માનવગૃહ્યસૂત્ર · અધ્યાય 2.6

ઇતિ દ્વિતીયપુરુષે પઞ્ચમઃ ખણ્ડઃ ॥5॥
ષષ્ઠઃ ખણ્ડઃ
અથાતો ધ્રુવાશ્વકલ્પં વ્યાખ્યાસ્યામઃ

આશ્વયુજ્યાં પૌર્ણમાસ્યામ્

ઋત્વિગવ્યઙ્ગઃ સ્નાતઃ શુચિરહતવાસાઃ

પ્રાગસ્તમયાન્નિષ્ક્રમ્યોત્તરતો ગ્રામસ્ય પુરસ્તાદ્વા શુચૌ દેશે ઽશ્વત્થસ્યાધસ્તાન્ન્યગ્રોધસ્ય વાપાં વા સમીપે વેદ્યકૃતિં કૃત્વા તસ્યાં ચતુષ્કોણવનસ્પતિશાખાયામસક્તચીરાયાં ગન્ધસ્રગ્દામવત્યાં ચતુર્દિશં વિન્યસ્તોદકુમ્મસહિરણ્યબીજપિટિકાયામપૂપસ્રસ્તરલાજોલ્લોપિકમઙ્ગલફલાક્ષવત્યાં સર્વગન્ધસર્વરસસર્વૌષધીઃ સર્વરત્નાનિ ચોપકલ્પ્ય પ્રતિસરદધિમધુમોદકસ્વસ્તિકનન્દ્યાવર્તવત્યામગ્નિં
પ્રણીયાશ્વત્થપલાશખદિરરોહિતકોદુમ્બરાણામન્યતમસ્યેધ્મમુપસસાધાય તિસ્રઃ પ્રધાનદેવતા યજત્યુચ્ચૈઃશ્રવસં વરુણં વિષ્ણુમિતિ સ્થાલીપાકૈઃ પશુભિશ્ચાશ્વિનૌ ચાશ્વયુજૌ ચાજ્યસ્ય

જયાન્ હુત્વા યા ઓષધયઃ સમન્ન્યાયન્તિ પુનન્તુ મા પિતરો ઽગ્નેર્મન્વ ઇતિ ચતુર્ભિરનુવાકૌરપો ઽભિમન્ત્ર્યાશ્વાન્સ્નપયતિ

ગન્ધસ્નગ્દામભિરલંકૃત્ય પ્રદક્ષિણં દેવયજનં ત્રિઃ પરિયન્તિ

પ્રાહર્ષં કારયન્તિ

ઇષ્ટે યથાસ્થાનં વ્રજન્તિ

ગૌરનડ્વાંશ્ચ દક્ષિણા