મૈત્રેયવ્યાકરણ · શ્લોક 87-4

છત્ત્રધ્વજપતાકાનિ ગન્ધમાલ્યાનુલેપનૈઃ
શ્રુતૈશ્ ચ તૂર્યનિર્ઘોષૈઃ પ્રસન્નમનસો નરાઃ
શાસ્તુઃ પૂજાં કરિષ્યન્તિ દેવપુત્રા મહર્દ્ધિકાઃ ॥

સ ચ શક્રઃ સહસ્રાક્ષો દેવરાજો મહાદ્યુતિઃ
પ્રહૃષ્ટઃ પ્રાઞ્જલિં કૃત્વા સ્તોષ્યતે લોકનાયકમ્ ॥

નમસ્ તે પુરુષાજન્ય નમસ્ તે પુરુષોત્તમ
અનુકમ્પસ્વ જનતાં ભગવન્ન્ અગ્રપુદ્ગલ ॥

મહર્દ્ધિકો દેવપુત્રસ્ તસ્ય મારો ભવિષ્યતિ
સ ચૈવ પ્રાઞ્જલિં કૃત્વા સ્તોષ્યતે લોકનાયકમ્ ॥

બ્રાહ્મણપરિવારેણ બ્રહ્મા ચૈવ પુરસ્કૃતઃ
કથયિષ્યતિ સદ્ધર્મં બ્રહ્મઘોષમ્ ઉદીરયન્ ॥

આકીર્ણા પૃથિવી સર્વા અર્હદ્ભિશ્ ચ ભવિષ્યતિ
ક્ષીણાસ્રવૈર્ વાન્તદોષૈઃ પ્રહીણભવબન્ધનૈઃ ॥

હૃષ્ટા દેવા મનુષ્યાશ્ ચ ગન્ધર્વા યક્ષરાક્ષસાઃ
શાસ્તુઃ પૂજાં કરિષ્યન્તિ નાગાશ્ ચાપિ મહર્દ્ધિકાઃ ॥

તે ચ નૂનં ભવિષ્યન્તિ અખિલાશ્ છિન્નસંચયાઃ
છિન્નસ્રોતા અનાદીના ઉત્તીર્નાભવસાગરાઃ
બ્રહ્મચર્યં ચરિષ્યન્તિ મૈત્રેયસ્યાનુશસને ॥

તે વૈ નૂનં ભવિષ્યન્તિ અમમા અપરિગ્રહાઃ
અજાતરૂપરજતા અનિકેતા અસંસ્તવાઃ
બ્રહ્મચર્યં ચરિષ્યન્તિ મૈત્રેયસ્યાનુશસને ॥

તે વૈ નૂનં ભવિષ્યન્તિ છિન્નજાલવિશક્તિકાઃ
ધ્યાનાનિ ચોપસંપદ્ય પ્રીતિસૌખ્યસમન્વિતાઃ
બ્રહ્મચર્યં ચરિષ્યન્તિ મૈત્રેયસ્યાનુશસને ॥

ષષ્ટિવર્ષસહસ્રાણિ મૈત્રેયો દ્વિપદોત્તમઃ
દેશયિષ્યતિ સદ્ધર્મં સર્વભૂતાનુકમ્પકમ્ ॥

શતલક્ષસહસ્રાણિ પ્રાણિનં સ વિનાયકઃ
વિનયિત્વા ચ સદ્ધર્મં તતો નિર્વાણમ્ એષ્યતિ ॥

પરિનિર્વૃતસ્ય x x તસ્યૈવ x મહામુનેઃ
દશવર્ષસહસ્રાણિ સદ્ધર્મઃ સ્થાસ્યતે તદા ॥

પ્રસાદયિત્વા ચિત્તાનિ તસ્મિન્ શાક્યમુનૌ જિને
તતો દ્રક્ષ્યથ મૈત્રેયં સંબુદ્ધં દ્વિપદોત્તમમ્ ॥

ઇદમ્ આશ્ચર્યકં શ્રુત્વા ઇમામ્ ઋદ્ધિમ્ અનુત્તમામ્
કો વિદ્વાન્ ન પ્રસીદેત અતિકૃષ્ણાભિજાતિકઃ ॥

તસ્માદ્ ઇહાત્મકામેન માહાત્મ્યમ્ અભિકાઙ્ક્ષિણા
સદ્ધર્મો ગુરુકર્તવ્યઃ સ્મરતા બુદ્ધશાસનમ્ ॥

છારિપુત્ર મહાપ્રજ્ઞો ધર્મસેનાપતિર્ વિભુઃ
લોકસ્ય અનુકમ્પાર્થં શાસ્તારં પરિપૃચ્છતિ ॥

યો ઽસાવ્ અનાગતો બુદ્ધો નિર્દિષ્ટો લોકનાયકઃ
મૈત્રેય ઇતિ નામ્ના ઽસૌ સૂત્રપૂર્વાપરાન્તિકે ॥

તસ્યાહં વિસ્તરઞ્ ચૈવં શ્રોતુમ્ ઇચ્છામિ નાયક
ઋદ્ધિઞ્ ચાસ્યાનુભાવઞ્ ચ તન્ મે બ્રૂહિ નરોત્તમ ॥

અથૈનમ્ અવદચ્ છાસ્તા વ્યાકરિષ્યામ્ય્ અહં તવ
વિસ્તરન્ તસ્ય બુદ્ધસ્ય મૈત્રેયસ્ય શૃણોહિ મે ॥