મૈત્રેયવ્યાકરણ (અન્ય આવૃત્તિ) · શ્લોક 21-40

શઙ્ખોનામ નૃપસ્તત્ર મહાતેજા ભવિષ્યતિ ।
ચતુર્દ્વીર્પાધિપેશ્વરશ્ચક્રવર્ત્તી મહાબલઃ

સપ્તરત્નસમન્વિતશ્ચતુરઙ્ગબલાધિપઃ ।
સહસ્રં હિ જનિષ્યન્તે પુત્રાસ્તદાસ્ય ભૂપતેઃ

પૃથિવીં સાગરાન્તાઞ્ચ સ પરિપાલયિષ્યતિ ।
યથાધર્મદણ્ડેણ નરાધિપો હિ તદ્યથા

ચતુર્મહાનિધિસ્તદા શઙ્ખાખ્યસ્ય ચ ભૂપતેઃ ।
રત્નાનાં શતકોટીનાં રાજ્ઞસ્તદા હિ લોક્યતે

પિઙ્ગલશ્ચ કલિઙ્ગેષુ મિથિલાયામ્ ચ પાણ્ડુકઃ ।
એલપત્રશ્ચ ગાન્ધારે શંખો વારાણસીપુરે

ચતુર્ભિરેભિનિધિભિસ્સ રાજા સુસમન્વિતઃ ।
ભવિષ્યતિ મહાવીરઃ શતપુણ્યબલોદિતઃ

બ્રાહ્મણસ્તસ્ય રાજ્ઞાશ્ચ સુબ્રહ્મણઃ પુરોહિતઃ ।
બહુશ્રુતશ્ચતુર્વેદસ્તસ્યોપાધ્યાયો ભવિષ્યતિ

અધ્યાપકો મન્ત્રધરઃ સ્મૃતિમાન્ વેદપારગઃ ।
કૈટભે સનિઘણ્ટે ચ પદવ્યાકરણે તથા

તદા બ્રહ્માવતી નામ તસ્ય ભાર્યા ભવિષ્યતિ ।
દર્શનીયા પ્રાસાદિકા અભિરૂપા યશસ્વિની

તુષિતેભ્યશ્ચયવિત્વા તુ મૈત્રેયો હ્યગ્રપુગ્દલઃ ।
તસ્યાઃ કુક્ષૌ સ નિયતં પ્રતિસન્ધિં ગ્રહીષ્યતિ

દશમાસાંશ્ચ નિખિલાં ધારયિત્વા મહાદ્યૂતિં ।
સુપુષ્પિતેસ્મિન્નુદ્યાને મૈત્રેયજનની તતઃ

ન નિષણ્ણા નિપન્ના વા સ્થિતા સા ધર્મચારિણી ।
દ્રુમસ્ય શાખામાલમ્વ્ય મૈત્રેયં જનયિષ્યતિ

નિષ્ક્રમિષ્યતિ પાર્શ્વેન દક્ષિણેન નરોત્તમઃ ।
અભ્રકૂટાદ્યથા સૂર્યો નિર્ગતશ્ચ પ્રભાવ્યતે ॥ મ્વ્યા_32* ॥
અલિપ્તો ગર્ભપઙ્કેન કુશેશયમિવામ્વુના ।
ત્રૈધાતુકમિદં સર્વં પ્રભયા પૂરયિષ્યતિ

પ્રીતો ઽથ તં સહસ્રાક્ષો દેવરાજા શચીપતિઃ ।
જાયમાનં ગ્રહીતા ચ મૈત્રેયં દ્વિપદોત્તમમ્

પદાનિ જાતમાત્રશ્ચ સપ્તાસૌ પ્રકમિષ્યતિ ।
પદે પદે નિધાનઞ્ચ પદ્મં પદ્મં ભવિષ્યતિ

દિશશ્ચતસ્રશ્ચોદ્વીક્ષ્ય વાચં પ્રવ્યાહરિષ્યતિ ।
ઇયં મે પશ્ચિમા જાતિ નાસ્તિ ભૂયઃ પુનર્ભવઃ ।
ન પુનરભા ગમિષ્યામિ નિર્વાસ્યામિ નિરાસ્રવઃ

સંસારાર્ણવમગ્નાનાં સત્ત્વાનાં દુઃખભાગિનાં ।
તૃષ્ણાબન્ધનબદ્ધાનાં કરિષ્યામિ વિમોચનમ્

શ્વેતં ચાસ્ય સુરાશ્છત્રં ધારયિષ્યન્તિ મૂર્ધનિ ।
શીતોષ્ણવારિધારાભ્યાં નાગેન્દ્રૌ સ્નાપયિષ્યતઃ

પ્રતિગૃહ્ય ચ તં ધાત્રી દ્વાત્રિંશદ્વરલક્ષણમ્ ।
શ્રિયા જ્વલન્તં મૈત્રેયં માત્રે સમુપનેષ્યતિ

મનોરમાં ચ શિવિકાં નાનારત્નવિભૂષિતાં ।
આરૂઢાં પુત્રસહિતાં વહિષ્યન્તિ ચ દેવતા