માનવગૃહ્યસૂત્ર · અધ્યાય 1.23

ઇતિ દ્વાવિંશઃ ખણ્ડઃ ॥
ત્રયોવિંશઃ ખણ્ડઃ
અથ દીક્ષા ચાતુર્હૈતુકી સંવત્સરમ્

ચતુર્હોતૄન્સ્વકર્મણો જુહુયાત્ સહ ષડ્ઢોત્રા સપ્તહોતારમ્

અન્તતો વ્રતં પ્રદાયાદિતો દ્વાવનુવાકાવનુવાચયેત્

એવમેવોદ્દીક્ષાં જુહુયાત્

અથ દીક્ષાગ્નિકીદ્વાદશરાત્રમ્ ॥ મન્ગ્સ્_1,23. 5 ॥
યુઞ્જાનઃ પ્રથમં મન ઇતિયષ્ટૌ હુત્વાકૂતમગ્નિં પ્રયુઞ્જં સ્વાહેતિ ષડ્ જુહોતિ વિશ્વોદેવસ્ય નેતુરિતિ સપ્તમીમ્

વ્રતં પ્રદાયાદિતોષષ્ટાવનુવાકાનનુવાચયેત્

ત્રિષવણમુદકમાહરેત્ ત્રિંસ્ત્રીન્કુમ્ભાન્

એકેન વાસસાન્તર્હિતાયાં ભૂમૌ શયીત ભસ્મનિ કરીષે સિકતાસુ વા

નોદકમભ્યવેયાત્

સમાપ્તે ઘૃતવતાપૂપેનેષ્ટ્વા વાત્સં પ્રાવચયેત્

તતો ઘૃતવદ્ભિરપૂપૈર્બ્રાહ્મણાન્ ભોજયેત્

એવમેવોદ્દીક્ષાં જુહુયાત્

અથ દીક્ષાશ્વમેધિકી હ્વાહશરાત્રમ્

વૈતસમિધ્મમુપસમાધાય નવમેનાનુવાકેન હુત્વા ષષ્ઠેનોપસ્થાપ્ય વ્રતં પ્રદાયાદિત એકવિંશત્યનુવાકાનનુવાચયેત્

ત્રિષવણમશ્વસ્યઘાસમાહરેત્ ત્રીં સ્ત્રીન્પુલાન્

એકેન વાસસાનન્તર્હિતાયાં ભૂમૌ શયીત ભસ્મનિ કરીષે સિકતાસુ વા

યા ઓષધયઃસમાન્યાયન્તિ પુનન્તુ મા પિતરો ઽગ્નેર્મન્વા ઇતિ ચતુર્ભિરનુવાકૈરપોભિમન્ત્ર્ય સ્નાનમાચરેત્

એવમેવોદ્દીક્ષાં જુહુયાત્

શાદં દદ્ભિરિતિ ચતુર્દશાનુવાકાનનુવાચયેત્

રહસ્યમધ્યેષ્યમાણઃ પ્રવર્ગ્યમ્

આદેશે યથા પુરસ્તાદ્વ્યાખ્યાતમ્

આદિતઃ પઞ્ચવિંશત્યનુવાકાનનુવાચયેત્

ત્રૈવિદ્યસમુપનયનેન વ્યાખ્યાતમ્

આદિતસ્ત્રીનનુવાકાનનુવાચયેત્

વ્યાખ્યાતાનિ વ્રતાનિ વ્યાખ્યાતાનિ વ્રતાનિ

ઉદુત્તમં વરુણપાશમિતિ મેખલામુન્મુઞ્ચતિ