મઞ્જુશ્રીમૂલકલ્પ · અધ્યાય 27

ઉત્તમસાધનં કર્તુકામેન અનાહતે પટે અચ્છિન્નદશે કેશાપગતે અશ્લેષકૈર્વર્ણૈર્ભગવાં ચિત્રાપયિતવ્યઃ । ધર્મરાજા ધર્મચક્રપ્રવર્ત્તકઃ સર્વલોકાધિપતિઃ પુરુષોત્તમઃ દ્વિપદાનામગ્ર્યઃ તથાગતરત્નઃ રત્નકેતુર્નામા જિનોત્તમઃ ધર્મં દેશયમાનઃ સમન્તજ્વાલપ્રભામણ્ડલઃ । અધસ્તાદ્ બ્રહ્મા આર્યવજ્રપાણિશ્ચ, ઉપરિષ્ટાન્માલાધારિણૌ દેવપુત્રૌ, અધસ્તાત્ સાધકઃ । તસ્યાગ્રતસ્ત્રિસન્ધ્યં અગરુધૂપં દહતા દશલક્ષાણિ જપેત્ । પશ્ચાત્ કર્માણિ ભવન્તિ ॥
પ્રથમં ચક્રસાધનં કર્તુકામઃ, દ્વાદશારં પુષ્પલોહમયં ચક્રં કૃત્વા પ્રાતિહારકપક્ષે ભગવતો ઽગ્રતસ્ત્રિસન્ધ્યમગરુધૂપં દહતા દશ લક્ષાણિ જપેત્ । અન્તે પૂર્ણમાસ્યાં ઉદારાં પૂજાં કૃત્વા, હસ્તેનાવષ્ટભ્ય, તાવજ્જપેત્, યાવત્ પ્રજ્વલિતમિતિ । તં ગૃહીત્વા વિદ્યાધરચક્રવર્તી ભવતિ । યૈર્દૃશ્યતે, યાંશ્ચ પશ્યતિ, તૈઃ સહોત્પતતિ ॥
અથ ચ્છત્રં સાધયિતુકામઃ, શ્વેતચ્છત્રં વિચિત્રં ચાભિનવં કારયિત્વા, સુવર્ણચક્રચિહ્નં કૌશેયવસ્ત્રાવલમ્બિતં તેનાનેનૈવ વિધાનેન શિરસિ કૃત્વા જપેદ્, વિદ્યા સ્વયમેવોપતિષ્ઠતિ । અનેન ચ ભગવતો ઽગ્રતસ્ત્રિસન્ધ્યમગરુધૂપં દશલક્ષં જપેત્ । અન્તે પૂર્ણમાસ્યામુદારાં પૂજાં કૃત્વા, હસ્તેનાવષ્ટભ્ય તાવજ્જપેદ્, યાવત્ પ્રજ્વલિતમિતિ । તં ગૃહીત્વા વિદ્યાધરચક્રવર્તી ભવતિ । માસે માસે પૌર્ણમાસ્યાં પઞ્ચભિઃ પક્ષૈઃ પ્રાતિહારિકપક્ષે સિદ્ધ્યતિ । અથ સિદ્ધમાત્રેણ સર્વધર્મા આમુખીભવન્તિ । સર્વાભિજ્ઞ પ્રતિલભતે । સર્વબુદ્ધબોધિસત્ત્વાભિનન્દિતઃ સર્વસત્ત્વાનુપ્રવેશઃ સિદ્ધો ભવતિ । લોકધાત્વન્તરે ઽપિ સહસ્રપરિવારશ્ચક્રવર્તી ભવતિ ॥
અથોષ્ણીષં સાધયિતુકામઃ હસ્તમાત્રે દણ્ડે સૌવર્ણરજતતામ્રમયં મણિમયં વા કૃત્વા તાવજ્જપેદ્ યાવત્ પ્રજ્વલિતમિતિ । તં ગૃહીત્વા યથેષ્ટ વિચરતિ । સત્ત્વેભ્યો ધર્મં દેશયતિ । મહાકલ્પં જીવતિ ॥
અથ ભદ્રઘટં સાધયિતુકામઃ સૌવર્ણં ભદ્રઘટં કૃત્વા સર્વબીજરત્નૌષધિપરિપૂર્ણં શુક્લવસ્ત્રાવકુણ્ઠિતં તમનેન સાધયેદ્ એકસ્મિં પ્રાતિહારકપક્ષે કર્મારભેદ્, અપરસ્મિન્ સિદ્ધ્યતિ । તસ્મિં હસ્તે પ્રક્ષિપ્ય યમિચ્છતિ તં લભતે । અક્ષયં ભવતિ ॥
અથ ચિન્તામણિરત્નં સાધયિતુકામઃ સૌવર્ણદણ્ડો જાત્યમણિં સ્ફટિકમણિં ચ સૌવર્ણં વા વસ્ત્રાવલમ્બન્તં કૃત્વા અનેનૈવ વિધાનેન સાધયેદ્, યં ચિન્તયતિ તત્ સર્વં સિદ્ધ્યતિ । ( વૈદ્ય 227 ) દેવમનુષ્યેષુ ચાનેન ગૃહીતેનાપ્રતિહતબલપરાક્રમો ભવતિ । અથ ભગવતઃ કોટિં જપેત્, સ્વશરીરેણોત્પતતિ । દિવ્યબહુમહાકલ્પં જીવતિ । અન્યે વા યોરસિતાતપત્રપ્રખ્યાદયઃ તદપ્યનેન ભગવતો દશલક્ષજપ્તેન કર્માણિ કર્તવ્યાનિ સિદ્ધ્યન્તિ । એવમપ્રતિહતઃ તથાગતોષ્ણીષઃ પરકલ્પવિધાનેનાપિ યથા યથા પ્રયુજ્યતિ, તથા તથા સિદ્ધ્યતિ । અચિરાદેવ ભગવતઃ ઉષ્ણીષચક્રવર્ત્તિનઃ દશલક્ષજપ્તઃ સર્વં સાધયતિ સર્વવિદ્યામન્ત્રાધિપતિચક્રવર્તી ॥
અથ વજ્રં સાધયિતુકામઃ રક્તચન્દનમયં એકસૂચિકં વજ્રં કૃત્વા, અથવા પુષ્પલોહમયં કૃત્વા, પઞ્ચગવ્યેન પ્રક્ષાલ્ય, શુક્લપઞ્ચદશ્યાં પટસ્યાગ્રતઃ ઉદારાં પૂજાં કૃત્વા, ઘૃતપ્રદીપાન્ પ્રજ્વાલ્ય, ગન્ધોદકેન પ્રક્ષાલ્ય, યક્ષા વશ્યા ભવન્તિ । સર્વબુદ્ધબોધિસત્ત્વાનમાત્માનં નિર્યાત્ય, અનેનોષ્ણીષરાજા પરિવારેણ તેજોરાશિસિતાતપત્રેણ વા રક્ષાં કૃત્વા, મણ્ડલબન્ધં સહાયાનાં ચ રક્ષાં કૃત્વા, વજ્રં દક્ષિણેન હસ્તેન ગૃહીત્વા, પ્રથમે યામે ઽતિક્રાન્તે દ્વિતીયે યામે ઉપવિશ્ય એકાગ્રચિત્તઃ તાવજ્જપેદ્, યાવત્ પ્રજ્વલિતમિતિ । અત્રાન્તરે સર્વવિદ્યાધરા સર્વે દેવનાગયક્ષાઃ સન્નિપતન્તિ । સર્વે ચ વિદ્યાધરરાજાનઃ આગચ્છન્તિ । તૈરભિષ્ટૂયમાનઃ વિદ્યાધરપુરં ગચ્છતિ । વિદ્યાધરચક્રવર્તી ભવતિ । વજ્રપાણિસદૃશકાયઃ વજ્રપાણિસમબલઃ ક્ષણલવમુહૂર્ત્તેનાકનિષ્ઠં દેવભવનં ગચ્છતિ । મહાકલ્પસ્થાયી ભગવન્તમાર્યમૈત્રેયં પશ્યતિ । ધર્મં શૃણોતિ । મૃતો યત્રેચ્છતિ, તત્રોપપદ્યતે । યદિચ્છતિ વજ્રપાણિસકાશાદુત્પદ્યતે ॥
અથ ખડ્ગં સાધયિતુકામઃ, નિર્વ્રણં ખડ્ગં ગૃહીત્વા, અહોરાત્રોષિતો ભગવતોદારાં પૂજાં કૃત્વા, તાવજ્જપેદ્, યાવજ્જ્વલિતેન સિદ્ધેન સપરિવારેણોત્પતતિ ॥
આકુઞ્ચિતકુણ્ડલકેશઃ દ્વિરષ્ટવર્ષાકૃતિઃ અપન્થદાયી અગમ્યઃ સર્વવિદ્યાધરાણાં અન્તરકલ્પં જીવતિ ॥
અથ મનઃશિલાં સાધયિતુકામઃ, વીરક્રયેણ ક્રીત્વા પુષ્પયોગત્રિરાત્રોષિતઃ સઙ્ઘોદ્દિષ્ટકાં ભિક્ષાં ભોજયિત્વા આજ્ઞા દાપયિતવ્યા । અનુજ્ઞાતસ્તત્ર સાધનં પ્રવિશેત્ । ઉદારાં પૂજાં કૃત્વા, ઘૃતપ્રદીપસહસ્રં પ્રજ્વાલયિતવ્યમ્ । ત્રિરાત્રોષિતઃ સર્વસત્ત્વાનાં મૈત્રચિત્તમુત્પાદ્ય આત્માનં નિર્યાત્ય મનઃશિલાં ગૃહીત્વા તાવજ્જપેદ્, યાવત્ ત્રિવિધા સિદ્ધિઃ । ઊષ્મધૂમજ્વલિતપૂર્વમેવ ચિન્તયિતવ્યમ્ । અમુક્તસિદ્ધિરૂષ્માયમાનતિલકં કૃત્વા, સર્વદેવનાગયક્ષભૂતપિશાચાદીં જમ્બૂદ્વીપનિવાસિનશ્ચ સત્ત્વા દાસભૂતા ભવન્તિ । કિઙ્કરા ભવન્તિ । વર્ષસહસ્રં જીવતિ । ધૂમાયમાને તિલકં કૃત્વા, અન્તર્દ્ધીયતે । યદિચ્છેદ્ દેવાનામપ્યદૃશ્યો ભવતિ । ક્ષણલવમુહૂર્તેન દૃશ્યતે । પુનરન્તર્ધીયતે । સર્વાન્તર્દ્ધાનિકાનાં રાજા ભવતિ । ત્રીણિ વર્ષસહસ્રાણિ જીવતિ જ્વલિતેન વિદ્યાધરો ભવતિ । સપરિવાર ઉત્પતતિ । વિદ્યાધરરાજા ભવતિ । દેવકુમારવપુઃ અધર્ષણીયઃ સર્વદેવાનાં કઃ પુનર્વિદ્યાધરાણાં કલ્પસ્થાયી ભવતિ । કાલગતસ્તૂષિતે દેવનિકાયે ઉપપદ્યતે ॥
અથ ત્રિશૂલં સાધયિતુકામઃ, પુષ્પલોહમયં તૃશૂલં કૃત્વા, સંવત્સરં જપેત્ । તતો વાલુકામયં હસ્તપ્રમાણં ચૈત્યં કૃત્વા, તસ્ય મહતીં પૂજાં કૃત્વા, ઉદારં ચ બલિં નિવેદ્ય, દક્ષિણહસ્તેન તૃશૂલં ગૃહીત્વા, તાવજ્જપેદ્, યાવત્ પર્યઙ્કં બધ્વા યાવ સ્ફુરતિ, જ્વલતિ, રશ્મિસહસ્રાણિ ( વૈદ્ય 228 ) પ્રમુઞ્ચતિ । અત્રાન્તરે મહેશ્વરપ્રમુખા દેવા માગચ્છન્તિ । સર્વવિદ્યાધરા પુષ્પવર્ષં પ્રવર્ષન્તિ । તતસ્તૈઃ પરિવૃતઃ યાવતાં પશ્યતિ, યૈશ્ચ દૃશ્યતે, તૈઃ સહોત્પતતિ । ત્રિનેત્રઃ દ્વિતીય ઇવ મહેશ્વરઃ સર્વવિદ્યાધરનમસ્કૃતઃ મહાકલ્પસ્થાયી નિરીક્ષિતમાત્રેણ દુષ્ટચિત્તાં પાતયતિ । ન કસ્યચિદ્ ગમ્યો ભવતિ । સદેવકે લોકે પ્રાગેવ વિદ્યાધરાણાં ચ્યુતઃ સુખાવત્યાવુપપદ્યતે ॥
અથ વેતાડં સાધયતિ । અક્ષતાઙ્ગં પુરુષં ગૃહીત્વા, ચતુરખદિરકીલકૈઃ યન્ત્રિતસ્યોરસ્યુપવિશ્ય, રત્નચૂર્ણ જુહુયાત્ । તસ્ય જિહ્વાગ્રે ચિન્તામણિરત્નં દૃશ્યતે । તં ગૃહ્ય વિદ્યાધરચક્રવર્તી ભવતિ । યાનિ પ્રહરણાનિ ચિન્તયતિ, તાનિ મનસૈવોપપદ્યન્તે । યોજનશતં પ્રભયાવભાસયતિ । ઇચ્છયા કાલં કરોતિ । યત્રેચ્છતિ, તત્ર ગચ્છતિ । લોકધાત્વન્તરે ઽપિ વિદ્યાધરચક્રવર્તી ભવતિ । ચ્યુતો વિમલાયાં લોકધાતાવુપપદ્યતે ॥

દ્વિતીયં વેતાલસાધનમ્ । અક્ષતાઙ્ગં વેતડં ગૃહીત્વા, બદરકીલકૈઃ કીલયિત્વા, તસ્ય મુખે લોહચૂર્ણં જુહુયાત્ । તસ્ય જિહ્વા નિર્ગચ્છતિ । તં છિત્વા, શતપરિવાર ઉત્પતતિ । અન્તરકલ્પં જીવતિ । સુમેરુમૂર્દ્ધનિ ક્રીડતિ, રમતિ । યદા મૃયતે, તદા એકદેશિકો રાજા ભવતિ ॥
અથાઙ્કુશં સાધયિતુકામઃ, કુશમયમઙ્કુશં કૃત્વા, કૃષ્ણમયોરેકતરેણ પઞ્ચગવ્યેન પ્રક્ષાલ્ય, એકરાત્રોષિતઃ અઙ્કુશસ્ય હસ્તં પ્રમાણમાત્રં કર્તવ્યમ્ । ઉદારાં પૂજાં કૃત્વા, વજ્રપાણેર્ઘૃતપ્રદીપશતં પ્રજ્વાલ્યયિતં કર્તવ્યમ્ । વજ્રં કુર્યાત્ તથૈવ સિતાતપત્રસ્ય આત્મનો રક્ષા કર્તવ્યા । તેજોરાશિના મણ્ડલબન્ધં વિકરેણેન કીલકાં સપ્તાભિમન્ત્રિતાં કૃત્વા, ચતુર્દિશં નિખાનયિતવ્યા । અથાબન્ધં સ્થાનં ચ પરિગ્રહં કૃત ભવતિ । તતો દ્વિતીયે પ્રહરે એકાગ્રમનાઃ પર્યઙ્કં બધ્વા, અઙ્કુશં ગન્ધપુષ્પધૂપૈરભ્યર્ચ્ય કૃતરક્ષઃ સર્વબુદ્ધબોધિસત્ત્વાં નમસ્કૃત્ય અઙ્કુશં હસ્તેન ગૃહ્ય તાવજ્જપેદ્ યાવદત્રાન્તરે નરકાયિકાનાં દેવાનાં વેદનાન્યુપશામ્યન્તે । સર્વબુદ્ધબોધિસત્ત્વાં નમસ્કૃત્ય ઉત્પતતિ । વિદ્યાધરરાજો અપ્રતિહતગતિઃ અઙ્કુશવ્યગ્રહસ્તઃ । સર્વદેવનાગયક્ષાદયશ્ચ દૃષ્ટ્વા દૂરાદેવ પ્રણામં કુર્વન્તિ । કલ્પસ્થાયી યદા મૃયતે, તદા વજ્રભવનં ગચ્છતિ । વજ્રપાણિં પશ્યતિ । યદિ પટં સાધયતિ, તેન જ્વલિતેન વિદ્યાધરો ભવતિ । યમિચ્છતિ કલ્પં સાધયિતું તસ્ય મન્ત્રસ્ય નામં ગ્રહાય લક્ષં જપેદન્તે એકારાત્રોષિતઃ ઉદારાં પૂજાં કૃત્વા અર્કકાષ્ઠૈરગ્નિં પ્રજ્વાલ્ય તિલાનાં દધિમધુઘૃતાક્તાનામષ્ટસહસ્રં જુહુયાત્ । હોમાન્તે આગચ્છતિ । ધનં યમિચ્છતિ તં દદાતિ । વશં તિષ્ઠતિ કિઙ્કરવશઃ ॥
અથ મહેશ્વરં કર્તુકામઃ મહેશ્વરસ્ય મહતિં પૂજાં કૃત્વા દક્ષિણાયાં મૂર્ત્તૌ અર્કકાષ્ઠૈરગ્નિં પ્રજ્વાલ્ય અષ્ટસહસ્રં જુહુયાત્ । હાહાકારશબ્દં ભવતિ । ન ભેતવ્યં તત આગચ્છતિ બ્રવીતિ કિં કર્ત્તવ્યા સર્વે મહેશ્વરા વિદ્યા મમ સિદ્ધા ભવન્તુ । યદ્વરં રોચતિ તં દદાતિ । એવમસ્ત્વિતિ કૃત્વા અન્તર્દ્ધિયતે ॥
એવં વિષ્ણુબ્રહ્માદ્યમાકર્ષયતિ । યં ચારોચયતિ તસ્યાપ્યેષો વિધિઃ કર્ત્તવ્યઃ । કૃતરક્ષેણ કાર્યમ્ ॥
અથ યક્ષિણી આકર્ષયિતુકામઃ તસ્ય નામં ગૃહ્ય સપ્તાહમશોકપુષ્પાણિ જુહુયાત્ । આગચ્છતિ વરં દદાતિ સપ્તમે સપ્તાહે ઽવશ્યમાગચ્છતિ । માતા ભગિની ભાર્યા યં ચારોચતિ । અથ ન વા ગચ્છતિ । મૂર્દ્ધાનમસ્ય સ્ફુટતિ ॥
નાગીમાકર્ષિતુકામસ્ય નાગપુષ્પાણામેષ એવ વિધિઃ । યક્ષં આકર્ષિતુકામસ્ય માસત્રયં દધિભક્તં જુહુયાત્ । અન્તે એકરાત્રોષિતઃ ભગવતઃ પૂજાં કૃત્વા યક્ષાણાં યક્ષબલિં ચોદનાનિ નિવેદ્ય યક્ષકર્ષણં કરિષ્યામીતિ મનસિ કૃત્વા વટવૃક્ષસમિધાં દધિમધુઘૃતાક્તાનાં અષ્ટસહસ્રં જુહુયાત્ । અત્રાન્તરે કુબેરાદ્યા યક્ષા આગચ્છન્તિ । તેષાં રક્તકુસુમૈઃ અર્ઘો દીયતે । વક્ષ્યન્તિ કિં કર્તવ્યં તે । વક્તવ્યાઃ એકૈકં દિને યક્ષ આજ્ઞાકરં યક્ષં પ્રેષયેતિ । તત એકૈકં યક્ષં પ્રયચ્છન્તિ । તસ્ય આજ્ઞા દાતવ્યા । યોજનશતાદપિ સ્ત્રિયમાનયન્તિ । પ્રભાતે તત્રૈવ નયન્તે । શતપરિવૃતસ્ય ભક્તં પ્રયચ્છન્તિ । પૃષ્ઠમારુહ્ય યત્રેચ્છતિ તત્ર ગચ્છતિ । નયતિ । રસાયનં દદાતિ । આજ્ઞપ્તાઃ સર્વં કરોતિ ॥
અથ વજ્રપાણિં સાધયિતુકામઃ ચતુર્ગુણં સપ્તગુણં પૂર્વસેવાં કૃત્વા પ્રાતિહારકપક્ષે સકલામુદારતરાં પૂજાં કૃત્વા યાવત્ પૂર્ણમાસીતિ પૂર્ણમાસ્યાં પૂજાં કૃત્વા ભિક્ષવઃ સઙ્ઘોદ્દિષ્ટકાં ભોજયિત્વા આર્યવજ્રધરસ્થૈવ અનુમોદિતવ્યા તત ઉદારાં પૂજાં કૃત્વા પ્રથમે યામે ઽતિક્રાન્તે દ્વિતીયે યામે પર્યઙ્કં બદ્ધ્વા ઉપવિશ્યૈકાગ્રમનસઃ વજ્રધરં દ્રક્ષ્યામીતિ ચિત્તં સઙ્કલ્પ્ય ગુગ્ગુલુગુલિકાનાં બદરાસ્થિપ્રમાણાં રાત્રાવેકયામં જુહુયાત્ । તતો ભગવતઃ સ્રગ્દામચલનં ભવતિ । ભૂઃ પ્રકમ્પતિ । મેઘા ગુલુગુલાયન્તિ । સર્વે વિદ્યાધરાઃ પુષ્પવર્ષં પ્રવર્ષન્તિ । અત્રાન્તરે ભગવાં વજ્રપાણિરાગચ્છન્તિ સર્વવિદ્યાભિઃ પરિવૃતઃ વિદ્યોત્તમપ્રમુખૈઃ વિદ્યારાજૈઃ પરિવૃતઃ સર્વદેવૈઃ સર્વનાગૈઃ સર્વયક્ષૈઃ સર્વગન્ધર્વૈઃ કિન્નરૈર્બોધિસત્ત્વૈઃ પરિવૃતઃ આગચ્છતિ । તત્ક્ષણં નારકાણાં સત્ત્વાનાં તીવ્રવેદના વ્યુપરતા ભવન્તિ । ગન્ધોદકેન અર્ઘ્યો દેયઃ । પ્રણિપત્ય સ્થાતવ્યં અતો વજ્રધરો વક્ષ્યતિ કિં તે વરં દદામિ । વિદ્યાધરચક્રવર્ત્તિત્વં બિલપ્રવેશં રાષ્ટ્રં અન્તર્ધાનં યદ્વા રોચતે તસ્યૈવ ભગવતઃ સકાશાલ્લભ્યતે । યદ્વા રોચતિ વિદ્યાધરચક્રવર્તિત્ત્વં સર્વવિદ્યાધરાણાં ચક્રવર્ત્તી વજ્રકાયો વજ્રપાણિસદૃશઃ ચિત્તમાત્રેણ સર્વપ્રહરણાન્યુત્પદ્યન્તે । મહાકલ્પસ્થાયી । યદા મૃયતે તદા વજ્રભવનં ગચ્છતિ । અન્યેષામપિ વિદ્યાધરાણાં એષ એવ વિધિઃ સંક્ષેપતો યાનિ વજ્રપાણિકલ્પે યાનિ અવલોકિતેશ્વરકલ્પે યાનિ ચ ભગવતા પ્રોક્તાનિ કલ્પાનિ યાનિ બ્રહ્મકલ્પે યાનિ મહેશ્વરકલ્પે સંક્ષેપતો લૌકિકલોકોત્તરેષુ કલ્પેષુ યે શાધનીયાઃ, તે એતેનૈવ સાધનયા સિદ્ધ્યન્તે । મહામન્ત્રા સાધ્યમાના ન સિદ્ધ્યન્તિ । અનેન સાર્દ્ધં જપ્તવ્યાઃ સપ્તરાત્રં નિયતં દર્શનં દદાતિ । અથ ન દદાતિ વિનશ્યતિ । મહેશ્વરપ્રમુખાનાં દેવાનાં અગ્રતઃ યદિ જપતિ સપ્તરાત્રાભ્યન્તરેણ દર્શનં દદાતિ । યદિ ન દદાતિ ત્રિસપ્તધા મૂર્ધ્ના સ્ફુટતિ । ચન્દ્રગ્રહે આદિત્યગ્રહે વા ઘૃતવચાઞ્જનપવિત્રદણ્ડકાષ્ઠયજ્ઞોપવીતહરિતાલમનઃશિલાદયઃ સાધયિતવ્યાઃ ॥
અથ દ્રવ્યં સાધયિતુકામસ્ય મનઃશિલાં ગૃહ્ય માનુષક્ષીરેણ પીષયિત્વા પઞ્ચગુલિકા કર્ત્તવ્યા । અગુરુસમુદ્ગકે પ્રક્ષિપ્ય શ્વેતસિદ્ધાર્થકસહિતાં સાધયેત્ । ચન્દ્રગ્રહે સૂર્યગ્રહે વા બલિવિધાનં કૃત્વા યદા સર્ષપ ચિટિચિટીયન્તિ તથા પ્રથમા સિદ્ધા યા વા સર્વજનવશીકરણં તયા સર્વસ્ય લૌકિકેયા વિધેયા ભવન્તિ । યદુચ્યતે તત્ સર્વં કરોતિ । અથ ધૂમાયતે સર્વાન્તર્દ્ધાનિકાનાં રાજા ભવતિ । અન્તરકલ્પં જીવતિ । જ્વલિતે તદા દેવકુમારવપુઃ તરુણાર્કતેજો વિદ્યાધરરાજા ભવતિ । મહાકલ્પં જીવતિ ।
એવં રોચનાહરિતાલાદીનિ સાધયિતવ્યાનિ ॥
અથાઞ્જનં સાધયિતુકામઃ શ્રોતાઞ્જનં નીલોત્પલં કુષ્ઠં ચન્દનં ચૈકતઃ કૃત્વા તામ્રભાજને સંસ્થાપ્ય ચન્દ્રગ્રહે તાવજ્જપેદ્ યાવદ્ ધૂમાયતિ । તેનાઞ્જિતનયનઃ અન્તર્દ્ધીયતે કામરૂપી સર્વાન્તર્દ્ધાનિકાના રાજા ભવતિ ॥
અથ ખડ્ગા સાધયિતુકામઃ નિર્વ્રણં ખડ્ગમાદાય કૃષ્ણાષ્ટમ્યાં કૃષ્ણચતુર્દશ્યાં વા પટસ્યોદારાં પૂજાં કૃત્વા બલિવિધાનં ચ કૃતરક્ષઃ ખડ્ગં દક્ષિણહસ્તેન ગૃહીત્વા તાવજ્જપેદ્ યાવ સ્ફુરતિ । જ્વલિતે સ્ફુરિતે એકાકી વિદ્યાધરો ભવતિ । જ્વલિતેન સર્વવિદ્યાધરાણાં રાજા ભવતિ । અપ્રતિહતબલપરાક્રમઃ યૈર્દૃશ્યતે યાંશ્ચ પશ્યતિ તૈઃ સહોત્પતતિ ॥

અથ વજ્રં સાધયિતુકામઃ પુષ્પલોહમયં વજ્રં કૃત્વા ષોડશાઙ્ગુલં ઉભયત્રિશૂચકં રક્તચન્દનેનાનુલિપ્ય પ્રાતિહારકપક્ષપ્રત્તિપદમારભ્ય પટસ્યોદારાં પૂજાં કૃત્વા જપેત્ પ્રતિદિનં વર્દ્ધમાના ભિક્ષવો ભોજયિતવ્યા । અન્તે ત્રિરાત્રોષિતઃ પટં સધાતુકે ચૈત્યે પ્રતિષ્ઠાપ્ય ઉદારાં પૂજાં કૃત્વા ઘૃતપ્રદીપશતં પ્રજ્વાલ્ય કુશપિણ્ડકોપવિષ્ટઃ વજ્રમુભાભ્યાં પાણિભ્યાં ગૃહીત્વા તાવજ્જપેદ્ યાવજ્જ્વલિતમિતિ । તં ગૃહ્ય સપ્તપરિવાર ઉત્પતિ । વિદ્યાધરચક્રવર્ત્તી ભવતિ । વજ્રપાણિતુલ્યપરાક્રમઃ મહાકલ્પે જીવતિ । ભિન્ને દેહે વજ્રપાણિભવનં ગચ્છતિ ॥
એવં શૂલચક્રશરશક્તિપ્રભૃતય સર્વે પ્રહરણાઃ પટપાદુકદણ્ડકાષ્ઠયજ્ઞોપવીતાદીનિ પરકલ્પવિધાનેન સાધયિતવ્યાનિ । સર્વેષાં ત્રિવિધા સિદ્ધિઃ ॥
શાન્તિકં કર્તુકામઃ પદ્માકારં વેદિં કૃત્વા યાજ્ઞિકૈઃ સમિદ્ભિરગ્નિં પ્રજ્વાલ્ય સ્રુવેણ પરમાન્નાહુતીનાં દધિમધુઘૃતાક્તાનાં અષ્ટસહસ્રં જુહુયાત્ । ત્રિરાત્રેણ આત્મનઃ પરસ્ય વા શાન્તિર્ભવતિ । સપ્તરાત્રેણ ગ્રામસ્ય વા નગરસ્ય વા । મહામારિ ઉપદ્રવે શમીસમિધાનાં દધિમધુઘૃતાક્તાનાં જુહુયાત્ । ઉદુમ્બરસમિધાનાં દધિમધુઘૃતાક્તાનાં જુહુયાદનાવૃષ્ટેઃ । તૃમધુરં જુહુયાત્ । સર્વત્ર પરમશાન્તિર્ભવતિ । ભિક્ષાહારઃ ત્રિંશલક્ષં જપેત્ । પ્રાતિહારકપક્ષે શુક્લપૂર્ણમાસ્યાં ત્રિરાત્રોષિતઃ ચન્દ્રગ્રહે કૃષ્ણગોક્ષીર અષ્ટશતાભિમન્ત્રિતં કૃત્વા પિબેદ્ રસાયનં ગુણોપેતં ભવતિ । દૂર્વાપ્રવાલાનાં દધિમધુઘૃતાક્તાનાં અષ્ટસહસ્રં દશરાત્રં જુહુયાત્ । અકાલમૃત્યુઃ પ્રશામ્યતિ । દીર્ઘાયુર્ભવતિ । ધ્વજશઙ્ખાદીનિ અભિમન્ત્રયેત્ । ( વૈદ્ય 231 ) દૃષ્ટ્વા શ્રુત્વા ચ પરસૈન્યં સ્તમ્ભયતિ । સર્વવ્રીહિગન્ધોદકપરિપૂર્ણં નવં કલશં કૃત્વા અષ્ટશતજપ્તેન વિનાયકોપદ્રુતં સ્પૃષ્ટ્વા સ્નાપયેત્ । અભિષિક્તો લક્ષ્મીવાં ભવતિ । અનેનાભિષેકેણ સર્વપાપૈઃ પ્રમુચ્યતે । મણ્ડલકર્માણિ કરોતિ । ગ્રહકર્માણિ શતસહસ્રજપ્તેન મયૂરપિચ્છકેન સર્વવિષાં નાશયતિ । તેનૈવ જ્વરમક્ષિશૂલરોગાદીં નાશયતિ । સૂત્રકેણ સર્વજ્વરાં મુદ્રાસમેતયુક્તો મન્ત્રેણાસુરયન્ત્રાણિ ઘાતયતિ । ખદિરસમિધાનાં દધિમધુઘૃતાક્તાનાં અષ્ટસહસ્રં જુહુયાત્ । મહાનિધાનં પ્રયચ્છતિ ॥
સમુદ્રગામિનીં નદીમવતીર્ય રક્તચન્દનાક્તાનાં પદ્માનાં શતસહસ્રં પ્રવાહયેત્ । પદ્મરાશિતુલ્યં નિધાનં લભતિ । દીયમાનમક્ષયં ભવતિ । બિલ્વાહુતીનાં દધિમધુઘૃતાક્તાનાં અષ્ટસહસ્રં જુહુયાત્ । ભોગાં પ્રાપ્નોતિ ॥
દેવાં વશીકર્તુકામઃ અગરુસમિધાનાં દધિમધુઘૃતાક્તાનાં જુહુયાત્ અષ્ટસહસ્રં । ત્રિસન્ધ્યમેકવિંશતિરાત્રં તન્દુલાનાં દધિમધુઘૃતાક્તાનામેકીકૃત્ય જુહુયાત્ । અક્ષયમન્નં ભવતિ ॥
યક્ષાણાં વશીકરણે ગુગ્ગુલુગુલિકાનાં દધિમધુઘૃતાક્તાનાં જુહુયાત્ । અશોકસમિદ્ભિર્યક્ષિણીનામ્ નાગાનાં નાગપુષ્પાં આર્યવજ્રવજ્રપાણિરગરુસમિધાભિઃ વિદ્યાધરાણાં દમનકસમિધાભિઃ અગુરુસમિધાનાં તુરુષ્કતૈલાક્તાનાં ગન્ધર્વાણાં કુન્દુરુહોમેન પ્રેતાનાં શ્રીવાસકહોમેન કિન્નરાણાં સર્જરસહોમેન વિનાયકાનાં સર્વેષામષ્ટશતિકો હોમઃ સપ્તાહં રાજાનસ્ય રાજસર્ષપતૈલાક્તાનાં અષ્ટશતં જુહુયાત્ । ત્રિસન્ધ્યં સપ્તરાત્રં આદિત્યાભિમુખં લક્ષં જપેત્ સર્વપાપૈઃ પ્રમુચ્યતિ ॥
સર્વવિદ્યાનામાપ્યયનં કર્તુકામઃ ગોમૂત્રયાવકાહારઃ ઉશીરમયીં પ્રતિકૃતિં કૃત્વા શુક્લપુષ્પૈરભ્યર્ચ્ય ક્ષીરાષ્ટશતં જુહુયાત્ । ક્ષીરેણ ચ સ્નપયેત્ । અષ્ટશતજપ્તેન અગરુધૂપં દદ્યાત્ । આપ્યાયિતો ભવતિ । સુકૃદુચ્ચારિતેન આત્મરક્ષા કૃતા ભવતિ । દ્વિરુચ્ચારિતેન પરસ્ય ત્રિરુચ્ચારિતેન દ્રવ્યસ્ય રક્ષા કૃતા ભવતિ ॥
છિન્નભિન્નનષ્ટકીલિતાનાં આપ્યાયનં કર્તુકામઃ ઉશીરમયીં પ્રતિકૃતિં કૃત્વા શુક્લષુષ્પૈરભ્યર્ચ્ય અનેન ઉષ્ણીષરાજેન પટસ્યાગ્રતઃ રાજસર્ષપાણાં દધિમધુઘૃતાક્તાનાં અષ્ટસહસ્રં જુહુયાત્ । વિદ્યામુદ્દિશ્ય ઉત્કીલિતા ભવતિ । પાપિજનાતિરિક્તાં વિદ્યાં જ્ઞાત્વા ગોરોચનયા ભૂર્જપત્રે લિખ્ય તતઃ આત્મમન્ત્રમષ્ટશતાભિમન્ત્રિતં કૃત્વા ભગવતઃ ઉદારાં પૂજાં કૃત્વા અનેન ભગવતા સાર્દ્ધં અષ્ટસહસ્રં જપ્ત્વા તત્રૈવ કુશસંસ્તરે સ્વપેત્ । ઊનાતિરિક્તાં સ્વપ્ને આગત્ય કથયતિ ॥
અથ પદ્મં સાધયિતુકામઃ રક્તચન્દનમયં પદ્મં કૃત્વા ઉદારાં પૂજાં કૃત્વા ત્રિરાત્રોષિતઃ તં પદ્મં દક્ષિણેન હસ્તેન ગૃહીત્વા તાવજ્જપેદ્ યાવજ્જ્વલિતમિતિ । વિંશતિપરિવારઃ ઉત્પતતિ । વિદ્યાધરચક્રવર્ત્તી ભવતિ । અપ્રતિહતગતિઃ । યદા મૃયતે તદા સુખાવત્યામુપપદ્યતે ॥
અથ વજ્રં સાધયિતુકામઃ વલ્મીકમિશ્રયા મૃત્તિકયા વાલુકમિશ્રયા વજ્રં કૃત્વા ભિક્ષાહારઃ મૌની અપત્થદાયી વજ્રં ગૃહ્ય ત્રીણિ લક્ષ જપેત્ । એકસૂચિકં વજ્રં કર્ત્તવ્યમ્ । તં વજ્રમન્તે સિદ્ધાર્થકમધ્યે સ્થાપ્ય ચન્દ્રગ્રહે ચન્દ્રગ્રહે સ્થાતવ્યમ્ । તાવજ્જપેદ્ યાવત્ સર્ષપા ચિટિચિટાયન્તિ । વજ્રં સિદ્ધં ભવતિ । તેન વજ્રેણ ગૃહીતેન સર્વકર્મણિ કરોતિ । પર્વતશિખરાણિ ચૂર્ણયતિ । નાગહ્રદં શોષયતિ । નદીઃ પ્રતિસ્રોતમાનયતિ । નાગાં વિદ્રાપયતિ । વિષાણિ નિર્વિષીકરોતિ । સર્વે પ્રાણિનઃ સ્તમ્ભયતિ । મોહયતિ । પાતયતિ । યન્ત્રાણિ ચૂર્ણયતિ । શકટપ્રભૃતીનિ ચ સ્તમ્ભયતિ । ચૂર્ણયતિ । એવમાદીનિ સર્વકર્માણિ કરોતિ । એષ એકસૂચિકસ્ય વજ્રસ્ય સાધનમ્ ॥
ઉષ્ણીષચક્રવર્ત્તિનં સાધયતો ન કશ્ચિચ્છક્નોતિ વિઘ્નં કર્તુમ્ । સાક્ષાન્મૂર્ધ્નટકો ઽપિ હિ વિધિના નાવિધિના । અસ્ય ચ જાપકાલે સતતં બુદ્ધલોચનાં પૂર્વં પશ્ચાચ્ચ જપ્તવ્યમ્ । એવં સૌમ્યત્વં ભવતિ । સિદ્ધિસ્યાભિમુખીભવતિ ॥
અથ સમુદ્રગામિનીં નદીમવતીર્ય પદ્માનાં લક્ષ નિવેદયેત્ । શ્રી આગત્ય વરં પ્રયચ્છતિ । રાષ્ટ્રં દદાતિ । અથ ત્રીણિ લક્ષાણિ નિવેદયેત્ । સાર્વભૌમિકો રાજા ભવતિ । જમ્બૂદ્વીપાધિપતિર્ભવતિ । વિવરસ્યાગ્રતઃ પટં પ્રતિષ્ઠાપ્ય લક્ષાણિ ત્રીણિ જપેત્ । સર્વયન્ત્રાણિ પતન્તિ । નિર્વિશઙ્કેન પ્રવેષ્ટવ્યમ્ । પ્રવિશ્ય રસરસાયનં નિઃકાશયતિ । અથ તત્રૈવ તિષ્ઠતિ વૈષ્ણવચક્રભયમુત્પદ્યતે । અથ પ્રવિશતિ અનુસ્મરિતમાત્રેણ ભસ્મીભવતિ । મનસેન ઉત્થાપયતિ । ન કદાચિદપિ પ્રવિશતિ તસ્મિં ॥
શુક્લપ્રતિપદમારભ્ય ત્રિઃકાલં જાતીકુસુમૈઃ સકૃજ્જપ્તેન ભગવતા પાદાઙ્ગુષ્ઠે તાડયિતવ્યમ્ । યાવત્ પાદાઙ્ગુષ્ઠાદ્ રશ્મિર્નિશ્ચરતિ । સાધકશરીરે ઽન્તર્દ્ધીયતિ । તત્ક્ષણાદેવાકુઞ્ચિતકુણ્ડલકેશો ભવતિ । સપરિવાર ઉત્પતતિ । વિદ્યાધરરાજા ભવતિ કલ્પસ્થાયી ॥
અથ સમુદ્રતટે પશ્ચાન્મુખં પટં પ્રતિષ્ઠાપ્ય નાગકાષ્ઠૈઃ અગ્નિં પ્રજ્વાલ્ય સમુદ્રસ્યૌદ્દિશ્ય નાગપુષ્પાણાં લક્ષં જુહુયાત્ । સમુદ્રે ઊર્મય આગચ્છન્તિ । સિદ્ધિનિમિત્તં ન ભેતવ્યમ્ । તાવદ્ યાવત્ સમુદ્રો બ્રાહ્મણવેષેણાગચ્છતિ । વ્રવીતિ કિં મયા કર્ત્તવ્યમ્ । વક્તવ્યમ્ । વશ્યો મે ભવ । તતો યદુચ્યતે તત્ સર્વં કરોતિ ॥

પદ્મં ભૂમ્યાં લિખ્ય સહસ્રપત્રં તસ્યોપર્યુપવિશ્ય શતસહસ્રં જપેત્ । ભૂમિં ભિત્ત્વા ઉત્તિષ્ઠતિ । સહસ્રપરિવાર ઉત્પતતિ મહાકલ્પસ્થાયી વિદ્યાધરરાજા ભવતિ । અપરિપત્થદાયી તેજેન પઞ્ચ યોજનાનિ અવભાસયતિ ॥
પ્રાતિહારકપક્ષે જાતીપુષ્પાણાં ભગવતઃ ઉષ્ણીષરાજસ્યોપરિ લક્ષં નિવેદયેત્ । એકૈકં જપ્તવ્યમ્ । તાવદ્ યાવદુષ્ણીષાદ્ રશ્મિ નિશ્ચરતિ । સાધકસ્ય શરીરે ઽન્તર્દ્ધીયતે । તત્ક્ષણાદેવ પઞ્ચાભિજ્ઞો ભવતિ । દશલક્ષજપ્તઃ યથા યથા પ્રયુજ્યતિ તથા તથા અનેનૈવ ભગવતા સાર્દ્ધં યદિ વિદ્યા જપ્યતે સા નિયતમાગચ્છતિ । સાક્ષાદસ્ય જપ્યમાના યદિ ન વાગચ્છતિ સ મૂર્ધ્ના સ્ફુટતિ । શુષ્યતિ ॥
અયં ચ એકાક્ષર ઉષ્ણીષચક્રવર્તી તથાગત એવ સાક્ષાત્ કો ઽન્યઃ સદેવકે લોકે સર્વમન્ત્રવિદ્યાનાં રાજા તથાગત એવ । સિતાતપત્રતેજોરાશિપ્રમુખાનિ અસ્ય પરિવારઃ । સર્વેષામુષ્ણીષરાજાનામ્ । સાધનવિધાન સર્વં અત્રૈવ યોજ્યમ્ । સર્વે ચ ઉષ્ણીષરાજા અનેન સાધ્યા । ઉત્તમસાધનં ઇચ્છતા અસ્થાનેન યોજ્યમ્ । યદિ યુજ્યતિ ઉત્તમા સિદ્ધિર્ન ભવતિ । સંક્ષેપતઃ સર્વે દેવા અનેનાકૃષ્યન્તે ॥
અથ નિધાનમુદ્ધાટયતિ । યત્ર નિધાનં તિષ્ઠતિ તત્ર ગત્વા અકાલકલશં ગૃહ્ય સર્વગન્ધૈર્લિપ્ય શ્વેતચન્દનોદકં કુમ્ભે પ્રક્ષિપ્ય અષ્ટસહસ્રાભિમન્ત્રિતં કૃત્વા નિધાનં સ્થાપયેત્ । યદિ નિધાનં તિષ્ઠતિ તદા સ ભૂમિઃ સ્ફુટતિ । યદિ નિધાનં પુરુષમાત્રે તિષ્ઠતિ ઉદકેન સ્પ્રષ્ટવ્યમ્ । હસ્તમાત્રં ખત્વા ગ્રહેતવ્યઃ ॥
અથ સિંહં સાધયિતુકામઃ વલ્મીકમૃત્તિકયા કૃત્વા ગોરોચનયા સમાલભ્ય પિણ્ડિકાયાં પ્રતિષ્ઠાપ્ય ઉદારાં પૂજાં કૃત્વા તાવજ્જપેદ્ યાવચલતિ । ચલિતેન સિદ્ધો ભવતિ । પૃષ્ઠમારુહ્ય આકુઞ્ચિતકુણ્ડલકેશઃ આત્મપઞ્ચમોત્પતતિ । બ્રહ્માયુષો નવવર્ષસહસ્રાણિ જીવતિ । સર્વવિદ્યાધરાણામાગમ્ય ॥
એવં હસ્ત્યશ્વમહિષશ્ચ સાધયિતવ્યા । યદા સિંહનાદં નદતિ તદા દેવા આસનેભ્યશ્ચલન્તિ ॥
પદ્મસરં ગત્વા પદ્માનાં લક્ષં નિવેદયેત્ । સામન્તરાજ્યં પ્રતિલભતે । રક્તકરવીરકલિકાનાં લક્ષં જુહુયાત્ । રાજકન્યાં લભતે । જાતીપુષ્પાણાં લક્ષં સમુદ્રગામિન્યાં નદ્યાં પ્રવાહયેત્ કન્યાં લભતે યામિચ્છતિ । સર્વે તે ઉત્તમસાધનાનિ સિદ્ધ્યન્તિ ॥
અનેનોષ્ણીષચક્રવર્તિના સ યત્ર ગચ્છતિ ઇન્દ્રો ઽપ્યસ્યાસનં દદાતિ । સર્વે ચ દેવરાજાનઃ દૂરાદેવ દૃષ્ટ્વા ભીતા ત્રસ્તા ભવન્તિ । સર્વેષાં ચ દેવરાજાનાં પ્રભાં પ્રભાં વ્યામીકરોતિ । યોજનશતાભ્યન્તરેણ કરોતિ ॥
અયં ચક્રવર્તી તથાગત એષ દેવલોકે સર્વે ચ કલ્પસ્ય ભગવતઃ ઉષ્ણીષચક્રવર્તિનઃ એકાક્ષરસ્ય વશે વર્તન્તિ । તન્નિમ્નાશ્ચ સર્વે મન્ત્રતન્ત્રાઃ સકલ્પકાઃ સવિસ્તરા ઇત્યાહ ભગવાં શાક્યમુનિઃ સિંહો નરોત્તમ ઇતિ ॥
આર્યમઞ્જુશ્રિયમૂલકલ્પાદ્ બોધિસત્ત્વપિટકાવતંસકાત્ મહાયાનવૈપુલ્યસૂત્રાત્ ચતુર્વિંશતિમઃ એકાક્ષરચક્રવર્તિકર્મવિધિપટનિર્દેશપટલવિસરઃ પરિસમાપ્ત ઇતિ ॥
સપ્તવિંશતિતમઃ પટલવિસરઃ ।
અથ ભગવાં શાક્યમુનિઃ પુનરપિ શુદ્ધાવાસભવનમવલોક્ય તત્રસ્થાંશ્ચ દેવસઙ્ઘાં સર્વાંશ્ચ બુદ્ધબોધિસત્ત્વા પ્રત્યેકબુદ્ધાર્યશ્રાવકાં પુનરપિ મઞ્જુશ્રિયં કુમારભૂતમામન્ત્રયતે સ્મ । નિર્દિષ્ટો ઽયં મઞ્જુશ્રીઃ સર્વતથાગતાનાં સર્વસ્વભૂતં ધર્મકોશં ચિન્તામણિપ્રતિપ્રખ્યં લોકાનામાશયસફલીકરણાર્થં તસ્મિં કાલે યુગાધમે શૂન્યે બુદ્ધક્ષેત્રે પરિનિર્વૃતાનાં તથાગતાનાં સદ્ધર્મનેત્રી અન્તર્દ્ધાનકાલસમયે તસ્મિં કાલે તસ્મિં સમયે સર્વતથાગતાનાં મન્ત્રકોશસંરક્ષનાર્થં ત્વદીયકુમારમન્ત્રતન્ત્રાણાં કલ્પરાજે ઽસ્મિં નિધાનભૂતો ભવિષ્યતિ । જપ્યમાનો વિધિના સારભૂતો ઽયં મઞ્જુશ્રીઃ સર્વતથાગતમન્ત્રતન્ત્રાણાં ત્વદીયે ચ કુમારકલ્પરાજે ઽગ્રભૂતો ભવિષ્યત્યયં એકાક્ષરચક્રવર્ત્તી । અનેન જપ્યમાનેન સર્વે તાથાગતા વિદ્યારાજાનઃ જપ્તા ભવન્તિ ॥
અપરમપિ મઞ્જુશ્રીઃ ત્વદીયકલ્પરાજે નિધાનભૂતં સારભૂતં અગ્રભૂતં જ્યેષ્ઠભૂતમેકાક્ષરં પૂર્વમાસીત્ । અતીતે કાલે અતીતે સમયે દ્વાષષ્ટિગઙ્ગાનદીસિકતપ્રખ્યૈઃ કલ્પૈઃ અમિતાયુર્જ્ઞાનવિનિશ્ચયરાજેન્દ્રો નામ તથાગતો ઽર્હન્ સમ્યક્ સમ્બુદ્ધઃ વિદ્યાચરણસમ્પન્નઃ સુગતો લોકવિદનુત્તરઃ પુરુષદમ્યસારથિઃ શાસ્તા દેવમનુષ્યાણાં બુદ્ધો ભગવાં । યસ્ય સ્મરણાદેવ નામગ્રહણમાત્રેણ પઞ્ચાનન્તર્યાણિ ક્ષયં ગચ્છન્તિ । નિયતં બોધિપરાયણા બહવઃ સત્ત્વાઃ યે નામમાત્રં શ્રોષ્યન્તે । કઃ પુનર્વાદો યે મન્ત્રસિદ્ધયે । અવશ્યં ચ સર્વમન્ત્રજાપિભિઃ અયં ભગવાનમિતાયુર્જ્ઞાનવિનિશ્ચયરાજા તથાગતઃ પ્રથમત એવ મનસિ કર્ત્તવ્યઃ । વાચા ચ વક્તવ્યા - નમસ્તસ્મૈ ભગવતે અમિતાયુર્જ્ઞાનવિનિશ્ચયરાજેન્દ્રાય તથાગતાયાર્હતે સમ્યક્ સમ્બુદ્ધાય ॥
તતો ઽમિતાભં રત્નકેતું તતઃ સર્વબુદ્ધાનાં પ્રણામં કૃત્વા યથેપ્સિતં મન્ત્રા જપ્તવ્યા । આશુ સિદ્ધિં પ્રયચ્છન્તિ । યત્ કારણં મહાપુણ્યાભિવૃદ્ધયે મન્ત્રાણાં તથાગતાનાં સંજ્ઞાપરિકીર્ત્તનં નમસ્કારં ચ સર્વતથાગતાનાં ચ પ્રમાણં નિયતં બોધિપરાયણો ઽયં કુશલસમ્ભારપરિપૂરિતો ભવતિ । બોધિસત્ત્વસઙ્ખ્યં ગચ્છતિ । મન્ત્રા ચ તસ્ય આશુ સિદ્ધિં પ્રયચ્છન્તિ । અમિતાયુર્જ્ઞાનવિનિશ્ચયરાજેન્દ્રેણ તથાગતેનાર્હતા સમ્યક્ સમ્બુદ્ધેન અયમેકાક્ષરમન્ત્રઃ સર્વતથાગતહૃદયઃ સર્વમન્ત્રતન્ત્રાભિમતઃ સર્વકર્માસાધકઃ મઞ્જુઘોષ ત્વદીયે કલ્પરાજે પરમરહસ્યં પરમગુહ્યતમં લોકેનાત્મહિતાય પ્રયોક્તવ્યમ્ ।
અશિષ્યે ચાપિ અધાર્મિકે ............ ।
અપ્રસન્ને તથા શાસ્તુ શાસને ઽસ્મિં જિનોદિતે

દુષ્ટે માનિને ચાપિ શાસ્તુઃ શાસનચ્છિદ્રિણે ।
ન કથઞ્ચિત્ પ્રયોક્તવ્યઃ અપ્રસન્ને જિનસૂબુનામ્

શ્રાવકાં ખડ્ગિણાંશ્ચાપિ પૂજાનુગ્રહમક્ષમે ।
ન તસ્ય દેયં મન્ત્રં વૈ સિદ્ધિસ્તસ્ય ન દૃશ્યતે

શ્રાદ્ધઃ સૌમ્યચિત્તશ્ચ પ્રસન્નો જિનશાસને ।
બોધિસત્ત્વો તથા નિત્યં પૂજાનુગ્રહતત્પરઃ

તસ્ય સિદ્ધિર્ભવેન્મન્ત્રે ઇહ કલ્પ મહોદિતે ।
એકાક્ષરે મહામન્ત્રે મઞ્જુઘોષનિયોજિતે

તેનાસીલ્લોકનાથેન મન્ત્રં દત્તં સુખાવહમ્ ।
હૃદયં સર્વબુદ્ધાનાં સર્વમન્ત્રાણાં ચ ઉદ્ભવઃ

ષટ્સપ્તત્યઃ તથા કોટ્યઃ પુરા ગીતં સ્વયમ્ભુના ।
મન્ત્રાણાં શ્રેયસાર્થાય દેહિનાં પાપમોહિનામ્

સર્વે ઽસ્તં ગતા મન્ત્રાઃ શાસ્તુબિમ્બં સમાશ્રિતાઃ ।
તેષુ સારભૂતો ઽયં વિદ્યારાજા મહર્દ્ધિકઃ ।
એક અક્ષરવિન્યસ્તો શાશ્વતો ઽયં પ્રવર્ત્તતે

સ્થિતૈષા ધર્મકોટિસ્થઃ બુદ્ધાનાં તુ જગદ્ધિતામ્ ।
ધર્મનેત્ર્યા સમાશ્રિત્ય સ્થિતો ઽયમેકમક્ષરઃ

સર્વાર્થસાધકો મન્ત્રઃ દુષ્ટરાજ્ઞાં નિવારકઃ ।
કરોતિ કર્મવૈચિત્ર્યં સર્વકર્મપ્રસાધકઃ

સાષ્ટં કર્મસહસ્રં ચ કુરુતે ચ ધ્રુવં તથા ।
વિચિત્રાં સમ્પદં દદ્યાદ્ વિધિદૃષ્ટેન કર્મણા

મઞ્જુશ્રિયસ્ય હૃદયો ઽયં મકારો મન્ત્રસંયુતઃ ।
ઉકારગતિનિત્યજ્ઞઃ આશીલ્લોકે પ્રવર્તિતઃ

અમિતાયુર્જ્ઞાનરાજેન વિનિશ્ચિતાર્થઃ પ્રકાશિતઃ ।
મઞ્જુઘોષસ્ય બુદ્ધેન પ્રવૃત્તો ઽયં વશહેતુના

ત ઇમં યુગાન્તકે લોકે શાસ્તરિઃ પરિનિર્વૃતે ।
સિદ્ધિં ચ યાસ્યતે ક્ષિપ્રં વિધિદૃષ્ટેન કર્મણા

અમિતાયુર્નામ આશીત્ બુદ્ધક્ષેત્રવિકલ્પિતમ્ ।
તત્રાસૌ ભગવાં બુદ્ધઃ ધર્મચક્રપ્રવર્તકઃ

તિષ્ઠત્યપરિમિતાં કલ્પાં આયુર્વસિતમધિષ્ઠિતઃ ।
અત એવ તસ્ય સંજ્ઞાભૂદમિતાયુર્જ્ઞાનવિનિશ્ચય

રાજેન્દ્રઃ સર્વલોકાનાં મહર્દ્ધિકો ઽયં તથાગતઃ ।
સ દદ્યુઃ મન્ત્રવરં મુખ્યં બુદ્ધપુત્રસ્ય ધીમતે

જ્યેષ્ઠઃ તનયમુખ્યસ્ય મહાસ્થાને મહર્દ્ધિકે ।
તતસ્તેન સુતેનૈતત્ સમન્તભદ્રસ્ય યોજિતમ્

તતસ્તં બુદ્ધપુત્રો વૈ મઞ્જુઘોષસ્ય દત્તવાં ।
અધુનાહં તથાગતો હ્યગ્રકલ્પમસ્ય મુદીરયેત્

ઇદં તન્મન્ત્રમુખ્યં વૈ ધર્મરાજેન ભાષિતમ્ ।
શ્રેયસાર્થં તુ ભૂતાનાં સર્વેષાં મન્ત્રમબ્રીત્

નમો ઽમિતાયુર્જ્ઞાનવિનિશ્ચયરાજેન્દ્રાય તથાગતાયાર્હતે સમ્યક્સમ્બુદ્ધા નમઃ સર્વબુદ્ધાનાં શાલેન્દ્રરાજરમિતાયુરમિતાયુરત્નકેતુપ્રભૃતીનામ્ । એભ્યો નમસ્કૃત્વા ત્રિરતિ મન્ત્રો જપ્તવ્યમેકાક્ષરમ્ । કતમં ચ તત્ । મું ॥
એષ સઃ માર્ષા અમિતાયુર્જ્ઞાનવિનિશ્ચયરાજેન્દ્રેણ તથાગતેનાર્હતા સમ્યક્ સમ્બુદ્ધેન ભાષિતમ્ । અમિતવ્યૂહવત્યાં લોકધાતૌ સ્થિતેન સર્વસત્ત્વાનામર્થાય હિતાય સુખાય લોકાનુકમ્પાયૈ મહતો જનસ્યાર્થાય અનાગતાનાં ચ જનતામવેક્ષ્ય શાસનાન્તર્દ્ધાનકાલસમયં વિદિત્વાં અન્તે યુગાધમે રત્નત્રયાપકારિણાં દુષ્ટરાજ્ઞાં નિવારણાર્થં જ્યેષ્ઠમૌરસં પુત્રં સર્વતથાગતાનાં મહાસ્થામપ્રાપ્તાય બોધિસત્ત્વાય મહાસત્ત્વાય દત્તવાં । બુદ્ધાધિષ્ઠાનેન સમન્તભદ્રસ્ય દત્તવાં । સમન્તભદ્રો બોધિસત્ત્વો મહાસત્ત્વઃ મઞ્જુશ્રિયસ્ય કુમારભૂતસ્ય દત્તવાં । તતો મઞ્જુશ્રિયેણ કુમારભૂતેન સર્વસત્ત્વાનામનુગ્રહાર્થં મહાકરુણાવશેન હૃદયસ્થઃ સ્વમૂર્ત્તૌ સ્થાપિતવાં । અનાગતકાલમવેક્ષ્ય યુગાધમે શાસનાન્તર્દ્ધાનકાલસમયે અહમપશ્ચિમકસ્તથાગતઃ દુષ્ટે કાલે કલૌ યુગે મમ શાસનસંરક્ષણાર્થં કરિષ્યત્યયં મન્ત્રવરઃ ॥
અસ્ય કલ્પં વક્ષ્યે સમાસતઃ । શૃણુ કુમાર મઞ્જુસ્વર સુસ્વર તવૈતન્માહાત્મ્યં કલ્પવિસ્તરમ્ । અસ્ય કલ્પરાજેન્દ્રસ્ય સવિસ્તરતરં વક્ષ્યે ॥
આદૌ તાવત્ પર્વતાગ્રમારુહ્ય વિંશલ્લક્ષાણિ જપેત્ । પૂર્વસેવા કૃતા ભવતિ । ક્ષીરાહારેણ મૌનિના નાન્યત્ર મન્ત્રગતચિત્તેન તૃશરણપરિગૃહીતેન ઉત્પાદિતબોધિચિત્તેન ચ મોષધશીલસંવરસમાદાપનાબોધિસત્ત્વસંવરસંવરપરિગૃહીતેન જપ્તવ્યમ્ । તતઃ કર્માણિ ભવન્તિ । આદૌ તાવત્ પટં લિખાપયિતવ્યમ્ । ઉપોષધિકેન ચિત્રકરેણ અશ્લેષકૈર્વર્ણૈઃ અન્યતરેણ શુચિના ચેલખણ્ડેન પટ્ટકે વા ચન્દનકર્પૂરકુઙ્કુમપર્યુષિતેન શુચૌ દેશે શુચિના ચિત્રકરેણ ત્રિશુક્લભોજિના શુચિવસ્ત્રપ્રાવૃતેન આદિત્યોદયકાલપરિપૂર્ણપઞ્ચદશ્યાં વિશુદ્ધનક્ષત્રેણ લિખાપયિતવ્યં યાવન્મધ્યાહ્નમ્ । પરતો વર્જયેત્ । એવં દિવસે દિવસે યાવત્ પરિસમાપ્ત ઇતિ ॥
આદૌ તાવત્ પટસ્ય અમિતાયુર્વતીં લોકધાતુમાલિખેત્ । હસ્તમાત્રે પટે સુગતવિતસ્તિચતુરસ્રે પટ્ટકે વા સમન્તાદમિતાયુર્વતીં લોકધાતું સમન્તાત્ પદ્મરાગેન્દ્રનીલસ્ફટિકમરકતપર્વતૈરધસ્તાત્ ઉપશોભિતં ઉપરિષ્ટાચ્ચ તેષાં મહારત્નવિમાનોપશોભિતાકારં ધ્વજપતાકોપશોભિતોચ્છ્રિતાકારં તત્ર મધ્યે રત્નસિંહાસનોપવિષ્ટમમિતાયુવિનિશ્ચયરાજેન્દ્રં તથાગતં ધર્મં દેશયમાનં સમન્તપ્રભાજ્વાલામાલિનં ઈષદ્રક્તાવદાતં વામપાર્શ્વરત્નોપલનિષણ્ણં મહાસ્થામપ્રાપ્તં બોધિસત્ત્વં મહાસત્ત્વં ચામરવ્યગ્રહસ્તં તથાગતદૃષ્ટિં વામહસ્તબીજપૂર્ણકફલન્યસ્તં પ્રિયઙ્ગુશ્યામાવદાતં સર્વાલઙ્કારાલઙ્કૃતશરીરં સમન્તજ્વાલં દક્ષિણપાર્શ્વે ભગવન્તં સમન્તભદ્રં બોધિસત્ત્વં મહાસત્ત્વં રત્નોપલસ્થિતં ચામરવ્યગ્રહસ્તં ઉદ્ધૂયમાનસિતવિન્યસ્તપાણિં વામહસ્તેન રત્નપાણિસર્વાલઙ્કારરત્નમકુટવિચ્છુરિતપ્રિયઙ્ગુશ્યામાવદાતં ( વૈદ્ય 237 ) નીલપટ્ટચલનિકાનિવસ્તં મુક્તિકાહારરત્નયજ્ઞોપવીતં સમન્તજ્વાલામાલાવબદ્ધં તસ્ય દક્ષિણપાર્શ્વે આર્યમઞ્જુશ્રિયં રત્નોપલસ્થિતકં કુમારભૂતં પઞ્ચચીરકોપશોભિતં શિરં બાલદારકાલઙ્કારાલઙ્કૃતં કનકવર્ણં નીલપટ્ટચલનિકાનિવસ્તં મુક્તાવલીરત્નવ્યતિમિશ્રં યજ્ઞોપવીતં તથાગતદૃષ્ટિં ઈષત્પ્રહસિતવદનં સૌમ્યાકારં ચારુરૂપં કૃતાઞ્જલિપુટં સર્વાકારવરોપેતં લિખાપયિતવ્યમ્ । તસ્યાધસ્તાદ્ યથા ચે લિઙ્ગં વેષી સંસ્થાનધારી સાધકઃ પદ્મમાલાં ગૃહ્ય જાનુકોર્પરસંસ્થિતઃ અવનતશિરઃ પટકોણાન્તદેશે લિખાપયિતવ્યઃ । ભગવતઃ ઉપરિષ્ટાચ્ચત્વારો બુદ્ધાઃ ભગવન્તઃ લિખાપયિતવ્યઃ । દક્ષિણોદ્દેશે દ્વૌ અમિતાભઃ પુણ્યાભશ્ચ । વામપાર્શ્વે ઉપરિષ્ટાદ્ દ્વૌ તથાગતૌ અભિલિખાપયિતવ્યૌ સાલેન્દ્રરાજા રત્નકેતુશ્ચ । સમન્તપ્રભા સમન્તજ્વાલા કનકવર્ણાઃ સર્વાકારવરોપેતા સર્વપુષ્પાભિકીર્ણા નિષણ્ણા પદ્માસનેષ્વેવ નાન્યાસનેષુ ધર્મં દેશયમાનાઃ પર્યઙ્કોપવિષ્ટાઃ સૌમ્યાકારા ભગવતઃ ઉપરિષ્ટાત્ પુષ્પ વર્ષં પ્રવર્ષયમાનં મેઘાન્તર્ગતલીનં તથાગતવિગ્રહમુત્પતમાનં સુનેત્રનામા અભિલિખાપયિતવ્યઃ । સર્વાકારવરોપેતં સમન્તપ્રભાજ્વાલામાલિનં દક્ષિણહસ્તેન વરપ્રદં વામહસ્તેન ચીવરકર્ણકાવસક્તમ્ ॥
એતદ્ ભગવતઃ અમિતાયુર્જ્ઞાનવિનિશ્ચયરાજેન્દ્રસ્ય તથાગતસ્યાર્હતઃ સમ્યક્સમ્બુદ્ધસ્ય પટવિધાનમ્ । એતસ્યૈવ ભગવતઃ અયમેકાક્ષરો મન્ત્રઃ । ઉષ્ણીષરાજો ઽયં ઉષ્ણીષચક્રવર્ત્તી પ્રતિસ્પર્દ્ધી સમતુલ્યવીર્યઃ તુલ્યપ્રભાવઃ । અચિન્ત્યમસ્ય ગુણવિસ્તારપ્રભાવં મહર્દ્ધિકો ઽયં મહાનુભાવઃ । સંક્ષેપતઃ સર્વતથાગતોષ્ણીષરાજાનં મહાચક્રવર્તિનમેકાક્ષરસ્ય ચ યાનિ કલ્પવિસ્તરાણિ ઉક્તાનિ તાનિ સર્વાણિ કરોતિ । અસાધિતો ઽપિ જપ્તમાત્રઃ કર્માણિ કુરુતે । કઃ પુનર્વાદઃ સાધિતઃ । યથેષ્ટફલસમ્પદાં દદાતિ । ઈપ્સિતં ભવતિ । મનસા યદભિરુચિતં અસ્ય પટસ્ય દર્શનાદેવ નિયતં બોધિપરાયણો ભવતિ ॥

તસ્યૈવ ભગવતઃ અમિતાયુર્જ્ઞાનવિનિશ્ચયરાજેન્દ્રસ્યાધિષ્ઠાનેન સર્વતથાગતહૃદય ઇત્યુચ્યતે સર્વતથાગત ઉષ્ણીષરાજમિત્યુચ્યતે । ચક્રવર્તિ ઇત્યુચ્યતે । મહાચક્રવર્તિરાજ ઇત્યુચ્યતે । મઞ્જુશ્રિયઃ કુમારભૂતસ્ય હૃદય ઇત્યુચ્યતે । એકાક્ષર ઇત્યુચ્યતે । સંક્ષેપતઃ અચિન્ત્યમસ્ય પ્રભાવઃ । અચિન્ત્યા હિ બુદ્ધાનામધિષ્ઠાનઃ । અચિન્ત્યં બુદ્ધવિકુર્વિતમ્ । અસાધિતો ઽપિ અકૃતપુરશ્ચરણો ઽપિ સર્વગૃહારમ્ભપ્રતિષ્ઠિતો ઽપિ સર્વભક્ષમદ્યમાંસગ્રામ્યધર્મપ્રતિષેવિણો ઽપિ વર્જયિત્વા અશ્રાદ્ધસ્ય અનુત્પાદિતબોધિચિત્તસ્ય । એતેષાં નાસ્તિ સિદ્ધિઃ । રત્નત્રયોપકારિણાં તત્પ્રતિયત્નોપઘાતિનાં ચ । એતેષાં ક્ષુદ્રકર્માપિ ન સિદ્ધ્યન્તિ । કઃ પુનર્વાદો મધ્યમોત્તમા સિદ્ધિઃ । સર્વકામપ્રચારભક્તાચારપ્રચારસ્ય સાધિકાષ્ટં કર્મસહસ્રં ક્ષુદ્રકર્મપ્રયુક્તસ્ય સિદ્ધ્યન્તે । કતમે ચ તે? આદૌ તાવદેકજપ્તઃ આત્મરક્ષા । દ્વિજપ્તઃ પરરક્ષા । ત્રિજપ્તો મહારક્ષા ભવતિ । મહાબોધિસત્ત્વેનાપિ દશભૂમિપ્રતિષ્ઠિતેન ન શક્યતે સંક્ષોભયિતુમ્ । કઃ પુનર્વાદઃ તદન્યૈઃ સત્ત્વૈઃ । પઞ્ચરઙ્ગિકેણ સૂત્રેણ ચતુર્જપ્તેન કટ્યાં વેષ્ટયેત્ । શુક્રબન્ધઃ કૃતો ભવતિ । સ્વપ્નોપઘાતં ચાસ્ય ન ભવેત્ । વર્જયિત્વા તુ સ્વેચ્છયા તદહ એવ રાત્ર્યામેકો યદિ રોચતે દિને દિને કર્તવ્યઃ । અથ ન રોચતે ભસ્મ સપ્તાભિમન્ત્રિતં કૃત્વા નાભિદેશં સ્પૃશેત્ । ત્રિસપ્તાહં શુક્રબન્ધં કૃતો ( વૈદ્ય 238 ) ભવતિ । પઞ્ચજપ્તો બુદ્ધં ભગવન્તં ધ્યાત્વા યં સ્પૃશેત્ સ વશ્યો ભવતિ । ચન્દ્રમસગ્રહે શશિગ્રહે શશિમણ્ડલે અર્કકાષ્ઠૈરગ્નિં પ્રજ્વાલ્ય વિનાપિ પટેન પૂર્વાભિમુખઃ આજ્યાહુતીનાં દશસહસ્રાણિ જુહુયાત્ । રાજકુલસમીપે નિમ્નગાનાન્તરિતે દેવાવસથે વા નાન્તરિતં યસ્મિં દેશે રાજા તિષ્ઠતિ તત્ર સમીપે હોમકર્મઃ પ્રયોક્તવ્યઃ । પ્રભાતે રાજા વશ્યો ભવતિ । યદુચ્યતે તત્ સર્વં કરોતિ । યદા ન પશ્યતે તદા તસ્ય ચિત્તં ન્યસ્તં ભવતિ । માન્દ્યો વા ભવતિ । ચિત્તવિક્ષેપતાં પ્રતિપદ્યતે । ભૂયો પ્રત્યાયનં કર્ત્તવ્યમ્ । ક્ષીરાહુતીનામષ્ટસહસ્રં જુહુયાત્ । યત્ર વા તત્ર વા કાલે । તતઃ પ્રભૃતિ સ્વસ્થો ભવતિ । એતત્ કર્મ શ્રાદ્ધાનાં રત્નત્રયપ્રસન્નાનાં ઉત્પાદિતબોધિચિત્તાનાં ન કર્તવ્યમ્ । યદિ કરોતિ મહાન્તતરં અપુણ્યસ્કન્ધં પ્રસનુયાત્ । અન્યેષામપકારિણં કર્તવ્યમ્ । દુષ્ટચિત્તાનાં રૌદ્રચિત્તાનાં દિનેદિને દર્શનં ચ દાતવ્યમ્ । સૌમ્યચિત્તા ભવન્તિ । યદિ ન ભવન્તિ મહતા અર્થેન વિયુજ્યન્તે । પ્રાણાવશેષા ભવન્તિ ॥
પુનરપિ કર્મં ભવતિ । ચન્દ્રગ્રહે પલાશસમિદ્ભિરગ્નિં પ્રજ્વાલ્ય ઘૃતાહુતીનામષ્ટસહસ્રં જુહુયાત્ । પ્રભાતે દેશસ્વામી રાજા ભવતિ મન્ત્રાપયતિ મન્ત્રિતવ્યમ્ । સદ્ભાવમુપદર્શયતે । ઉપદેષ્ટવ્યં ષણ્માસાભ્યન્તરેણ સહસ્રપિણ્ડં ગ્રામં દદાતિ । યદ્યર્દ્ધરાત્રં જુહોતિ ત્રિભિર્માસૈઃ । યદિ સર્વયામિકં રાત્રિં જુહોતિ માસેનેકેન લભતે । યદિ માસં જુહોતિ રાત્ર્યાં રાત્ર્યાં વિષયં પ્રતિલભતે । વિષયપ્રતિતુલ્યં વા ગ્રામં અન્યં વા યત્ કિઞ્ચિદ્ વિતમ્ । અરયો ન પ્રભવન્તિ । યદિ સમ્પ્રભવન્તિ પુનરપિ કર્મ ભવતિ ॥
ચન્દ્રગ્રહે અપામાર્ગકાષ્ઠૈરગ્નિં પ્રજ્વાલ્ય પલાશસમિધાનાં બ્રાહ્મણારે દધિમધુઘૃતાક્તાનાં અષ્ટસહસ્રં જુહુયાત્ । અન્તે પિચુમન્દપત્રાણાં કટુતૈલાક્તાનાં આહુતિમષ્ટસહસ્રં જુહુયાત્ । પ્રભાતે સૌમ્યા બ્રાહ્મણા રાજા વિદ્વિષ્ટો ભવતિ ॥
અપરમપિ કર્મ ભવતિ । ચન્દ્રગ્રહે યથોપપન્નકાષ્ઠૈરગ્નિં પ્રજ્વાલ્ય ઘૃતાહુતીનામષ્ટસહસ્રં જુહુયાત્ । હોમાન્તે ચ યસ્યાં દિશિ પ્રભુસ્તિષ્ઠતિ તસ્યાં દિશિ તદ્ ભસ્મ ક્ષિપેત્ । સ વશ્યો ભવતિ । યં વા તં વા યસ્મિં વા તસ્મિં વા કાલે રોચતે ભોગાં વિસ્તરતૈઃ સાહાય્યતાં ચ પ્રતિપદ્યતે । સ્વલ્પમલ્પં વા મહાન્તં વા ગ્રામમનુપ્રયચ્છતિ વિષયં વા । અમોઘા ચ સિદ્ધિર્ભવતિ ષડ્ભિર્માસૈઃ નિયતમ્ ॥
અથ ક્રુદ્ધચિત્તશ્ચતુર્વર્ણ્યો અન્યતરં વિકૃતસ્થાને વા યાતો વિકૃષ્ટપ્રધાનલિઙ્ગેન વા અન્યદેવતાભક્તં લૌકિકેષુ યસ્મિં દિશિ તે તિષ્ઠન્તિ તદેવ વેશ્મ સો ઽસ્ય દેશાન્તરં પ્રક્રમતે । ઉદ્વિગ્નશ્ચ ભવતિ । રાત્રૌ પ્રપલાયતે વા । કુટુમ્બં વાસ્ય ભિદ્યતે । પ્રત્યાયનં ક્ષીરાષ્ટસહસ્રાહુતયો હોતવ્યાઃ । સ્વસ્થો ભવતિ ॥
અપરમપિ કર્મ ભવતિ । ચન્દ્રગ્રહે તેનૈવ વિધિના બુદ્ધબોધિસત્ત્વપ્રતિમાપટસ્ય વા સદ્ધર્મપુસ્તકે વા સધાતુકગર્ભચૈત્યે વા શુચિના શુચિવસ્ત્રપ્રાવૃતેન અહોરાત્રોષિતેન નિષ્પ્રાણકેનોદકેન કર્મ કર્ત્તવ્યમ્ । શુષ્કપુષ્પૈઃ સુગન્ધૈઃ ચન્દનકુઙ્કુમપરિપૂર્ણઃ કર્પૂરધૂપધૂપિતોદ્દેશં તં કુર્યાત્ । ( વૈદ્ય 239 ) યત્ર કર્મ પ્રયુજ્યતે બ્રાહ્મણારેઃ પલાશકાષ્ઠૈઃ ક્ષત્રિયારે અશ્વત્થકાષ્ઠૈઃ વૈશ્યારેઃ ખદિરકાષ્ઠૈઃ શૂદ્રારેસ્તદન્યૈઃ કાષ્ઠૈઃ અગ્નિં પ્રજ્વાલ્ય તદેવ કર્મ કુર્યાત્ । બ્રાહ્મણસ્ય પલાશસમિધ ક્ષત્રિયસ્યાશ્વત્થસમિધં વૈશ્યસ્ય ખદિરસમિધં શૂદ્રસ્ય અપામાર્ગસમિધં તદન્યૈર્વા યથાલબ્ધૈઃ રાજ્યહોમાન્તે કુર્યાત્ । કર્મં તથૈવ મહારાજ્ઞા અપરાજિતમૂલસમિધં જુહુયાત્ । અષ્ટસહસ્રં ઘૃતાહુતીનાં અષ્ટસહસ્રં અન્તે ચ તસ્યાં તદેવ ભસ્મં ક્ષિપેત્ । યસ્યાં દિશિ મહારાજા તિષ્ઠતિ । દુષ્ટચિત્ત આગચ્છતિ વા ઉષ્ણીષચક્રવર્ત્તી એકાક્ષરમુદ્રં બધ્વા ક્ષિપેત્ । ઉત્પલમુદ્રં વા સ વિત્રસ્તો નિર્વર્ત્તતિ । ભગ્નચક્રો વા ભવતિ । અન્યદ્ વા યત્કિઞ્ચિન્મહોત્પાતં ભવતિ । મહોપસર્ગં ચિત્તદૌસ્થિત્યં યેન વાચાસ્ય નિર્વર્ત્તતે ॥
એતાનિ વા પરાણિ ચ યથેષ્ટાનિ કર્માણિ ભવન્તિ । વસ્ત્રમભિમન્ત્ર્ય પ્રાવરેત્ । સુભગો ભવતિ । અક્ષિણ્યભિમન્ત્ર્ય અઞ્જયેત્ । સર્વજનપ્રિયો ભવતિ । સપ્તાભિમન્ત્રિતં કુર્યાત્ । અક્ષિણી મુખં ચ સર્વતઃ કૃત્વા ક્રુદ્ધસ્ય મુખં નિરીક્ષયેત્ । સ વશ્યો ભવતિ । સૌમ્યશ્ચ પુષ્પફલં અન્યં વા યત્કિઞ્ચિત્સગન્ધં સપ્તાભિમન્ત્રિ કૃત્વા રાજ્ઞો નિવેદયેત્ । સચિઘ્રીતમાત્રેણ વશ્યો ભવતિ । અન્યો વા યઃ કશ્ચિત્ સત્ત્વઃ સ દર્શનમાત્રેણૈવ વશ્યો ભવતિ । સર્વાઙ્ગશૂલેષુ અષ્ટશતમભિમન્ત્રિતં કૃત્વા ઉષ્ણવારિણા સ્નાયીત । સ્વસ્થો ભવતિ । એતાનિ કર્માણિ કુર્યાન્ન દુઃખિતેભ્યઃ સત્ત્વેભ્યઃ ॥
અનાથે પતિતે ક્લીબે વ્રતિને ચેહ શાસને ।
રત્નત્રયપ્રસન્નેન કુર્યાત્ તત્ કર્મ ઈદૃશમ્

સ્ત્રીષુ કર્મ ન કુર્યાદ્ વૈ બાલવૃદ્ધે તથાતુરે ।
દરિદ્રે દુઃખિતે ચાપિ અલ્પસત્ત્વે વિયોનિજે

ન કુર્યાત્ કર્મમેવં તુ મહાસત્ત્વે પ્રયોજયેત્ ।
શૂરે સાહસિકે લુબ્ધે મહાપક્ષે મહાધને ।
અતિમાનિને પ્રચણ્ડે ચ કુર્યાત્ કર્મ ઈદૃશમ્

શાસનદ્વેષિણે ક્રુદ્ધે પરદ્રવ્યાપહારિણે ।
અશ્રાદ્ધે સર્વમન્ત્રાણાં ઓષધીનાં ચ યોગિનામ્

પ્રગલ્ભે દુષ્ટચિત્તે ન નૃપે લોકકુત્સિતે ।
એતેષુ કર્મ પ્રયુઞ્જીત ધાર્મિકેષુ વિવર્જિતમ્

અપરં કર્મમિત્યાહુઃ બુદ્ધિસ્તત્ પરિવર્જિતમ્ ।
તદેવ ભસ્મ ક્રુદ્ધો વૈ યાં દિશં ક્ષિપતે જપી

તત્રસ્થા અરયઃ ક્રુદ્ધા નૃપતિશ્ચાપિ નશ્યતે ।
દીર્ઘગ્લાન્યતાં યાતિ તે ઽપિ જના ધ્રુવમ્

મહામાર્યોપસર્ગં ચ તસ્મિં દેશે તુ દૃશ્યતે ।
ન કુર્યાત્ કર્મ એવં તુ સ કૃચ્છ્રપતિતો ઽપિ હિ

ત્રિસપ્તાહાદ્ વિનશ્યન્તે સર્વે તત્ર જનાધિપાઃ ।
યાવત્ તત્કર્મણા પૂર્ણે દ્વિસપ્તાહા તુ સંહરેત્

પ્રથમે ચિત્તવિક્ષેપં દ્વિસપ્તાહે તુ ગ્લાન્યતામ્ ।
તૃસપ્તાહે તથા મૃત્યુઃ તસ્માત્ તં પરિવર્જયેત્

પ્રથમે વિદ્રવન્તે તે દ્વિતીયે દેશવિભ્રમમ્ ।
ત્રિસપ્તાહે તથા નાશં ન કુર્યાત્ કર્મ ઈદૃશમ્

કેવલં સત્ત્વવૈનેયા નિર્દિષ્ટં લોકનાયકૈઃ ।
ન ભૃશં સમ્પદં હ્યેતે બુદ્ધા તે શુદ્ધમાનસાઃ

પ્રાણોપરોધિનં કર્મ સર્વબુદ્ધૈસ્તુ ગર્હિતમ્ ।
ન કુર્યાત્તજપી કર્મ ઉત્તમં સિદ્ધિમિચ્છતા

નરકોપપત્તિઃ કામેષુ એતેષ્વેવ પ્રદૃશ્યતે ।
કેવલં તુ ઇદં પ્રોક્તં કૃષ્ણશુભકર્મફલોદયમ્

કર્મવૈચિત્ર્યમાહાત્મ્યં યથા દૃષ્ટં દ્વિપદોત્તમૈઃ ।
શક્તં શુભોદયં નિત્યં કૃષ્ણં ચાસ્ય શુભપ્રદમ્

વ્યતિમિશ્રં તથા કર્મં વ્યતિમિશ્રં તુ પઠ્યતે ।
તથેદં કર્મવૈચિત્ર્યં દર્શિતં તત્ત્વદર્શિભિઃ

તાં જાપી વર્જયેત્ કૃષ્ણં વ્યતિમિશ્રં કર્મ એવ વા ।
શુક્લં ભજેત કલ્યાણં શુભકર્મફલોદયમ્

પ્રાણોપરિધાન્નરકં તુ જાપી યાતિ પુનઃ પુનઃ ।
તન્નિવૃત્તેસ્તથા ધર્મઃ અહિંસઃ કર્મમુત્તમમ્

સ્વર્ગ તથા સિદ્ધિઃ મન્ત્રાણાં ચ શુભા ગતિઃ ।
પ્રાપ્યતે સુકૃતૈઃ કર્મૈઃ વિરુદ્ધૈર્વિરુદ્ધમુચ્યતે

ધર્માધર્મ મયા પ્રોક્તં સર્વજ્ઞત્વં વિચેષ્ટિતમ્ ।
શુભકર્મસદાજાપી આરભેત્ સિદ્ધિલિપ્સયા

મન્ત્રા તસ્ય સિદ્ધ્યન્તે જાપિનસ્ય શુભે સ્થિતે ।
અનિવર્તનં તસ્ય મોક્ષં વૈ સિતકર્મપરાયણે

મન્ત્રિણે શ્રેયસા સિદ્ધિઃ પ્રવદન્તિ તથાગતાઃ ।
વિનયાર્થં તુ સત્ત્વાનાં કર્મવૈચિત્ર્યમુચ્યતે

યથેષ્ટં સહસ્રકર્મં તુ સાધિકાષ્ઠં ચ સિદ્ધ્યતે ।
ક્ષુદ્રકર્મ પ્રકુર્વીત ઉત્તમં તુ ન લભ્યતે

મધ્યમં સિદ્ધ્યતે કિઞ્ચિદ્ યત્નાજ્જાપહોમિતમ્ ।
અઘમં સિદ્ધ્યતે ક્ષિપ્રં વિધિદૃષ્ટેન કર્મણા

ત્રિવિધં કર્મ નિર્દિષ્ટ ઉત્તમાધમમધ્યમાઃ ।
ઉત્કૃષ્ટરૂપી તપસ્વી ચ લભતે ઉત્તમં તથા

મધ્યજાપી તથા મધ્યં કર્મસિદ્ધિમવાપ્નુયાત્ ।
સ્વલ્પજાપી તથા નિત્યં સ્વલ્પકર્મસમાવૃત

લભતે ક્ષુદ્રસિદ્ધિં તુ નાન્યસિદ્ધિમવાપ્નુયાત્ ।
કાલપ્રમાણજાપસ્તુ હોમે દૃષ્ટસ્તૃધા પુનઃ

અધિકાદધિકં સિદ્ધિ મધ્યમધ્યેષુ દૃશ્યતે ।
સ્તોક સ્તોકતરં કર્મ લભ્યતે ક્ષુદ્રસિદ્ધિરિતિ