મહાયાનસૂત્રાલંકાર (અન્ય આવૃત્તિ) · અધ્યાય 2

મહાયાનસૂત્રાલંકારે મહાયાનસિદ્ધ્યધિકારઃ પ્રથમઃ
દ્વિતીયો ઽધિકારઃ
શરણગમનવિશેષસંગ્રહશ્લોકઃ ।
રત્નાનિ યો હિ શરણપ્રગતો ઽત્ર યાને જ્ઞેયઃ સ એવ પરમઃ શરણ[ણં] ગતાનામ્ ।
સર્વત્રગાભ્યુપગમાધિગમાભિભૂતિભેદૈશ્ચતુર્વિધમયાર્થવિશેષણેન

યસ્માદાદૌ દુષ્કર એષ વ્યવસાયો દુઃસાધો ઽસૌ નૈકસહસ્રૈરપિ કલ્પૈઃ ।
સિદ્ધો યસ્માત્સત્ત્વહિતાધાનમહાર્થસ્ તસ્માદગ્રે યાન ઇહાગ્રશરણાર્થઃ

સર્વાન્ સત્ત્વાંસ્તારયિતું યઃ પ્રતિપન્નો યનો જ્ઞાને સર્વગતે કૌશલ્યયુક્તઃ ।
યો નિર્વાણે સંસરણે ઽપ્યેકરસો ઽસૌ [સંસૃતિશાન્ત્યેકરસો ઽસૌ] જ્ઞેયો ધીમાનેષ હિ સર્વત્રગ એવમ્

શરણગતિમિમાં ગતો મહાર્થાં ગુણગણવૃદ્ધિમુપૈતિ સો ઽપ્રમેયામ્ ।
સ્ફુરતિ જગદિદં કૃપાશયેન પ્રથયતિ ચાપ્રતિમં મહા[ર્ધં]ધર્મમ્