મઞ્જુશ્રીમૂલકલ્પ · અધ્યાય 30

કતમં ચ તત્ । ઓમ્ વાક્યેદ નમઃ ॥
અસ્ય કલ્પં ભવતિ । શાકયાવકભિક્ષભૈક્ષાહારો વા ત્રિઃકાલસ્નાયી ત્રિચેલપરિવર્ત્તી અક્ષરલક્ષં જપેત્ । પૂર્વસેવા કૃતા ભવતિ ॥
તતઃ અચ્છિન્નાગ્રદશકે પટે પોષધિકેન ચિત્રકરેણ અશ્લેષકૈર્વર્ણકૈઃ આર્યમઞ્જુશ્રીશ્ચિત્રાપયિતવ્યઃ પદ્માસનસ્યો ધર્મં દેશયમાનઃ સર્વાલઙ્કારવિભૂષિતઃ કુમારરૂપી મુક્તોત્તરાસઙ્ગઃ તસ્ય વામેન આર્યાવલોકિતેશ્વરઃ પદ્મહસ્તઃ ચામરવ્યગ્રહસ્તઃ દક્ષિણેન આર્યસમન્તભદ્રઃ ઉપરિ મેઘગર્ભવિનિર્ગતૌ વિદ્યાધરૌ માલાધારિણૌ લિખાપયિતવ્યૌ અધસ્તાત્ સાધકો ધૂપકટચ્છકવ્યગ્રહસ્તઃ સમન્તાત્ પર્વતશિખરા લિખાપયિતવ્યા । અધસ્તાત્ પદ્મસરઃ ॥
સધાતુકે ચૈત્યે પટં પશ્ચાન્મુખં પ્રતિષ્ઠાપ્ય ઉદારાં પૂજાં કૃત્વા ઘૃતપ્રદીપાંશ્ચ પ્રજ્વાલ્ય જાતીપુષ્પાણાં અષ્ટસહસ્રેણ એકૈકમભિમન્ત્ર્ય મઞ્જુશ્રીમુખે તાડયેત્ । તતો મહાગમ્ભીરહુઙ્કારશબ્દ શ્રૂયતે । પટો વા પ્રકમ્પતે । હુઙ્કારશબ્દેન સાર્વભૌમિકો રાજા ભવતિ । પતપ્રકમ્પને સર્વવાદિષુત્તરવાદી ભવતિ । સર્વલોકૈકશાસ્ત્રજ્ઞઃ । અથ ન સિદ્ધ્યતિ સર્વકર્મસમર્થો ભવતિ ॥ અયં પ્રથમઃ કલ્પઃ ।
અગરુસમિધાનામધ્યર્દ્ધમઙ્ગુલપ્રમાણાનાં નિર્ધૂમેષુ ખદિરાઙ્ગારેષુ કૃત્સ્નાં રાત્રિં તુરુષ્કતૈલાક્તાનાં જુહુયાત્ । અરુણોદયે આર્યમઞ્જુશ્રિયં પશ્યતિ । સો ઽસ્ય યથેપ્સિતં વરં દદાતિ । વર્જયિત્વા કામોપસંહિતમ્ ॥
તસ્યૈવ પટસ્યાગ્રતઃ ચન્દનધૂપમવ્યવચ્છિન્નં દહં કૃત્સ્નાં રાત્રિં જપેત્ । તતઃ આર્યમઞ્જુશ્રીઃ ( વૈદ્ય 250 ) સાક્ષામાગચ્છતિ ગમ્ભીરાં ધર્માં દેશયતિ । તામધિમુચ્યતિ । અધિમુચ્ય સર્વવ્યાધિવિનિર્મુક્તઃ વશિતા પ્રાપ્તો ભવતિ ॥
રક્તચન્દનમયં પદ્મં કૃત્વા ષડઙ્ગુલપરિણાહં સનાલં રક્તચન્દનેન મ્રક્ષયિત્વા સહસ્રં સમ્પાતાહુતં સહસ્રાભિમન્ત્રિતં કૃત્વા પૂર્ણમાસ્યાં પટસ્યાગ્રતઃ પદ્મપત્રે સ્થાપ્ય હસ્તેનાવષ્ટભ્ય તાવજ્જપેદ્ યાવત્ પ્રજ્વલિત ઇતિ । તેન ગૃહીતેન દ્વિરષ્ટવર્ષાકૃતિઃ તપ્તકાઞ્ચનપ્રભઃ ભાસ્કરસ્યોપિરકેતેજા દેવકુમારઃ સર્વવિદ્યાધરનમસ્કૃતઃ મહાકલ્પં જીવતિ । ભિન્ને દેહે ભિરત્યામુપપદ્યતે ॥
ચન્દ્રગ્રહે શ્વેતવચાં ગૃહ્યં પઞ્ચગવ્યેન પ્રક્ષાલ્ય અશ્વત્થપત્રૈરવષ્ટમ્ભયિત્વા તાવજ્જપેદ્ યાવદૂષ્માયતિ ધૂમાયતિ જ્વલતિ । સર્વજનવશીકરણઃ સર્વવાદિવિજયી ધૂમાયમાને અન્તર્દ્ધાનં ત્રિંશદ્વર્ષસહસ્રાણિ જીવતિ । જ્વલિતે આકાશગમનં મહાકલ્પં જીવતિ ॥
કપિલાયાઃ સમાનવત્સાયાઃ ઘૃતં ગૃહ્ય તામ્રભાજનં સપ્તભિરશ્વત્થપત્રૈઃ સ્થાપ્ય તાવજ્જપેદ્ યાવત્ ત્રિવિધા સિદ્ધિરિતિ । તં પીત્વા શ્રુતિધરમન્તર્ધાનાકાશગમનમિતિ ॥
પુષ્કરબીજં મુખે પ્રક્ષિપ્ય ચન્દ્રગ્રહે તાવજ્જપેદ્ યાવચ્ચુલુચુલાયતિ । ત્રિલૌહપરિવેષ્ટિતં કૃત્વા મુખે પ્રક્ષિપ્યાન્તર્હિતો ભવતિ । ઉદ્ગીર્ણાયાં દૃશ્યતિ ॥
લવઙ્ગગન્ધં મુખે પ્રક્ષિપ્ય ષડ્લક્ષં જપેત્ । યમાલપતિ સ વશ્યો ભવતિ । ક્ષીરયાવકાહારઃ લક્ષં જપેદ્ વિદ્યાધરો ભવતિ । ભિક્ષાહારઃ કાષ્ઠમૌની લક્ષં જપે અન્તર્હિતો ભવતિ । કોટિં જપેદાર્યમઞ્જુશ્રીસ્તથા ધર્મં દેશયતિ યથા ચરમભવિકો બોધિસત્ત્વઃ ભવતિ । સતત જાપેન સર્વાર્થવૃદ્ધિર્ભવતિ ॥
સર્વગન્ધૈર્યસ્ય પ્રતિકૃતિં કૃત્વા ચ્છિત્વા જુહોતિ સ સપ્તરાત્રેણ વશ્યો ભવતિ । ગુગ્ગુલુગુલિકાનાં બદરાસ્થિપ્રમાણાનાં ઘૃતાક્તાનાં શતસહસ્રં જુહુયાત્ દીનારલક્ષં લભતિ ॥
સમુદ્રગામિનીં નદીમવતીર્ય પદ્માનાં શતસહસ્રં નિવેદયેત્ । પદ્મરાશિતુલ્યં મહાનિધાનં પશ્યતિ । ક્ષયં ન ગચ્છતિ । ગૌરસર્ષપાણાં કુઙ્કુમાભ્યક્તાનાં અષ્ટસહસ્રં જુહુયાત્ । રાજા વશ્યો ભવતિ । તિલાનાં દધિમધુઘૃતાક્તાનાં શતસહસ્રં જુહુયાત્ । સર્વન્દદો મહાગૃહપતિર્ભવતિ । અપતિતગોમયેન મણ્ડલકં કૃત્વા મુક્તપુષ્પૈરભ્યવકીર્યાષ્ટશતં જપેત્ । તતઃ સદ્ધર્મપુસ્તકં વાચયેત્ । માસેન પરમમેધાવી ભવતિ । રોચનાષ્ટશતં કૃત્વા તિલકં કુર્યાત્ । સર્વજનપ્રિયો ભવતિ । શિખાં સપ્તજપ્તાં કૃત્વા સર્વસત્ત્વાનામાવધ્યો ભવતિ । કિરિમાલં દશસહસ્રાણિ જુહુયાત્ । સર્વવ્યાધિર્મુચ્યતે । દિનેદિને સપ્તવારાં જપેત્ । નિયતવેદનીયં કર્મ ક્ષપયતિ અથાષ્ટશતજપેન મરણકાલસમયે સમસ્તં સમ્મુખં આર્યમઞ્જુશ્રિયં પશ્યતીતિ ॥
આર્યમઞ્જુશ્રિયમૂલકલ્પાદ્ બોધિસત્ત્વપિટકાવતંસકાત્ મહાયાનવૈપુલ્યસૂત્રાત્ સપ્તવિંશતિમઃ મઞ્જુશ્રીપટવિધાનપરિવર્તકર્મવિધિઃ સપ્તમકપટલવિસરઃ પરિસમાપ્તમિતિ ॥
અથ ત્રિંશઃ પટલવિસરઃ ।
અથ ખલુ ભગવાં શાક્યમુનિઃ પુનરપિ શુદ્ધાવાસભવનમવલોક્ય મઞ્જુશ્રિયં કુમારભૂતમામન્ત્રયતે સ્મ । અસ્તિ મઞ્જુશ્રીઃ ત્વદીયમન્ત્રતન્ત્રે વિદ્યારાજ્ઞાં ચક્રવર્ત્તિપ્રભૃતીનાં સર્વતથાગતોષ્ણીષપ્રમુખાનાં સર્વમન્ત્રાણાં સિદ્ધિસ્થાનાનિ ભવન્તિ । તત્રોત્તરાપથે સર્વત્ર તાથાગતી વિદ્યારાજ્ઞઃ સિદ્ધિં ગચ્છન્તિ સંક્ષેપતઃ ॥
ચીને ચૈવ મહાચીને મઞ્જુઘોષો ઽસ્ય ત્રસ્યતિ ।
યે ચ તસ્ય મન્ત્રા વૈ સિદ્ધિં યાસ્યન્તિ તત્ર વૈ

ઉષ્ણીષરાજ્ઞાં સર્વત્ર સિદ્ધિર્દૃશ્યેયુ તત્ર વૈ ।
કાવિશે વખલે ચૈવ ઉદિયાને સમન્તતઃ

કશ્મીરે સિન્ધુદેશે ચ હિમવત્પર્વતસન્ધિષુ ।
ઉત્તરાં દિશિ નિઃસૃત્ય મન્ત્રા સિદ્ધ્યન્તિ શ્રેયસાઃ

યે ચ ગીતા પુરા બુદ્ધૈઃ અધુના ચ પ્રવર્ત્તિતા ।
અનાગતા ચ સમ્બુદ્ધૈઃ ઉદ્ગીર્ણા શાન્તિહેતવઃ

સર્વે વૈ તત્ર સિદ્ધ્યન્તિ હિમાદ્રિકુક્ષિસમ્ભવે ।
જનપદે શ્રેયસે ભદ્રે શાન્તિં કર્તુ સમારભે

મધ્યદેશે તથા મન્ત્રાઃ સિધ્યન્ત્યેતે પદ્મસમ્ભવા ।
ગજોમાનિકુલે ચાપિ સિદ્ધિસ્તત્ર પ્રદૃશ્યતે

પઞ્ચિકસ્ય ચ યક્ષસ્ય હારીત્યા યક્ષયોનિજા ।
ગાન્ધર્વા યે તુ મન્ત્રા વૈ સિદ્ધિસ્તેષાં સમોદિતા

કાશિપુર્યાં તતો નિત્યં મગધેષુ સમન્તતઃ ।
અઙ્ગદેશે તથા પ્રાચ્યાં કામરૂપે સમન્તતઃ

લૌહિત્યાં તુ તટે રમ્યે વઙ્ગદેશેષુ સર્વતઃ ।
જમ્ભલસ્ય ભવેત્ સિદ્ધિ તથા મણિકુલોદિતે

સમુદ્રતીરે દ્વીપેષુ સર્વતત્ર જલાશ્રયે ।
સિંહલાનાં પુરી રમ્યા સિદ્ધ્યન્તે મન્ત્રદેવતા

ભૃકુટી ચૈવ + + + મહાશ્રિયા યશસ્વિની ।
સિતાખ્યાઃ સર્વમન્ત્રાસ્તુ ચતુઃકુમાર્યા મહોદધૌ

સિધ્યન્તે તત્ર વૈ સ્થાને પૂર્વદેશે સમન્તતઃ ।
વિન્ધ્યકુક્ષિનિવિષ્ટાશ્ચ અગ્રેન્દ્રે ચ સમન્તતઃ

કાર્તિકેયો ઽથ મઞ્જુશ્રીઃ સિદ્ધ્યન્તે ચ સમન્તતઃ ।
શૃઙ્ગારગહ્વરઃ કુક્ષાદ્રેઃ કન્દરે ચ સકાનને

સિદ્ધિર્વિનાયકાં તત્ર વિઘ્નકર્તા સજાપિનામ્ ।
હસ્તાકારસમાયુક્તાનેકદન્તાં મહૌજસામ્

અશ્વરૂપા તથાનેકા + + + કારશાલિનામ્ ।
ઈશાનસ્ય સુતાં દિવ્યાં વિવિધાં વિઘ્નકારકામ્

તત્પ્રોક્તા મન્ત્રયુક્તાંશ્ચ સિદ્ધિક્ષેત્રં પ્રદૃશ્યતે ।
માતરા વિવિધાકારાં ગ્રહાંશ્ચૈવ સુદારુણામ્

પ્રેતાયોનિસમાદિષ્ટા માનુષાહારનૈર્રૃતામ્ ।
પ્રેતરાજ્ઞઃ સમાદિષ્ટં સિદ્ધિક્ષેત્રં તતોદિતમ્

તદાદ્યાત્ સર્વભૂતાનાં સિદ્ધિક્ષેત્રં સમાદિશેત્ ।
વજ્રક્રૌઞ્ચો મહાવીર્યઃ સિદ્ધ્યન્તે તત્ર વૈ દિશે

આસુરા મન્ત્રમુખ્યાસ્તુ યે ચાન્યે લૌકિકાસ્તથા ।
સિદ્ધ્યન્તે તત્ર મન્ત્રા વૈ દક્ષિણાં દિશિમાશ્રિતાઃ

પ્રેતરાજ્ઞસ્તથા નિત્યં યમસ્યૈવ વિનિર્દિશેત્ ।
સિદ્ધ્યન્તે જાત્યમન્ત્રાંસ્તુ સશૈવા ચ સવૈષ્ણવા

ક્રૂરાશ્ચાક્રૂરકર્મેષુ ક્ષેત્રમાદિષ્વદક્ષણમ્ ।
વજ્રપાણિસમાદિષ્ટા મન્ત્રાઃ ક્રૂરકર્મિણઃ

દક્ષિણાપથમાસૃત્ય સિધ્યન્તે પાપકર્મિણામ્ ।
અશુભં ફલનિષ્ફત્તિં દૃશ્યતે તત્ર વૈ દિશે

આદિત્યભાષિતા યે મન્ત્રાઃ સૌમ્યાશ્ચૈવ પ્રકીર્તિતાઃ ।
ઐન્દ્રા મન્ત્રાઃ પ્રસિધ્યન્તે પશ્ચિમે દિશિ શોભને

સ્વયં તત્ર + સિધ્યેત યક્ષેન્દ્રો ઽત્ર મહર્દ્ધિકઃ ।
ધનદઃ સર્વભૂતાનાં બાલિશાનાં તુ મોહિનામ્

ચિત્તં દદાતિ જન્તૂનાં વિધિદૃષ્ટેન હેતુના ।
સિદ્ધ્યન્તે પશ્ચિમે દેશે ભોગવાનર્થસાધકઃ

ધનદો નામ નામેન વિશ્રુતો ઽત્ર મહીતલે ।
વજ્રપાણિઃ સ્વયં યક્ષઃ બોધિસત્ત્વો મહર્દ્ધિકઃ

મન્ત્રમુખ્યો વરશ્રેષ્ઠો દશભૂમાધિપઃ સ્વયમ્ ।
સિદ્ધ્યન્તે સર્વમન્ત્રા વૈ વજ્રાબ્જકુલસમ્ભવા

તથાષ્ટકુલિકા મન્ત્રા અષ્ટભ્યો દિક્ષુ નિશ્રિતા ।
ઉત્તરાયાં દિશિ સિધ્યન્તે મન્ત્રા વૈ જિનસમ્ભવા

પૂર્વદેશે તથા સિદ્ધિઃ મન્ત્રા વૈ પદ્મસમ્ભવા ।
દક્ષિણાપથનિશૃત્ય સિધ્યન્તે કુલિશાલયાઃ

પશ્ચિમેન ગજઃ પ્રોક્તા વિદિશે મણિકુલસ્તથા ।
પશ્ચિમે ચોત્તરે સન્ધૌ સિદ્ધિસ્તેષુ પ્રકલ્પિતા

પશ્ચિમે દક્ષિણે ચાપિ સન્ધૌ યક્ષકુલસ્તથા ।
દક્ષિણે પૂર્વદિગ્ભાગે શ્રાવકાનાં મહૌજસામ્

કુલાખ્યં તેષુ દૃષ્ટં વૈ તત્ર સ્થાનેષુ સિધ્યતિ ।
પૂર્વોત્તરે દિશાભાગે પ્રત્યેકાનાં જિનસમ્ભવમ્

કુલાખ્યં બહુમતં લોકે સિદ્ધિસ્તેષુ તત્ર વૈ ।
અધશ્ચૈવ દિશાભાગે સિધ્યન્તે સર્વલૌકિકા

પાતાલપ્રવેશિકા મન્ત્રા વૈ સિધ્યન્તે ઽષ્ટકુલેષુ ચ ।
લોકોત્તરા તથા મન્ત્રા ઉષ્ણીષાદ્યાઃ પ્રકીર્તિતાઃ

સિદ્ધિમાયાન્તે તે ઊર્ધ્વં ચક્રવર્તિજિનોદિતા ।
દિક્સમન્તાત્ સર્વત્ર વજ્રિણસ્ય તુ સિદ્ધ્યતિ

તથાન્યે મન્ત્રરાટ્ સર્વે અબ્જયોનિસમુદ્ભવા ।
સિદ્ધ્યન્તે સર્વદા સર્વે સર્વેમન્ત્રાશ્ચ ભોગદા

સિદ્ધ્યન્તે સર્વકાલે ઽસ્મિં વજ્રાબ્જકુલયોરપિ ।
એતત્ ક્ષેત્રં તુ નિર્દિષ્ટં કાલં તત્ પરિકીર્ત્યતે

ઉત્પત્તેઃ સર્વબુદ્ધાનાં મન્ત્રસિદ્ધિ જિનોદિતામ્ ।
મધ્યકાલે તુ બુદ્ધાનાં અબ્જવજ્રસમુદ્ભવામ્

મન્ત્રાણામન્યકાલે ઽસ્મિન્ તદન્યેષાં મન્ત્રશાલિનામ્ ।
સિદ્ધિશ્ચ કાલતઃ પ્રોક્તા નાન્યકાલે પ્રકીર્ત્તિતા

તપસાદુત્તમા સિદ્ધિસ્ત્રિભિર્જન્યૈરવાપ્નુયાત્ ।
સાતત્યજાપિનાં મન્ત્રં તદ્ભક્તાં ગતમાનસામ્

પ્રસન્નાનાં જિનપુત્રાણાં ઇહ જન્મે ઽપિ સિધ્યતિ ।
રત્નત્રયે ચ ભક્તાનાં બોધિચિત્તવિભૂષિતામ્

સંવરસ્થાં મહાપ્રાજ્ઞં તન્ત્રમન્ત્રવિશારદામ્ ।
મન્ત્રાઃ સિદ્ધ્યન્ત્યયત્નેન બોધિસંવરતસ્થિતામ્

સત્ત્વાનાં કર્મસિદ્ધિસ્તુ આત્મસિદ્ધિમુદાહૃતા ।
સિદ્ધા એવ સદા મન્ત્રા અસિદ્ધા સત્ત્વમોહિતા

અત એવ જિનેન્દ્રૈસ્તુ કલ્પરાજ ઉદાહૃતઃ ।
સવિસ્તરકૃથા મન્ત્રં બુદ્ધશ્રેષ્ઠો હિ સપ્તમઃ

સ વવ્રે મુનિમુખ્યસ્તુ બુદ્ધચન્દ્રો મહર્દ્ધિકઃ ।
જ્યેષ્ઠં ચ બુદ્ધપુત્રં તં મઞ્જુઘોષો મહૌજસમ્

શૃણુ ત્વં કુમાર મન્ત્રાણાં પ્રભાવગતિનૈષ્ઠિકમ્ ।
યસ્મિં કાલે સદા બુદ્ધઃ ધ્રિયન્તે લોકનાયકાઃ

તસ્મિં કાલે તદા સિદ્ધિઃ ઉષ્ણીષાદ્યાં પ્રકીર્ત્તિતા ।
ચક્રવર્ત્તિસ્તથા રાજા તેજોરાશિઃ પ્રકીર્તિતઃ

સિતાતપત્રજપોષ્ણીષ બહવઃ વર્ણિતા જિનૈઃ ।
એવમાદ્યાસ્તથોષ્ણીષાઃ સિદ્ધ્યન્તે તસ્મિં કાલે

ચક્રવર્ત્તિર્યદા કાલે જમ્બૂદ્વીપે ભવિષ્યતિ ।
ધર્મરાજા ચ સમ્બુદ્ધઃ તિષ્ઠતે દ્વિપદોત્તમઃ ।
તસ્મિં કાલે ભવેત્ સિદ્ધિઃ મન્ત્રાણાં સર્વભાષિતામિતિ