મહાસુભાષિતસંગ્રહ · શ્લોક 5365-5384

આવત્સરમહિભીતિર્ ન સ્યાદ્ અસ્ય પ્રભાવેણ ।
શુકનાસાં ચ પિબેદ્ યો જલપિષ્ટાં તસ્ય ભીર્નાસ્તિ ॥

આવયોર્યોધમુખ્યાભ્યાં મદર્થઃ સાધ્યતામિતિ ।
યસ્મિન્ પણઃ પ્રક્રિયતે સ સંધિઃ પુરુષાન્તરઃ ॥

આવર્જિત ઇવ વિનયાદ્ ઈષન્મધુરસ્મિતાનનસરોજઃ ।
અઙ્કાર્પિતકરયુગલઃ કલયતિ વિજ્ઞપ્તિમીક્ષિતો નૃપતેઃ ॥

આવર્જિતા કિંચિદ્ ઇવ સ્તનાભ્યાં વાસો વસાના તરુણાર્કરાગમ્ ।
પર્યાપ્તપુષ્પસ્તબકાવનમ્રા સંચારિણી પલ્લવિની લતેવ ॥

આવર્જિતાલકાલિ શ્વાસોત્કમ્પસ્તનાર્પિતૈકભુજમ્ ।
શયનં રતિવિવશતનોઃ સ્મરામિ શિથિલાંશુકં તસ્યાઃ ॥

આવર્તઃ કકુદે યસ્ય કકુદી સ ઉદાહૃતઃ ।
મુષ્કેણૈકેન યુક્તસ્તુ હયસ્ ત્વેકાણ્ડસંજ્ઞિતઃ ॥

આવર્તઃ સંશયાનામ્ અવિનયભવનં પત્તનં સાહસાનાં દોષાણાં સંનિધાનં કપટશતમયં ક્ષેત્રમપ્રત્યયાનામ્ ।
સ્વર્ગદ્વારસ્ય વિઘ્નં નરકપુરમુખં સર્વમાયાકરણ્ડં સ્ત્રીયન્ત્રં કેન સૃષ્ટં વિષમમૃતમયં પ્રાણિલોકસ્ય પાશઃ ॥

આવર્ત ઇવ તોયસ્ય જ્ઞાનાવર્તો યદાકુલઃ ।
ચિત્તમાસ કૃતાવર્તમ્ ઉપસર્ગઃ સ ઉચ્યતે ॥

આવર્ત એવ નાભિસ્તે નેત્રે નીલસરોરુહે ।
તરઙ્ગા વલયસ્તેન ત્વં લાવણ્યામ્બુવાપિકા ॥

આવર્તશોભા નતનાભિકાન્તેર્ ભઙ્ગ્યો ભ્રુવાં દ્વન્દ્વચરાઃ સ્તનાનામ્ ।
જાતાનિ રૂપાવયવોપમાનાન્ય્ અદૂરવર્તીનિ વિલાસિનીનામ્ ॥

આવર્તિનઃ શુભફલપ્રદશુક્તિયુક્તાઃ સંપન્નદેવમણયો ભૃતરન્ધ્રભાગાઃ ।
અશ્વાઃ પ્યધુર્વસુમતીમતિરોચમાનાસ્ તૂર્ણં પયોધય ઇવોર્મિભિરાપતન્તઃ ॥

આવર્તૈરાતર્પણ- શોભાં ડિણ્ડીરપાણ્ડુરૈર્દધતી ।
ગાયતિ મુખરિતસલિલા પ્રિયસંગમમઙ્ગલં સુરસા ॥

આવર્ત્ય કણ્ઠં સિચયેન સમ્યગ્ આબદ્ધ્ય વક્ષોરુહકુમ્ભયુગ્મમ્ ।
કાસૌ કરાલમ્બિતતૈલપાત્રા મન્દં સમાસીદતિ સુન્દરીં તામ્ ॥

આવર્ત્ય યો મુહુર્મન્ત્રં ધારયેચ્ચ પ્રયત્નતઃ ।
અપ્રયત્નધૃતો મન્ત્રઃ પ્રચલન્નગ્નિવદ્ દહેત્ ॥

આવાચાં વ્યક્તતાયાઃ કવિપદવિષયેષ્વાચચષ્ટે સમન્યો મુક્તાસ્માભિર્ન કોઽપિ સ્મરપદમવનૌ સંસ્તુતઃ સત્યમેતત્ ।
મિથ્યૈતદ્ ભોઃ કથં રે નનુ શતમકૃથાઃ કુન્તલેન્દ્રસ્ય તત્તત્ કાવ્યસ્તોત્રાણિ ધિક્ ત્વાં જડમય ન મનોરેવ મૂર્તિપ્રભેદઃ ॥

આવાતિ સ્ફુટિતપ્રિયઙ્ગુસુરભિર્નીહારવારિચ્છલાત્ સ્વચ્છન્દં કમલાકરેષુ વિકિરન્ પ્રચ્છન્નવહ્નિચ્છટાઃ ।
પ્રાતઃ કુન્દસમૃદ્ધિદર્શનરસપ્રીતિપ્રકર્ષોલ્લસન્ માલાકારવધૂકપોલપુલકસ્થૈર્યક્ષમો મારુતઃ ॥

આવાસઃ કિલકિઞ્ચિતસ્ય દયિતાઃ પાર્શ્વે વિલાસાલસાઃ કર્ણે કોકિલકામિનીકલરવઃ સ્મેરો લતામણ્ડપઃ ।
ગોષ્ઠી સત્કવિભિઃ સમં કતિપયૈર્મુગ્ધાઃ સિતાંશોઃ કરાઃ કેષાંચિત્ સુખયન્તિ ચાત્ર હૃદયં ચૈત્રે વિચિત્રાઃ સ્રજઃ ॥

આવાસઃ ક્રિયતાં ગાઙ્ગે પાપવારિણિ વારિણિ ।
સ્તનમધ્યે તરુણ્યા વા મનોહારિણિ હારિણિ ॥

આવાસેઽસ્મિન્ વિદગ્ધાઃ ક્વચિદપિ ન વિભો નાપિ નિદ્રોપભોગ- યોગ્યત્વં સ્રસ્તરાસ્થા વિલયમુપગતા સંમુખે વિદ્યુદેષા ।
પ્રોદ્યંશ્ચાયં પયોભૃત્ તદિતિ યદિ રુચિર્નૈશવાસેતદાસ્સ્વેત્ય્ ઉક્તઃ પાન્થઃ સુદત્યા હતમદનભયસ્ તત્ર મુગ્ધોઽતિમુગ્ધઃ ॥

આવાસોત્સુકપક્ષિણઃ કલરુતં ક્રામન્તિ વૃક્ષાલયાન્ કાન્તાભાવિવિયોગભીરુરધિકં ક્રન્દત્યયં કાતરઃ ।
ચક્રાહ્વો મધુપાઃ સરોજગહનં ધાવન્ત્યુલૂકો મુદં ધત્તે ચારુણતાંગતો રવિરસાવસ્તાચલં ચુમ્બતિ ॥