મહાયાનસૂત્રાલંકાર (અન્ય આવૃત્તિ) · અધ્યાય 10

મહાયાનસૂત્રાલંકારે બોધ્યધિકારો નવમઃ
દશમોધિકારઃ
ઉદ્દાનમ્
આદિઃ સિદ્ધિઃ શરણં ગોત્રં ચિત્તે તથૈવ ચોત્પાદઃ ।
સ્વપરાર્થસ્તત્વાર્થઃ પ્રભાવપરિપાકબોધિશ્ચ

જાતા જાતા ગ્રાહિકા ગ્રાહ્યભૂતા મિત્રાદાત્તા સ્વાત્મતો ભ્રાન્તિકા ચ ।
અભ્રાન્તાન્યા આમુખા નૈવ ચાન્યા ઘોષાચારા ચૈષિકા ચેક્ષિકા ચ

હાર્યા કીર્ણાઽવ્યાવકીર્ણા વિપક્ષૈર્હીનોદારા આવૃતાઽનાવૃતા ચ ।
યુક્તાઽયુક્તા સંભૃતાઽસંભૃતા ચ ગાઢં વિષ્ટા દૂરગા ચાધિમુક્તિઃ

અમનસ્કારબાહુલ્યં કૌશીદ્યં યોગવિભ્રમઃ ।
કુમિત્રં શુભદૌર્બાલ્યમયોનિશોમનસ્ક્રિયા

પ્રમાદો ઽલ્પશ્રુતત્વં ચ શ્રુતચિન્તાલ્પતુષ્ટતા ।
શમમાત્રાભિમાનશ્ચ તથા ઽપરિજયો મતઃ

અનુદ્વેગસ્તથોદ્વેગ આવૃતિશ્ચાપ્યયુક્તતા ।
અસંભૃતિશ્ચ વિજ્ઞેયાઽધિમુક્તિપરિપન્થતા

પુણ્યં મહદકૌકૃત્યં સૌમનસ્યં સુખં મહત્ ।
અવિપ્રણાશઃ સ્થૈર્યં ચ વિશેષગમનં તથા

ધર્માભિસમયશ્ચાથ સ્વપરાર્થાપ્તિરૂત્તમા ।
ક્ષિપ્રાભિજ્ઞત્વમેતે હિ અનુશંસાધિમુક્તિતઃ

કામિનાં સા શ્વસદૃશી કૂર્મપ્રખ્યા સમાધિનામ્ ।
ભૃત્યોપમા સ્વાર્થિનાં સા રાજપ્રખ્યા પરાર્થિનામ્

તથા કામિસ્થાતૃસ્વપરજનકૃત્યાર્થમુદિતે વિશેષો વિજ્ઞેયઃ સતતમધિમુક્તયા વિવિધયા ।
મહાયાને તસ્ય વિધિવદિહ મત્વા પરમતાં ભૃશં તસ્મિન્ ધીરઃ સતતમિહ તાભેવ વૃણુયાત્

મનુષ[ષ્ય] ભૂતાઃ સંબોધિં પ્રાપ્નુવન્તિ પ્રતિક્ષણમ્ ।
અપ્રમેયા યતઃ સત્ત્વા લયં નાતો ઽધિવાસયેત્

યથા પુણ્યં પ્રસવતે પરેષાં ભોજનં દદત્ ।
ન તુ સ્વયં સ ભુઞ્જાનસ્તથા પુણ્યમહોદયઃ

સૂત્રોક્તો લભ્યતે ધર્માત્પરાર્થાશ્રયદેશિતાત્ ।
ન તુ સ્વાર્થાશ્રયાદ્ધર્માદ્દેશિતાદુપલભ્યતે

ઇતિ વિપુલગતૌ મહોઘ[મહાર્ય]ધર્મે જનિય[પરિજનયન્?] સદા મતિંમાન્મહાધિમુક્તિમ્ ।
વિપુલસતતપુણ્યતદ્વિવૃદ્ધિં વ્રજતિ ગુણૈરસમૈર્મહાત્મતાં ચ