મહાયાનસૂત્રાલંકાર (અન્ય આવૃત્તિ) · અધ્યાય 3

મહાયાનસૂત્રાલંકારે શરણગમનાધિકારો દ્વિતીયઃ
તૃતીયો ઽધિકારઃ
ગોત્રપ્રભેદસંગ્રહશ્લોકઃ
સત્ત્વાગ્રત્વં સ્વભાવશ્ચ લિઙ્ગં ગોત્રપ્રભેદતા ।
આદીનવો ઽનુશંસશ્ચ દ્વિધૌપમ્યં ચતુર્વિધા

ધાતૂનામધિમુક્તેશ્ચ પ્રતિપત્તેશ્ચ ભેદતઃ ।
ફલભેદોપલબ્ધેશ્ચ ગોત્રાસ્તિત્વં નિરૂપ્યતે

ઉદગ્રત્વે ઽથ સર્વત્વે મહાર્થત્વે ઽક્ષયાય ચ ।
શુભસ્ય તત્રિમિત્તત્વાત્ ગોત્રાગ્રત્વં વિધીયતે

પ્રકૃત્યા પરિપુષ્ટં ચ આશ્રયશ્ચાશ્રિતં ચ તત્ ।
સદસચ્ચૈવ વિજ્ઞેયં ગુણોત્તારણતાર્થતઃ

કારુણ્યમધિમુક્તિશ્ચ ક્ષાન્તિશ્ચાદિપ્રયોગતઃ ।
સમાચારઃ સુભસ્યાપિ ગોત્રેલિઙ્ગં નિરુપ્યતે

નિયતાનિયતં ગોત્રમહાર્યં હાર્યમેવ ચ ।
પ્રત્યૈર્ગોત્રભેદો ઽયં સમાસેન ચતુર્વિધઃ

ક્લેશાભ્યાસઃ કુમિત્રત્વં વિધાતઃ પરતન્ત્રતા ।
ગોત્રસ્યાદીનવો જ્ઞેયઃ સમાસેન ચતુર્વિધઃ

ચિરાદપાયગમનમાશુમોક્ષશ્ચ તત્ર ચ ।
તનુદુઃખોપસંવિત્તિઃ સોદ્વેગા સત્ત્વપાચના

સુવર્ણગોત્રવત્ જ્ઞેયમમેયશુભતાશ્રયઃ ।
જ્ઞાનનિર્મલતાયોગપ્રભાવાણાં ચ નિશ્રયઃ

સુરત્નગોત્રવત્જ્ઞેયં મહાબોધિનિમિત્તતઃ ।
મહાજ્ઞાનસમાધ્યાર્યમહાસત્ત્વાર્થનિશ્રયાત્

ઐકાન્તિકો દુશ્ચરિતે ઽસ્તિ કશ્ચિત્ કશ્ચિત્ સમુદ્ઘાતિતશુક્લધર્મા ।
અમોક્ષભાગીયશુભો ઽસ્તિ કશ્ચિન્ નિહીનશુક્લો ઽસ્ત્યપિ હેતુહીનઃ

ગામ્ભીર્યૌદાર્યવાદે પરહિતકરણાયોદિતે દીર્ઘધર્મે અજ્ઞાત્વૈવાધિમુક્તિર્ભવતિ સુવિપુલા સંપ્રપત્તિક્ષમા ચ ।
સંપત્તિશ્ચાવસાને દ્વયગતપરમા યદ્ભવત્યેવ તેષાં તજ્જ્ઞેયં બોધિસત્ત્વપ્રકૃતિગુણવતસ્તત્પ્રપુષ્ટાચ્ચ ગોત્રાત્

સુવિપુલગુણબોધિવૃક્ષવૃદ્ધ્યૈ ધનસુખદુઃખશમોપલબ્ધયે ચ ।
સ્વપરહિતસુખક્રિયા ફલત્વાદ્ ભવતિ સમુદગ્ર[સમૂલમુદગ્ર]ગોત્રમેતત્