મહાસુભાષિતસંગ્રહ · શ્લોક 3403-3422

અવિશ્રામમપાથેયમ્ અનાલમ્ભમદેશકમ્ ।
તમઃકાન્તારમધ્વાનં કથમેકો ગમિષ્યસિ ॥

અવિશ્વસન્ ધૂર્તધુરંધરોઽપિ નરઃ પુરંધ્રીપુરતોઽન્ધ એવ ।
અશેષશિક્ષાકુશલોઽપિ કાકઃ પ્રતાર્યતે કિં ન પિકાઙ્ગનાભિઃ ॥

અવિશ્વસ્તા સ્ત્રિયઃ સર્વા અધમોત્તમમધ્યમાઃ ।
યઃ કશ્ચિદ્ વિશ્વસેત્ તાસાં પશ્ચાત્તાપૈઃ સ દહ્યતે ॥

અવિશ્વાસં સદા તિષ્ઠેત્ સંધિના વિગ્રહેણ ચ ।
દ્વૈધીભાવં સમાશ્રિત્ય પાપે શત્રૌ બલીયસિ ॥

અવિશ્વાસવિધાનાય મહાપાતકહેતવે ।
પિતાપુત્રવિરોધાય હિરણ્યાય નમોઽસ્તુ તે ॥

અવિષં વિષમિત્યાહુર્ બ્રહ્મસ્વં વિષમુચ્યતે ।
વિષં હન્તિ કિલૈકં ચ બ્રહ્મસ્વં પુત્રપૌત્રકમ્ ॥

અવિસંવાદકો દક્ષઃ કૃતજ્ઞો મતિમાનૃજુઃ ।
અપિ સંક્ષીણકોશોઽપિ લભતે પરિવારણમ્ ॥

અવિસંવાદનં દાનં સમયસ્યાવ્યતિક્રમઃ ।
આવર્તયન્તિ ભૂતાનિ સમ્યક્પ્રણિહિતા ચ વાક્ ॥

અવિસૃષ્ટોઽપિ સન્ પ્રાજ્ઞઃ સર્વેણ ચ સમં વ્રજેત્ ।
પ્રવિશેદપ્યનાહૂતસ્ ત્વન્યદા ભર્ત્તુરાજ્ઞયા ॥

અવિસ્મૃતોપકારઃ સ્યાન્ ન કુર્વીત કૃતઘ્નતામ્ ।
હત્વોપકારિણં વિપ્રો નાડીજઙ્ઘમધશ્ચ્યુતઃ ॥

અવીરોઽપિ ચમૂવીરસાહાય્યેન દ્વિષો જયેત્ ।
ચમૂસાહાય્યશૂન્યાનાં જયશ્રીર્વ્યાકુલાયતે ॥

અવૃત્તિં વિનયો હન્તિ હન્ત્યનર્થં પરાક્રમઃ ।
હન્તિ નિતય્ં ક્ષમા ક્રોધમ્ આચારો હન્ત્યલક્ષણમ્ ॥

અવૃત્તિકં ત્યજેદ્ દેશં વૃત્તિં સોપદ્રવાં ત્યજેત્ ।
ત્યજેન્ માયાવિનં મિત્રં ધનં પ્રાણહરં ત્યજેત્ ॥

અવૃત્તિકં પ્રભું ભૃત્યા અપુષ્પં ભ્રમરાસ્તરુમ્ ।
અજલં ચ સરો હંસા મુઞ્ચન્ત્યપિ ચિરોષિતમ્ ॥

અવૃત્તિર્ભયમન્ત્યાનાં મધ્યાનાં મરણાદ્ ભયમ્ ।
ઉત્તમાનાં તુ મર્ત્યાનામ્ અવમાનાત્ પરં ભયમ્ ॥

અવૃત્તિવ્યાધિશોકાર્તાન્ અનુવર્તેત શક્તિતઃ ।
આત્મવત્સતતં પશ્યેદ્ અપિ કીટપિપીલકાઃ ॥

અવેક્શ્ય સ્વાત્માનં વિગુણમપરાનિચ્છતિ તથા ફલત્યેતન્નો ચેદ્ વિલપતિ ન સન્તીહ ગુણિનઃ ।
નિમાર્ષ્ટું શપ્તું વા પરિભવિતુમુદ્યચ્છતિ તતોઽપ્ય્ અહો નીચે રમ્યા સગુણવિજિગીષા વિધિકૃતા ॥

અવેમવ્યાપારાકલનમતુરીસ્પર્શમચિરાદ્ અનુન્મીલત્તન્તુપ્રકરઘટનાયાસમસકૃત્ ।
વિષીદત્પાઞ્ચાલીવિપદપનયૈકપ્રણયિનઃ પટાનાં નિર્માણં પતગપતિકેતોરવતુ નઃ ॥

અવૈતિ તત્ત્વં સદસત્ત્વલક્ષણં વિના વિશેષં વિપરીતરોચનઃ ।
યદૃચ્છયા મત્તવદસ્તચેતનો જનો જિનાનાં વચનાત્ પરાઙ્મુખઃ ॥

અવૈતુ શાસ્ત્રાણિ નરો વિશેષતઃ કરોતુ ચિત્રાણિ તપાંસિ ભાવતઃ ।
અતત્ત્વસંસક્તમનાસ્તથાપિ નો વિમુક્તિસૌખ્યં ગતબાધમશ્નુતે ॥