માનવગૃહ્યસૂત્ર · અધ્યાય 1.9

ઇતિ અષ્ટમઃ ખણ્ડઃ ॥8॥
નવમઃ ખણ્ડઃ
ષડધ્યાર્હા ભવન્ત્યૃત્વિગાચાર્યો વિવાહ્યો રાજા સ્નાતકઃ પ્રિયશ્ચેતિ

અપ્રાકરણિકાન્વા પરિસંવત્સરાદર્હયન્તિ

પ્રાકરણિકાઃ કર્તારઃ સદસ્યાશ્ચ વૃતાઃ

ન જીવત્પિતૃકોર્ઽધ્યં પ્રતિગૃહ્ણીયાદિતિશ્રુતિરથવા પ્રતિગૃહ્ણીયાત્

અથૈનમર્હયન્તિ ॥ મન્ગ્સ્_1,9. 5 ॥
કાંસ્યે ચમસે વા દધિ મધુ ચાનીય વર્ષીયસા પિધાયાચમનીયપ્રથમૈઃ પ્રતિપદ્યન્તે

વિરાજો દોહોસિ વિરાજો દોહોસિ વિરાજો દોહમશીય મયિ દોહઃ પદ્યાયૈ વિરાજઃ કલ્પતામિત્યેકૈક માહ્રિમાણં પ્રતીક્ષતે

સાવિત્રેણ વિષ્ટરં પ્રતિગૃહ્ય અહં વર્ષ્મ સદૃશાનામુદ્યતામિવ સૂર્યઃ ઇદં તમભિતિષ્ઠામિ યો મા કશ્ચાભિદાસતીતિ જપતિ

રાષ્ટ્રભૃદસીત્યાચાર્ય આસન્દીમનુમન્ત્રયતે

મા ત્વા દોષ ઇત્યધસ્તાત્પાદયોર્વિષ્ટરમુપકર્ષતિ

વિષ્ટર આસીનાયૈ કૈકં ત્રિઃ પ્રાહ

નૈવ ભો ઇત્યાહ નમ આર્ષેયાયેતિ શ્રુતિઃ સ્પૃશત્યર્ઘ્યમ્

પાદ્યેન પાદૌ પ્રક્ષાલ્ય સાવિત્રેણ મધુપર્કં પ્રતિગૃહ્ય પ્રતિષ્ઠાપ્યવસાય્ય નમો રુદ્રાય પાત્રસદે નમો રુદ્રાય પાત્રસદ ઇતિ પ્રાદેશેનાધ્યધિ પ્રતિદિશં પ્રદક્ષિણં
સર્વતો ઽભ્યુદ્દિશતિ

મધુવાતા ઋતાયત ઇતિ તિસૃભિરઙ્ગુલ્યા પ્રદક્ષિણં પ્રત્યૃચં ત્રિરાયૌતિ

અમૃતોપસ્તરણમસીત્યુપસ્તરતિ

સત્યં યશઃ શ્રીર્મયિ શ્રીઃશ્રયતામિતિ મધુપર્કં ત્રિઃ પ્રાશ્નાતિ

અમૃતાપિધાનમસીત્યાચામતિ

સુહૃદે ઽવશિષ્ટં પ્રયચ્છતિ

અસિ પાણિર્ગાં પ્રાહ

હતો મે પાપ્માનં મે હત ઓંકુરુત ઇતિ પ્રેષ્યતિ

ચતુરો બ્રાહ્મણાન્નાનાગોત્રાન્ ભોજયતે

પશ્વઙ્ગં પાયસં વા કારયેન્નામાંસો મધુપર્ક ઇતિ શ્રુતિઃ

યદ્યુત્સૃજેન્માતા રુદ્રાણાં દુહિતા વસૂનાં સ્વસાદિત્યાનામમૃતસ્ય નાભિઃ ।
પ્રનુવોચં ચિકિતુષે જનાય માગા મનાગા મદિતિં વઙિષ્ટ ।
ભુર્ભુવઃ સ્વરોત્મુત્સૃજતુ તૃણાન્યત્તુ

અથાલંકારણમલંકરણમસિ સર્વસ્મા અલં મે ભૂયાસમ્

પ્રણાપાનૌ મે તર્પય ઉદીનરૂપે મે તર્પય સુચક્ષા અહ મક્ષિભ્યાં ભૂયાસં સુવર્ચા મુખેન સુશ્રુત્કર્ણાભ્યાં ભૂયાસામિતિ યતાલિઙ્ગમઙ્ગાનિ સંસ્પૃશતિ

અથ ગન્ધોત્સદને વાસસી

પરિધાસ્યે યશો ધાસ્યે દીર્ઘાયુત્વાય જરદષ્ટિરસ્તુ
શતં જીવેમશરદઃ પુરૂચી રીયસ્પોષમભિસંવ્યયિષ્યે
યશસા માદ્યાવા પૃથિવી યશસેન્દ્રા બૃહસ્પતી
યશો ભગશ્ચ મારિષદ્યશો મા પ્રતિ મુચ્યતામં
ઇત્યહતં-વાસઃ પરિધત્તે

કુમાર્યાઃ પ્રમદને ભગમર્યમણં પૂષણં ત્વષ્ટારમિતિ યજતિ

।
પ્રાક્સ્વિષ્ટકૃતશ્ચતસ્રો અવિધવા નન્દીરુપવાદયન્તિ

અભ્યન્તરે કૌતુકે દેવપત્નીર્જયતિ