મઞ્જુશ્રીમૂલકલ્પ · અધ્યાય 29

આર્યમઞ્જુશ્રિયમૂલકલ્પાદ્ બોધિસત્ત્વપિટકાવતંસકાત્ મહાયાનવૈપુલ્યસૂત્રાત્ ષડ્વિંશતિમઃ કર્મવિધાનાર્યમઞ્જુશ્રીયપરિવર્ત્તપટલવિસરઃ પરિસમાપ્ત ઇતિ ।
અથૈકોનત્રિંશઃ પટલવિસરઃ ।
અથ ભગવાં શાક્યમુનિઃ પુનરપિ શુદ્ધાવાસભવનમવલોક્ય મઞ્જુશ્રિયં કુમારભૂતમામન્ત્રયતે સ્મ । અસ્તિ મઞ્જુશ્રીઃ ત્વદીયે કલ્પવિધાનપરિવર્તે સપ્તમઃ પટકર્મવિધાનં યો તસ્મિં કાલે તસ્મિં સમયે યુગાન્તે સાધયિષ્યન્તિ અમોઘા તસ્ય સિદ્ધિર્ભવિષ્યતિ । સફલાઃ સુખોદયાઃ સુખવિપાકાઃ દૃષ્ટધર્મવેદનીયા સર્વદુર્ગતિનિવારણીયા નિયતં તસ્ય બોધિપરાયણીયા સિદ્ધિર્ભવિષ્યતિ ॥
અથ ભગવાં શાક્યમુનિઃ મઞ્જુશ્રિયસ્ય કુમારભૂતસ્ય હૃદયં ભાષતે સ્મ -
ષડક્ષરં ષડ્ગતિમોચનાત્મકં અચિન્ત્યતુલ્યાપ્રતિમં મહર્દ્ધિકમ્ ।
વિમોચકં સર્વભવાર્ણવાર્ણવં તૃદુઃખદુઃખા ભવબન્ધબન્ધનાત્

અસહ્યં સર્વભૂતાનાં સર્વલોકાનુલિપ્તકમ્ ।
અધૃષ્યં સર્વભૂતાનાં ભવમાર્ગવિશોધકમ્

પ્રાપકં બુદ્ધધર્માણાં સર્વદુષ્ટનિવારણમ્ ।
અનુમોદિતં સર્વબુદ્ધૈસ્તુ સર્વસમ્પત્તિકારકમ્ ।
ઉત્કૃષ્ટઃ સર્વમન્ત્રાણાં મઞ્જુઘોષસ્ય શાસને