મહાસુભાષિતસંગ્રહ · શ્લોક 7072-7091

... ... ... ।
ઉપધિત્રયશુદ્ધિતોઽસ્ય કિં કનકસ્યેવ પરં પરીક્ષણમ્ ॥

ઉપધિવસતિપિણ્ડાન્ ગૃહ્ણતે નો વિરુદ્ધાંસ્ તનુવચનમનોભિઃ સર્વથા યે મુનીન્દ્રાઃ ।
વ્રતસમિતિસમેતા ધ્વસ્તમોહપ્રપઞ્ચા દદતુ મમ વિમુક્તિં તે હતક્રોધયોધાઃ ॥

ઉપનતભયે યો યો માર્ગો હિતાર્થકરો ભવેત્ સ સ નિપુણયા બુદ્ધ્યા સેવ્યો મહાન્ કૃપણોઽપિ વા ।
કરિકરનિભૌ જ્યાઘાતા કૌ મહાસ્ત્રવિશારદૌ વલયરચિતૌ સ્ત્રીવદ્ બાહૂ કૃતૌ ન કિરીટિના ॥

ઉપનતમતિપુણ્યચયૈઃ સંપૂર્ણં રક્ષિતં ચ યત્નેન ।
સંપદિ વિપદિ ત્રાણં ભવતિ નિધાનં ચ મિત્રં ચ ॥

ઉપનદિપુલિને મહાપલાશઃ પવનસમુચ્છલદેકપત્ત્રપાણિઃ ।
દવદહનવિનષ્ટજીવિતાનાં સલિલમિવૈષ દદાતિ પાદપાનામ્ ॥

ઉપનયતિ કપોલે લોલકર્ણપ્રવાલ- ક્ષણમુકુલનિવેશાન્દોલનવ્યાપૃતાનામ્ ।
પરિમલિતહરિદ્રાન્ સંપ્રતિ દ્વાવિડીનાં નવનખપદતિક્તાનાતપઃ સ્વેદબિન્દૂન્ ॥

ઉપનયનવિવાહાવુત્સવૈકપ્રધાનૌ કલિવિભવત એષાં કાલભેદાનભિજ્ઞાઃ ।
વિજહતિ ન કદાચિદ્ વેદપાઠૈકયોગ્યે વયસિ ચ યવનાનીવાચનાભ્યાસમેતે ॥

ઉપનયતિ મસિં પત્ત્રં ચેદં લિખામિ કિમત્ર વા ત્વમિતિ વિનયભ્રંશો યૂયં ત્વિતિ પ્રણયક્ષતિઃ ।
સુહૃદિતિ મૃષા નાથેત્યૂનં નૃપેતિ તટસ્થતા કથમિતિ તતઃ સંદેષ્ટવ્યો મયા યદુનન્દનઃ ॥

ઉપનિષદઃ પરિપીતા ગીતાપિ ન હન્ત મતિપથં નીતા ।
તદપિ ન હા વિધુવદના માનસસદનાદ્ બહિર્યાતિ ॥

ઉપનિહિતહલીષાસાર્ગલદ્વારમારાત્ પરિચકિતપુરન્ધ્રીસારિતાભ્યર્ણભાણ્ડમ્ ।
પવનરયતિરશ્ચીર્વારિધારાઃ પ્રતીચ્છન્ વિશતિ વલિતશૃ ગઃ પામરાગારમુક્ષા ॥

ઉપનીતનીતિનૌકઃ સંસારવિકારવારિવન્યાસુ ।
સત્પુરુષકર્ણધારસ્ તારયતિ જનાન્ બહૂનેકઃ ॥

ઉપનીય કલમકુડવં કથયતિ સભયશ્ચિકિત્સકે હલિકઃ ।
શોણં સોમાર્ધનિભં વધૂસ્તને વ્યાધિમુપજાતમ્ ॥

ઉપનીય પ્રિયમસમય- વિદં ચ મે દગ્ધમાનમપનીય ।
નર્મોપક્રમ એવ ક્ષણદે દૂતીવ ચલિતાસિ ॥

ઉપનીય યન્નિતમ્બે ભુજંગમુચ્ચૈરલમ્બિ વિબુધૈઃ શ્રીઃ ।
એકઃ સ મન્દરગિરિઃ સખિ ગરિમાણં સમુદ્વહતુ ॥

ઉપનેતુમુન્નતિમતેવ દિવં કુચયોર્યુગેન તરસા કલિતામ્ ।
રભસોત્થિતામુપગતઃ સહસા પરિરભ્ય કશ્ચન વધૂમરુધત્ ॥

ઉપપત્તિભિરમ્લાના નોપદેશૈઃ કદર્થિતાઃ ।
સ્વસંવેદનસંવેદ્યસારાઃ સહૃદયોક્તયઃ ॥

ઉપપન્નં નનુ શિવં સપ્તસ્વઙ્ગેષુયસ્ય મે ।
દૈવીનાં માનુષીણાં ચ પ્રતિહર્તા ત્વમાપદામ્ ॥

ઉપપરિસરં ગોદાવર્યાઃ પરિત્યજતાધ્વગાઃ સરણિમપરો માર્ગસ્ તાવદ્ ભવદ્ભિરિહેક્ષ્યતામ્ ।
ઇહ હિ વિહિતો રક્તાશોકઃ કયાપિ હતાશયા ચરણનલિનન્યાસોદઞ્ચન્નવાઙ્કુરકઞ્ચુકઃ ॥

ઉપપ્રદાનં સાન્ત્વં વા ભેદં કાલે ચ વિક્રમમ્ ।
યોગં ચ રક્ષસામ્ શ્રેષ્ઠ તાવુભૌ ચ નયાનયૌ ॥

ઉપપ્રાકારાગ્રં પ્રહિણુ નયને તર્કય મનાગ્ અનાકાશે કોઽયં ગલિતહરિણઃ શીતકિરણઃ ।
સુધાબદ્ધગ્રાસૈરુપવનચકોરૈરનુસૃતાં કિરઞ્ જ્યોત્સ્નામચ્છાં નવલવલપાકપ્રણયિનીમ્ ॥