મઞ્જુશ્રીમૂલકલ્પ · અધ્યાય 16

ઇતિ ॥
આર્યમઞ્જુશ્રિયમૂલકલ્પાદ્ બોધિસત્ત્વપિટકાવતંસકાન્મહાયાનવૈપુલ્યસૂત્રાત્ ત્રયોદશમઃ સર્વકર્મક્રિયાર્થઃ પટલવિસરઃ પરિસમાપ્ત ઇતિ ।
અથ ષોડશઃ પટલવિસરઃ ।
અથ ખલુ ભગવાન્ શાક્યમુનિઃ પુનરપિ શુદ્ધાવાસભવનમલોક્ય, મઞ્જુશ્રિયં કુમારભૂતમામન્ત્રયતે સ્મ । શૃણુ મઞ્જુશ્રીઃ ત્વદીયે સર્વાર્થક્રિયાકર્મપટલવિસરં પૂર્વનિર્દિષ્ટં પર્ષન્મણ્ડલમધ્યે સવિસ્તરં વક્ષ્યે ઽહમ્ ।
પૃષ્ટો ઽયં યક્ષરાજેન વજ્રહસ્તેન ધીમતા ।
સર્વમન્ત્રાર્થયુક્તાનાં સ્વપ્નાનાં ચ શુભાશુભમ્

અત પ્રસઙ્ગેન સર્વેદં કથિતં મન્ત્રજાપિનામ્ ।
યક્ષરાટ્ સ્તુષ્ટમનસો મૂર્ધ્નિ કૃત્વા તુ અઞ્જલિમ્

પ્રણમ્ય શિરસા શાસ્તુરભ્યુવાચ ગિરાં મુદા ।
અનુગ્રહાર્થં તુ લોકાનાં કથિતં હ્યગ્રબુદ્ધિના

મમૈવમનુકમ્પાર્થં સત્ત્વાનાં ચ સુખોદયા ।
જાપિનાં સર્વમન્ત્રાણાં સ્વપ્નાનાં ચ શુભાશુભમ્

ચરિતં ગુણવિસ્તારં સત્ત્વાધિષ્ટનિકૃષ્ટિનામ્ ।
ઉત્તમા ગતિ યોનિભ્યો હેતુજ્ઞાનવિચેષ્ટિતમ્

અતીતાનાગતં જ્ઞાનં વર્તમાનં શુભાશુભમ્ ।
સર્વં સર્વગતં જ્ઞાનં સર્વજ્ઞજ્ઞાનચેષ્ટિતમ્

અનાભાસ્યમનાલમ્બ્યં નિઃપ્રપઞ્ચં પ્રપઞ્ચિતમ્ ।
મન્ત્રાકારવરોપેતં શિવં શાન્તિમુદીરિતમ્

પ્રભાવં સર્વબુદ્ધાનાં વર્ણિતં હ્યગ્રબુદ્ધિના ।
સર્વમન્ત્રાર્થયુક્તાનાં જાપિનાં ચ વિશેષતઃ

કર્મ કર્મફલં સર્વં ક્રિયાકાલં તથૈવ ચ ।
પાત્રં સ્થાનં તથા વેષં સ્વપ્નપ્રસઙ્ગે પ્રચોદિતમ્

યક્ષરાણ્મુનિવરં શ્રેષ્ઠં સપ્તમન્ત્રતથાગતમ્ ।
ભદ્રકલ્પે તુ યે બુદ્ધાઃ સપ્તમો ઽયં શાક્યપુઙ્ગવઃ

શાક્યસિંહો જિતામિત્રઃ સપ્તમો ઽયં પ્રકલ્પિતઃ ।
યુગાધમે ઽભિસંબુદ્ધો લોકનાથો પ્રભઙ્કરઃ

મહાવીર્યો મહાપ્રાજ્ઞો મહાસ્થામોદિતો મુનિઃ ।
વજ્રપાણિસ્તુ તં યક્ષો બોધિસત્ત્વો નમસ્ય તમ્

સ્વકેષુ આસને તસ્થુસ્તૂષ્ણીમ્ભૂતો ઽથ બુદ્ધિમાન્ ।
મઞ્જુશ્રિયો ઽથ મહાપ્રાજ્ઞઃ પૃષ્ટો ઽસૌ મુનિના તદા

અધ્યેષયતિ તં બુદ્ધં કન્યસં મુનિસત્તમમ્ ।
સાધુ ભગવાં સમ્બુદ્ધઃ કર્મજ્ઞાન સવિસ્તરમ્

જાતકં + + + + + + + + + + + + + + + + સદા શુભમ્ ।
ચરિતં બહુસત્ત્વાનાં કર્મજ્ઞાનસહેતુકમ્

નિવિષ્ટાવિષ્ટચેષ્ટાનાં શ્રેયસાર્થાર્થયુક્તિનામ્ ।
જાપિનાં સિદ્ધિનિમિત્તાનિ સાધ્યસાધ્યવિકલ્પિતામ્

ભૂતિકામા તથા લોકે ઐશ્વર્યાભોગકાઙ્ક્ષિણામ્ ।
રાજ્યહેતુપ્રકૃષ્ટાનાં સિદ્ધિધારણકામિનામ્

સર્વં સર્વગતં જ્ઞાનં સંક્ષેપેણ પ્રકાશતુ ।
ઇત્યુવાચ મુનિઃ શ્રેષ્ઠો અધ્યેષ્ટો જિનસૂનુના

કલવિઙ્કરુતો ધીમાન્ દિવ્યદુન્દુભિનાદિનઃ ।
બ્રહ્મસ્વરો મહાવીર્યપર્જન્યો ઘોષનિઃસ્વનઃ

બુદ્ધવાચોદિતઃ શુદ્ધો વાચે ગાથાં સપ્તમો મુનિઃ ।
એષ કુમાર પરાર્થગતાનાં સિદ્ધિમજાયત લોકહિતાનામ્ ।
શ્રેયસિ સર્વહિતે જગતિ પ્રણિતારો શુદ્ધ્યતુ તિષ્ઠતુ મોક્ષવિહૂનામ્

સત્યયાક્ષયવીર્યવાં હિ તચ્ચિત્તા મદમૈત્રરતા સ તદાનરતા યે ।
સિદ્ધિભવે સદ તેષુ જનેષુ નાન્ય કથઞ્ચન સિદ્ધિમુપેષ્યે

મન્ત્રવરે સદ તુષ્ટિરતા યે શાસનિ ચક્રધરે તથા મઞ્જુધરે વા ।
ધર્ષયિમાર પ્રવર્ત્તયિ ચક્રં સો ઽપિ હ ચક્રધરો ઇહ યુક્તઃ

વાચા દિવ્યમનોરમ યસ્યા બાલિશજન્તુ વિવર્જિતનિત્યા ।
દિવ્યમનોરમકર્ણસુખા ચ પ્રેમણીયા મધુરા અનુકૂલા

ચિત્તપ્રહ્લાદનસૌખ્યપ્રદા ચ મઞ્જુરિતિ સમુદીરય બુદ્ધા ।
યસ્ય ન શક્યમભાવમજાનં તે ઽપિ તથાગતજ્ઞાનવિશેષૈઃ

તેષુ સુતાથ ચ ભૂમિપ્રવિષ્ટા દિવ્યપ્રકૃષ્ટદશતથાગતસઙ્ખ્યા ।
તે ઽપિ સુરેશ્વરલોકવિશિષ્ટા દિવ્યપ્રભાવમજાનમશક્યા

રૂપ્યઃ અરૂપ્યા તથા અભૂમા કામિકદિવ્યં નૃજા મનુજા વા ।
યોગિન સિદ્ધિં ગતા અથ લોકે સર્વવિશિષ્ટ તથા નરમુખ્યા

સત્ત્વમસૌ ન સ વિદ્યતિ કશ્ચિદ્ યો પ્રતિજાનિ તુ તસ્ય શ્રિયા મે ।
એષ સિરિપરિકલ્પિતતુલ્યં મઞ્જુસિરીતિ પ્રતિજાનિ તુ બુદ્ધાઃ

મઞ્જુશ્રિયં પરિકલ્પિતતુલ્યં નામમિયં તથ પૂર્વજિનેભિઃ ।
એષ કૃતા તવ સંજ્ઞિતકલ્પે દિવ્ય અનાગતબુદ્ધમતીતૈઃ

નામશ્રુણિ પર્યસ્તવ શુદ્ધો નાસ્ય મનો ભવિ એકમનો વા ।
તસ્ય મિમં શિવશાન્તિ ભવેયં બોધિવરા ભવિ અગ્રવિશિષ્ટા

મન્ત્ર અશેષ તુ સિદ્ધ ભવેયા ઉત્તમયોનિ ગતિ લેભે ।
ઉત્તમિધર્મિ સમાશ્રયિ નિત્ય વિઘ્નવિવર્જિત સિદ્ધિ ભવેયા

ઈપ્સિતમન્ત્ર પ્રસાધયિ સર્વાં ક્ષિપ્ર સ ગચ્છતિ બોધિ હ મઞ્જુમ્ ।
લપ્સ્યતિ બોધિગતો મુનિમુખ્યઃ ગત્વ નિષીદતિ સત્ત્વહિતાર્થમ્

બુદ્ધયિ બોધિપ્રવર્તયિ ચક્રં એષ ગુણો કથિતો જિનમુખ્યૈઃ ।
મઞ્જુરિતિ શિરીં ત્વયિ સંસ્મરિ નામં અચિન્ત્યગુણાઃ કથિતા જિનમુખ્યૈઃ

દર્શતુ નિત્યપ્રભાવ ત્વદીયં પૂર્વકસર્વગતૈર્જિનમુખ્યૈઃ ।
કલ્પભણે યા ન શક્યમસઙ્ખ્યૈઃ મન્ત્રશતા તવ શુદ્ધકુમાર

મઞ્જુશ્રિયં તવ મન્ત્રચર્યં ભાષિત સર્વમશેષકબુદ્ધૈઃ ।
એષં કુમાર થ સર્વગતા વૈ શાસન તુભ્ય રતોત્તમ વીરાઃ

શુદ્ધાવાસનિષણ્ણજના વૈ સત્ત્વમશેષત ઈહય સત્તા ।
ન ક્રમિમન્ત્ર ત્મદીય કદાચિં નાપિ કથઞ્ચિહ યે તવ મન્ત્રમ્