માનવગૃહ્યસૂત્ર · અધ્યાય 2.8

ઇતિ દ્વિતીયપુરુષે સપ્તમઃ ખણ્ડઃ ॥7॥
અષ્ટમઃ ખણ્ડઃ
તિસ્રો ઽષ્ટકાઃ

ઊર્ધ્વમાગ્રહાયણ્યાઃ પ્રાક્ ફાલ્ગુન્યાસ્તમિશ્રાણામષ્ટમ્યઃ

તાસુ નાધીયીત

તાસુ પયસિ સ્થાલીપાકં શ્રપયિત્વા તસ્ય જુહોતિ--
યા દેવ્યષ્ટકેષ્વપસાપસ્તમાસ્તપા અવયા અસિ ।
ત્વં યજ્ઞે વરુણસ્યાવયા અસિ તસ્યૈ ત એના વિધેમ ॥
ઉલૂખલા ગ્રાવાણો ઘોષમકુર્વત હવિઃ કૃણ્વન્તઃ પરિવત્સરીયમ્
એકાષ્ટકે સુપ્રજસઃ સુવીરા જ્યોગ્જીવેમ બલિહૃદો વયં તે ॥
યાં જનાઃ પ્રતિનન્દન્તિ રાત્રીં ધેનુમિવાયતીમ્ ।
સંવત્સરસ્ય યા પત્ની સા નો અસ્તુ સુમઙ્ગલી ॥
સંવત્સરસ્ય પ્રતિમાં યે ત્વા રાત્રીમુપાસતે ।
તેષામાયુષ્મતીં પ્રજાંરાયસ્પોષેણ સંસૃજસ્વ ॥
ઇતિ ચતસ્રઃ સ્થાલીપાકસ્ય

અષ્ઠકાર્યૈ સુરાધસે
સ્વાદેતિ સર્વત્રાનુષજતિ

હેમન્તો વસન્તે ગ્રીષ્મઋતવઃ શિવાનઃ શિવાનો વર્ષા અભયાશ્ચિરં નઃ વૈશ્વાનરો ઽધિરતિઃ પ્રાણાદો નો અહોરાત્રે કૃણુતાં દીર્ઘમાયુઃ ॥
શાન્તા પૃથિવી શિવમન્તરિક્ષં દ્યૌર્ નો દેવ્યભયં કૃણોતુ ।
શિવા દિશઃ પ્રદિશ આદિશો ન આપો વિદ્યુતઃ પરિપાન્ત્વાયુઃ ॥
આપો મરીચીઃ પરિપાન્તુ વિશ્વતો ધાતા સમુદ્રો અભયં કૃણોતુ ।
ભૂતં ભવિષ્યદુત ભદ્રમસ્તુ મે બ્રહ્મભિગૂર્ત્તં સ્વરાક્ષાણઃ ॥
કવિરગ્નિરિન્દ્રઃ સોમઃ સૂર્યો વાયુરસ્તુ મે અગ્નિર્વૈશ્વાનરો અપહન્તુ પાપમ્ ।
બૃહસ્પતિઃ સવિતા શર્મ યચ્છતુ શ્રિયં વિરાજં મયિ પૂષા દધાતુ ॥
ઇતિ પઞચાજ્યસ્ય

જયાન્હુત્વેડામગ્ન ઇતિ સ્વિષ્ટકૃદિતિ

એવં સર્વાસુ