માનવગૃહ્યસૂત્ર · અધ્યાય 2.7

ઇતિ દ્વિતીયપુરુષે ષષ્ઠઃ ખણ્ડઃ ॥6॥
સપ્તમઃ ખણ્ડઃ
આગ્રહાયણ્યાં પૌર્ણમાસ્યાં પયસિ સ્થાલીપાકં શ્રપયિત્વા તસ્ય જુહોતિ--
અપઃ શ્વેતપદાગ્રાહિ પૂર્વેણ ચાપરેણ ચ ।
સપ્ત ચ વારુણીરિમાઃ પ્રજાઃ સર્વાશ્ચ રાજબાન્ધવ્યઃ સ્વાહા ॥
શ્વેતો રુષત્યો વિદધાત્યશ્વો દધદ્ગર્ભં વૃષઃ સત્વર્યાં જ્યોક્ ।
સમં જનાશ્ચક્રમયો વસાનાઃ પ્રોષાદસાવિરસિ વિશ્વમેતત્ ॥
શેતાય રૌષિશ્વાય સ્વાહા, ન વૈ શ્વેતસ્યાભ્યાચારે અહિર્જઘાન કિંચન ।
શ્વેતાય વૈતાહવ્યાય સ્વાહા. ॥
અભયં નઃ પ્રાજાપત્યેભ્યો ભૂયાત્ સ્વાહા ॥
ઇતિ

સ્રસ્તરે ઽહતં વાસ ઉદગ્દશમાસ્તીર્યોદકાં વ્રીહીન્ યવાન્વાસ્ય પરિષિઞ્ચતિ સ્યોના પૃથિવી ભવેતિ દ્વાભ્યાં સુત્રામાણમિતિ દ્વાભ્યામ્

શમીશાખયા ચ સપલાશયોદઞ્ચ ત્રિઃ સમુન્માર્ષ્ટિ સ્યોના પૃથિવી ભવેતિ દ્વાભ્યાં સૂત્રમાણમિતિ દ્વાભ્યાં નમો અસ્તુ સર્પેભ્ય ઇતિ તિસૃભિશ્ચ

શામ્યન્તુ સર્પાઃ સ્વશયા ભવન્તુ યે અન્તરિક્ષ ઉત યે દિવિ શ્રિતાઃ ।
ઇમાં મહીં પ્રત્યવરોહેમ ।
શિવામજસ્રાં શિવાં શાન્તાં સુહેમન્તામુત્તરામુત્તરાં સમાંક્રિયાસમ્ ॥
ઇતિ જ્યેષ્ઠ પ્રથમાનુદીચ આવેશયતિ

ઉદીર્ઘં જીવો અસુર્ન આગાદયઃ પ્રાગાત્તમ આજ્યોતિરેતિ ।
આરૈકપન્થાં યાતવે સૂર્યા-યાગન્મા યત્ન પ્રતરં ન આયુઃ ।
ઇતિ કનિષ્ઠપ્રથમાનુજ્જિહતે

ચૈત્ર્યામુદ્ગ્રોણમ્

ન તત્ર સ્તાલીપાકો ન શાખયા સમુન્માર્ષ્ટિ

અયં તલ્પઃ પ્રતરણો વસૂનાં વિશ્વાર્ત્વિભ્ય(?) તલ્પો અસ્માન્ ।
જ્યોગ્ જીવેમ સર્વવીરા વયં તમ ॥
ઇતિ તલ્પમભિમન્ત્ર્યતે

ત્રાણિ નાભ્યાનિ ફાલ્ગુન્યામાષાઢ્યાં કાર્તિક્યામ્

તાસુ નાધીયીત

તાસુ પયસિ સ્થાલીપાકઃ સ વ્યાખ્યાતઃ