મૈત્રેયવ્યાકરણ (અન્ય આવૃત્તિ) · શ્લોક 41-60

તતસ્તૂર્ય સહસ્રેષુ વાદ્યમાનેષુ તત્પુરં ।
પ્રવિષ્ટમાત્રે મૈત્રેયે પુષ્પવર્ષં પતિષ્યતિ

દૃષ્ટૈવં પુત્રં સુબ્રહ્મા દ્વાત્રિંશદ્વરલક્ષણમ્ ।
પ્રત્યવીક્ષાથ મન્ત્રેષુ તદા પ્રીતો ભવિષ્યતિ

ગતિદ્વયં કુમારસ્ય યથા મન્ત્રેષુ દૃશ્યતે ।
નરાધિપશ્ચક્રવર્ત્તી બુદ્ધો વા દ્વિપદોત્તમઃ

સ ચ યૌવનસંપ્રાપ્તો મૈત્રેયઃ પુરુષોત્તમઃ ।
ચિન્તયિષ્યતિ ધર્માત્મા દુઃખિતા ખલ્વિયં પ્રજાઃ

બ્રહ્મખરો મહાઘોષો હેમવર્ણો મહાદ્યુતિઃ ।
વિશાલવક્ષઃ પીનાંસઃ પદ્મપત્રનિભેક્ષણઃ

હસ્તઃ પઞ્ચાશદુચ્છ્રાય તસ્ય કાયો ભવિષ્યતિ ।
વિસૃતશ્ચ તતો ઽર્દ્ધેણ શુભવર્ણસમુચ્છ્રયઃ

અશીતિભિશ્ચતુર્ભિશ્ચ સહસ્રૈઃ સંપુરસ્કૃતઃ ।
માનવાનાં સ મૈત્રેયો મન્ત્રાનધ્યાપયિષ્યતિ

અથ શંખો નરપતિઃ યૂપમુચ્છ્રાપયિષ્યતિ ।
તિર્યઞ્ચ ષોડશવ્યામં ઊર્દ્ધ્વ વ્યામસહસ્રકમ્

સ તં યૂપં નરપતિર્નાનારત્નવિભૂષિતં ।
પ્રદાસ્યતિ દ્વિજાતિભ્યો યજ્ઞં કૃત્વા પુરઃસરં

તઞ્ચ રત્નમયં યૂપં દત્તમાત્રં મનોરમં ।
બ્રાહ્મણાણાં સહસ્રાણિ વિકિરિષ્યન્તિ તત્ક્ષણાત્

યૂપસ્યતસ્ય મૈત્રેયો દૃષ્ટ્વા ચૈતામનિત્યતાં ।
કૃતસ્રં વિચિન્ત્ય સંસારં પ્રવ્રજ્યાં રોચયિષ્યતિ

યત્વહં પ્રવ્રજિત્વેહ સ્પૃશેયમમૃતં પદં ।
વિમોચયેયં જનતાં વ્યાધિમૃત્યુજરાભયાત્

અશીતિભિઃ સહસ્રૈસ્સ ચતુર્ભિશ્ચ પુરસ્કૃતઃ ।
નિષ્ક્રમિષ્યતિ મૈત્રેયઃ પ્રવ્રજ્યામગ્રપુગ્દલઃ

નાગવૃક્ષસ્તદા તસ્ય બોધિવૃક્ષો ભવિષ્યતિ ।
પઞ્ચાશદ્યોજનાન્યસ્ય શાખા ઊર્દ્ધં સમુચ્છ્રિતાઃ

નિષદ્ય તસ્ય ચાધસ્તાન્મૈત્રેયઃ પુરુષોત્તમઃ ।
અનુત્તરાં શિવાં બોધિં સમવાપ્સ્યતિ નાયકઃ

યસ્યામેવ ચ રાત્રૌ સ પ્રવ્રજ્યાં નિષ્ક્રમિષ્યતિ ।
તસ્યાં એવ ચ રાત્રૌ હિ પરાં બોધિમવાપ્સ્યતિ

અષ્ટાઙ્ગોપેતયા વાચા તતઃ સ પુરુષોત્તમઃ ।
દેશયિષ્યતિ સદ્ધર્મં સર્વદુઃખાપહં શિવમ્

પ્રસન્નાં જનતાં દૃષ્ટ્વા સત્યાનિ કથયિષ્યતિ ।
દુઃખં દુઃખસમુત્પાદં દુઃખસ્ય સમતિક્રમં

આર્યં ચાષ્ટાઙ્ગિકં માર્ગં ક્ષેમં નિર્વાણગામિનં ।
તં ચાપિ ધર્મં સંશ્રુત્ય પ્રતિપત્સ્યન્તિ શાસને

ઉદ્યાને પુષ્પસંચ્છન્ને સન્નિપાતો ભવિષ્યતિ ।
પૂર્ણં ચ યોજનશતં પર્ષત્તસ્ય ભવિષ્યતિ