મહાસુભાષિતસંગ્રહ · શ્લોક 6629-6648

ઉત્પ્લુત્ય યઃ શિખરિણં મદકુમ્ભિકુમ્ભમ્ ઉદ્ભિદ્ય સાનુશતમાયતમુલ્લલ ઘે ।
પઞ્ચાનનો નિયતયા જરયાભિભૂતઃ સોઽયં કરૌ લિહતિ બૃંહિતલોહિતાક્ષઃ ॥

ઉત્પ્લુત્યા ગૃહકોણતઃ પ્રચલિતાઃ સ્તોકાગ્રજ ઘં તતો વક્રસ્વૈરપદક્રમૈરુપગતાઃ કિંચિચ્ ચલન્તો ગલે ।
ભેકાઃ પૂતિનિપાતિનો મિચિમિચીત્યુન્મીલિતાર્ધેક્ષણા નક્રાકારવિદારિતાનનપુટૈર્નિર્મક્ષિકં કુર્વતે ॥

ઉત્પ્લુત્યારાદર્ધચન્દ્રેણ લૂને વક્ત્રેઽન્યસ્ય ક્રોધદષ્ટોષ્ઠદન્તે ।
સૈન્યૈઃ કણ્ઠચ્છેદલીને કબન્ધાદ્ ભૂયો બિભ્યે વલ્ગતઃ સાસિપાણેઃ ॥

ઉત્ફાલં હેલયૈવ દ્રુતમભિપતતઃ પૂર્વપૃથ્વીધરાગ્રાદ્ ઉચ્ચૈરર્ચિશ્ચપેટાહતિભિરિવ હરેર્ધ્વાન્તદન્તી વિદીર્ણઃ ।
રક્તાઃ કુમ્ભૈર્વિમુક્તા ઇવ સકલદૃશાં વિસ્મયં સંદધાનાઃ સંધ્યાશોણત્વિષસ્તાઃ સપદિ નિપતિતાસ્તારકાસ્તાઃ સમસ્તાઃ ॥

ઉત્ફુલ્લકમલકેસર- પરાગગૌરદ્યુતે મમ હિ ગૌરિ ।
અભિવાઞ્છિતં પ્રસિદ્ધ્યતુ ભગવતિ યુષ્મત્પ્રસાદેન ॥

ઉત્ફુલ્લગલ્લપરિફુલ્લમુખારવિન્દ- સૌગન્ધ્યલુબ્ધમધુપાકુલયા રતાંતે ।
સંભુગ્નપીનકુચચૂચુકયાતિગાઢ- માલિ ગિતો ગિરિજયા ગિરિશઃ પુનાતુ ॥

ઉત્ફુલ્લગલ્લૈરાલાપાઃ ક્રિયન્તે દુર્મુખૈઃ સુખમ્ ।
જાનાતિ હિ પુનઃ સમ્યક્ કવિરેવ કવેઃ શ્રમમ્ ॥

ઉત્ફુલ્લતાપિચ્છમનોરમશ્રીર્ માતુઃ સ્તનન્યસ્તમુખારવિન્દઃ ।
સંચાલયન્ પાદસરોરુહાગ્રં કૃષ્ણઃ કદા યાસ્યતિ દૃક્પથં મે ॥

ઉત્ફુલ્લપ કજનિષક્તલસદ્દ્વિરેફઃ કિંચિદ્વિનિદ્રકુમુદોત્કરસંભૃતશ્રીઃ ।
આમૂલનદ્ધવિવિધાદ્ભુતમાલ્યમાલશ્ ચિત્રં ન કસ્ય તનુતે લલિતસ્તમાલઃ ॥
ઉત્ફુલ્લપ કજવનં દદર્શ વિમલં સરઃ ।
સ્ફાટિકં વનદેવીનામ્ ઇવ વિભ્રમદર્પણમ્ ॥

ઉત્ફુલ્લપદ્મવદનાં દલત્કુવલયેક્ષણામ્ ।
બન્ધૂકકમનીયૌષ્ઠાં મન્દારસ્તબકસ્તનીમ્ ॥

શિરીષસુકુમારા ગીં પઞ્ચપુષ્પમયીમિવ ।
એકમેવ જગજ્જૈત્રીં સ્મરેણ વિહિતામિષુમ્ ॥

ઉત્ફુલ્લમાનસરસીરુહચારુમધ્ય- નિર્યન્મધુવ્રતભરદ્યુતિહારિણીભિઃ ।
રાધાવિલોચનકટાક્ષપરમ્પરાભિર્ દૃષ્ટો હરિસ્તવ સુખાનિ તનોતુ કામમ્ ॥

ઉત્ફુલ્લરમ્ય સહકાર રસાલબન્ધો કૂજત્પિકાવલિનિવાસ તથા વિધેહિ ।
ગુઞ્જદ્ભ્રમદ્ભ્રમરકસ્ત્વયિ બદ્ધતૃષ્ણો નાન્યાન્ પ્રયાતિ પિચુમન્દકરીરવૃક્ષાન્ ॥

ઉત્ફુલ્લસ્થલનલિનીવનાદમુષ્માદ્ ઉદ્ધૂતઃ સરસિજસંભવહ્ પરાગઃ ।
વાત્યાભિર્વિયતિ વિવર્તિતઃ સમન્તાદ્ આધત્તે કનકમયાતપત્રલક્ષ્મીમ્ ॥

ઉત્ફુલ્લા નવમાલિકા મદયતિ ઘ્રાણેન્દ્રિયાહ્લાદિની જાતં ધૂસરમેવ કિંશુકતરોરાશ્યામલં જાલકમ્ ।
આચિન્વન્તિ કદમ્બકાનિ મધુનઃ પાણ્ડૂનિ મત્તાલયઃ સ્ત્રીણાં પીનઘનસ્તનેષુ કણવાન્ સ્વેદઃ કરોત્યાસ્પદમ્ ॥

ઉત્ફુલ્લામલકોમલોત્પલદલશ્યામાય રામામનઃ- કામાય પ્રથમાનનિર્મલગુણગ્રામાય રામાત્મને ।
યોગારૂઢમુનીન્દ્રમાનસસરોહંસાય સંસારવિ- ધ્વંસાય સ્ફુરદોજસે રઘુકુલોત્તંસાય પુંસે નમઃ ॥

ઉત્ફુલ્લાર્જુનસર્જવાસિતવહત્પૌરસ્ત્યઝંઝામરુત્ પ્રે ખોલસ્ખલિતેન્દ્રનીલશકલસ્નિગ્ધામ્બુદશ્રેણયઃ ।
ધારાસિક્તવસુંધરાસુરભયઃ પ્રાપ્તાસ્ત એવાધુના ઘર્મામ્ભોવિગમાગમવ્યતિકરશ્રીવાહિનો વાસરાઃ ॥

ઉત્ફુલ્લૈર્બકુલૈર્લવ ગમુકુલૈઃ શેફાલિકાકુડ્મલૈર્ નીલામ્ભોજકુલૈસ્ તથા વિચિકિલૈઃ ક્રાન્તં ચ કાન્તં ચ યત્ ।
તસ્મિન્ સૌરભધામ્નિ દામ્નિ કિમિદં સૌગન્ધવન્ધ્યં મુધા મધ્યે મુગ્ધ કુસુમ્ભમુમ્ભસિ ભવેન્ નૈવૈષ યુક્તઃ ક્રમઃ ॥

ઉત્સ ગે વા મલિનવસને સૌમ્ય નિક્ષિપ્ય વીણાં મદ્ગોત્રા કં વિરચિતપદં ગેયમુદ્ગાતુકામા ।
તન્ત્રીરાર્દ્રા નયનસલિલૈઃ સારયિત્વા કથંચિદ્ ભૂયોભૂયઃ સ્વયમપિ કૃતાં મૂર્ચ્છનાં વિસ્મરન્તી ॥

ઉત્સ ગૈઃ સૈકતાનાં શકુનિશતપદન્યાસરેખા કિતાનાં જમ્બૂષણ્ડાનિ નદ્યો દધતિ પરિણમલ્લમ્બિલમ્બાલકાનિ ।
યત્તોયાન્દોલદોલઃ પુલકયતિ તનું તીરકસ્તૂરિકૈણ- પ્રક્રાન્તગ્રન્થિપર્ણગ્રસનપરિમલોત્કન્ધરો ગન્ધવાહઃ ॥