મૈત્રેયવ્યાકરણ (અન્ય આવૃત્તિ) · શ્લોક 61-80

શ્રુત્વા નરપતિ રાજા શઙ્ખો નામ મહાયશાઃ ।
દત્વા દાનમસંખ્યેયં પ્રવ્રજ્યાં નિષ્ક્રમિષ્યતિ

અશીતિભિશ્ચતુર્ભિશ્ચ સહસ્રૈઃ પરિવારિતઃ ।
નરાધિપો વિનિષ્ક્રમ્ય પ્રવ્રજ્યામુપયાસ્યતિ

અનેનૈવ પ્રમાણેન માનવાનાં પુરસ્કૃતઃ ।
મૈત્રેયસ્ય પિતા તત્ર પ્રવ્રજ્યાં નિષ્ક્રમિષ્યતિ

તતો ગૃહપતિસ્તત્ર સુધનો નામ વિશ્રુતઃ ।
પ્રવ્રજિષ્યતિ શુદ્ધાત્મા મૈત્રેયસ્યાનુશાસને

સ્ત્રીરત્નમથ શઙ્ખસ્ય વિશાખા નામ વિશ્રુતા ।
અશીતિભિશ્ચતુર્ભિશ્ચ સહસ્રૈઃ સંપુરષ્કૃતા ॥
નારીણામભિનિષ્ક્રમ્ય પ્રવ્રજ્યાં રોચયિષ્યતિ

પ્રાણિનઃ તત્ર સમયે સહસ્રાણિ શતાનિ ચ ।
પ્રવ્રજ્યામુપયાસ્યન્તિ મૈત્રેયસ્યાનુશાસને

સુપુષ્પિતે ઽસ્મિન્નુદ્યાને સન્નિપાતો ભવિષ્યતિ ।
સમન્તતો યોજનશતં પર્ષત્ તસ્ય ભવિષ્યતિ

તતઃ કારુણિકઃ શાસ્તા મૈત્રેયઃ પુરુષોત્તમઃ ।
સમિતિં વ્યવલોક્યાથ ઇમમર્થં પ્રવક્ષયતિ

સર્વેતે શાક્યસિંહેન ગુણિશ્રેષ્ઠેણ ત્રાયિના ।
અર્થતો લોકનાથેન દૃષ્ટ્વા સદ્ધર્મધાતુના ।
રોપિતા મોક્ષમાર્ગેણ વિક્ષિપ્તા મમ શાસને

છત્રધ્વજપતાકાભિર્ગન્ધમાલ્યવિલેપનૈઃ ।
કૃત્વા સ્તૂપેષુ સત્કારં આગતા હિ મમાન્તિકમ્

સંઘે દત્વા ચ દાનાનિ ચીવરં પાનભોજનં ।
વિવિધં ગ્લાનભૈષજ્યં આગતા હિ મમાન્તિકમ્

કુંકુમોદકસેકં ચ ચન્દનેનાનુલેપનં ।
દત્વા શાક્યમુનેઃ સ્તૂપેષ્વાગતા હિ મમાન્તિકમ્

શિક્ષાપદાનિ ચાધાય શાક્યસિંહસ્ય શાસને ।
પરિપાલય યથાભૂતં આગતા હિ મમાન્તિકમ્

ઉપોષધં ઉપોષ્યેહ આર્યમષ્ટાઙ્ગિકં શુભં ।
ચતુર્દશીં પઞ્ચદશીં પક્ષસ્યેહાષ્ટમીં તથા ।
પ્રાતિહારિકપક્ષં ચાષ્યષ્ટાઙ્ગં સુસમાહિતં

શીલાનિ ચ સમાદાય સંપ્રાપ્તાનિ ચ શાસનમ્ ।
બુદ્ધં ધર્મેં ચ સંઘં ચ સત્ત્વાસ્તે શાસનં ગતાઃ ॥
કૃત્વા ચ કુશલં કર્મ મચ્છાસનમુપાગતાઃ

તેનૈતે પ્રેષિતાઃ સત્ત્વા પ્રતિષ્ટાશ્ચ મયાપ્યમી ।
ગણિશ્રેષ્ઠેણ મુનિના પરીતા ભૂરિમેધસા

પ્રસન્નાં જનતાં દૃષ્ટ્વા સત્યાનિ કથયિષ્યતિ ।
શ્રુત્વા ચ તે તતો ધર્મં પ્રાપ્સ્યન્તિ પદમુત્તમમ્

પ્રાતિહાર્યત્રયેણાસૌ શ્રાવકાન્વિનયિષ્યતિ ।
સર્વેતે આસ્રવાસ્તત્ર ક્ષિપયિષ્યન્તિ સુરતાઃ

પ્રથમઃ સન્નિપાતોસ્ય શ્રાવકાણાં ભવિષ્યતિ ।
પૂર્ણાઃ ષણ્ણવતિકોટ્યઃ શ્રાવકાણાં ભવચ્છિદાં

દ્વિતીયઃ સન્નિપાતોસ્ય શ્રાવકાણાં ભવિષ્યતિ ।
પૂર્ણાશ્ચતુર્નવતિ કોટ્યઃ શાન્તાનાં ભૂરિમેધસાં