માલિનીવિજયોત્તરતન્ત્રમ્ · અધ્યાય 23

અથાતઃ પરમં ગુહ્યં કથયામિ તવાધુના
સદ્યોપલબ્ધિજનકં યોગિનાં યોગસિદ્ધયે

પૂર્વન્યાસેન સંનદ્ધશ્ચિત્તં શ્રોત્રે નિવેશયેત્
નિવાતે સ્વલ્પવાતે વા બાહ્યશબ્દવિવર્જિતે

તતસ્તત્ર શૃણોત્યેષ યોગી ધ્વનિમનાવૃતમ્
સુવિશુદ્ધસ્ય કાંસ્યસ્ય હતસ્યેહ મુહુર્મુહુઃ

યમાક્ર્ણ્ય મહાદેવિ પુણ્યપાપૈઃ પ્રમુચ્યતે
તત્ર સંધાય ચૈતન્યં ષણ્માસાદ્યોગવિત્તમઃ

રુતં પક્ષિગણસ્યાપિ પ્રસ્ફુટં વેત્ત્યયત્નતઃ
દૂરાચ્છ્રવણવિજ્ઞાનં વત્સરેણાસ્ય જાયતે

સર્વકામફલાવાપ્તિર્વત્સરત્રિતયેન ચ
સિદ્ધ્યતીતિ કિમાશ્ચાર્યમનાયાસેન સિદ્ધ્યતિ

અથવા ગ્રહણે માસિ કૃત્વા સૂર્યં તુ પૃષ્ઠતઃ
પૂર્વન્યાસેન સંનદ્ધઃ કિં ચિદ્ભિત્તિમદાશ્રિતઃ

લક્ષયેદાત્મનશ્છાયાં મસ્તકોર્ધ્વમનાહતમ્
ધૂમવર્તિવિનિષ્ક્રાન્તાં તદ્ગતેનાન્તરાત્મના

યાતિ તન્મયતાં તત્ર યોગયુક્તો યથા યથા
તથા તથાસ્ય મહતી સાળ્વિત્તિરુપજાયતે

તતસ્તત્ર મહાતેજહ્સ્ફુરત્કિરણસંનિભમ્
પશ્યતે યત્ર દૃષ્ટેઽપિ સર્વપાપક્ષયો ભવેત્

તદસ્યાભ્યાસતો માસાત્સર્વત્ર પ્રવિસર્પતિ
જ્વાલામાલાકુલાકારા દિશઃ સર્વાઃ પ્રપશ્યતિ

ષણ્માસમભ્યસન્ યોગી સર્વજ્ઞત્વમવાપ્નુયાત્
અબ્દં દિવ્યતનુર્ભૂત્વા શિવવન્મોદતે ચિરમ્

અથ જાત્યઃ પ્રવક્ષ્યન્તે સપૂર્વાસનશાશ્વતાઃ
હ્રીં ક્ષ્લાં ક્ષ્વીં વં તથાળ્ક્ષં ચ પઞ્ચકસ્ય યથાક્રમમ્

હં યં રં લં તથા વં ચ પઞ્ચકસ્યાપરસ્ય ચ
ઋં .ઋં ળં .ળ્ં તથા ઓમૌં હઃ અમાકર્ણિકાવધૌ

કેસરેષુ ભકારાન્તા હં હાં હિં હીં ચ હું તથા
હૂં હેં હૈં ચ દલેષ્વેવં સ્વસંજ્ઞાભિશ્ચ શક્તયઃ

મણ્ડલત્રિતયે શેષં સૂક્ષ્મં પ્રેતસ્ય કલ્પયેત્
જ્રકારં શૂલશૃઙ્ગાણામિત્યેતત્પરિકીર્તિતમ્

અનુક્તાસનયોગેષુ સર્વત્રૈવ પ્રકલ્પયેત્
નમઃ સ્વાહા તથા વૌષઠું વષટ્ફટ્ચ

પ્રાયશ્ચિત્તેષુ સર્વેષુ જપેન્માલામખણ્ડિતામ્
ભિન્નાં વાપ્યથવાભિન્નામતિક્રમબલાબલમ્

સકૃજ્જપાત્સમારભ્ય યાવલ્લક્ષત્રયં પ્રિયે
પ્રાણવૃત્તિનિરોધેન તતઃ પરતરં ક્વ ચિત્

સદા ભ્રમણશીલાનાં પીઠક્ષેત્રાદિકં બહિઃ
પ્રયોગં સંપ્રવક્ષ્યામિ સુખસિદ્ધિફલપ્રદમ્

નાસાક્રાન્તં મહાપ્રાણં દણ્ડરૂપં સબિન્દુકમ્
તદ્વદ્ગુહ્યં ચ કુર્વીત વિદ્યેયં દ્વ્યક્ષરા મતા

અસ્યાઃ પૂર્વોક્તવિધિના કૃતસેવઃ પ્રસન્નધીઃ
પીઠાદિકં ભ્રમેત્સિદ્ધ્યૈ નાન્યથા વીરવન્દિતે

તત્પ્રદેશં સમાસાદ્ય મન્ત્રૈરાત્માનમાદરાત્
વિદ્યયા વેષ્તયેત્સ્થાનં રક્તસૂત્રસમાનયા

બહુધાનન્યચિત્તસ્તુ સબાહ્યાભ્યન્તરં બુધઃ
તતસ્તત્ર ક્વ ચિત્ક્ષેત્રે યોગિન્યો ભીમવિક્રમાઃ

સમાગત્ય પ્રયચ્છન્તિ સંપ્રદાયં સ્વકં સ્વકમ્
યેનાસૌ લબ્ધમાત્રેણ સંપ્રદાયેન સુવ્રતે

તત્સમાનબલો ભૂત્વા ભુઙ્ક્તે ભોગાન્ યથેપ્સિતાન્
અથવા કૃતસેવસ્તુ લક્ષમેકં જપેત્સુધીઃ

તર્પયિત્વા દશાંશેન ક્ષુદ્રકર્મસુ યોજયેત્
તત્રોચ્ચારિતમાત્રેયં વિષક્ષયકરી ભવેત્

ચક્રવભ્રમમાણૈષા યોનૌ રક્તાં વિચિન્તયેત્
ગમાગમક્રમાદ્વાપિ વિન્દ[લચુન]વારિતા

તત્રસ્થશ્ચાશુ સંઘાતવિઘાતાકુઞ્ચનેન તુ
ક્ષણાદનન્યચિત્તસ્તુ ક્ષોભયેદુર્વશીમપિ

કૃતસેવવિધિર્વાથ લક્ષત્રયજપેન તુ
મહતીં શ્રિયમાધત્તે પદ્મશ્રીફલતર્પિતા

ષડુત્થાસનસંસ્થાના સાધિતાપ્યુક્તવર્ત્મના
સર્વસિદ્ધિકરી દેવી મન્ત્રિણામુપજાયતે

શૂલપદ્મવિધિં મુક્ત્વા નવાત્માદ્યં ચ સપ્તકમ્
ષડુત્થમાસનં દદ્યાત્સર્વચક્રવિધૌ બુધઃ

કુદ્રા ચ મહતી યોજ્યા હૃદ્બીજેનોપચારકમ્
અથાન્યત્સંપ્રવક્ષ્યામિ સ્વપ્નજ્ઞાનમનુત્તમમ્

હૃચ્ચક્રે તન્મયો ભૂત્વા રાત્રૌ રાત્રાવનન્યધીઃ
માસાદૂર્ધ્વં મહાદેવિ સ્વપ્ને યત્કિંચિદીક્ષતે

તત્તથ્યં જાયતે તસ્ય ધ્યાનયુક્તસ્ય યોગિનઃ
તત્રૈવ યદિ કાલસ્ય નિયમેન રતો ભવેત્

તદા પ્રથમયામે તુ વત્સરેણ શુભાશુભમ્
ષટ્ત્રિમાસેન ક્રમશો દ્વિતીયાદિષ્વનુક્રમાત્

અરુણોદયવેલાયાં દશાહેન ફલં લભેત્
સંકલ્પપૂર્વકેઽપ્યેવં પરેષામાત્મનોઽપિ વા

ક્વ ચિત્કાર્યે સમુત્પન્ને સુપ્તજ્ઞાનમુપાક્રમેત્
ઇત્યેતત્કથિતં દેવિ સિદ્ધયોગીશ્વરીમતમ્

નાતઃ પરતરં જ્ઞાનં શિવાદ્યવનિગોચરે
ય એવં તત્ત્વતો વેદ સ શિવો નાત્ર સંશયઃ

તસ્ય પાદરજઃ મૂર્ધ્નિ ધૃતં પાપપ્રશાન્તયે
એતચ્છ્રુત્વા મહાદેવી પરં સંતોષમાગતા

એવં ક્ષમાપયામાસ પ્રણિપત્ય પુનઃ પુનઃ
ઇતિ વઃ સર્વમાખ્યાતં માલિનીવિજયોત્તરમ્

મમૈતત્કથિતં દેવ્યા યોગામૃતમનુત્તમમ્
ભવદ્ભિરપિ નાખ્યેયમશિષ્યાણામિદં મહત્

ન ચાપિ પરશિષ્યાણામપરીક્ષ્ય પ્રયત્નતઃ
સર્વથૈતત્સમાખ્યાતં યોગાભ્યાસરતાત્મનામ્

પ્રયાતાનાં વિનીતાનાં શિવૈકાર્પિતચેતસામ્
કાર્તિકેયાત્સમાસાદ્ય જ્ઞાનામૃતમિદં મહત્

મનયો યોગમભ્યસ્ય પરાં સિદ્ધિમુપાગતાઃ