મહાસુભાષિતસંગ્રહ · શ્લોક 1564-8894

(અનેન યોગરાજેન ધૂપિતામ્બરભૂષણઃ ।
ધૂપિતાઙ્ગસ્ત્રિભુવનં મનુજઃ કુરુતે વશમ્ ॥)

કર્પૂર ઇવ દગ્ધોપિ શક્તિમાન્ યો જને જને ।
નમોઽસ્ત્વવાર્યવીર્યાય તસ્મૈ મકરકેતવે ॥

કર્પૂરગૌરં કરુણાવતારં સંસારસારં ભુજગેન્દ્રહારમ્ ।
સદા વસન્તં હૃદયારવિન્દે ભવં ભવાનીસહિતં નમામિ ॥

કર્પૂરચન્દનરજો ધવલં વહન્તીમ્ આશ્યાનચન્દનવિલેપનમઙ્ગમઙ્ગમ્ ।
અન્તર્ગતસ્ય દહતી મહતઃ સ્મરાગ્નેર્ દગ્ધસ્ય સંક્ષયવશાદિવ ભસ્મશેષમ્ ॥

કર્પૂરદ્રવશીકરોત્કરમહાનીહારમગ્નામિવ પ્રત્યગ્રામૃતફેનપઙ્કપટલીલેપોપદિગ્ધામિવ ।
સ્વચ્છૈકસ્ફટિકાશ્મવેશ્મજઠરક્ષિપ્તામિવ ક્ષ્મામિમાં કુર્વન્ પાર્વણશર્વરીપતિરસાવુદ્દામમુદ્દ્યોતતે ॥

કર્પૂરધૂલિધવલદ્યુતિપૂરધૌત- દિઙ્મણ્ડલે શિશિરરોચિષિ તસ્ય યૂનઃ ।
લીલાશિરોંઽશુકનિવેશવિશેષકૢપ્તિ- વ્યક્તસ્તનોન્નતિરભૂન્નયનાવનૌ સા ॥
કર્પૂરધૂલીરચિતાલવાલઃ કસ્તૂરિકાકલ્પિતદોહદશ્રીઃ ।
હિમામ્બુપૂરૈરભિષિચ્યમાનઃ પ્રાઞ્ચં ગુણં મુઞ્ચતિ કિં પલાણ્ડુઃ ॥

કર્પૂરધૂલીરચિતાલવાલઃ કસ્તૂરિકાકુઙ્કુમલિપ્તદેહઃ ।
સુવર્ણકુમ્ભૈઃ પરિષિચ્યમાનો નિજં ગુણં મુઞ્ચતિ કિં પલાણ્ડુઃ ॥

કર્પૂરન્તકિ કેતકન્તકિ શરદ્રાકાશશાઙ્કન્તકિ શ્રીચન્દ્રન્તકિ ચન્દનન્તકિ સુધાસારાચ્છપૂરન્તકિ ।
કૈલાસન્તકિ દુગ્ધસાગરલસત્સ્વચ્છાચ્છદુન્ધન્તકિ શ્રીશમ્ભુન્તકિ કીર્તયસ્ તવ વિભો દર્વીકરેન્દ્રન્તકિ ॥

કર્પૂરન્તિ સુધાદ્રવન્તિ કમલાહાસન્તિ હંસન્તિ ચ પ્રાલેયન્તિ હિમાલયન્તિ કરકાસારન્તિ હારન્તિ ચ ।
ત્રૈલોક્યાઙ્ગનરઙ્ગલઙ્ઘિમગતિપ્રાગલ્ભ્યસંભાવિત્ આઃ શીતાંશોઃ કિરણચ્છટા ઇવ જયન્ત્યેતર્હિ તત્કીર્તયઃ ॥

કર્પૂરપૂરચ્છવિવાદવિદ્યા- સંવાવદૂકદ્યુતિશુક્તિતામ્રે ।
ઇન્દૌ નૃપદ્વેષિ તમોવિતાનં સૂર્યોદયે રોદિતિ ચક્રવાકી ॥

કર્પૂરપૂરતુલનાં કલયન્તિ કીર્તેઃ શ્રીરામચન્દ્ર તવ યત્ કવયઃ કથં તત્ ।
ત્વદ્વૈરિણામતિતરામપકીર્તિતોઽસ્યાઃ સ્યાદ્ ધૂસરત્વમિતિ તત્ર વયં પ્રતીમઃ ॥

કર્પૂરપ્રતિપન્થિનો હિમગિરિગ્રાવાગ્રસંઘર્ષિણઃ ક્ષીરામ્ભોનિધિમધ્યગર્ભજયિનો ગઙ્ગૌઘસર્વંકષાઃ ।
સ્વચ્છન્દં હરિચન્દનદ્યુતિતુદઃ કુન્દેન્દુસંવાદિનસ્ તસ્યાસન્નરવિન્દકન્દરુચયોઽનેકે ગુણાઃ કેચન ॥

કર્પૂરભલ્લાતકશઙ્ખચૂર્ણં ક્ષારો યવાનાં સમનઃશિલશ્ચ ।
તૈલં વિપક્વં હરિતાલમિશ્રં નિર્મૂલલોમાનિ કરોતિ સદ્યઃ ॥

કર્પૂરમિશ્રસેહુણ્ડદુગ્ધલેપેન જાયતે ।
શેફસો મહતી વૃદ્ધિઃ કઠિનસ્ત્રીસુખાવહા ॥

કર્પૂરમિશ્રેણ ચ કણ્ટકારી- બીજોદ્ભવેનૈવ રસેન લિપ્તમ્ ।
લિઙ્ગં રતે દ્રાવકરં વધૂનાં સંજાયતેઽત્યન્તસુખાવહં ચ ॥

કર્પૂર રે પરિમલસ્ તવ મર્દિતસ્ય શ્રીખણ્ડ રે પરિમલસ્ તવ ઘર્ષિતસ્ય ।
રે કાકતુણ્ડ તવ વહ્નિગતસ્ય ગન્ધઃ કસ્તૂરિકા સ્વયમથાધિતગન્ધદૃષ્ટા ॥

કર્પૂરવર્તિરિવ લોચનતાપહન્ત્રી ફુલ્લામ્બુજસ્રગિવ કણ્ઠસુખૈકહેતુઃ ।
ચેતશ્ચમત્કૃતિપદં કવિતેવ રમ્યા નમ્યા નરીભિરમરીવ હિ સા વિરેજે ॥

કર્પૂરાદપિ કૈરવાદપિ દલત્કુન્દાદપિ સ્વર્ણદી- કલ્લોલાદપિ કેતકાદપિ લલત્કાન્તાદૃગન્તાદપિ ।
દૂરોન્મુક્તકલઙ્કશંકરશિરઃશીતાંશુખણ્ડાદપિ શ્વેતાભિસ્ તવ કીર્તિભિર્ધવલિતા સપ્તાર્ણવા મેદિની ॥

કર્પૂરામ્બુનિષેકભાજિ સરસૈરમ્ભોજિનીનાં દલૈર્ આસ્તીર્ણેઽપિ વિવર્તમાનવપુષોઃ સ્રસ્તસ્રજિ સ્રસ્તરે ।
મન્દોન્મેષદૃશેઃ કિમન્યદભવત્સા કાપ્યવસ્થા તયોર્ યસ્યાં ચન્દનચન્દ્રચમ્પકદલશ્રેણ્યાદિ વહ્નીયતે ॥

કર્પૂરાયિતસૈકતાય શિશિરક્ષોદાયમાનાતપ- વ્યૂહાય વ્યજનાનિલાયિતમહાઝઞ્ઝામરુદ્રંહસે ।
અસ્મૈ તન્વિ નિદાઘવાસરવયોમધ્યાભિસારક્રમો- ત્સાહાત્યુત્સવસાહસાય મહતે સૌહાર્દમીહામહે ॥