મહાયાનસૂત્રાલંકાર (અન્ય આવૃત્તિ) · અધ્યાય 6

મહાયાનસૂત્રાલંકારે પ્રતિપત્ત્યધિકારઃ પઞ્ચમઃ
ષષ્ઠો ઽધિકારઃ
પરમાર્થલક્ષણવિભાગે શ્લોકઃ ।
ન સન્ન ચાસન્ન તથા ન ચાન્યથા ન જાયતે વ્યેતિ ન ચાવહીયતે ।
ન વર્ધતે નાપિ વિશુધ્યતે પુનર્વિશુધ્યતે તત્પરમાર્થલક્ષણમ્

ન ચાત્મદૃષ્ટિઃ સ્વયમાત્મલક્ષણા ન ચાપિ દુઃસંસ્થિતતા વિલક્ષણા ।
દ્વયાન્ન ચાન્યદ્ ભ્રમ એષત[તૂ]દિતસ્તતશ્ચ મોક્ષો ભ્રમમાત્રસંક્ષયઃ

કથં જનો વિભ્રમમાત્રમાશ્રિતઃ પરૈતિ દુઃખપ્રકૃતિં ન સંતતામ્ ।
અવેદકો વેદક એવ દુઃખિતો ન દુઃખિતો ધર્મમયો ન તન્મયઃ

પ્રતીત્યભાવપ્રભવે કથં જનઃ સમક્ષવૃત્તિઃ શ્રયતે ઽન્યકારિતમ્ ।
તમઃ પ્રકારઃ કતમો ઽયમીદૃશો યતો ઽવિપશ્યન્સદસન્નિરીક્ષતે

ત ચાન્તરં કિંચન વિદ્યતે ઽનયોઃ સદર્થવૃત્ત્યા શમજન્મનોરિહ ।
તથાપિ જન્મક્ષયતો વિધીયતે શમસ્ય લાભઃ શુભકર્મકારિણામ્

સંભૃત્ય સંભારમનન્તપારં જ્ઞાનસ્ય પુણ્યસ્ય ચ બોધિસત્ત્વઃ ।
ધર્મેષુ ચિન્તાસુવિનિશ્રિ[શ્ચિ]તત્વાજ્જલ્પાન્વયામર્થગતિં પરૈતિ

અર્થાન્સ વિજ્ઞાય ચ જલ્પમાત્રાન્ સંતિષ્ઠતે તન્નિભચિત્તમાત્રે ।
પ્રત્યક્ષતામેતિ ચ ધર્મધાતુસ્તસ્માદ્વિયુક્તોદ્વયલક્ષણેન

નાસ્તીતિ ચિત્તાત્પરમેત્ય બુદ્ધ્યા ચિત્તસ્ય નાસ્તિત્વમુપૈતિ તસ્માત્ ।
દ્વયસ્ય નાસ્તિત્વમુપેત્ય ધીમાન્ સંતિષ્ઠતે ઽતદ્ગતિધર્મઘાતૌ

અકલ્પનાજ્ઞાનબલેન ધીમતઃ સમાનુયાતેન સમન્તતઃ સદા ।
તદાશ્રયો ગહ્વરદોષસંચયો મહગદેનેવ વિષં નિરસ્યતે

મુનિવિહિતસુધર્મસુવ્યવસ્થો મતિમુપધાય સમૂલધર્મધાતૌ ।
સ્મૃતિમ[ગ]તિમવગમ્ય કલ્પમાત્રાં વ્રજતિ ગુણાર્ણવપારમાશુધીરઃ