાત્રિંશત્ તથા વક્ત્રઃ ત્રયસ્ત્રિંશત્ પટમુચ્યતે ।
ચતુસ્ત્રિંશસ્તથા કુમ્ભઃ પઞ્ચત્રિંશે તુ ખખરમ્
કલશં ષટ્ત્રિંશતિઃ પ્રોક્તો સપ્તત્રિંશે તુ મૌશલમ્ ।
અષ્ટત્રિંશે તુ પર્યઙ્કઃ ઊનચત્વારિંશત્ પટહમ્
ચત્વારિંશતિમિત્યાહુઃ ધર્મશઙ્ખમુદાહૃતમ્ ।
ચત્વારિંશં સ એકં ચ શઙ્કલા પરિકીર્તિતા
દ્વિતીયા બહુમતા પ્રોક્તા તૃતીયા સમનોરથા ।
ચતુર્ત્થી જનની દૃષ્ટા પ્રજ્ઞાપારમિતા મિતા
પઞ્ચમં પાત્રમિત્યાહુઃ સમ્બુદ્ધા દ્વિપદોત્તમાઃ ।
તોરણં ષષ્ઠમિત્યુક્તઃ સપ્તમં તુ સુતોરણમ્
અષ્ટમં ઘોષનિર્દિષ્ટઃ જપશબ્દો નવમઃ પુનઃ ।
પઞ્ચાશદ્ ભેરિમિત્યુક્તા ધર્મભેરિં તુ સાધિકા
દ્વિપઞ્ચાશદ્ ગજમિત્યાહુઃ વરહસ્તત્રિકસ્તથા ।
ચતુઃપઞ્ચાશમિતિ જ્ઞેયં મુદ્રા તદ્ગતચારિણી
પઞ્ચમં કેતુમિત્યાહુઃ ષષ્ઠં ચાશશરસ્તથા ।
સપ્તમં પરશુનિર્દિષ્ટં અષ્ટમં લોકપૂજિતા
ઊનષષ્ટિસ્તથા જ્ઞેયા ભિણ્ડિપાલં સમાસતઃ ।
ષષ્ટિશ્ચૈવ ભવેદ્યુક્તા લાઙ્ગલં તુ સમાસતઃ
એકપષ્ટિસ્તતઃ પદ્મઃ દ્વિષષ્ટિઃ વજ્રમુચ્યતે ।
ત્રિષષ્ટિઃ કથિતં લોકે ધર્મચક્રં પ્રવર્ત્તિતમ્
ચતુઃષષ્ટિસ્તથા જ્ઞેયઃ પુણ્ડરીકં સમાસતઃ ।
પઞ્ચષષ્ટિસ્તથા વિન્દ્યાદ્ વરદં મુદ્રમુત્તમમ્
ષટ્ષષ્ટિ તથા વધ્વા વજ્રમુદ્રા તુ કીર્ત્તિતા ।
સપ્તષષ્ટિસ્તથા લોકે કુન્તમાહુર્મનીષિણઃ
અષ્ટષષ્ટિસ્તથા કુર્યાદ્ વજ્રમણ્ડલમુદાહૃતમ્ ।
ઊનસપ્તતિમેવં સ્યાત્ શતઘ્નેતિ પ્રકીર્તિતા
તતઃ સપ્તતિકં વિન્દ્યાન્નાદામુદ્રં સમાસતઃ ।
એકસપ્તતિમિત્યાહુર્વિમાનં મુદ્રવરં શુભમ્
દ્વિસપ્તત્યા સમાસેન સ્યન્દનં સ ઇહોચ્યતે ।
શયનં લોકનાથાનાં ત્રિસપ્તાન્યા સમાસતઃ
પઞ્ચસપ્તતિરાખ્યાતશ્ચતુઃસપ્તતિકસ્તથા ।
અર્ધચન્દ્રં ચ વીણા ચ ઉભૌ મુદ્રાવુદાહૃતૌ
ષટ્સપ્તતિમં લોકે મુદ્રા પદ્માલયા ભવેત્ ।
સપ્તસપ્તતિમઃ શ્રેષ્ઠઃ મુદ્રા કુવલયોદ્ભવા
અષ્ટસપ્તતિમં મુદ્રા નમસ્કારેતિ ઉદાહૃતા ।
નવમં નવતિસઙ્ખ્યા તુ ઉભૌ મુદ્રૌ શુભોત્તમૌ
સમ્પુટં યમલમુદ્રા ચ સઙ્ખ્યા નવતિમં ભવેત્ ।
એકનવતિમિત્યાહુઃ પુષ્પમુદ્રા ઉદાહૃતાઃ
દ્વિતીયા વલયમુદ્રા તુ તૃતીયા ધૂપયેત્ સદા ।
ચતુર્ત્થા ગન્ધમુદ્રા તુ પઞ્ચમી દીપના સ્મૃતા
ષષ્ઠ્યા સાધનં વિન્દ્યાત્ સપ્તમ્યા આસને સ્મૃતા ।
અષ્ટમમાહ્વાનનં પ્રોક્તં નવમં તુ વિસર્જનમ્
શતપૂર્ણસ્તથા વિન્દ્યાત્ મુદ્રાં સર્વકર્મિકામ્ ।
સાધિકં શતમિત્યાહુર્મહામુદ્રા ઇતિ સ્મૃતાઃ
ઉષ્ણીષં લોકનાથાનાં ચક્રવર્તિ સદા ગુરોઃ ।
તં મુદ્રં પ્રથમતઃ પ્રોક્તા દ્વિતીયા સિતમુદ્ભવા
તૃતીયા મૂલમુદ્રા તુ મઞ્જુઘોષસ્ય દૃશ્યતે ।
ચતુર્ત્થી ધર્મકોશસ્થા ધર્મમુદ્રેતિ લક્ષ્યતે
પઞ્ચમી સઙ્ઘમિત્યાહુર્મહામુદ્રાપિ સા ભવેત્ ।
ષષ્ઠી તુ ભૂતશમની પ્રત્યેકાર્હમુદ્ભવા
સપ્તમી બોધિસત્ત્વાનાં દશમી તુ પ્રવેશિનામ્ ।
મુદ્રા પદ્મમાલેતિ મહામુદ્રાં તુ તાં વિદુઃ
વરદા સર્વમુદ્રાણાં મન્ત્રાણાં ચ સલૌકિકામ્ ।
મહાપ્રભાવાં મહાશ્રેષ્ઠાં જ્યેષ્ઠાં ત્રૈલોક્યપૂજિતામ્
અષ્ટમીં સમ્પ્રયુઞ્જીત મુદ્રા ત્રિભુવનાલયામ્ ।
મુદ્રાણાં કથિતા સઙ્ખયા અસ્મિં તન્ત્રે મહોદ્ભવા
શતમેક તથા ચાષ્ટં સઙ્ખ્યામુદ્રેષુ કલ્પિતા ।
એતત્પ્રમાણં તુ સમ્બુદ્ધૈઃ પુરા ગીતં મહીતલે ।
નિર્નષ્ટે શાસને શાસ્તુઃ પ્રચરિષ્યતિ દેહિનામ્
આદૌ તાવત્ કરે ન્યસ્તમુભયાગ્રાં કરે સ્થિતૌ ।
અન્યોન્યાઙ્ગુલિમાવેષ્ટ્ય સન્મિશ્રાં ચ પુનસ્તતઃ ।
ઉભૌ કરૌ સમાયુક્તૌ પઞ્ચચૂલાસુચિહ્નિતૌ
વિપર્યસ્તસ્તતસ્તેષામઙ્ગુલીનાં તુ અગ્રતઃ ।
મુદ્રા પઞ્ચશિખા જ્ઞેયા પઞ્ચચીરકમેવ તુ
મહામુદ્રેતિ વિખ્યાતા બોધિસત્ત્વશિરસ્તથા ।
મહાપ્રભાવો મુદ્રો ઽયં પ્રયુક્તઃ સર્વકર્મિકઃ
મઞ્જુશ્રિયસ્ય મન્ત્રેણ હૃદયૈર્વાપિ યોજયેત્ ।
કેશિન્યા ચૈવ મન્ત્રેણ મૂલમન્ત્રેણ વા સદા
યોજયેદ્ વિધિદૃષ્ટેન સર્વમન્ત્રેષુ વા પુનઃ ।
કુર્યાત્ સર્વાણિ કર્માણિ અવન્ધ્યેદં વચનં મુનેઃ
તથૈવ હસ્તૌ વિન્યસ્તૌ કુર્યાત્ તત્કરસમ્પુટમ્ ।
તત્રૈવ ત્રિશિખં કુર્યાદઙ્ગુલીભિર્વિમિશ્રિતૈઃ
ઉભૌ હસ્તૌ તુ યદાઙ્ગુષ્ઠૌ શૂન્યાકારૌ તુ નિશ્રિતૌ ।
મધ્યમાનામિકં ચૈવ વિપરીતાકારવેણિકૌ
એતત્ તત્ ત્રિશિખં જ્ઞેયં ત્રિચીરાકાર ઇતિ પુનઃ ।
એષા મુદ્રા મહામુદ્રા મઞ્જુઘોષસ્ય ધીમતઃ
કુર્યાત્ સર્વાણિ કર્માણિ વિધિદૃષ્ટાનિ યાનિ વૈ ।
મઞ્જુશ્રિયસ્ય યે મન્ત્રાસ્તેષુ સર્વેષુ યોજયેત્ ।
ક્ષિપ્રં સાધયતે હ્યર્થાં જાપિભિર્જન્મનીષિતમ્
તદેવ હસ્તૌ વિન્યસ્તૌ કુર્યાદેકશિખં તથા ।
મધ્યમાઙ્ગુલિસંશ્લિષ્ટૌ ભવેદેકશિખા ધ્રુવમ્ ।
એષા મુદ્રા મહામુદ્રા સમ્બુદ્ધૈસ્તુ પ્રકાશિતા
મન્ત્રા કુમારસન્યસ્તા યે ચાન્યે ઽપિ સલૌકિકા ।
સિદ્ધ્યન્તે ઽનેન યુક્તાસ્તુ ક્ષિપ્રકર્મપ્રસાધિકા
અનેન સાધ્યાસ્તથા મન્ત્રા ઉત્તમા જિનભાષિતા ।
ક્ષિપ્રં સાધયતે હ્યર્થાં વિધિદૃષ્ટેન કર્મણા
તદેવ કરસંયુક્તૌ વિન્યસ્તં અઙ્ગુલીચિતમ્ ।
ઉભૌ તર્જન્ય સઙ્કોચ્ય સૂચ્યાદઞ્જલિસાદૃશમ્
વિન્યસ્તાઙ્ગુષ્ઠયુગલે મધ્યાઙ્ગુલ્યૌ પ્રસારિતૌ ।
અનામિકાં વેષ્ટયિત્વા તુ ઉત્પલેતિ ઉદાહૃતમ્
એષા બોધિસત્ત્વસ્ય મૂલમન્ત્રેતિ લક્ષ્યતે ।
તદેવ સર્વં યત્ કર્મ નિર્દિષ્ટં પઞ્ચચીરકે
સર્વં તત્ કુર્યાત્ ક્ષિપ્રં ઉત્પલેન તુ સાધયેત્ ।
એષા વરદા મુદ્રા ક્ષિપ્રભોગપ્રસાધકા
સંયુક્તા મૂલમન્ત્રેણ ક્ષિપ્રમર્થકરો ભવેત્ ।
ઉભૌ કરૌ તથા યુક્તૌ કુર્યાદુત્તાનકૌ સદા ।
તદેવ સમ્પુટં કૃત્વાદઙ્ગુલીભિઃ સમન્તતઃ ।
વિન્યસ્તં શોભનાકારં સ્વસ્તિકાકારસમ્ભવમ્
મધ્યમાઙ્ગુલિમધ્યે તુ કન્યસી તુ સમા ભવેત્ ।
અઙ્ગુષ્ઠયુગલવિન્યસ્તં મુદ્રા સ્વસ્તિકમુચ્યતે
એષા સર્વાર્થકરી મુદ્રા શાન્તિકર્મે પ્રયુજ્યતે ।
હૃદયૈઃ ષડક્ષરૈર્યુક્તા સર્વકર્માં કરોતિ વૈ
તદેવ હસ્તૌ સમ્મિશ્ર અન્યોન્યાઙ્ગુલિમિશ્રિતમ્ ।
પૂર્ણમુદ્રેતિ મિત્યાહુર્ગતિજ્ઞાનવિશેષગાઃ
આકોશાદઞ્જલિં કૃત્વા વિરલં ચ સમન્તતઃ ।
પૂર્ણમુદ્રેતિ સમ્બુદ્ધાઃ કથયામાસ જાપિનામ્
એષા સર્વશમની દુઃખદારિદ્રદુઃખિતામ્ ।
ધનાઢ્યં કુરુતે ક્ષિપ્રં મૂલમન્ત્રસચોદિતા
અપરં મુદ્રમિત્યાહુઃ લોકજ્ઞાનસુચેષ્ટિતાઃ ।
ઉભૌ હસ્તૌ તથા કૃત્વા વામતર્જનિમાશ્રિતમ્
દક્ષિણં તુ કરં કૃત્વા તસ્ય મઙ્ગુલિતસ્થિતમ્ ।
તર્જન્યા મધ્યમા ચૈવ વિસૃતે ધ્વજમુચ્યતે ।
ધ્વજમુદ્રા ઇતિ ખ્યાતા ઉચ્છ્રિતા શક્રધારણી
અનયા મુદ્રયા કુર્યાદ્ બલિહોમાદિકં ક્રમમ્ ।
સર્વકર્મકરા હ્યેષા મૂલમન્ત્રપ્રચોદિતા
તદેવ હસ્તૌ વિન્યસ્તૌ અઙ્ગુલીકારસમ્પુટૌ ।
સમ્પુટા સા ભવેન્મુદ્રા સર્વવિઘ્નપ્રનાશની ।
ક્રમેણ કુરુતે કર્મ મન્ત્રજ્ઞાનસમોદિતા
વિધિદૃષ્ટેન મન્ત્રા વૈ ક્ષિપ્રમર્થપ્રસાધિકા ।
મન્ત્રૈર્મઞ્જુઘોષસ્ય હૃદયસ્થાનસમુદ્ભવૈઃ
સંયુક્તા કુરુતે કર્માં અશેષાં લોકચિહ્નિતામ્ ।
તદેવ હસ્તૌ વિન્યસ્તૌ વામહસ્તૌપરિ સ્થિતમ્
દક્ષિણં તર્જનીં ગૃહ્ય વામં તર્જનિમુચ્છ્રિતા ।
એષા યષ્ટિરિતિ ખ્યાતા મુદ્રા શક્રનિવારણી
સર્વાં સમયતે વિઘ્નાં દારુણાનતિભૈરવામ્ ।
સર્વદુષ્ટવધાર્થાય નિર્દિષ્ટા મન્ત્રજાપિનામ્ ।
મૂલમન્ત્રસમોપેતા ક્ષિપ્રમર્થકરા ભવેત્
તદેવ હસ્તં વિન્યસ્તં યષ્ટ્યાકારસમુચ્છ્રિતમ્ ।
દક્ષિણં તુ કરં કૃત્વા વિસૃતં છત્રમુચ્યતે ।
અનેન મુદ્રયા કુર્યાદાત્મરક્ષં તુ મૂર્દ્ધિતઃ
સર્વમન્ત્રૈસ્તુ કુર્વીત કર્મ રક્ષાભિધાયકમ્ ।
શત્રૂણાં છાદયેદ્ વક્ત્રં સ્તમ્ભયેદ્વા મનીષિતમ્
યથાભિરુચિતાં દુષ્ટાં કારયેદ્વા સમાનુષામ્ ।
નશ્યન્તે સર્વવિઘ્ના વૈ દૃષ્ટ્વા મુદ્રાં સચ્છત્રકામ્
તદેવ હસ્તૌ કુર્વીત વિન્યસ્તાકારશોભનમ્ ।
અઙ્ગુષ્ઠાગ્રયુક્તં તુ મધ્યમાઙ્ગુલિસારિતમ્
અનામિકાકુઞ્ચિતાગ્રં તુ મધ્યપર્વે તુ મધ્યમમ્ ।
તદેવ શક્તિનિર્દિષ્ટા સર્વદુષ્ટનિવારણી
કથિતા લોકનાથૈસ્તુ રક્ષા સગ્રહનાશની ।
વિન્યસ્તા ક્રોધરાજેન યમાન્તેન તુ રોષિણા
કુર્યાત્ ક્ષિપ્રતરં લોકે દારુણં પાપમુદ્ભવમ્ ।
પ્રાણોપરોધિનં કર્મ સર્વબુદ્ધૈસ્તુ વર્જિતમ્
ન કુર્યાત્ કર્મમેવં તુ નિષિદ્ધં લોકમુત્તમૈઃ ।
અતઃ સર્વગતૈર્મન્ત્રૈઃ યોજયેચ્છક્તિમુત્તમમ્
લૌકિકા યે ચ મન્ત્રા વૈ તથૈવ જિનભાષિતા ।
તાં પ્રયુઞ્જીત મુદ્રે ઽસ્મિં શક્તિના સુસમાહિતઃ
દૃષ્ટ્વા મુદ્રવરં ઘોરં નશ્યન્તે સર્વનૈરૃતા ।
પિશાચાસ્તારકપ્રેતા પૂતના સહ માતરા
બાલાગ્રહવિરૂપાક્ષ બાલકાનાં પ્રપીડના ।
નશ્યન્તે સર્વદુષ્ટા વૈ યે કેચિત્ ક્રૂરકર્મિણાઃ
તદેવ હસ્તં વિન્યસ્તં શક્તિકાકારસમ્ભવમ્ ।
વિપરીતસમ્પુટાકારં અન્યોન્યાઙ્ગુલિમિશ્રિતમ્ ।
તદેવ સમ્પુટમિત્યાહુઃ સમ્બુદ્ધા વિગતદ્વિષઃ ॥
અનેન કારયેત્ કર્મ મન્ત્રેણૈકાક્ષરેણ તુ ।
પિથયેત્ સર્વવિદિશાં કૃત્સ્નાં દિશાબન્ધં તદુચ્યતે
એષ મુદ્રા મહારક્ષા સમ્પુટીકૃત્ય તિષ્ઠતિ ।
નશ્યન્તે સર્વદુષ્ટા વૈ યે ચાન્યે અહિતાનિ વૈ
દેહં રક્ષયતે સર્વં પરિવારં ચાપિ ગોચરે ।
અશેષં રક્ષતે ચક્રં યત્ર જાપી વસેત્ સદા
ન તસ્ય પાતકં કિઞ્ચિત્ અહિતં ચાપિ સમ્ભવેત્ ।
ક્ષેમં સુભિક્ષમારોગ્યં પરચક્રભયં કુતઃ
ઉભૌ કરૌ સમાશ્લિષ્ય વિપરીતં તુ કારયેત્ ।
દક્ષિણં તુ અધઃ કૃત્વા વામમુત્તાનકઃ સદા ।
અન્યોન્યમિશ્રિતૌ હ્યેતૌ ફરમિત્યાહુર્જિનોત્તમાઃ
નિવારયતિ દુષ્ટાનામરીણાં પાપસમ્ભવમ્ ।
ઉપહૃત્યાક્ષરૈર્યુક્તા રિદ્ધિ + + + + + + + +
એકવર્ણકૈઃ સ મન્ત્રૈર્યુક્તઃ ક્ષિપ્રમર્ત્થકરો હ્યયમ્ ।
વિચિત્રાર્ત્થાં કુરુતે કર્માં અરિસમ્ભવપાપકામ્
ભોગિનાં વિષનાશં ચ મૂલમન્ત્રપ્રયુક્તિકા ।
અન્યાં વા યુક્તિકૃતાં દોષાં નિર્નાશયતિ દેહિનામ્
એષ મુદ્રવરઃ પ્રોક્તઃ સમ્બુદ્ધૈર્દ્વિપદોત્તમૈઃ ।
તદેવ હસ્તૌ વિન્યસ્તૌ સંશ્લિષ્ટાવઙ્ગુલીભિ તત્
ગદાકારં તદા કુર્યાન્મૂલેનાપિ વેષ્ટિતમ્ ।
ઉભયોરઙ્ગુષ્ઠયોર્મધ્યે કન્યસીભિ સુવેષ્ટિતમ્
ષડ્ભિરઙ્ગુલિભિઃ કુર્યાત્ શૂન્યાકારં સુશોભનમ્ ।
એતન્મુદ્રા ગદઃ પ્રોક્તા સર્વદાનવનાશની
દૈત્યા ચ દુષ્ટચિત્તાશ્ચ સૌમ્યચિત્તા તુ દર્શને ।
નશ્યન્તે ઉદ્યતે મુદ્રે ગદે વાપિ સુપૂજિતે
મૂલમન્ત્રપ્રયુક્તાસ્તુ ક્ષિપ્રમર્ત્થકરી શિવા ।
તથૈવ ખડ્ગનિર્દિષ્ટા અનામિકાગ્રૈઃ સુકોચિતૈઃ
તથૈવ હસ્તૌ કુર્વીત પ્રસારિતાગ્રં તુ કુઞ્ચિતમ્ ।
શરાવાકારસમૌ કૃત્વા અઙ્ગુલીભિઃ સમન્તતઃ ।
ઘણ્ટાં તાં વિદુર્બુદ્ધાઃ પ્રકાશયામાસ દેહિનામ્
તદેવ હસ્તૌ સમ્મિશ્રા ઉભૌ બધ્વા તુ સમ્પુટમ્ ।
અન્યોન્યં મિશ્રયિત્વા વૈ મધ્યમાઙ્ગુલિભિસ્તથા ।
કુર્યાત્તન્મણ્ડલાકારં પાશાકારં તુ ત ભવેત્
તર્જનીતિ તતો ન્યસ્તં મધ્યપર્વા સુમિશ્રિતૈઃ ।
એષ પાશમિતિ ખ્યાતઃ મુદ્રો ઽયં બુદ્ધનિર્મિતઃ
વિનેયાર્ત્થં તુ સત્ત્વા બન્ધમુક્તો ઽતિદારુણમ્ ।
યે ચ દુષ્ટા ગ્રહાઃ ક્રૂરા યે વૈ સર્વરાક્ષસાઃ
ઈષિત્ પ્રચોદિતા હ્યેષા બધ્નાતીહ સમાતરામ્ ।
બન્ધ બન્ધેત્યદા હ્યુક્તા બધ્નાતીહ સશક્રતામ્ ।
કિં પુનર્માનુષે લોકે ક્રવ્યાદાં પિશિતાશિનામ્
તદેવ હસ્તૌ વિન્યસ્તૌ ઉભૌ કૃત્વા તુ તત્સમૌ ।
વામપાણોપરિ ન્યસ્તં દક્ષિણં તુ કરં તથા
તદેવ અઙ્કુશાકારં મધ્યમાઙ્ગુલિતર્જની ।
મધ્યમં પર્વમાશ્લિષ્ય તર્જની કારયેદઙ્કુશમ્
મૂલમન્ત્રપ્રયુક્તો ઽયમઙ્કુશો ઽયં પ્રચોદિતઃ ।
ક્ષિપ્રં કારયતે કર્માં જાપિભિર્જન્મનીષિતમ્ ।
આનયેત્ ક્ષિપ્ર દેવેન્દ્રાં બ્રહ્માદ્યાં સશક્રકામ્
પ્રયુક્તો મુદ્રવરઃ શ્રેષ્ઠઃ અઙ્કુશાકર્ષણં શુભઃ ।
તદેવ હસ્તૌ સમ્મિશ્રવિપરીતાકારપિણ્ડિકમ્
મધ્યમાનામિકૌ નામ્ય અઙ્ગુલ્યૌ વામકરાસૃતૌ ।
તર્જની કન્યસાં ચાપિ ઉભૌ તર્જન્યદક્ષિણા
દક્ષિણા હસ્તનિર્દિષ્ટા મધ્યમાનામિકનામિતૌ ।
વિપર્યસ્ત તતો ન્યસ્તં શ્લિષ્ટૌ અઙ્ગુષ્ઠકારિતૌ
તદ્રેવ ભદ્રપીઠં તુ કથિતા મુદ્રવરા શુભા ।
આસનં સર્વબુદ્ધાનાં ક્રુદ્ધશક્રનિવારણમ્
યોજિતા સર્વમન્ત્રૈસ્તુ જિનાગ્રાણાં કુલસમ્ભવૈઃ ।
સ્થાપિતા સર્વબુદ્ધાનાં બોધિસત્ત્વાં મહર્દ્ધિકામ્ ।
સદેવકં ચ લોકં વૈ સર્વા નિશ્ચલકારિકા
તદેવ ભદ્રપીઠં તુ મધ્યમાઙ્ગુલિમાશ્રિતામ્ ।
ઉપરિસ્થાનવિન્યસ્તૌ મધ્યાનામિતિ શારિતૌ ।
તદેવ પીઠનિર્દિષ્ટા મુનિસિંહૈર્જિતારિભિઃ
ઉભૌ હસ્તૌ તથોન્મિશ્ર અઙ્ગુલીભિર્વિવેષ્ટયેત્ ।
તતો વેણિસમાધશ્ચ કન્યસાઙ્ગુલિસૂચિકામ્
સઙ્કોચ્ય મધ્યમતઃ ક્ષિપ્રં પદ્મપત્રાયતોદ્ભવામ્ ।
ઉભયોરઙ્ગુષ્ઠયોન્મિશ્રઃ સ્થાપયેત્ સ્થિતકં સદા
એતન્મયૂરાસનં પ્રોક્તં સમ્બુદ્ધૈર્વિગતદ્વિષૈઃ ।
એતદ્ બોધિસત્ત્વસ્ય મઞ્જુઘોષસ્ય ધીમતઃ
આસનં મુનિવરૈર્હ્યુક્તો બાલક્રીડનકં સદા ।
મહાપ્રભાવા ઇયં મુદ્રા પુરા હ્યુક્તા સ્વયમ્ભુભિઃ
કરોતિ કર્મવૈચિત્ર્યં મઞ્જુમન્ત્રપ્રચોદિતા ।
વિનાશયતિ દુષ્ટાનાં ક્રવ્યાદા પિશિતાશિના
પરિપૂર્ણં તથા વિંશન્મુદ્રાણાં તુ મતઃ પરમ્ ।
કથિતા લોકમુખ્યૈસ્તુ સમ્બુદ્ધૈર્દ્વિપદોત્તમૈઃ
અતઃ પરં પ્રવક્ષ્યામિ મુદ્રાણાં વિધિસમ્ભવમ્ ।
કરૈઃ શુભૈસ્તથા શુદ્ધૈઃ નિર્મલૈર્જલશૌચિતૈઃ
શ્વેતચન્દનકર્પૂરૈઃ કુઙ્કુમૈર્જલમિશ્રિતૈઃ ।
બહુભિર્ગન્ધવિશેષૈસ્તુ ઉપસ્પૃશ્યાનિલશોષિતૈઃ
શુચિભિઃ કરૈરભ્યઙ્ગૈરઙ્કુશૈશ્ચાપિ અદહુલૈઃ ।
તદેવ મુદ્રાં બન્ધીયાદ્ બન્દ્યાદ્યાં દ્વિપદોત્તમામ્
શાલં સઙ્કુસુમં ચૈવ અમિતાભં રત્નકેતુનમ્ ।
અમિતાયુર્જ્ઞાનવિનિશ્ચયેન્દ્રં લોકનાથં દિવઙ્કરમ્
ક્ષેમં લોકનાથં ચ સુનેત્રં ધર્મકેતુનમ્ ।
પ્રભામાલીતિ વિખ્યાતં જ્યેષ્ઠં શ્રેષ્ઠમિતોત્તમમ્
એતેષામન્યતરં બુદ્ધં વન્દિત્વા દ્વિપદોત્તમમ્ ।
શુચિર્ભૂત્વા શુચિસ્થાને બન્ધેન્મુદ્રાં જપાન્તિકે
આચાર્યાં તુ યં દૃષ્ટ્વા સન્દેહાર્થં વિમુચ્યતે ।
તં તથાચારસમ્પન્નો બન્ધેન્મુદ્રાં યથાસુખમ્
સંશોધ્ય ચ વિવિક્તં વૈ કૃત્વા સ્થાનાભિમન્ત્રિતમ્ ।
ન ક્રુદ્ધો ન ચોચ્છિષ્ટો ન ચાક્રુષ્ટો પરેણ તુ
નાઙ્ગારે ન ભસ્મનિર્મધ્યે બન્ધેન્મુદ્રાં કદાચન ।
ન સક્તઃ પરદારેષુ પરદ્રવ્યેષુ વૈ તદા
ન સ્થિતો ન નિપન્નશ્ચ બન્ધેન્મુદ્રાં સુખોદયામ્ ।
ન દક્ષિણામુખમાસ્થાય નાપિ પશ્ચાન્મુખોત્થિતઃ
ન ચોર્ધ્વે નાપ્યધશ્ચૈવ મુદ્રાબન્ધં તુ કારયેત્ ।
ઉદઙ્મુખઃ પૂર્વતશ્ચાપિ વિદિશેષ્વેતેષુ તેષુ વૈ
બન્ધયેન્મુદ્રમન્ત્રજ્ઞઃ મન્ત્રં સ્મૃત્વા તુ ચક્રિણમ્ ।
એષા વિધિમતઃ શ્રેષ્ઠા સર્વમુદ્રેષુ બન્ધને
અત ઊર્ધ્વં પ્રવક્ષ્યામિ મુદ્રા સાધિકવિંશમમ્ ।
ઉભૌ કરૌ સમાયુક્તૌ કુર્યાદઙ્ગુલિમિશ્રિતૌ
મધ્યમં તુ તતઃ શૂન્યં અઙ્ગુલીભિઃ સમાદિશેત્ ।
મધ્યપર્વવિધિન્યસ્તં શૂન્યાગ્રં કન્યસીભિતમ્
કારયેન્નિત્યમન્ત્રજ્ઞો અઙ્ગુષ્ઠૌ કુઞ્ચિતાશ્રિતૌ ।
ત્રિશૂચ્યાકારસંયુક્તૌ પટ્ટિશં વિદુર્બુધાઃ
એષ મુદ્રવરઃ ક્ષિપ્રં પરમન્ત્રાંસિ ચ્છિન્દિરે ।
પરમુદ્રાં તથા ભિન્દ્યાત્ દુષ્ટસત્ત્વનિયોજિતા
ત્રાશયેત્ સર્વભૂતાનાં ગ્રહમાતરપૂતનામ્ ।
કરોતિ કર્મવૈચિત્ર્યં ક્ષિપ્રમાનયતે શિવમ્
રુદ્રેણ ભાષિતા યે મન્ત્રા વિષ્ણુના બ્રહ્મણા સ્વયમ્ ।
તાં વિચ્છેદ મન્ત્રજ્ઞો વિધિદૃષ્ટેન કર્મણા
મુદ્રેણાનેનૈવ યુક્તેન પટ્ટિશેન મહાત્મના ।
મન્ત્રેણ ચૈવ યુક્તસ્થો જિનવક્ત્રસમુદ્ભવૈઃ
કરોતિ કર્મવૈચિત્ર્યં છેદભેદક્રિયાં તથા ।
પરસત્ત્વકૃતાં દુષ્ટા નાશયેત્ તામશેષતઃ
તદેવ હસ્તૌ સંવેષ્ટ્ય મધ્યાનામિકમુચ્છ્રિતૌ ।
ઉભૌ કરૌ સમાયુક્તૌ લિઙ્ગાકારસમુદ્ભવૌ ।
ચતુરઙ્ગુલસંયુક્ત લિઙ્ગમુદ્રમિતિ મતમ્
મહેશ્વરો દેવપુત્રો વૈ આત્મમન્ત્રં ચ મુદ્રિણમ્ ।
કથયામાસ તન્ત્રે વૈ આકૃષ્ટૌ મુનિના પુરા
અન્યેષાં ચાત્મનો મન્ત્રાં મુદ્રાં ચૈવ સવિસ્તરામ્ ।
પ્રકાશયામાસ આકૃષ્ટઃ સમયે ઽસ્મિં કલ્પમુત્તમે ।
એતન્મુદ્રવરં હ્યગ્રં લૌકિકેષુ પ્રકત્થ્યતે
યાવન્તિ કેચિન્મન્ત્રા વૈ રુદ્રપ્રોક્તા મહીતલે ।
તેષામધિપતિર્હ્યગ્રો મુદ્રો ઽયમેકલિઙ્ગિતઃ
બોધિસત્ત્વપ્રભાવેન મઞ્જુઘોષસ્ય ધીમતઃ ।
આનીતો મણ્ડલે + + નૌમ કર્મપ્રસાધકઃ
યાવન્તિ કેચિદ્ દુષ્ટા વૈ પર્યટન્તે મહીતલે ।
ગ્રહાઃ ક્રવ્યાદપિશિતાશ્ચ માતરાઃ કટપૂતના
તેષાં નિવારણાર્થાય રુદ્રવિઘ્નકૃતેષુ વૈ ।
પુનરેતન્મુદ્રવરં હ્યુક્તં બલિકર્મેષુ વૈ નિશા
કરોતિ સર્વકર્માં વા બુદ્ધાધિષ્ઠાનઋધ્યયા ।
તથૈવ તદ્વિધં કૃત્વા દ્વિલિઙ્ગસમુદાહૃતઃ ।
તથૈવ માલમઙ્ગુલ્યૈ સ માલા પરિકીર્તિતા
તદેવ માલાં સઙ્કોચ્ય સમ્પુટાકારસમ્ભવમ્ ।
તર્જન્યાવુભૌ શ્લિષ્ય કુર્યાદ્ધનુસન્નિભમ્ ।
અઙ્ગુષ્ઠૌ પીડયેન્મુષ્ટૌ ધનુર્મુદ્રા સ લક્ષ્યતે
તદેવમઙ્કુલિં કુર્યાદ્ દક્ષિણાકરનિસૃતા ।
વામં તર્જનીં મુષ્ટૌ નિષ્પીડ્યન્તે તુ પર્વણિ
નારાચં મુદ્રમિત્યુક્તઃ સમલિઙ્ગં પુનર્વદે ।
ઉભૌ હસ્તૌ તતઃ કૃત્વા અન્યોન્યા સૃતપિણ્ડિતૌ
દક્ષિણાકરમઙ્ગુષ્ઠં ઉચ્છ્રિતાં લિઙ્ગસમ્ભવમ્ ।
સમલિઙ્ગં તં વિદુઃ કલ્પે શાસને ઽસ્મિં વિશારદાઃ
તદેવ હસ્તૌ ઉભૌ કૃત્વા અન્યોન્યાસૃતમઙ્ગુલમ્ ।
ઉભૌ તર્જન્ય સંયોજ્ય શૂલાકારં તુ કારયેત્ ।
એતચ્છૂલમિતિ પ્રોક્તં સત્ત્વદુષ્ટાનુશાસનમ્
તદેવ હસ્તૌ નિસૃત્ય મુષ્ટિં બધ્વા ઉભૌ પુનઃ ।
અઙ્ગુષ્ઠૌ સ્થિતકાં કૃત્વા મુદ્ગરં સમુદાહૃતમ્
તદેવ મુદ્ગરમીષચ્ચાલયેત્ કરસમ્પુટે ।
તોમરં કથિતં હ્યગ્રં મુદ્રં શક્રનાશનમ્
ઉત્પલં તુ તતો બધ્વા અનામિકાઙ્ગુલિભિસ્તદા ।
અધસ્તાદઙ્ગુષ્ઠયોર્મધ્યે વિન્યસ્તં ચાપ્રદર્શિતમ્ ।
એત દંષ્ટ્રમિતિ પ્રોક્તં વિવૃતે વક્ત્રમુચ્યતે
સમૌ કૃત્વા તતસ્તેષામઙ્ગુલીનાં સમન્તતઃ ।
ઉરે દત્વાવસવ્યં વૈ ક્ષિપેત્ ત્વા પટમુચ્યતે
ઉભૌ સમ્પુટૌ કૃત્વા હસ્તૌ વિન્યસ્તશોભનૌ ।
અઙ્ગુલીમઙ્ગુલીભિશ્ચ અન્યોન્યાગ્રશ્લેષિતૌ
ઉત્થિતાનામિસઙ્કોચ્ય કુમ્ભમુદ્રમુદાહૃતમ્ ।
તદેવ મુષ્ટિ સંયોજ્ય તર્જન્યૌ પુનરુચ્છ્રિતૌ
કુર્યાત્ ખખરાકારં વેણિકાકારમુદ્ભવમ્ ।
એતન્મુદ્રં સમાખ્યાતં ખખરેત્યરિસૂદના
તદેવ ખખર ઈપદવનામ્યં તુ શોભનમ્ ।
કુર્યાદઙ્ગુષ્ઠવિન્યસ્તં કલશં તદિહોચ્યતે
ઉચ્છ્રિતં તુ પુનઃ કૃત્વા તર્જન્યાનામિસમ્ભવમ્ ।
ચતુર્ભિરઙ્ગુલીભિઃ કુર્યાન્મુશલાકારસમ્ભવમ્
મુદ્રં મુશલમિત્યાહુઃ મન્ત્રજ્ઞાનસમન્વિતા ।
તદેવ હસ્તૌ વિન્યસ્તૌ મધ્યમાનામિકૌ અધઃ
ઉપરિષ્ટાત્ તેષુ વૈ નિત્યં ન્યસ્તં દક્ષિણાવાયવેષ્ટિતમ્ ।
સંવેષ્ટ્ય અઙ્ગુષ્ઠયોર્ન્યસ્તૌ કન્યસા તર્જની તુ તામ્
સમન્તાત્ પર્યઙ્કમાકારં મુદ્રામાહુસ્તથાગતા ।
એતત્ પર્યઙ્કમુદ્રેતિ ખ્યાતં લોકે સમન્તતઃ
અનયા મુદ્રયા યુક્તો મન્ત્રયુક્તસ્તથા પુનઃ ।
સર્વૈર્જિનમુક્તૈસ્તુ વજ્રાબ્જકુલમુદ્ભવૈઃ ।
એતૈર્મન્ત્રૈઃ પ્રયુક્તો ઽયં સર્વકર્મકરં શિવમ્
યે ચ મુદ્રાસ્તથા પ્રોક્તા મુશલાદ્યાઃ શૂલસમ્ભવાઃ ।
સર્વે વૈ ક્રોધરાજસ્ય યમાન્તસ્યેહ શાસને ।
ઉગ્રા પ્રહરણા હ્યેતે સત્ત્વવૈનેયનિર્મિતા
બોધિસત્ત્વપ્રભાવેન ઋદ્ધ્યા કુર્વન્તતસ્તદા ।
સર્વં વૈનેયદુષ્ટાનાં કુમ્ભાદ્યા મુદ્રભાષિતા
તદેવ હસ્તં વિન્યસ્તં પટહાકારસમ્ભવમ્ ।
આબન્ધેદઙ્ગુલિભિર્યુક્તં સર્વાભિશ્ચ સવેણિકામ્
વેણિકાં કૃત્યમઙ્ગુષ્ઠૈસ્તતો ન્યસ્ય કરે પુનઃ ।
મધ્યે પ્રાદેશિની કૃત્વા ઉચ્છ્રિતાગ્રં તુ કારયેત્ ।
એતત્ પટહનિર્દિષ્ટં મુદ્રા દુષ્ટનિવારણી
તદેવ હસ્તૌ વિન્યસ્તૌ અઞ્જલી સુપ્રયોજિતૌ ।
ઉભૌ તર્જન્ય સઙ્કોચ્ય કુણ્ડલાકારશોભનૌ
અઙ્ગુષ્ઠં તે અધઃ કૃત્વા અઙ્ગુષ્ઠૌ નામિતૌ ઉભૌ ।
પ્રવિષ્ટૌ મધ્યપુટાન્તસ્થૌ શઙ્ખં ભવતિ શોભનમ્ ।
એતદ્ધર્મસઙ્ખં વૈ વરમુદ્રં પ્રકાશિતમ્
મન્ત્રૈર્મુનિવરોક્તૈસ્તુ સંયુક્તઃ સર્વકાર્મિકઃ ।
કરોતિ કર્મવૈચિત્ર્યં સર્વદંષ્ટ્રાવિષભોગિનામ્
નિર્નાશયતિ સર્વાંસ્તાં મૂલમન્ત્રપ્રયોજિતા ।
શઙ્ખમાપૂરયેજ્જપ્તં વિદ્યારાજૈર્મહર્દ્ધિકૈઃ ।
નિર્વિષો ઽપિ ભવેત્ ક્ષિપ્રં યો જન્તુર્વિષમૂર્ચ્છિતઃ
ચત્વારિંશતિ સમાખ્યાતા મુંદ્રા શ્રેષ્ઠા મહર્દ્ધિકા ।
અતઃ ઊર્ધ્વં પ્રવક્ષ્યામિ મુદ્રાલક્ષણસમ્ભવમ્
તદેવ હસ્તૌ વિન્યસ્તૌ અઙ્ગુલ્યાગ્રસવેણિકૌ ।
ભૂયો દામોટયેદ્ યત્નાદવસવ્યં તુ કારયેત્ ।
અધસ્તાત્ સર્વતઃ કૃત્વા શઙ્કલેતિ ઉદાહૃતા
એષા મુદ્રવરશ્રેષ્ઠાઃ સર્વદુષ્ટાર્ત્થબન્ધની ।
મન્ત્રૈસ્તૈરેભિસંયુક્તા મુનિમુખ્યાર્ત્થભાષિતૈઃ ।
સર્વાં બન્ધયતે ભૂતાં ગ્રહમાતરકશ્મલામ્
તદેવ હસ્તૌ સઙ્કોચ્ય મુક્ત્વા વેણિ સમુચ્છ્રયેત્ ।
તદેવ વિધિના બધ્વા અન્યેનાઙ્ગુષ્ઠમધ્યયોઃ
મધ્યપર્વે સમાશ્લિષ્ય ઉભયાગ્ર્યં કરં પુનઃ ।
દત્વાભિમુખં હ્યગ્નેર્વહ્નિમન્ત્રસુયોજિતઃ ।
આવાહયેચ્છિખિનં હોમે અગ્નિકર્મેષુ સર્વદા
ક્ષિપ્રમાહ્વયતે વહ્નિઃ મુદ્રેણાનેન યોજિતા ।
વિસર્જયેદનેનૈવ મન્ત્રેણ તર્જન્યાગ્રવિમિશ્રિતૈઃ
અઙ્ગુષ્ઠે નિત્યમાશ્લિષ્ટે વિશર્જ્યં વહ્નિદૈવતમ્ ।
મુદ્રા બહુમતા હ્યેષા અગ્નિકર્મપ્રસાધિકા
આહ્વાનયતિ દેવાનાં યદૃચ્છં મન્ત્રજાપિનો ।
એષાં બહુમતા મુદ્રા બધ્વાધિષ્ઠાનવર્ણિની ।
કરોતિ કર્મવૈચિત્ર્યં સંયુક્તા મન્ત્રમુત્તમૈઃ
તદેવ હસ્તૌ એકસ્થૌ સમ્પૂર્ણામઙ્ગુલિમાશ્રિતૌ ।
કુર્યાદાકોશમઞ્જલ્યા શ્લથં વર્તુલસમ્ભવમ્
પરિપૂર્ણં તતઃ કૃત્વા કુડ્મલં પદ્મસમ્ભવમ્ ।
મનોરથં તુ તં વિન્દ્યા મુદ્રાં સર્વાર્ત્થસાધિકામ્
એષા મુદ્રા વરા શ્રેષ્ઠા પુરા ગીતા તથાગતૈઃ ।
સત્ત્વાનાં હિતકામ્યાર્ત્થં મઞ્જુઘોષે નિયોજિતા
મનસા કાંક્ષતે સત્ત્વો યો હિતાર્ત્થં મનોરથમ્ ।
તૂર્ણં તત્ સાધયતે ક્ષિપ્રં મન્ત્રૈર્યુક્તા મહર્દ્ધિકૈઃ ।
એષા મુદ્રા વરા શ્રેષ્ઠા મનોરથેતિ સ ઉચ્યતે
એષા મુદ્રવરા શ્રેષ્ઠા સર્વકર્મપ્રસાધિકા ।
ક્ષિપ્રં સાધયતે મન્ત્રાં દ્રવ્યાં ચૈવ સવિસ્તરામ્
એષા મુનિચન્દ્રેણ ચન્દ્રાભા સુપ્રવર્ત્તિતા ।
ચન્દ્રા પદ્મકુલે મન્ત્રા તેનાયં સુપ્રયોજિતા ।
કરોતિ કર્મવૈચિત્ર્યં સિતવર્ણામૃતસમ્ભવા
તદેવ હસ્તૌ સંશુદ્ધૌ ઉભૌ અઙ્ગુલિમાશ્રિતૌ ।
ષડ્ભિરઙ્ગુલિમાશ્લિષ્ટૌ પુસ્તકાકારસમ્ભવૌ ।
ઉચ્છ્રિતૌ વર્ત્તુલૌ કૃત્વા કન્યસાઙ્ગુષ્ઠકૌચિતૌ
એષા મુદ્રા વરા પ્રોક્તા પ્રજ્ઞાપારમિતામિતા ।
જનની સર્વબુદ્ધાનાં મોક્ષાર્ત્થં તુ નિયોજિતા ।
સાધયેત્ સર્વકર્મં વૈ શાન્તિપુષ્ટ્યર્ત્થયોજિતા
તદેવ હસ્તૌ વિન્યસ્તૌ દક્ષિણં વામતોપરિ ।
કૃત્વા નાભિદેશે વૈ કોલસ્થં નિમ્નમુદ્ભવમ્ ।
ઉભૌ હસ્તૌ તદાશ્લિષ્ય સ મુદ્રા પાત્રમુચ્યતે
પાત્રં જનની મુદ્રૌ જિનમન્ત્રૈઃ સુયોજિતૌ ।
કરોતિ કર્મવૈચિત્રં યથેષ્ટં મન્ત્રવિચક્ષણૈઃ
તદેવ હસ્તાવુદ્ધૃત્ય કુર્યાત્ તર્જનિમુચ્છ્રિતૌ ।
મધ્યમાઙ્ગુલિમગ્રં તુ નામિતં મીષિતોરણમ્
તદેવ ઉચ્છ્રિતૌ કૃત્વા કથયામાસ સુતોરણમ્ ।
તદેવ બધ્વા તદન્યોન્યં ઘોષનિર્દિષ્ટમષ્ટમમ્
ઉચ્છ્રિતોત્તમમઙ્ગુષ્ઠૌ જપશબ્દં વિદુર્બુધાઃ ।
તદેવ ઉચ્છ્રિતૌ હસ્તૌ અઙ્ગુલ્યાગ્રૌ સુકુઞ્ચિતૌ
સર્વૈરઙ્ગુલિભિર્મુક્તા વિરલા કેશસમ્ભવા ।
ભેરી તં વિદુર્બુદ્ધા ધર્મભેરીતિ ઉચ્છ્રિતૌ
તદેવ હસ્તતલં ઊર્ધ્વં દક્ષિણં વામતોચ્છ્રતમ્ ।
અધસ્તાત્ કારયિત્વા તુ ગજાકારં સુયોજિતમ્
દક્ષિણં મધ્યમાઙ્ગુલ્યાં કરાકારં તુ કારયેત્ ।
એતદ્ ગજમુદ્રં તુ નિર્દિષ્ટં સંસારપારગૈઃ
એષા મુદ્રા મહામુદ્રા સમ્બુદ્ધૈસ્તુ પ્રકાશિતા ।
કરોતિ કર્માં સર્વાંસ્તાંસ્તામશેષાં લોકપૂજિતા
દક્ષિણં હસ્તમુદ્યમ્ય અભયદત્તં પરિકલ્પયેત્ ।
ગૃહીત્વા મણિબન્ધે તુ બામહસ્તેન મુદ્યતમ્
મધ્યમાં તર્જની સ્પૃષ્ટ્વા અઙ્ગુષ્ઠં મધ્યતો સ્થિતમ્ ।
મધ્યપર્વાશ્રિતં યુક્તં વરહસ્તં તદુચ્યતે
એતન્મુદ્રવરં શ્રેષ્ઠં આદિબુદ્ધૈસ્તદોદિતમ્ ।
અભયં સર્વસત્ત્વાનાં મુદ્રાં બધ્વા દદૌ જપી ।
મન્ત્રૈર્મુનિમતૈર્યુક્તઃ ક્ષિપ્રમર્થપ્રસાધકઃ
તદેવ હસ્તૌ સંયુક્તૌ સમ્પુટાકારશોભનૌ ।
ઉચ્છતૌ મધ્યમાઙ્ગુલ્યૌ મુદ્રા તદ્ગતચારિણી
તદેવમઙ્ગુલિભિર્વેષ્ટ્ય અઙ્ગુષ્ઠૌ ઉપરિ સ્થિતૌ ।
ન્યસ્ય પર્વતલે ન્યસ્તં કેતુમિત્યાહુ મુદ્રિણમ્
તદેવ મૂર્ચ્છિતાગ્રે કં શુભો નિર્દિષ્ટમુદ્રિણમ્ ।
ઉભૌ તર્જન્યસમાયુક્તૌ અન્યોન્યાગ્રવિમિશ્રિતૌ ।
સઙ્કોચ્ય પર્વતો ઽઙ્ગુષ્ઠાઃ કન્યસીતિ સમુચ્છ્રિતૌ
તદેવ પરશુનિર્દિષ્ટા મુદ્રા સર્વાર્થસાધિકા ।
સઙ્કોચ્ય પુનઃ સર્વા વૈ સા મુદ્રા લોકપૂજિતા
તદેવમુચ્છ્રતં કુર્યાત્ તર્જન્યાગ્રસૂચિકમ્ ।
ભિણ્ડિપાલસ્તતો મુદ્રા લાઙ્ગલં ચક્રતો ગતમ્
તર્જન્યૌ વક્રતઃ કૃત્વા લાઙ્ગલો મુદ્રમુત્તમમ્ ।
એતત્ ષષ્ટિમુદ્રાણાં કથિતં વિધિના પુનઃ
સર્વે તે પ્રહરણા મુદ્રા સંયુક્તા મન્ત્રમીરિતા ।
સર્વાં વિઘ્નકૃતાં દોષાં ગ્રહકૂષ્માણ્ડમાતરામ્
સર્વરાક્ષસમુખ્યાનાં બાલસર્વાનુત્રાસિનામ્ ।
નિર્નાશયતિ સર્વાંસ્તાં મુદ્રાં પ્રહરણોદ્ભવામ્
ષષ્ટિમેતં તુ મુદ્રાણાં લક્ષણં સમુદાહૃતમ્ ।
અતઃ પરં પ્રવક્ષ્યામિ મુદ્રાણાં વિધિસમ્ભવમ્
તદેવ હસ્તૌ વિન્યસ્તૌ પદ્માકારસમુચ્છ્રિતૌ ।
પ્રસારિતાઙ્ગુલિભિઃ સર્વં મુદ્રાં પદ્મ ઇતિ સ્મૃતમ્
એષા મુદ્રવરા ખ્યાતા સન્યસ્તાબ્જકુલોદ્ભવામ્ ।
યાવન્ત્યબ્જકુલે મન્ત્રા સંયુક્તા તૈઃ શુભોદયા
ક્ષિપ્રકર્મકરા ખ્યાતા બુદ્ધાધિષ્ઠાનમુદ્ભવા ।
સર્વાં સાધયતે મન્ત્રાં યાવન્ત્યબ્જકુલોદયા ।
મુદ્રાણાં પદ્મમુદ્રેયં મધ્યમે સમુદાહૃતા
ઉભૌ હસ્તૌ સમાયુક્તૌ તર્જનીભિઃ સમુચ્છૃતૌ ।
મધ્યમાઙ્ગુલિભિર્યુક્તં વિન્યસ્તાકારસમ્ભવમ્
અઙ્ગુષ્ઠૌ ન્યસ્ય વૈ તત્ર મધ્યમાઙ્ગુલિપર્વયોઃ ।
તદેવ કથિતં વજ્રં કન્યસં મુદ્રમુત્તમમ્
યાવન્તિ વજ્રકુલે મન્ત્રા તે સાધ્યાનેન મુદ્રિતા ।
સિદ્ધ્યન્તે ક્ષિપ્રતો યુક્તા વિધિના સમ્પ્રકીર્ત્તિતા
સંયુક્તૈઃ સાધકં કર્મં યઃ સાધ્યં સાધયેત્ સદા ।
તસ્ય સિદ્ધિર્ભવેન્નિત્યં ઉત્તમાધમમધ્યમા ।
સર્વે ચ લૌકિકા મન્ત્રાઃ સિદ્ધ્યન્તે હ્યવિકલ્પતઃ
ઉભૌ હસ્તૌ સમાયુક્તૌ મધ્યમાઙ્ગુલિમુચ્છ્રિતૌ ।
સઙ્કોચ્યાનામિકાઙ્ગુષ્ઠૌ કન્યસૌ સૂચિમાશ્રિતૌ
ઉભૌ તર્જનિસંશ્લિષ્ટૌ મધ્યપર્વાગ્રકુઞ્ચિતૌ ।
મધ્યમૌ સૂચિસમૌ ન્યસ્તૌ ચક્રાકારસમુદ્ભવૌ
એતત્તુ ધર્મચક્રં વૈ મુદ્રરાજમિહોદિતઃ ।
ધર્મરાજૈસ્તથા હ્યુક્તો ધર્મચક્રશ્ચ વર્ત્તિતુમ્
શાન્તિચક્રં તદા વવ્રે મુનિચન્દ્રો ઽથ સપ્તમઃ ।
ત્રિમલાં વિચ્છેદજાપેન મુદ્રરાજેન યોજિતા
ચક્રિણ્યો યે ચ ઉષ્ણીષા લોચનાવિદ્યમુત્તમા ।
ભ્રુકુટીપદ્યકુલે તારા મામકી ચાપિ વજ્રિણે
સિધ્યન્તે ધર્મચક્રેણ મુદ્રારાજેન યોજિતા ।
સમસ્તા લૌકિકા મન્ત્રા વિષ્ણુરીશાનભાષિતા
તાં વિચ્છેદદૃષ્ટ્વા વૈ જાપિનાં મુદ્રસંયુતામ્ ।
એતન્મુદ્રવરં શ્રેષ્ઠં ધર્મધાતુવિનિઃસૃતમ્
કરોતિ સર્વકર્મં વૈ સત્ત્વાનાં ચ યથેપ્સિતમ્ ।
ધર્મરાજેન શાન્ત્યર્થં મુદ્રેયં સમ્પ્રભાષિતમ્
અસ્મિં કલ્પવરે શ્રેષ્ઠે સર્વકર્મપ્રસાધિકા ।
મુદ્રેયં ધર્મચક્રેતિ મઞ્જુઘોષસ્ય શાસને
અગ્રિમં સર્વમુદ્રાણાં શાન્તિકર્મસુ યોજયેત્ ।
મન્ત્રિભિર્લક્ષતે નિત્યં શિવચક્રા તુ સમ્ભવમ્
તદેવ વિન્યસ્તૌ હસ્તૌ સમ્પુટાકારમુદ્ભવૌ ।
શ્લથકોશાયતાઙ્ગુલ્યઃ ઉભૌ સઙ્કુચિતૌ શુભૌ ।
પુણ્ડરીકમિતિ જ્ઞેયં મુદ્રા સર્વાર્થસાધકા
તદેવ હસ્તં નિક્ષિપ્ય ત્યજ્ય મુષ્ટ્યાયતાઙ્ગુલિમ્ ।
પ્રસારિતા કરાકારં વરદં મુદ્રમુચ્યતે
ઉભૌ હસ્તૌ પુનઃ કૃત્વા અઙ્ગુલીભિઃ સમન્તતઃ ।
બધ્વા ચ વેણિકાકારં મુદ્રૈષા રજ્જુમુચ્યતે
પુનઃ પ્રસારયસ્તદેકં તુ દક્ષિણં કરમુત્તમમ્ ।
કુર્યાત્ સૂચિકાકારં મધ્યતર્જનિમઙ્ગુલૌ
ઈષત્ સઙ્કુચિતાગ્રં તુ અઙ્ગુલીનાં નતોત્તમમ્ ।
સ્થિતિકાં કારયેત્ તત્ર સુન્યસ્તં તર્જની તુ તમ્
કુર્યાત્ સંશ્લેષિતે તત્ર અનામિકાપર્વનિશ્રિતા ।
મુદ્રેયં કુન્તનિર્દિષ્ટા બહુધા લોકનાયકૈઃ
તદેવ હસ્તૌ વિન્યસ્તૌ ઉભૌ તર્જન્યસૂચિતૌ ।
ઉભૌ મુષ્ટિસમં કૃત્વા અઙ્ગુલીભિઃ સમં પુનઃ ।
તદેવ મુદ્રસમાખ્યાતા વજ્રદણ્ડં મનીષિભિઃ
તદેવ હસ્તૌ સંયોજ્ય સમ્પુટાકારકારિતમ્ ।
વિન્યસ્તામઙ્ગુલિમઞ્જલ્યમન્યોન્યાશ્લેષમાશ્રિતમ્
ઉભૌ અઙ્ગુષ્ઠમાશ્રિત્ય શતઘ્નામુદ્રમુચ્યતે ।
તતઃ કૃત્વા દુભૌ હસ્તૌ સમન્તાન્નિમ્નસમ્ભવૌ
અઞ્જલિં તુ તતો કૃત્વા નાધાયાનસસમ્ભવમ્ ।
મુદ્રેયં ભેરીતિ ખ્યાતા ત્રિષુ લોકે હિતાયિભિઃ ।
સન્તારયતિ ભૂતાનાં મહાસંસારસાગરાત્
તદેવાઞ્જલિમુત્સૃજ્ય ચિત્રહસ્તતલાવુભૌ ।
વિમાનમુદ્રમિત્યાહુઃ ઊર્ધ્વસત્ત્વનયાનુગાઃ
તદેવ હસ્તૌ સઙ્કોચ્ય સ્યન્દનં તદિહોચ્યતે ।
ત્રિયાનગમનં શ્રેષ્ઠં રતો હ્યુક્તો નુતાયિભિઃ
નયતે સર્વભૂતાનાં જાપિનાં મન્ત્રસમ્પદામ્ ।
ઉત્તમાયાનમાશૃત્ય યયુબુર્દ્ધગતં તુ તમ્
તદેવ હસ્તૌ ઉત્સૃજ્ય ઉભૌ કૃત્વા પુનસ્તતઃ ।
કુર્યાચ્ચિત્રતલં શુદ્ધં વેદિકાકારસમ્ભવમ્
એતન્મુદ્રવરં શ્રેષ્ઠં લોકનાથૈઃ સુપૂજિતમ્ ।
શયનં સર્વબુદ્ધાનાં જિનપુત્રૈઃ સમુદાહૃતમ્
યત્રાતીતાસ્તુ સમ્બુદ્ધા શાન્તિં જગ્મુસ્તદાશ્રિતા ।
નિર્વાણધાતુસંન્યસ્તા યત્રારૂઢાશયાનુગા ।
સ એષા મુદ્રમિતિ ખ્યાતા શયનં લોકનાયકમ્
તદેવ હસ્તૌ વિન્યસ્તૌ સંશ્લિષ્ટ્યાઙ્ગુલિભિઃ સમમ્ ।
સમ્પુટાકોશવિન્યસ્તં તર્જન્યેકં તુ દક્ષિણમ્ ।
કુર્યાદ્ વક્રતો હ્યગ્રે અર્ધચન્દ્રં સ ઉચ્યતે
ઉભૌ હસ્તૌ પુનઃ કૃત્વા દક્ષિણાઙ્ગુષ્ઠમુષ્ટિતઃ ।
વામહસ્તાસૃતૌઃ સર્વૈઃ અઙ્ગુલીભિઃ સમોચિતૈઃ ।
બધ્વા મુષ્ટિ કરાગ્રે તુ દક્ષિણાઙ્ગુષ્ઠમિશ્રિતઃ
તં દક્ષિણૈરેવ સમાયુક્તૈરઙ્ગુલીભિઃ પુટીકૃતૈઃ ।
કન્યસાં વિસૃતાં કૃત્વા વીણમુદ્રા ઉદાહૃતા
ઉભૌ હસ્તૌ પુનઃ કૃત્વા આકાશૌ વિરલાઙ્ગુલૌ ।
ઉભાવઙ્ગુષ્ઠયોર્મધ્યા ઉભૌ તર્જનિમાશ્રિતૌ ।
એષા પદ્માલયા મુદ્રા સમ્બુદ્ધૈઃ કથિતા જગે
ઉદ્ધૃતાઙ્ગુષ્ઠકૌ નિત્યં પુનઃ કુવલયોદ્ભવ ।
મુદ્રા ચ કથિતા લોકે સમ્બુદ્ધૈર્દ્વિપદોત્તમૈઃ
તદેવમઞ્જલિં કૃત્વા પ્રણામાકારજગદ્ગુરુમ્ ।
સા નમસ્કારમુદ્રેયં સર્વલોકેષુ વિશ્રુતા
તદેવ મુદ્રા વિષ્ટભ્ય હસ્તૌ યમલસમ્ભવૌ ।
એષા યમલમુદ્રેયં ત્રિષુ લોકેષુ વિશ્રુતા
ઈષન્મૂલતો હસ્તૌ અઙ્ગુષ્ઠૌ ચ સુપીડિતૌ ।
સા ભવેત્ સમ્પુટા મુદ્રા શોકાયાસીવનાશની
એતા મુદ્રાસ્તુ કથિતા યે સર્વે પ્રહરણોદ્ભવાઃ ।
પુષ્પાખ્યા શયનયાશ્ચ વાદ્યાદ્યા ગ્રહનામકા ।
સર્વે સર્વકરા યુક્તા મન્ત્રૈઃ સર્વૈસ્તુ ભાષિતમ્
ન તિથિર્ન ચ નક્ષત્રં નોપવાસો વિધીયતે ।
સંયુક્તા મુદ્રમન્ત્રાશ્ચ ક્ષિપ્રં કર્માણિ સાધયેત્
જાપિનસ્તપસા યુક્તો જપ્તમાત્રો વિચક્ષણઃ ।
મુદ્રા મન્ત્રપ્રયુક્તા ચ અસાધ્યં કિઞ્ચિ ન વિદ્યતે
ઉભૌ હસ્તૌ પુનઃ કૃત્વા અઞ્જલ્યાન્યોન્યસક્તકમ્ ।
કન્યસાનામિકાઙ્ગષ્ઠૌ પાર્શ્વતો ન્યસ્તૌ ધૂપમુદ્રા ઉદાહૃતા
આધારાઞ્જલિયોગેન તર્જન્યાવીષત્ કોચયેત્ ।
સામાન્યા બલિમુદ્રા તુ ઉદ્ભૂતા લોકતાયિભિઃ
મધ્યેષુ પુષ્પવિન્યસ્તં યથાસમ્ભવતો વિવિધૈઃ ।
દત્તં ભવતિ મન્ત્રાણાં બલિકર્મેષુ સર્વસુ
દક્ષિણેનાભયં હસ્તં કૃત્વા ચ વામકરેણ વૈ ।
મણિબન્ધનયોગેન ગ્રાહ્યં કરદક્ષિણમ્
એષા તે સર્વમન્ત્રાણાં ગન્ધમુદ્રા ઉદાહૃતા ।
દક્ષિણાકરમુષ્ટૌ તૌ અઙ્ગુષ્ઠૌ મધ્યમૌ સદા
સૂચ્યાકારં તતઃ કૃત્વા દીપમુદ્રા ઉદાહૃતા ।
અનામિકાઙ્ગુષ્ઠયોરેવ અક્ષસૂત્રાત્ સંસ્થિતમ્
કન્યસાં પ્રસાર્યતો નિત્યં મધ્યમાં તસ્ય પૃષ્ઠતઃ ।
તર્જનીં કુઞ્ચિતાં ન્યસ્ય અક્ષમુદ્રેતિ ઉચ્યતે
ગર્ભાઞ્જલ્યાસ્તતો ન્યસ્ય અક્ષસૂત્રં સ મન્ત્રવિત્ ।
જપેદ્ યથેષ્ટતો મન્ત્રં ક્ષિપ્રં સિદ્ધિવરપ્રદમ્
શોભનં સર્વમુદ્રાણામેષ દૃષ્ટવિધિઃ સદા ।
અગ્નેર્દક્ષિણહસ્તેન અભયાગ્રં તુ કારયેત્
અભિમુખં જ્વલને સ્થાપ્ય તર્જનીં કુઞ્ચયેત્ સદા ।
અઙ્ગુષ્ઠં ચ કરે ન્યસ્ય મધ્યે કુઞ્ચિતસંસ્થિતમ્
એતદાવાહનં મુદ્રં નિર્દિષ્ટં જાતવેદસે ।
કુઞ્ચિતં તર્જન્યાગ્રં અઙ્ગુષ્ઠૌ ચૈકયોજિતમ્
વિસર્જનં સર્વકર્મેષુ જ્વલને સમ્પ્રદૃશ્યતે ।
કુર્યાત્ સર્વમન્ત્રાણાં હોમકર્મવિચક્ષણઃ
મુદ્રૈરેતૈર્ભિસંયુક્તઃ મન્ત્રમગ્નૌ સુયોજિતઃ ।
પ્રણામાઞ્જલિરન્તરિતા અઙ્ગુલીભિઃ સમન્તતઃ
કુર્યાત્ તં વિપરીતં તુ અઙ્ગુષ્ઠૌ ચ સંમિશ્રિતૌ ।
બહિઃ સઙ્કોચ્ય તર્જન્યૌ મધ્યમીભિઃ સમાશ્રિતૌ
એષા મુદ્રવરા હ્યુક્તા પૂજાકર્મસુ યોજિતા ।
પ્રણામં સર્વમન્ત્રાણાં મન્ત્રનાથં જિનોરસામ્
શોધનં સર્વમન્ત્રાણામાસનં ચ પ્રદાપયેત્ ।
અસમ્ભવે ઽપિ પુષ્પાણાં મુદ્રં બધ્વા તુ યોજયેત્
પૂજિતા વિધિના હ્યેતે મન્ત્રા સર્વાર્થસાધિકા ।
મુદ્રાબન્ધેન પૂજાર્થં કૃતં ભવતિ શોભનમ્
દ્વિતીયા ચિત્તપૂજા તુ યાદૃશી પુષ્પસમ્ભવા ।
એષ પૂજાવિધિઃ પ્રોક્તા સમ્બુદ્ધૈઃ દ્વિપદોત્તમૈઃ
અભાવેન તુ પુષ્પાણાં દ્વિવિધા પૂજ ઉચ્યતે ।
સર્વમન્ત્રપ્રસિધ્યર્થં સર્વકર્મેષુ યોજયેત્ ।
સર્વકર્મકરા મુદ્રા સર્વબુદ્ધૈસ્તુ ભાષિતા
આસને શયને સ્નાને પાનાનુભોજને ।
શોભને દીપને મન્ત્રે સ્થાને મણ્ડલકારણે
સમયઃ સર્વમન્ત્રાણામધિષ્ઠાનાર્થં તુ મન્ત્રિણામ્ ।
કથિતા લોકનાથૈસ્તુ મુદ્રેયં સર્વકર્મિકા ।
પરિપૂર્ણં શતં પ્રોક્તં મુદ્રાણાં નિયમાદયમ્
અતઃપરં પ્રવક્ષ્યામિ મુદ્રામષ્ટમતાં ગતામ્ ।
તદેવ હસ્તૌ વિન્યસ્તૌ ઉભૌ કૃત્વા પુનસ્તતઃ
તયૈવ પ્રદેશિનીં કૃત્વા મધ્યમા સૂચિમિશ્રિતા ।
નખસ્યાધસ્તાત્ તૃતીયે વૈ ભાગે સંસક્તકારિતૌ
આકોશામુદ્ભવાવેષ્ટ્ય શૂચ્યાકારં તુ કારયેત્ ।
એતન્મન્ત્રાધિપતેર્મુદ્રા શક્રિણસ્ય મહાત્મનઃ
એતા એવ પ્રદેશિન્યા સઞ્ચાર્યા સમમધ્યમા ।
શૂચ્યા નખસ્ય વિન્યસ્તા સંસક્તા ચ અનામિકા ।
એષ ઉષ્ણીષમુદ્રા વૈ જિનેન્દ્રૈઃ સમ્પ્રકાશિતા
તદેવ હસ્તૌ વિન્યસ્તૌ મધ્યમાઙ્ગુલિવેષ્ટિતૌ ।
કન્યસાઙ્ગુલિસંયુક્તૌ મુદ્રેયં ભિતમુદ્ભવા
મધ્યસૂચ્યા સમં કૃત્વા સંસક્તૌ ચ કરોરુહૌ ।
નિર્મુક્તઃ કુણ્ડલાકારા મહામુદ્રા સ ઉચ્યતે
તામેવ પ્રદેશિન્યાગ્રાધિભૂન્તરેલ્પસતૃકમ્ ।
મધ્યસૂચ્યાં તતો ન્યસ્ય અધસ્તાત્ સંસક્તપાણિના
પર્વતૃતીયયોર્ન્યસ્તૌ અઙ્ગુષ્ઠૌ નખપીડિતૌ ।
એષા મુદ્રા વરા પ્રોક્તા મઞ્જુઘોષસ્ય ધીમતઃ
તદેવ હસ્તૌ વિન્યસ્તૌ અઞ્જલીકારસંસ્થિતૌ ।
મધ્યમાઙ્ગુલિવિન્યસ્તૌ સૂચ્યગ્રાનામિતઃ સ્થિતૌ ।
અઙ્ગુષ્ઠૌ મધ્યમાં સ્પૃશ્ય અઙ્ગુલીપર્વસત્રિકમ્
કન્યસાઙ્ગુલીભિઃ સૂચીં કૃત્વાનામિતમુચ્છ્રિતૌ ।
એષા મુદ્રા વરા શ્રેષ્ઠા ધર્મકોશસ્થતાં ગતાઃ
તદેવ હસ્તૌ વિન્યસ્તૌ વિધિદૃષ્ટસમાસતૌ ।
તદેવમઙ્ગુલિભિઃ સર્વૈઃ આપૂર્ણં કોશસંસ્થિતમ્
ઉભૌ હસ્તૌ વિવૃણ્ણીયાત્ અષ્ટાનાઙ્ગુલિનાવૃતાઃ ।
અષ્ટાં પુરુષતત્ત્વજ્ઞાં ચત્વારો યુગતાં ગતામ્
તદેવ સઙ્ઘમિત્યાહુઃ સમ્બુદ્ધા દ્વિપદોત્તમાઃ ।
સ એવ મુદ્રા સઙ્ઘેતિ કત્થ્યતે હ ભવાલયે ।
એષા મુદ્રવરા શ્રેષ્ઠા સર્વકર્મપ્રસાધિકા
ઉભૌ હસ્તૌ પુટીકૃત્વા અઞ્જલ્યાકારસંસ્થિતૌ ।
પ્રસાર્ય તર્જનીમેકાં દક્ષિણાં કરનિઃસૃતામ્
સા એષ ભૂતશમની નિર્દિષ્ટા તત્ત્વદર્શિભિઃ ।
એષા મુદ્રા વરા ખ્યાતા સર્વકર્માર્થસાધિકા
તદેવ હસ્તૌ વિન્યસ્તૌ વેણિકાગ્રાવચિહ્નિતૌઃ ।
પિણ્ડસ્થૌ સમ્પુટાકારૌ ઉચ્છ્રિતાઙ્ગુષ્ઠનામિતૌઃ ।
એષા સા પદ્મમાલેતિ આદિબુદ્ધૈઃ પ્રચોદિતા
તદેવ હસ્તાવુત્તાનૌ અઙ્ગુલીભિઃ સમન્તતઃ ।
પ્રફુલ્લનિર્મિતાકારૌ અઙ્ગુષ્ઠાઙ્ગુલિસતૃકૌ
દ્વિતીયે પર્વતો ન્યસ્તૌ અઙ્ગુષ્ઠૌ તર્જનિ ચોભયૌ ।
સ એષા મુદ્રવરા ખ્યાતા સમ્બુદ્ધૈસ્ત્રિદશાલયા
એતે મુદ્રા મહામુદ્રા અષ્ટા તે તે સમકર્મિકૌ ।
તુલ્યપ્રભા મહાવીર્યા સંબુદ્ધૈઃ સમ્પ્રકાશિતા
ષષ્ટિવિમ્બરકોટ્યસ્તુ અશીતિઃ સહમુદ્ભવૈઃ ।
અતીતૈર્મુનિવરાસઙ્ખ્યૈર્મુદ્રા હ્યેતે પ્રકાશિતા ।
શતમષ્ટાધિકં પ્રોક્તં મુદ્રાણાં વિધિસમ્ભવમ્
એતૈઃ સર્વૈસ્તુ સર્વાણિં મન્ત્રકર્માંશ્ચ સાધયેત્ ।
સર્વમન્ત્રાં તથા કર્મા સર્વાન્યેવ પ્રસાધયેત્
એતન્મુદ્રામતં પ્રોક્તં સર્વબુદ્ધૈઃ મહર્દ્ધિકૈઃ ।
વિધિના યોજિતા હ્યેતે ક્ષિપ્રમર્ત્થપ્રસાધિકા
ઇત્યુક્ત્વા મુનિનાં મુખ્યઃ શાક્યસિંહો નરોત્તમઃ ।
મઞ્જુઘોષં તદા વવ્રે બોધિસત્ત્વં મહર્દ્ધિકઃ
એષ મઞ્જુશ્રિયાકલ્પે મુદ્રાસમ્ભસમ્ભવઃ ।
ત્વયૈવ સમ્પ્રદત્તો ઽયં રક્ષાર્ત્થં શાસને ભુવિ ।
યુગાન્તે વર્ત્તમાને વૈ મયૈવ પરિનિર્વૃતે
રક્ષાર્ત્થે શાસને મહ્યં સર્વેદં કથિતં મયા ।
મુદ્રાણાં લક્ષણા હ્યુક્તં મન્ત્રાણાં ચ સવિસ્તરમ્ ।
રહસ્યં સર્વલોકાનાં ગુહ્યં ચાપિ ઉદીરિતમ્
એતત્કલ્પાધિપે સૂત્રે ગુણવિસ્તારવિસ્તૃતમ્ ।
અનેકધા ચ મન્ત્રાણાં ગુણવર્ણસમોદયમ્
બહુધા મન્ત્રયુક્તિશ્ચ તન્ત્રયુક્તિ તદાહૃતા ।
પ્રભાવગુણસિદ્ધાન્તં જાપિનાં હેતુસમ્ભવમ્
ફલોદયશુભો હ્યુક્તઃ સત્ત્વાનાં ગતિયોનયઃ ।
કુમાર ત્વદીયમન્ત્રાણાં સિદ્ધિહેતુનિયોજિતા
એવમુક્તસ્તુ મઞ્જુશ્રીઃ કુમારો ગગનાસૃતઃ ।
પ્રણમ્ય શિરસા સમ્બુદ્ધં લોકનાથં પ્રભાકરમ્ ।
દીર્ઘં નિશ્વસ્ય કરુણાર્દ્રો રોરુરોદ તતઃ પુનઃ
તસ્થુરે સમીપ બુદ્ધસ્ય આપૃચ્છય વરદાં વરમ્ ।
નિર્નષ્ટે ભગવાં લોકે મન્ત્રકોશે મહીતલે ।
સત્ત્વાનાં ગતિમાહાત્મ્યં કથં તસ્મૈ ભવિષ્યતિ
એવમુક્તસ્તુ સમ્બુદ્ધો મઞ્જુઘોષં તદાલપેત્ ।
શૃણોહિ વત્સ મઞ્જુશ્રીઃ કુમાર ત્વં યદિ પૃચ્છસિ
મયા હિ નિર્વૃતે લોકે શૂન્યીભૂતે મહીતલે ।
નિર્નષ્ઠે ધર્મકોશે ચ શ્રાવકૈશ્ચિરનિર્વૃતૈઃ
શાસ્તુ બિમ્બસ્તથા રૂપં કૃત્વા વૈ દ્વિપદોત્તમઃ ।
પૂજાં સત્કારતઃ કૃતા ધૂપગન્ધવિલેપનૈઃ
વિવિધૈર્વસ્ત્રવરૈશ્ચાન્યૈર્મણિકુણ્ડલભૂષણૈઃ ।
વિવિધૈર્ભોજ્યભક્ષૈશ્ચ સન્નિયોજ્ય નિવેદનમ્ ।
વિવિધાકારસમ્પન્નં યથેષ્ટાકારકારિણે
તથૈ + મન્ત્રમાવર્ત્ત્ય સત્ત્વયોનિગતિઃ શુભમ્ ।
આજહાર પુરં શ્રેષ્ઠં ઉત્તમાં ગતિયોનયે ।
અન્તે બોધિનિમ્નસ્થઃ શાન્તિં જગ્મુઃ સપશ્ચિમે
એવમુક્તસ્તુ મઞ્જુશ્રીસ્તુષ્ટો સમ્બુદ્ધચોદિતઃ ।
સમ્પ્રતુષ્ય તતો ધીમાં બોધિસત્ત્વો મહર્દ્ધિકઃ ।
એતત્ સર્વં પુરા ગીતં શુદ્ધાવાસોપરિ સ્થિતમ્
બુદ્ધાનાં સન્નિધૌ બુદ્ધધર્મચક્રપ્રવર્ત્તકઃ ।
મન્ત્રચક્રં તદા વવ્રે ચિરકાલાનુવર્ત્તિતમ્
મૂળ પાઠ: Mañjuśrīmūlakalpa · Edition: M.M.T. Ganapati Shastri, 1925 (3 vols.), reprint: Delhi: Sri Satguru Publications 1989, pp. 1-722. Cf. also Aryamanjusrimulakalpa. In: Mahayanasutrasamgraha, part II, ed. by P.L. Vaidya, Darbhanga 1964 (Buddhist Sanskrit Texts, 18). · Data entry members of the Digital Sanskrit Buddhist Canon Input Project · GRETIL (Göttingen) · CC BY-NC-SA 4.0