મઞ્જુશ્રીમૂલકલ્પ · અધ્યાય 33

આર્યમઞ્જુશ્રિયમૂલકલ્પાદ્ બોધિસત્ત્વપિટકાવતંસકાત્ મહાયાનવૈપુલ્યસૂત્રાત્ ત્રિંશતિમઃ વિધિનિયમકાલપટલવિસરઃ પરિસમાપ્તઃ ઇતિ ॥
અથ ત્રયસ્ત્રિંશઃ પટલવિસરઃ ।
અથ ખલુ ભગવાં શાક્યમુનિઃ સર્વાવન્તં શુદ્ધાવાસભવનમવલોક્ય, મઞ્જુશ્રિયં કુમારભૂતમામન્ત્રયતે સ્મ । ત્વદીયે મઞ્જુશ્રીકલ્પરાજે નિર્દિશસમાખ્યાતે ધર્મધાતુકોશતથાગતગર્ભધર્મધાતુનિષ્પન્દાનુચરિતે મહાસૂત્રવરરત્નપટલવિસરે તથાગતગુહ્યવરમનુજ્ઞાતે મન્ત્રવધસાધ્યમાને નિમિત્તજ્ઞાનચિહ્નકાલપ્રમાણાન્તરિતસાધનૌપયિકાનિ સર્વભૂતરુતવિતાનિ અસત્ત્વસત્ત્વસંજ્ઞાનિર્ઘોષાનિ ભવન્તિ ॥
શાબ્દિકં જ્ઞાનં ઇત્યુક્ત અશાબ્દિકં ચૈવ કીર્ત્યતે ।
વ્યતિમિશ્રં તથા યુક્તિમન્ત્રાણાં ત્રિવિધા ક્રિયા

દિવ્યશબ્દસમાયુક્તા અનિત્યાર્ત્થપ્રયોજિતા ।
અપશબ્દાપગતા નિત્યં સંસ્કારાર્થાર્થભૂષિતા

અબહિઃ સર્વસિદ્ધાન્તે આર્યામન્ત્રાઃ પ્રકીર્ત્તિતા ।
નિત્યં પદાર્થહીનં તુ તત્ ત્રિધા પરિભિદ્યતે

ગુરુલઘુ તથા મધ્યૈઃ વર્ણૈશ્ચાપિ વિભૂષિતા ।
સા ભવેન્મન્ત્રદેવી તુ સ્વરચ્છન્દવિભૂષિતા

સંસ્કૃતાસંસ્કૃતં વાક્યં અર્થાનર્થ તથા પરે ।
ધાત્વર્ત્થા તથા યુક્તિઃ ગતિમન્ત્રાર્થભૂષિતા

વિકલ્પબહુલા વાચા મન્ત્રાણાં સર્વલૌકિકા ।
એકદ્વિકવર્ણં તુ ચ્છન્દૈઃ સાશ્વરિતાલયઃ

ત્રિચતુઃપઞ્ચષષ્ઠં વા સપ્તમં વાષ્ટમં તથા ।
નવમં દશમં ચૈવ વર્ણાનાં સિદ્ધિરિષ્યતે

દશાક્ષરસમાયુક્તા વર્ણાનાં હેતુનામ્ ।
યાવદ્દશગુણા હ્યેતે વર્ણા દૃશ્યન્તિ મહીતલે

શતાક્ષરં વિંશતિકં યાવદેકાક્ષરં ભવેત્ ।
એતત્પ્રમાણૈર્વર્ણૈસ્તુ ગ્રથિતા મન્ત્રસમ્પદા

પદૈશ્ચતુર્ભિઃ સંયુક્તા મન્ત્રા સર્વાર્થસાધકાઃ ।
જ્યેષ્ઠાઃ પ્રવરા હ્યાર્યા મન્ત્રા યે જિનભાષિતાઃ

તે તુ મધ્યમા અધમા + + + + તદા ।
તદાત્મજૈર્જિનપુત્રૈસ્તુ ભાષિતા તે તુ મધ્યમા

અધમા યે તુ મન્ત્રા વૈ ભાષિતા સર્વલૌકિકા ।
નિકૃષ્ટા કથિતા મન્ત્રા ભાષિતા નૈરૃતૈસ્તુ યે

દશાષ્ટસપ્તવિંશં વા યાવદભ્યધિકં શતમ્ ।
એતત્પ્રમાણં તુ મન્ત્રાણાં આર્યાણાં જિનભાષિતામ્

એકદ્વિકવર્ણં તુ સહસ્રાર્દ્ધં વર્ણતો ભવેત્ ।
યાવત્પ્રમાણં તુ મન્ત્રાણાં બોધિસત્ત્વૈઃ પ્રકાશિતા

તદક્ષરે પદવિન્યસ્તં મન્ત્રયુક્તિમુદાહૃતા ।
છન્દાંસિ સ્વરયુક્તાનાં ધાત્વાર્થાર્થભૂષિતા

વચનં સુપ્રયુક્તં વૈ તન્ત્રયુક્તિસમન્વિતમ્ ।
ભવેત્ કદાચિકાત્ સિદ્ધિઃ શબ્દસ્વરવિયોજિતા

મુદ્રાયુક્તં તુ શબ્દૈસ્તુ મૂર્ધ્નાદૂષ્માન્તતાલુકૈઃ ।
દન્તોષ્ઠકણ્ઠતઃ શબ્દં વિસૃતં સાધનં ક્રિયા

અવ્યક્તવિનિવૃત્તં તુ સુપ્રયુક્તમુદાહૃતમ્ ।
સમ્પૂર્ણં વાક્યતઃ શબ્દં સમ્પ્રયુક્તઃ સાધયિષ્યતિ

વિધિભ્રષ્ટં ક્રિયાહીનં શબ્દાર્થૈશ્ચ વિયોજિતમ્ ।
મન્ત્રં ન સિદ્ધ્યતે ક્ષિપ્રં દીર્ઘકાલમપેક્ષતે

અવન્ધ્યં તસ્ય સિદ્ધિસ્તુ ન વૃથા કારયો જપી ।
અન્યજન્મે ઽપિ દૃશ્યન્તે મન્ત્રસિદ્ધિવરપ્રદા

તસ્ય મન્ત્રપ્રભાવેન ચિરકાલાચ્ચ જાપિનામ્ ।
અવન્ધ્યં કુરુતે કર્મ સમન્ત્રા મન્ત્રવિદો જનામ્

નિકૃષ્ટા સર્વમન્ત્રાણાં લૌકિકા યે સમાનુષા ।
સર્વભૂતૈસ્તુ યે પ્રોક્તા મન્ત્રા યે ચ સમત્સરા

તેષાં ન્યક્ષરા પ્રોક્તા એકદ્વિકત્રિસઙ્ખ્યકમ્ ।
વિવિધૈઃ મ્લેચ્છભાષૈસ્તુ દેવભાષપ્રકીર્ત્તિતૈઃ

ગ્રથિતા પઙ્ક્તિયુક્તાશ્ચ વ્યતિમિશ્રા શબ્દતઃ સદા ।
સહસ્રં ચાષ્ટશતં અષ્ટ ચ યાવદેકં તુ વર્ણતઃ

ચતુઃપાદં પાદાર્દ્ધં તુ ગદ્યપદ્યં નિગદિતમ્ ।
શ્લોકં દણ્ડકમાત્રૈસ્તુ ગાધસ્કન્ધકપઞ્ચિતમ્

પ્રતિપચ્ચાર્થયુક્તિશ્ચ સહસ્રતાર્થભૂષિતમ્ ।
અપભ્રંશસંસ્કૃતં શબ્દં અર્થહીનં વિકલ્પતે

અવ્યક્તં વ્યક્તહીનં તુ માત્રાહીનં તુ યુજ્યતે ।
ગતિદેશવિસંયોગાન્મન્ત્રસિદ્ધિસ્તદુચ્યતે

એતત્ સર્વમન્ત્રાણાં એષ લક્ષણઃ ।
શકારબહુલા યે મન્ત્રા ઓઙ્કારાર્થભૂષિતા ।
તકારલક્ષણતન્ત્રસ્થા સિદ્ધિસ્તેષુ ધ્રુવં ભવેત્

ઓઙ્કારા યે મન્ત્રા મકારાન્તવિનિર્ગતાઃ ।
શકારસહસંયુક્તાદવન્ધ્યં શોભનં તથા ।
તકારચતુરસ્રાકારા પ્રત્યાહારાન્તવર્જિતા

તકારક્ષી રેફસંયુક્તા સમન્ત્રં સાધનક્રિયા ।
દ્વિરેફબહુલં આદ્યં હુઙ્કારગુણમુદ્ભવમ્

વકારચતુરસ્રાન્તે વર્ણા સાધનક્ષમા ।
કકારં રેફસંયુક્તં મકારાન્તં માત્રમિશ્રિતમ્ ।
મકારં નકારમાદ્યં તુ સ મન્ત્રઃ શ્રેષ્ઠ ઉચ્યતે

તકારબહુલં યત્ર સર્વતન્ત્રેષુ દૃષ્યતે ।
સ મન્ત્રઃ સૌમ્યમિત્યુક્તો યામ્યહુઙ્કારભૂષિતમ્ ।
ઐન્દ્રાવાયવ્યમિત્યુક્તં ભકારબહુલં તુ યઃ

વારુણઃ ચકારમિત્યાહુઃ હિતં લોકે તુ પૌષ્ટિકમ્ ।
વકારબહુલો યો મન્ત્રઃ માહેન્દ્રં તત્ પ્રદૃશ્યતે

આદ્યં ત્રિરત્નગમનં યો મન્ત્રઃ શરણં તથા ।
નમસ્કારં પ્રવર્તેણ શાન્તિહેતું સુખાવહમ્

તદન્યત્ સર્વદેવાનાં નમસ્કારાર્થં પ્રયુજ્યતે ।
સ્વમન્ત્રં મન્ત્રનાથં ચ સ મન્ત્રઃ સર્વકર્મિકમ્

ડકારબહુલો યો મન્ત્રઃ ફટ્કારાર્થહુઙ્કૃતઃ ।
એતે મન્ત્રા મહાક્રૂરા તેજવન્તો મહૌજસા

પ્રાણોપરોધિના સદ્યઃ ક્રૂરસત્ત્વસુયોજિતા ।
તસ્માન્ન કુર્યાત્ કર્માણિ પાપકાનિ વિશેષતઃ

તં જાપી વર્જયેદ્ યસ્માત્ મુનિભિર્વર્જિતા સદા ।
ઉભયાર્થે ઽપિ સિદ્ધ્યન્તે મન્ત્રા શાન્તિકપૌષ્ટિકા

ક્ષણેન કુરુતે સર્વં કર્માં યાવન્તિ ભાષિતા ।
સુજપ્તા મન્ત્રા હ્યેતે તેજવન્તા મહર્દ્ધિકા

શાન્તિકાનિ ચ કર્માણિ કુર્યાત્તાં જિનભાષિતૈઃ ।
પૌષ્ટિકાનિ તુ સર્વાણિ કુર્યાત્ કોકનદે કુલે

કર્મા પાપકા સર્વે આભિચારે પ્રયુજ્યતે ।
આભિચારુકસર્વાણિ કુર્યાદ્ વજ્રકુલેન તુ ।
નિષિદ્ધા લોકનાથૈસ્તુ યક્ષેન્દ્રેણ પ્રકાશિતા

સત્ત્વાનાં વિનયાર્થાય મન્ત્રમાહાત્મ્યમુદ્ભવમ્ ।
કથિતં ત્રિપ્રકારં તુ ત્રિકુલેષ્વેવ સર્વતઃ

યે તુ અષ્ટ સમાખ્યાતા કુલાગ્ર્યા મુનિના સ્વયમ્ ।
તેષુ સિદ્ધિસ્ત્રિધા યાતા ત્રિપ્રકારાઃ સમોદિતાઃ ।
ઉત્તમા મધ્યમા નીચા તત્ ત્રિધા પરિભિદ્યતે

શાન્તિકં પૌષ્ટિકં ચાપિ આભિચારુકમિષ્યતે ।
કેવલં મન્ત્રયુક્તિસ્તુ તન્ત્રયુક્તિરુદાહૃતા

મન્ત્રાણાં ગતિમાહાત્મ્યં આભિચારુક યુજ્યતે ।
એતત્ કર્મ નિકૃષ્ટં તુ સર્વજ્ઞૈસ્તુ ગર્હિતમ્

ન કુર્યાત્ કૃચ્છ્રગતેનાપિ કર્મ પ્રાણોપરોધિકમ્ ।
કેવલં તુ સમાસેન કર્મમાહાત્મ્યવર્ણિતઃ

તન્ત્રયુક્તવિધિર્મન્ત્રૈઃ કર્મવિસ્તરવિસ્તરઃ ।
કર્મરાજે ઇહોક્તં તુ અન્યતન્ત્રેષુ દૃશ્યતે

ન ભેજે કર્મહીનં તુ સર્વમન્ત્રેષુ યુક્તિમામ્ ।
યાવન્તિ લૌકિકા મન્ત્રા સકલા નિષ્કલાસ્તથા

સર્વે લોકોત્તરાશ્ચૈવ તેષામેવ ગુણઃ સદા ।
અસઙ્ખ્યં મન્ત્રસિદ્ધિસ્ત્વસઙ્ખ્યં તત્ પરિકીર્ત્યતે

એકસઙ્ખ્યપ્રભૃત્યાદિ વિંશમુક્તં તથાપિ તુ ।
તતઃ ત્રિંશત્ સમાસેન ચત્વારિંશં તુ ચાપરમ્

તતસ્ત્રિગુણષષ્ટિં તુ સપ્તભિઃ સદશં તથા ।
દશં ચાપરમિત્યાહુ અશીતિસઙ્ખ્યા તુ ચાપરમ્

સદશં નવતિમિત્યાહુઃ શતં પૂર્ણં દશાપરમ્ ।
શતસઙ્ખ્યા તુ સઙ્ખ્યાતા તદ્દશં સહસ્રાપરમ્

દશસહસ્રમયુતં તુ દશમયુતાનિ લક્ષિતમ્ ।
દશલક્ષાવિલક્ષં તુ વિલક્ષં દશ કોટિમ્

+ + + + + + ટ્યો વૈ દશવિકોટ્યો ઽર્બુદો ભવેત્ ।
દશાર્બુદા નિર્બુદઃ ઉક્તઃ તદ્દશં ખડ્ગમિષ્યતે

દશખડ્ગનિખડ્ગં તુ દશનિખઃ ખર્વમિષ્યતે ।
દશ નિખર્વાં તથા પદ્મઃ દશપદ્માં મહાપદ્મઃ

દશપદ્માનિ વાહસ્તુ દશવિવાહાંસ્તથાપરામ્ ।
મહાવિવાહસ્તથા દૃષ્ટસ્તદ્દશં માયમુચ્યતે

તદ્દશમાયાં મહામાયઃ મહામાયાં દશાપરામ્ ।
સમુદ્રં ગણિતજ્ઞાને નિર્દ્દિષ્ટં લોકનાયકૈઃ

મહાસમુદ્રં તતઃ પશ્ચાદ્ વિંશાર્દ્ધં પરિસાધિકે ।
મહાસમુદ્રસ્તથા હ્યુક્તઃ સદશં સાગરઃ તતઃ

મહાસાગરમિત્યાહુર્વિંશાર્દ્ધેન પ્રયુજ્યતે ।
મહાસાગરા દશ ગુણીકૃત્ય પ્રઘરા હ્યેવમુચ્યતે

દશપ્રઘરાત્યુક્તઃ ઘરેતિ તં પ્રકીર્ત્તિતમ્ ।
દશઘરે નામતો ઽપ્યુક્તા અશેષં તુ તદુચ્યતે

અશેષાન્મહાશેષં વિંશાર્દ્ધેન ગુણીકૃતમ્ ।
તદસઙ્ખ્યં પ્રમાણં તુ કથિતં લોકનાયકૈઃ

સઙ્ખ્યો દશ સઙ્ખ્યામિત્યાહુ તદસઙ્ખ્યં ગુણીકૃતમિતિ ।
તતઃ પરેણાપિ તથા + + + + + + + + + + + +

અમિતાત્ સહસ્રગુણિતં તં લોકં પરિકીર્ત્યતે ।
લોકાત્ પરેણ મહાલોકં મહાલોકાદ્ ગુણીકૃતમ્

તતત્સંસ્તમસમિત્યુક્તં તમસા જ્યોતિરુચ્યતે ।
જ્યોતિષો મહાજ્યોત્સ્ના ગુણીકૃત્ય મહારાશિસ્તદુચ્યતે

મહારાશ્યા મહારાશિરિત્યુક્તા રાશ્યે ગમ્ભીરમુચ્યતે ।
ગમ્ભીરા સ્થિરમિત્યાહુઃ સ્થિરાત્ સ્થિરતરં વ્રજેત્

તતઃ પરેણ બહુમત્યા બહુમતં સ્થાનમુચ્યતે ।
સ્થાનં સ્થાનતરં ત્યાહુઃ ગણિતજ્ઞાનસૂરતાઃ

મહાસ્થાનં તતો ગચ્છેન્મહાસ્થાનમિતમિષ્યતે ।
મિતાન્મિતસમં કૃત્વા મહાર્થં તત્ પરિકીર્ત્યતે

મહાર્થા સુશ્રુતસ્થાનં તતો ગચ્છેન્મહાર્ણવમ્ ।
મહાર્ણવાત્ પ્રથમમિત્યાહુઃ પ્રથમાત્ પ્રથમતરં હિ તત્

પ્રથમે શ્રેષ્ઠમિત્યાહુઃ શ્રેષ્ઠાજ્જ્યેષ્ઠાન્તમુચ્યતે ।
જ્યેષ્ઠાન્મન્દિરસો નામ તદચિન્ત્યં પરિકીર્ત્યતે

અચિન્ત્ય અચિન્ત્યાર્થિન્યતમં ઘોરં ઘોરાત્ રાષ્ટ્રતમિષ્યતે ।
રાષ્ટ્રાત્ પરેણ નિધ્યસ્તો નિધ્યસ્તપરતઃ શુભમ્

શુભાત્ પરેણ મહાચેતઃ મહાચેતા ચેતયિષ્યતે ।
ચેતો ચિત્તવિક્ષેપ અભિલાપ્ય તદુચ્યતે

અભિલાપ્યા અનભિલાપ્યાસ્તુ વિશ્વરં ચ મુદાહૃતમ્ ।
વિશ્વાત્ પરેણ મહાવિશ્વઃ અસ્વરં તુ તદુચ્યતે

અસ્વરાન્મહાસ્વરસ્થાનં ખર્વતો ઽધિગર્વિતસ્તથા ।
શ્રેયસં શાન્તિમિત્યુક્તં સ્થાન ગણિતપારગૈઃ

મહાધૃષ્ટસ્તતો ધૃષ્ટઃ ઓદકં તદિહોચ્યતે ।
ઓદકા ચિત્તવિભ્રાન્તં સ્થાનં ચાપરમુત્તમમ્

ઉત્તમાત્ પરતો બુદ્ધાં વિષયં નાધરભૂમિકામ્ ।
અશક્યં માનુષાણાં તુ ગણના લોકકલ્પનમ્

તતઃ પરેણ બુદ્ધાનાં ગોચરં નાપરં મતમ્ ।
બુદ્ધક્ષેત્રં આસિકતા ગઙ્ગાનદ્યાસ્તુ મુચ્યતે

સમ્ભિદ્ય પરમાણૂનાં કથયામાસ નાયકાઃ ।
દૃષ્ટાન્તં ક્રિયતે હ્યેતત્ તર્કજ્ઞાનં તુ ગોચરમ્

હેતુના સાધ્યતે દ્રવ્યં ન શક્યં ગણનાપરૈઃ ।
એતત્પ્રમાણં સમ્બુદ્ધા પર્યુપાસ્તે મયા પુરા

તેષામારાધયિત્વા મે કલ્પે ઽસ્મિં તદચિત્તકે ।
એતાવત્કાલમપર્યન્તં બોધિસત્ત્વો ઽહં પુરા ભવેત્

સત્ત્વાનામર્થસમ્બુદ્ધો બુદ્ધત્વં ચ સમાવિશેત્ ।
તત્ર તત્ર મયા તન્ત્રા ભાષિતા કલ્પવિસ્તરા

એતત્ કલ્પવરં જ્યેષ્ઠમેતદ્ બુદ્ધૈસ્તુ ભાષિતમ્ ।
એતદ્ પ્રમાણં સમ્બુદ્ધૈઃ કથિતો ઽહં પુરાતનમ્

અધુના કુમાર મયા પ્રોક્ત અન્તે કાલે તુ જન્મિકે ।
યાવન્તિ લૌકિકા મન્ત્રા કલ્પરાજાશ્ચ શોભના

લોકોત્તરા તથા દિવ્યા માનુષ્યા સસુરાસુરા ।
સર્વેષાં તુ મન્ત્રાણાં તન્ત્રયુક્તિરુદાહૃતા

સમ્મતો ઽયં તુ સર્વત્ર કલ્પરાજો મહર્દ્ધિકઃ ।
તેષાં કલ્પવિધાનેન સિદ્ધિમાયાતિ મઞ્જુમામ્

અનેનૈવ તુ કલ્પેન વિવિના મઞ્જુભાનિના ।
તેષાં સિદ્ધિમિત્યુક્તા સર્વેષાં પ્રભવિષ્ણુના

કિં પુનર્માનુષે લોકે યે ચાન્યે મન્ત્રદેવતા ।
સર્વે લોકોત્તરા મન્ત્રાઃ લૌકિકા સમહર્દ્ધિકા

અનેન વિધિયોગેન કલ્પરાજેન સિદ્ધિતામ્ ।
વસિતા સર્વમન્ત્રાણાં સર્વકલ્પમુદાહૃતમ્

સમ્મતો ઽયં તુ મઞ્જુશ્રીઃ કલ્પરાજે ઇહોત્તમે ।
યે કેચિચ્છિલ્પવિજ્ઞાના લૌકિકા લોકસમ્મતા

નિમિત્તજ્ઞાનશકુનાઃ જ્યોતિષજ્ઞાનચિહ્નિતાઃ ।
નિમિત્તજ્ઞાનચરિતા રુતાવૈવ શુભાશુભા

સર્વભૂતરુતશ્ચૈવ ચરિતં ચિત્તચિહ્નિતમ્ ।
ધાતુરાયતમં દ્રવ્યં + + + + + + + +

ઇઙ્ગિતં શકુનમિત્યાહુઃ ખન્યધાતુક્રિયા તથા ।
ગણિતં વ્યાકરણં શાસ્ત્રાં શસ્ત્રં ચૈવ ક્રમો વિધિઃ

અધ્યાત્મવિદ્યા ચૈકિત્સ્યં સર્વસત્ત્વહિતં સુખમ્ ।
હેતુનીતિ તથા ચાન્યે શબ્દશાસ્ત્રં પ્રવર્ત્તિતમ્

છન્દભેદો ઽથ ગાન્ધર્વઃ ગન્ધયુક્તિમુદાહૃતાઃ ।
તે મયા બોધિસત્ત્વેન સત્ત્વાનામર્થાય ભાષિતા

પુરાહં બોધિસત્ત્વો ઽસ્મિં સત્ત્વાનાં હિતકારણા ।
ભાષિતા તે મયા પૂર્વં સંસારાર્ણવવાસિનામ્

સંસારગહને કાન્તારે ચિરકાલં ઉષિતો હ્યહમ્ ।
યથા વૈનેયસત્ત્વાનાં તથા તત્ર કરોમ્યહમ્

યથા યથા ચ સત્ત્વા વૈ હિતં કર્મ સમાદધેઃ ।
તથા તથા કરોમ્યેષાં હિતાર્થં કર્મ શુભાલયમ્

વિચિત્રકર્મનેવસ્થાઃ સત્ત્વાનાં હિતયોનયઃ ।
વિચિત્રૈવ ક્રિયતે તેષાં વિચિત્રાર્થયોનિદૂષિતા

વિચિત્રકર્મસંયુક્તા વિચિત્રાર્થાં શાસ્ત્રવર્ણિતામ્ ।
તં તથૈવ કરોમ્યેષાં વિચિત્રાં રૂપસમ્પદામ્

અહં તથા વેષધારી સ્યા વિચિત્રાઙ્ગં નિજાનિજામ્ ।
હિતાશયેન સત્ત્વાનાં વિચિત્રં રૂપં નિર્મિષે

મહેશ્વરઃ શક્રબ્રહ્માદ્યાં વિષ્ણુર્ધનદનૈરૃતામ્ ।
વિચિરાં ગ્રહરૂપાંસ્તુ નિર્મિમે ઽહં તથા પુરા

મહાકરુણાવિષ્ટમનસઃ સત્ત્વાનામાશયગોચરા ।
અનુપૂર્વ્યા તુ તેષાં વૈ સ્થાપયામિ શિવે પદે

પર્યટામિ સંસારે દીર્ઘકાલમવેક્ષિતમ્ ।
સત્ત્વાનામર્થનિષ્પત્તિં મન્ત્રરૂપેણ દેશિતમ્

અનુપૂર્વં મતજ્ઞાનં મન્ત્રકલ્પં પ્રવર્તિતમ્ ।
ચિરા મે સંસરતા જન્મે બુદ્ધગોત્રે સમાસૃત

ન ચ મે વિદ્યતે કશ્ચિત્ કર્તા વા સ્વામિનો ઽપિ વા ।
નિયતં ગોત્રમાસૃત્ય બુદ્ધો ઽહં બોધિમુત્તમાં

ક્ષેમો ઽહં નિર્જરં શાન્તં અશોકં વિમલં શિવમ્ ।
પ્રાપ્તો ઽહં નિર્વૃતિં શાન્તિં મુક્તો ઽહં જન્મબન્ધના

અધુના પ્રવર્તિતશ્ચક્રઃ ભૂતકોટિસમાશ્રિત ।
દર્શયામેષ કલ્પં વૈ મન્ત્રવાદં સવિસ્તરમ્

ન વૃથા કારયેજ્જાપી કર્મકલ્પ સવિસ્તરમ્ ।
યાવન્તિ લૌકિકા મન્ત્રાઃ કલ્પાશ્ચૈવમુદાહૃતાઃ

પૂજ્યા માન્યાશ્ચ સર્વે તે અવજ્ઞા તેષાં તુ વર્જિતા ।
નાવમન્યે તતો મન્ત્રી તેષાં કલ્પાનિ વિસ્તરમ્

નિમિત્તં જ્ઞાનયુક્તિં ચ જ્યોતિષજ્ઞાનરોદિતમ્ ।
ન વૃથા કારયેદેતાં મઙ્ગલાર્થમુદાહૃતાઃ

દૃષ્ટધાર્મિકમેવં તુ સિદ્ધિદ્રવ્યાદિમોષધમ્ ।
સામિષં લોભનં સિદ્ધિસ્તસ્માન્મઙ્ગલમુચ્યતે

પ્રશસ્તા જિનગાથાભિઃ સ્વસ્તિગાથાભિભૂષિતમ્ ।
પ્રશસ્તૈર્દિવસૈર્મુખ્યૈઃ સિતપક્ષે સુચિહ્નિતૈઃ

શુક્લગ્રહવરે યુક્તે મન્ત્રસાધનમારભેત્ ।
એવમાદ્યાઃ શુભા યુક્તા અશુભાંશ્ચાપિ વર્જયેત્

મયૈવ કથિતં પૂર્વં તસ્માદ્ ગ્રાહ્યા તુ જાપિભિઃ ।
યાવન્તિ કેચિલ્લોકે ઽસ્મિં જ્યોતિષજ્ઞાનકૌશલાઃ

અન્યે વા તત્ર કૌશલ્યાઃ નીતિહેતુસહેતુકાઃ ।
ન્યાયશાસ્ત્રસુસમ્બદ્ધા સત્ત્વાનાં હિતકારયા

મયૈવ કથિતં તત્ સર્વં ગ્રાહ્યતે મન્ત્રજાપિભિઃ ।
સિદ્ધિહેતુરયં માર્ગઃ દર્શિતં તત્ત્વદર્શિભિઃ

સર્વં હ્યશેષસિદ્ધાન્તં યદ્યોક્તં મોક્ષકારણમ્ ।
તેનૈવ કુર્યાન્મન્ત્રાણાં માર્ગં સિદ્ધિકારણાઃ

ન વૃથા કારયેજ્જાપી મન્ત્રયુક્તિં હ્યશેષતઃ ।
સર્વે લૌકિકા મન્ત્રા ઉત્તમાશ્ચ પ્રકીર્તિતાઃ

લોકોત્તરાસ્તથા દિવ્યા સર્વેષ્વેવ પ્રયોજયેત્ ।
ન મિથ્યં કારયે ચિત્તં ન દૂષ્યે તત્ર મનં કદા

સર્વે પૂજ્યાસ્તુ મન્ત્રા વૈ સમયજ્ઞઃ પ્રકીર્તિતાઃ ।
શાસને ઽસ્મિં તથા સાસ્તુઃ બુદ્ધાનાં સમતાહિતે

નિવિષ્ટા જિનપુત્રાણામાકૃષ્ટાશ્ચ પ્રવેશિતાઃ ।
મણ્ડલે મુનિચન્દ્રાણાં સમયજ્ઞ ઇહોદિતાઃ

અવન્ધ્યાસ્તે સદા મન્ત્રૈરાનીતા વિશનાશયા ।
ન નમે પરમન્ત્રાણાં નાપિ સાવજ્ઞમાચરેત્ ।
અનાર્યા યે તુ મન્ત્રા વૈ અવન્ધ્યાસ્તે પરિકીર્ત્તિતા

યાવન્તિ લૌકિકા મન્ત્રા અધરા જાપસમ્ભવા ।
સક્લેશા દૃષ્ટમાર્ગાન્તા અવન્ધ્યાસ્તે તુ જાપિભિઃ

ન વૃથા કારયે ચિત્તં કોપને રોષસંયુતમ્ ।
રોચનં ન ચૈવ ભક્તિં ન કુર્યાત્ કર્મ વૃથાફલમ્ ।
તદાયત્તં હિ ચિત્તસ્ય ન દદ્યાત્ સન્નતિં ક્વચિત્

એકમન્ત્રસ્તુ યુક્તિસ્થઃ જપં નિત્યં સમાહિતઃ ।
લભતે ફલમશેષં તુ યથોક્તં વિધિના વિધેઃ

નિશ્ચલં તુ મનઃ કૃત્વા એકમન્ત્રં તુ તં જપેત્ ।
એકચિત્તસ્ય સિદ્ધ્યન્તે મન્ત્રાઃ સર્વાર્થસાધકાઃ

વ્યસ્તચિત્તો હિ મૂઢાત્મા સિદ્ધિસ્તસ્ય ન દૃશ્યતે ।
અશેષં ફલનિઃપત્તિં પ્રાપ્નુયાદ્ વિપુલાં ગતિમ્

નિત્યશુદ્ધં મનો યસ્ય સ શ્રાદ્ધસ્યૈવ શાસને ।
રત્નત્રયે ચ પ્રસન્નસ્ય સિદ્ધિરિષ્ટા ઉદાહૃતા