મૈત્રેયવ્યાકરણ · શ્લોક 5-24

ઉદધિસ્ તેન કાલેન દ્વાત્રિંશત્શતયોજનઃ
શોષમ્ આયાસ્યતે યસ્માચ્ ચક્રવર્તી યથા હ્ય્ અસૌ ॥

દશયોજનસાહસ્રા જમ્બુદ્વીપો ભવૈષ્યતિ
આલયઃ સર્વભૂતાનાં વિસ્તરેણ સમન્તતઃ ॥

ઋદ્ધિસ્ફીતા જનપદા અદણ્ડા અનુપદ્રવાઃ
તત્ર કાલે ભવિષ્યન્તિ નરાસ્ તે શુભકર્મિનઃ ॥

અકણ્ટકા વસુમતી સમાહરિતશાદ્વલા
ઉન્નમન્તી નમન્તી ચ મૃદુતૂલપિચૂપમા ॥

અકૃષ્ટોત્પદ્યતે શાલિ મધુનાશ્ ચ સુગન્ધિ ચ
ચૈલવૃક્ષા ભવિષ્યન્તિ નાનારઙ્ગોપશોભિતાઃ ॥

પુષ્પપત્રફલોત્પતા વૃક્ષાશ્ ચ ક્રોશમ્ ઉચ્છ્રિતાઃ
અશીતિવર્ષસહસ્રાણિ આયુસ્ તેષાં ભવિષ્યતિ ॥

નિરામયાશ્ ચ તે સત્વા વીતશોકા મહોત્સવાઃ
વર્ણવન્તો મહાશખ્યા મહાનાગબલાચ્ ચિતાઃ ॥

ત્રયા રોગા ભવિષ્યન્તિ ઇચ્છા અનશનં જરા
પઞ્ચવર્ષશતા કન્યા સ્વામિનમ્ વરયિષ્યતિ ॥

તદા કેતુમતી નામ રાજધાની ભવિષ્યતિ
આવાસઃ શુદ્ધસત્વાનાં પ્રાણિનાં શુભકર્મિણમ્ ॥

યોજનદ્વાદશાયામં સપ્તયોજનવિસ્તરમ્
નગરં કૃતપુણ્યાનાં ભવિષ્યતિ મનોરમમ્ ॥

સપ્તરત્નમયાશ્ ચૈવ પ્રકારાઃ ક્રોશમ્ ઉચ્ચિતાઃ
ઇષ્ટકા દ્વારખણ્ડાનાં નાનારત્નવિભૂષિતાઃ ॥

પરિષાશ્ ચ ભવિષ્યન્તિ રત્ન ઇષ્ટકસંચિતાઃ
પદ્મોત્પલસમાન્ કીર્ણાશ્ ચક્રવાકોપશોભિતાઃ ॥

સમન્તતઃ પરિવૃતાઃ સપ્તભિસ્ તલાપઙ્ક્તિભિઃ
ચતૂરત્નમયાસ્ તાલાઃ કિંકિણી જાલશોભિતાઃ ॥

વાતેનેરિતતાલેભ્યસ્ તદા શ્રુતિ મનોહરાઃ
ભવિષ્યન્તિ શુભા શબ્દા તૂર્યાસ્ પઞ્ચાઙ્ગિકા ઇવ ॥

યે ચ તસ્મિન્ પુરે મર્ત્યાઃ ક્રીડારતિસુખાન્વિતાઃ
તેનૈવ તાલશબ્દેન ક્રીડિષ્યન્તિ પ્રમોદિતાઃ ॥

પુષ્કરિણો ભવિષ્યન્તિ કુમુદોત્પલસંચેતાઃ
ઉદ્યાનવનસંપન્નં ભવિષ્યતિ ચ તત્ પુરમ્ ॥

ભવિષ્યતિ તદા રાજા શમ્ખો નામ મહાદ્યુતિઃ
મહાબલચક્રવર્તી ચતુર્દ્વીપેશ્વરઃ પ્રભુઃ ॥

ચતુરઙ્ગબલોપેતઃ સપ્તરત્નસમન્વિતઃ
પૂર્ણસહસ્રપુત્રાણાં તસ્ય રાજ્ઞો ભવિષ્યતિ ॥

ઇમાં સમુદ્રપર્યન્તામ્ અદણ્ડેન વસુન્ધરામ્
પાલયિષ્યતિ ધર્મેણ સમેન સ નરાધિપઃ ॥

મહાનિધાનાશ્ ચત્વારો નયુતશતલક્ષિતાઃ
ભવિષ્યન્તિ તદા તસ્ય રાજ્ઞઃ શંખસ્ય ભૂપતેઃ ॥