મહાસુભાષિતસંગ્રહ · શ્લોક 6689-6708

ઉદકે સર્વબીજાનિ સર્વે દેવા હુતાશને ।
કલત્રે સર્વસૌખ્યાનિ સર્વદાનાનિ બ્રાહ્મણે ॥

ઉદક્યાપતિતમ્લેચ્છચાણ્ડાલાદ્યભિભાષણે ।
માર્જારમૂષકસ્પર્શે વિણ્મૂત્રોત્સર્ગદર્શને ॥

ઉદગ્રગોતાવતગોત્રગૌરવો મહારજઃ પૂતભટોત્કટચ્છટઃ ।
સ્વરૂપસમ્પત્તિપરાસ્તમન્મથઃ સ લક્ષ્મણો લક્ષિતલક્ષણોજ્જ્વલઃ ॥

ઉદ મુખો વક્તિ ભષન્નિશીથે દ્વિજોપપીડાં મરણં ગવાં ચ ।
કુમારિકાદૂષણગર્ભપાત- વહ્નીન્ નિશાન્તે શિવદિ મુખઃ સ્યાત્ ॥

ઉદઞ્ચત્કાવેરીલહરિષુ પરિષ્વ ગર ગે લુઠન્તઃ કુહૂકણ્ઠીકણ્ઠીરવરવલવત્રાસિતપ્રોષિતેભાઃ ।
અમી ચૈત્રે મૈત્રાવરુણિ તરુણીકેલિક કેલ્લિમલ્લી- ચલદ્વલ્લીહલ્લીસકસુરભયશ્ચણ્ડિ ચઞ્ચન્તિ વાતાઃ ॥

ઉદઞ્ચત્ક્વણદ્ધુંકૃતિક્વાણચઞ્ચન્- મણીમેખલાદામદૃપ્યન્નિતમ્બા ।
કૃપાપા ગમા ગલ્યપટ્ટાભિષેકૈર્ જગન્મ ગલં જ્વાલપા નઃ સહાયઃ ॥

ઉદઞ્ચદ્ઘર્માંશુદ્યુતિપરિચયોન્નિદ્રબિસિની- ઘનામોદાહૂતભ્રમરભરઝ કારમધુરામ્ ।
અપશ્યત્કાસારશ્રિયમમૃતવર્તિપ્રણયિનીં સુખં જીવત્યન્ધૂદરવિવરવર્તિ પ્લવકુલમ્ ॥

ઉદઞ્ચદ્વક્ષોજદ્વયતટભરક્ષોભિતકટિ સ્ફુરદ્દૃગ્ભ્યાં મન્દીકૃતવિલસદિન્દીવરયુગમ્ ।
સમુદ્યદ્ભ્રૂભ ગં પ્રવિહિતધનુર્ભ ગમનિશં વયસ્તત્ પદ્માક્ષ્યાઃ કથમિવ મનો ન વ્યથયતુ ॥

ઉદઞ્ચન્તાં વાચો મધુરિમધુરીણાઃ ખલુ ન મે ન ચાપ્યુજ્જૃમ્ભન્તાં નવભણિતયો ભ ગિસુભગાઃ ।
ક્ષણં સ્તોત્રવ્યાજાદપિ યદિ ભવન્તં હૃદિ નયે તદાત્મા પાવિત્ર્યં નિયતમિયતૈવાઞ્ચતિ મમ ॥

ઉદઞ્ચન્મઞ્જીરધ્વનિમિલિતકાઞ્ચીકલરવં મિલિન્દાલીગુઞ્જારવસુભગશિઞ્જાનવલયમ્ ।
ગલન્મુક્તાદામસ્તનવિનિહિતસ્વેદકણિકં રતં ધન્યં મન્યે ચલદલકમિન્દીવરદૃશઃ ॥

ઉદઞ્ચય દૃગઞ્ચલં ચલતુ ચઞ્ચરીકોચ્ચયઃ પ્રપઞ્ચય વચઃસુધા શ્રવણપાલિમાલિ ગતુ ।
ભ્રુવં નટય નાગરિ ત્યજતુ મન્મથઃ કાર્મુકં મુખં ચ કુરુ સંમુખં વ્રજતુ લાઘવં ચન્દ્રમાઃ ॥

ઉદઞ્ચય દૃગઞ્ચલં રચય મ ગલં સર્વતશ્ ચિરાય સમુપાગતઃ પુરત એષ તે વલ્લભઃ ।
ઇતિ પ્રિયગિરા શ્રુતીપુલકદન્તુરે કુર્વતી પ્રકશયતિ નો દૃશૌ પ્રિયસખી મૃષાશ કયા ॥

ઉદધિરવધિરુર્વ્યાસ્તં હનૂમાંસ્તતાર નિરવધિ ગગનં ચેત્ત્વાણ્ડકોશે વિલીનમ્ ।
ઇતિ પરિમિતિમન્તો ભાન્તિ સર્વેઽપિ ભાવાઃ સ તુ નિરવધિરેકઃ સજ્જનાનાં વિવેકઃ ॥

ઉદધેરિવ રત્નાનિ તેજાંસીવ વિવસ્વતઃ ।
સ્તુતિભ્યો વ્યતિરિચ્યન્તે દૂરાણિ ચરિતાનિ તે ॥

ઉદન્વચ્છિન્ના ભૂઃ સ ચ નિધિરપાં યોજનશતં સદા પાન્થઃ પૂષા ગગનપરિમાણં કલયતિ ।
ઇતિ પ્રાયો ભાવાઃ સ્ફુરદવધિમુદ્રામુકુલિતાઃ સતાં પ્રજ્ઞોન્મેષઃ પુનરયમસીમા વિજયતે ॥

ઉદન્વાનિવ યોઽક્ષોભ્યો જ્ઞાયતે સંશ્રિતૈઃ પ્રભુઃ ।
કા હ્રીસ્તતોઽન્યા સોઽન્યૈર્યત્ તેષામગ્રેઽભિભૂયતે ॥

ઉદમજ્જિ કૈટભજિતઃ શયનાદ્ અપનિદ્રપાણ્ડુરસરોજરુચા ।
પ્રથમપ્રબુદ્ધનદરાજસુતા- વદનેન્દુનેવ તુહિનદ્યુતિના ॥

ઉદયં પ્રાપ્ય તીક્ષ્ણત્વાદ્ દુષ્પ્રેક્ષ્યત્વમુપેયુષઃ ।
પાદાન્તિકે વસુમતો ન હિ માની નિષીદતિ ॥

ઉદયં સંહતા એવ સંહતા એવ ચ ક્ષયમ્ ।
પ્રયાન્તઃ સ્પૃહણીયત્વં તન્ત્રિણઃ કસ્ય નાગમન્ ॥

ઉદયગિરિગતાયાં પ્રાક્પ્રભાપાણ્ડુતાયામ્ અનુસરતિ નિશીથે શૃ ગમસ્તાચલસ્ય ।
જયતિ કિમપિ તેજઃ સાંપ્રતં વ્યોમમધ્યે સલિલમિવ વિભિન્નં જાહ્નવં યામુનં ચ ॥